ليه بالله ياخرطوم تزيدى على همومى هموم
جيتك عشمى القى مناى وافرح فى الزمان الشوم
لكن واخيبة الغناى عرفت على الطبيعة اليوم
انك اعمق البلدان وباطنك خافى مامعلوم
بتوهبى لى اناس بى عينها مابتدى الحكاية عموم
بتبخلى بى دقايق الصنعة على البيجيك وفيك يحوم
وانا الكايس وراك ارزاق اديت كل فروض الصوم
افتش فى الوظائف اتوه اوزع فى الورق بالكوم
واضرب فى الخطوط مشغولة ومشغولين معاها البوم
ناس عريانة من اخلاقها مهما يكون عليها هدوم
تنافق والكضب راس مالها وتبرع فى فنون العوم
لكن برضه ارجع افكر والقى فؤادى فيك يروم
يدورك تبقى ليه المرسى منغير زعل اولوم
لانك رغم كل مافيك اجمل درة ياخرطوم
العطالة ومشاكلها قصيدة
المشرف: بانه
-
- مشاركات: 74
- اشترك في: الاثنين 2009.8.17 2:08 pm
- مكان: كسلا
رد: العطالة ومشاكلها قصيدة
ما شاء الله اول مشاركة وبالشكل دى
رد: العطالة ومشاكلها قصيدة
مهند الطاهر على حيدوب كتب:ليه بالله ياخرطوم تزيدى على همومى هموم
جيتك عشمى القى مناى وافرح فى الزمان الشوم
لكن واخيبة الغناى عرفت على الطبيعة اليوم
انك اعمق البلدان وباطنك خافى مامعلوم
بتوهبى لى اناس بى عينها مابتدى الحكاية عموم
بتبخلى بى دقايق الصنعة على البيجيك وفيك يحوم
وانا الكايس وراك ارزاق اديت كل فروض الصوم
افتش فى الوظائف اتوه اوزع فى الورق بالكوم
واضرب فى الخطوط مشغولة ومشغولين معاها البوم
ناس عريانة من اخلاقها مهما يكون عليها هدوم
تنافق والكضب راس مالها وتبرع فى فنون العوم
لكن برضه ارجع افكر والقى فؤادى فيك يروم
يدورك تبقى ليه المرسى منغير زعل اولوم
لانك رغم كل مافيك اجمل درة ياخرطوم
مافى اى كلام ياهنووودددددددى
وروعة حقيقية وشغل مسبك جد جد
بس اول مرة نشوفك
كدى اول حاجة شرف منتدى الترحيب بالاعضاء الجدد
وروعة حقيقية وشغل مسبك جد جد
بس اول مرة نشوفك
كدى اول حاجة شرف منتدى الترحيب بالاعضاء الجدد
- ملاك الورد
- مشاركات: 5979
- اشترك في: الجمعة 2009.5.29 3:26 pm
- مكان: السودان الحنون
رد: العطالة ومشاكلها قصيدة
لأنك رغم كل ما فيك اجمل دره يالخرطوم
وده هو الكلام الصح
مشكوووووووور
وده هو الكلام الصح
مشكوووووووور
-
- مشاركات: 74
- اشترك في: الاثنين 2009.8.17 2:08 pm
- مكان: كسلا
رد: العطالة ومشاكلها قصيدة
الناس الحلوة اللى ردت عليا بشكرها كلها ولانى كنت ناسى كلمة مرورى ماقترتش ارد عليهم واضيف لكم بيتين فى القصيدة كنت والله نسيتهم
بعد البيت تنافق والكضب راس مالها
وانا اللو بايدى حق الفيتو اديك دعوة المظلوم
واعمل فيكى زى ماداير انشا الله القيامة تقوم
بعد البيت تنافق والكضب راس مالها
وانا اللو بايدى حق الفيتو اديك دعوة المظلوم
واعمل فيكى زى ماداير انشا الله القيامة تقوم
-
- مشاركات: 74
- اشترك في: الاثنين 2009.8.17 2:08 pm
- مكان: كسلا
دهب العبيدية
رأيكم شنو نعمل مسابقة بالدوبيت نوصف فيها حال الشباب السودانى والناس الطشت تفتش للدهب فى الشمالية بالله دى حالة بلد بتبيع بترول وعندها نيل حلتنا كبيرا وصغيرا يتكلمو بى حال الناس الاتغير بعد مالقو دهب العبيدية اها نبدا المجادعة مين يزود
الناس اتجننت مشت العبيدية
باعت كل بيوتها وعاقدة للنية
تجيب عجل اليهود وتمرقه زندية
من سابع الاراضى تقسمو وقية
الناس اتجننت مشت العبيدية
باعت كل بيوتها وعاقدة للنية
تجيب عجل اليهود وتمرقه زندية
من سابع الاراضى تقسمو وقية