فضيحة الطيارة السعودية.......

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
صورة العضو الرمزية
قمر السودان
مشاركات: 25
اشترك في: الأربعاء 2006.12.6 5:57 pm
مكان: في السعودية و قلبي في السودان

فضيحة الطيارة السعودية.......

مشاركة بواسطة قمر السودان »

[grade="00BFFF 4169E1 0000FF"]يا جماعة انا شفتا عجائب كتير بس زي المهزله الحصلت في الطيارة الكنا مسافرين بيها دي مافي
الحصل انو احنا راكبين في الفرست كلاس و بدل ما يجيبو لينا المنيو بتاع الاكل اتفاجئنا انهم جايبين لينا فول هو ما كان فول حقيقة كان مويه فول وطماطم مطروب بالخلاط و خاتينو في الوش يعني حاجة تطمم البطن
ده احنا ناس الفرست كلاس امال ناس السياحية عملو فيهم شنو؟؟؟؟
انا عايزة اعرف هو ده احتقار لينا ولا كيييييييييف؟؟؟؟؟؟؟؟؟[/grade]
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: فضيحة الطيارة السعودية.......

مشاركة بواسطة سودانى معذب »

اللهم لا شماته السودانية مالها على الاقل الفول معاه زيت سمسم
صورة العضو الرمزية
هدندوية مية المية
مشاركات: 349
اشترك في: الجمعة 2007.1.12 6:38 pm
مكان: الامارات

رد: فضيحة الطيارة السعودية.......

مشاركة بواسطة هدندوية مية المية »

يا جماعة الله لا سفركم بالسودانية
القعده القعدناها في مطار ابوظبي يوم كامل
دي انا اصلو ما بنساها
الله لا سفرنه بيها تاني اخير لينا القطرية ولا الخليجية
متين حتنتظم الرحلات متين متين
ـــــــــــــــــــــــــــــــــــــــــــــــــــــــــــــــــــــ
انا الحمد للله عشاهم ما جربتوا 00 لكن من الغدا والفطور
اتفاءلته خير 00 اللي يستر
مرقوهم من مطار ابوظبي 00 فضل يلغوا رحلاتم من الامارات زاته
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: فضيحة الطيارة السعودية.......

مشاركة بواسطة sarona »

في سعي حثيث لتطوير الخدمات على متن الخطوط السودانية....

ونأمل ان تلقى الجهود المبذولة بعض الرضا ....

خاصة مع زيادة عدد الطائرات ...والعمل على تحسين الخدمة على متنها....

ونأمل انهم يقدرو على محو الصورة السية من اذهان الجميع ....

عارفة يا قمر السودان المشكلة ان الناس الموجودة على الفرست كلاس ح يكونو ...

تعاملو مع الموقف بدون ابداء أي اعتراض رسمي....

زي ما بيحصل عند تأخير الاقلاع من قبل الشركة .....والمسافرين ما بيطالبو بنقلهم

لفندق وده ابسط حق ...متاح ليهم في موقف زي ده ....

(وده يعتبر في حد ذاته قبول للموقف من وجهة نظر ادارة سودانير وبالتلي ممكن يتكرر......)


عزيزتي تقبلي مروري
صورة العضو الرمزية
قمر السودان
مشاركات: 25
اشترك في: الأربعاء 2006.12.6 5:57 pm
مكان: في السعودية و قلبي في السودان

رد: فضيحة الطيارة السعودية.......

مشاركة بواسطة قمر السودان »

شكرا للجميع على المرور بس انا بتكلم عن الطيارة السعودية ما السودانية على قول سوداني معذب اخير السودانية الفول فيهو زيت سمسمسمسمسمسمسمسمسم معليش علقتا
ههههههههههه
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

رد: فضيحة الطيارة السعودية.......

مشاركة بواسطة جذاب وما كذاب »

يا اخوانا انا لي اسبوع بمر بالبوست ده
اموووووووووووووووت وافهم الموضوع شنو ؟؟ :004:

يعني انا شايف العنوان بس وشايف الردود ما شايف الموضوع

يا ربي تكون نضارتي كعبه ولا حاجه ؟؟؟؟؟يمكن:079:
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: فضيحة الطيارة السعودية.......

مشاركة بواسطة سودانى معذب »

جذاب الليلة شكلك كده بقيت كذاب الموضوع واضح ماداير ليهو نضارة قمر السودان زعلانة من الخطوط السعودية
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: فضيحة الطيارة السعودية.......

مشاركة بواسطة sunni »

أختنا قمر الزمان،،، لا يغير الله ما بقوم حتى يغيروا ما بأنفسهم...... ورحم الله الفقير ود تكتوك لما قال (كل يا كمي قبال فمي). يعني من هانت عليه نفسه هان هوانه على الناس،،، ونحن قوم لا بنضع لنفسنا قيمة، ولا بنطالب بي حقوقنا..... وصدقوني،، لو أصرينا على حقوقنا، بس بي معرفة ومنطق، مش بي رجالة وهيجة، الناس بتخت لينا المكانة.


تخريمة،
مرة الطيارة السودانية تأخرت لمدة 18 ساعة،، والجماعة المنتظرين فيهم بعض السودانيين الجايين من الأقاليم وراجعين لأهلهم للإجازة،، ومافي زول قال ليهم الطيارة بتجي متين،،، والجماعة جااااااعو. أول ما قامت الطيارة،، صاحبنا كان جيعاااان، وجابو ليهم شية كااااربة. صاحبنا الوجبة ما كفتوا،،طلب من المضيفة صحن شية تاني (مش وجبة كاملة)... تعروف المضيفة قالت شنو ؟؟؟
شنو يا أخينا،،، قالوا ليك نحن ضابحين
(كرم وبشاشة المضيفين في السودانية لا مثيل له)
farouk halfa noobi
مشاركات: 49
اشترك في: السبت 2007.6.2 5:10 pm
مكان: السعودية

رد: فضيحة الطيارة السعودية.......

مشاركة بواسطة farouk halfa noobi »

عندي حكاية مع الطيارة السودانية
جـات الاجازة والشركة التي أعمل بها حجزت لي في الطائرة السعودية يوم الجمعة لأنو ما لقوا لي حجز يوم الأربعاء بإعتبار اجازتي بدأت من يوم الابعاء وبما انني مشتاق لأمي كثيراً قلت ملعون أبو القروش شوفة أمي أخير لي من قروش الدنيا كلها سألت عن طيران آخر قالو لي الطائرة السودانية تقوم يوم الاربعاء الساعة الثالثة ظهراً - رحت طيران افـتش لمكتب الحجز لقيت واحد هندي (كيرلاوي) يعمل موظف حجز في السودانية كأنه السودانيين كملوا - طيب لو قلنا إنو السوداني كسلان زي ما قالوا الآخرين وما بيشتغل وعشان كدة شغلوا الهندي - الطيارة السودانية ما لها كمان والأحسن يجيبوا طيارة هندية عشان الموضوع يكمل - المهم دفعت 50 ريال زيادة عشان القى لي تذكرة في طيارة الأربعاء وبالفعل وجدت مقعداً في تلك الطائرة وحزمت عفشي وذهبت إلى المطار الساعة اثنا عشر ظهراً حسبما ما قالو لي وكنت أنا أول واحد في صف العفش والناس التانيين جم وراي والصالة امتلأت بالمسافرين ولكن موظف السودانية لم يحضر حتى الساعة الثاثة ظهرا موعد اقلاع الطائرة وظللنا محتارين نتلفت ذات اليمين وذات اليسار ولكن لا حياة لمن تنادي وظلنا هكذا حتى الساعة الثانية عشرة ليلاً - اكرمنا الله بمدير سعودي وسألنا لماذا انتم هنا قلنا له نحن ركاب الطائرة السودانية التي لا نعرف عنها شيئاً ولم يحضر إلينا أي موظف سوداني ليخبرنا الحاصل فرفع جهاز الهاتف الذي في يده واتصل وقال لهم أحضروا لي مسئول الطائرة السودانية فوراً وبعد دقائق حضر اليه شخص لا ندري أين كان مختبئاً فقال له المسئول السعودي أرجو منك اخلاء هذا المكان فوراً إما بأخذ هؤلاء المسافرين إلى أي فندق أو تأجير طائرة خاصة لهم والطائرات موجودة وعلى قفا من يشيل - فاعتذر له مدير السودانية ولم يعتذر لنا نحن أصحاب الوجعة بل نظر الينا نظرة تعالي وكبرياء وبعد قليل قالوا لنا سنستلم منكم العفش ثم سنذهب بكم إلى فندق الدار البضاء في جدة وبالفعل استلموا العفش وذهبنا إلى فندق الدار البيضاء بالحافلات الحمراء الصغيرة (ابو ريالين) ووصلنا إلى فندق الدار البيضاء وطبعاً لم نكن متغدين ولا متعشين وقلنا لهم ذلك فأحضروا لنا عشاء يا ليتهم لم يحضروه تذكرت حكاية الثعلب وطائر الكركي أو طائر أبو مركوب عن العزومة المتبادلة بينهما عندما أحضر أبو مركوب للثعلب أكلاً داخل قلة ولم يستطع الثعلب ادخال فمه والوصول الى الأكل فقام الثعلب بعمل مقلب مماثل في ابو مركوب واتي له بأكل في صحن مفلطح ولم يستطع أبو مركوب تناول الأكل - هذا ما تذكرته. ناس ما متغدين ولا متعشين جابو لينا قطعة طعمية واحدة مع حبتين زيتون اسود وذلك الخبز المدور لا يزيد عن لقمتين فقط اكلاناها وتمينا الباقي موية صفراء صر .. تذكرت حديث رسولنا الكريم صلى الله عليه وسلم (بحسب ابن ادم لقيمات يقمن صلبه) وما كدنا نكمل هذه الوليمة حتى نادى منادي من الخطوط السودانية يا جماعة الطيارة السودانية وصلت حنرجعكم المطار الفرحة بوصول الطائرة أنسانا قلة الوجبة الخالية الدسم وكانت الساعة الثانية صباحاً وصلنا المطار وادخلونا مباشرة في صالة السفر أي الخروج إلى الطائرة وظللنا جالسين حتى صبيحة يوم الخميس الساعة العاشرة صباحاً ولم يسأل علينا أحد إلى أن جاء المسئول السعودي نفسه وقال لنا ألم تسافروا بعد فقلنا له القدم ليه رافع ثم ذهب وعاد الينا ومعه مسئول الطائرة السودانية وقالوا لنا لطائرة جاهزة وبالفعل وبالاختصار دخلنا الطيارة السودانية وجلس كل منا في أي مقعد وليس بالأرقام لأن الموضوع من بدايته ملخبط وجاءت المضيفة واحدة علي اليمن وواحدة علي اليسار وبعد الشرح وربط الأحزمة - الحمد لله الذي سخر لنا هذا وما كنا له مقرنين وأنا أقرأ آية الكرسي - انطلقت الطائرة مندفعة إلى الأمام بسرعة لتطير إلى عنان السماء وما أن ارتفعت عن الأرض وبدأت في الاستعدال حتى سمعنا صوت انفجار لا ندري من أين ولكن انطفأة الأنوار وتوقفت المكيفات ونحن ننظر في الظلام من حولنا فلا نرى شيئاً والعرق يتصبب منا ولا ندري عن المكتوب بدأت همهمات بسيطة ثم تعالت الأصوات يا جماعة الحاصل شنو فما كان من الكابتن إلا أن قال نسبة لحدوث عطل فني سنعود بكم إلى أرض المطار أي مطار مطار السعودية يبدو اننا سوف لن نخرج من السعودية ومن دوامة الاغتراب ،عند ذلك بدأ الصياح يرتفع وبعض النسوة بدأن في العويل بأعلى صوت لديهن لم أرى في حياتي نحيباً بهذه الطريقة مع انني حضرت في حياتي مختلف المناسبات فرحاً او ترحاً ولم يستطع الأزواج المساكين كبح جماحهن من البكاء بصوت مرتفع مع بعض التعبيرات الغريـبة(يبدو أن هذا الأمر ايضاً من إفرازات الغربة ) فجأة وجدن الحرية المطلقة للتعبير عما في دواخلهن بطريقة تختلف عن المألوف برفع اصواتهم إلى عنان السماء وهن أصلاً قريبات من السماء والأطفال حدث ولا حرج كانوا يبكون من منظر امهاتهن المرعب- المهم ظلت الطائرة ولمدة ساعة كاملة تحلق في سماء جدة دون الهبوط مما جعل التعليقات تظهر علناً فهناك من يقول أن هذه الطائرة ستقع ويريدون أن ينزلوها في البحر حتى تكون الخسائر قليلة - وهناك من يقول ان هذه الطائرة ستنفجر وهم يحاولون افراغ البنزين الذي فيها (النافثا) حتى لا نموت حرقاً - لا أطول عليكم كنا في حالة يرثى لها فنحن جميعاً أقرب إلى الموت منه إلى الحياة - نزلت الطائرة على أرض المطار وتنفسنا الصعداء ، وخرج جميع الركاب إلى الصالة ولكني لاحظت أن معظم الركاب خرجوا نهائياً من المطار وعادوا لى منازهم وتم الغاء اجازاتهم وقالوا أنهم سوف لن يسافروا إلى السودان مرة أخرى - أخوكم ايمانه قوي وقلت الموت واحد فمهما هربنا من الموت فهو سيدركنا ولو كنا في بروج مشيدة سألت ومعي قليل من الركاب متى سنسافر الى السودان فقالوا لنا عندما يتم اصلاح الطائرة وبالفعل تم اصلاح الطائرة وكانت جاهزة للإقلاع تما م الساعة الخامسة صباحاً يوم الجمعة ، تذكروا انني كنت حاجز للسفر بالطائرة السعودية يوم الجمعة وقلت عشان انا مشتاق لي أمي أسافر يوم الأربعاء ولكن مشئية الله - إلى هنا لم تنتهي الحدوتة أقلعت الطائرة ويبدو أن الكابتن نفسه كان زهجان من الموقف الحصل فأراد أن يوصلنا بأسرع ما يمكن وحقيقة عندما ذهبت إلى الحمام بعد فك الأحزمة لم استطع الدخول إلى الحمام حيث أن الجزء الخلفي للطائرة كان يرتج وكأنه ليس جزءاً من الطائرة وتذكرت قطر كريمة عندما يكون في أقصى سرعة له بين الخرطوم وعطبرة وخليوة -عدت ولم أدخل الحمام وجلست في مقعدي وبالفعل وصلنا في زمن قياسي فقط ساعة وخمسة دقائق وصلنا الى مطار الخرطوم (اختصر الكابتن خمسة وعشرين دقيقة من الزمن الفعلي) وذهبنا إلى سير العفش وكان الركاب القليلون يلتفون حول سير العفش ولكن أحداً منا أو منهم لم يأخذ ولو شنطة واحدة لدرجة أن السير امتلأ بالعفش فجاء العمال وأنزلوا العفش وبقينا نعاين لبعضنا يا جماعة الخير.. العفش وينو - فأنبرى أحمد عمال السودانية وقال لنا العفش بتاعكم جايي في الطائرة القادمة فقلنا له ..والعفش النزلتوا دة حق منو - قال لينا دة حق ناس جو في طيارة قبالكم - طيب نحن المطلوب مننا شنو - أمشوا وتعالوا الساعة أربعة عصراً . اعزائي القصة لم تنتهي إذا أردتم سأكملها لكم .. والبقية تأتي . ودمتم . فاروق حلفا نوبي..
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: فضيحة الطيارة السعودية.......

مشاركة بواسطة ابراهيم الجيو »

كلام عجيب,,,, وبالذات في الطائرة السعودية,,,ووين فرست كلاس,,, عموماً الطائرة السودانية الآن تختلف عن ماضيها كثيراً من جميع النواحي,,, سواءً في المواعيد أو الخدمات بإستثناء بعض الفوضى التي تحصل عند وزن العفش والمهاترات بين المسافر والموظف,, الكلام واضح في التذكرة لا يزيد وزن العفش عن (40) كيلو,,, وغالبية الناس بيجوا زيادة عن المطلوب ويبدوؤأ في المهاترات,,,

عموما حنعمل إن شاء الله بوست قريب مخصص لـ (سودانير) وممكن أطلعهم عليه,, بحكم قربي منه,,


قمر السودان,,, كل ودي.
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: فضيحة الطيارة السعودية.......

مشاركة بواسطة sarona »

مسلسل خدع الطيارة السودانية لا ينتهي ....
قلة بل عدم احترام الراكب لا يوصف ....بهدلة لا مثيل لها
حاولت اقنع نفسي ان التغيرات الجديدة ح يكون ليها اثر ولكن للاسف الشديد....
في قرارت نفسي استحالة في يوم اسافر بيها على الاقل احترام لنفسي.....


القصص عبرها اقرب للخيال ....

لن يتغير رأي السوداني فيها ملم يتغيرو جزريا....

سال مسافر موظف استعلامات المطار عن موعد الطيارة السودانية ( قال ليه دي ستهم تروح وتجي على كيفها ما حدش يسألها )


ابراهيم الجيو : الطيارة السودانية ما محتاجة لدفاع هي دايما بتحكي عن نفسها بجدارة والراكب شاهد
والله الموظفين فيها لو ما عشان التزاكر كا يركبوها

.
.
farouk halfa noobi
مشاركات: 49
اشترك في: السبت 2007.6.2 5:10 pm
مكان: السعودية

رد: فضيحة الطيارة السعودية.......

مشاركة بواسطة farouk halfa noobi »

الأخ ابراهيم الجيو.. والأخت سارونا .. تحياتي لكم وأود أن أوضح بأن ما كتبته عن الطائرة السودانية حقيقة وليس خيالاً .. وموجود معي بجدة أكثر من شخص كانوا معي في نفس الطائرة .. الكلام المكتوب حصل بالضبط كما هو دون أي زيادة.. وللأسف معظم السودانيين يعتبرون أن المكان الذي يعملون فيه هو ملك لهم .. ويتصرفون على هذا الأساس .. لا أدري متى تتغير هذه النظرة الضيقة .. وشكراً
farouk halfa noobi
مشاركات: 49
اشترك في: السبت 2007.6.2 5:10 pm
مكان: السعودية

موضوع جديد : هل السوداني يعتبر الملكية العامة ملكية خاصة

مشاركة بواسطة farouk halfa noobi »

الإخوة والأخوات في المنتدي : هذا الموضوع مهم جداً لأنه يمسنا في صميم حياتنا ، وأرجو من الجميع المشاركة فيه بآراءهم .. وسأبدأ بمقولة : (( من أخذ الأجر حاسبه الله بالعمل )) .. لاحظت ويلاحظ الكثيرون غيري أن الكثيرين من المسئولين أو الموظفين في الأماكن التي لها صلة بالجمهور .. يتعامل مع الناس بعنجهية وتكبر ولا مبالاة وعدم تقدير أو احترام ..وكأنها ملكية خاصة به .. مع أنه كان من المفترض غير ذلك .. فمثلاً هذا الشخص المسئول أياً كان نوعه .. تم توظيفه في هذا المكان لخدمة مجتمعه أناساً كانوا أو غير ذلك والمفروض أن يتعامل بكل أدب واحترام للآخرين على الأقل في حدود الوظيفة التي يقوم بها وهو يأخذ أجراً على ما يقوم به .. ناهيك عن أنه سيأخذ أجراً اضافياً آخر من الله إذا ما أحسن المعاملة مع الآخرين فهو في كل الحالات رابح ، ولكن مع الأسف لا أحد يعطي هذا الأمر أهمية .
ففي البداية يكون هذا الشخص عاطلاً ويبحث عن عمل وبعد العذاب والمعاناة يجد الوظيفة وبمجرد أن استلم الوظيفة يقوم بتعذيب الآخرين ويتلذذ ويتفنن في التعذيب بل ويخترع ..ويقترح أساليب للتضيق على المواطنين المساكين.. كل فئة تعذب الأخرى ..لا أدري هل انهارت الاخلاقيات السودانية وهل نحن في حاجة لتربية وتعليم جديدة ..؟؟!!. الأمثلة كثيرة في كل القطاعات .. إذهب إلى أي مكان تطلب فيه خدمة وأنظر كيف يكون التعامل معك .. مع أن هذه الخدمات واجبة على الطرف الآخر !!! وشكراً
صورة العضو الرمزية
الخال
مشاركات: 231
اشترك في: الجمعة 2007.6.8 7:00 pm
مكان: india

رد: فضيحة الطيارة السعودية.......

مشاركة بواسطة الخال »

ياقمر السودان :

من خلال كلامك يبدو انت بت عذ ومرتااااااااااااااااحه ..........والناس المرتاحين ديل لما يجيبو ليهم حاجه ذى الفول ده ، بيعتبروها فلكور وبكونوا مشتاقين ليها لانهم ماجربوها قريب وبفرحوا بيها شديد ......واكيد ...اكيد بكون جايو للناس البروتاريه دجاج مشوى لانهم برضو مشتاقين ليه ......

انا ماعارف انت ذعلانه ليه ؟؟؟؟؟؟؟؟؟؟؟؟؟؟؟



********************************************************************
ناس بتمشى سنين طوييييييييييله ........ وناس بدون ماتمشى توصل !!!!!!!!!!!!!
صورة العضو الرمزية
بنت بلادها
مشاركات: 108
اشترك في: الجمعة 2007.6.29 12:43 pm
مكان: الامارات* *دبي

رد: فضيحة الطيارة السعودية.......

مشاركة بواسطة بنت بلادها »

دا و
اكبر حقارة أنهم شالو الايروست
اول شيء المضيفات محترمات
والوجب تاعت الغد بالشكل التالي

اول شيء المضيفة تجي وتقول
شاي لوعايز
وأنت حر
بعدين تجيب الي في الصحن ولو لاحت للصحن
ما نقطة شاي مسكوية في
بعدين المقبلات
بعدين الوجبة الرئسية
بعدين التحلية
ووجبة الفراغ تاكون من
يسكوت أعلي جودة
كوب عصير أو حليب علي حسب ما عاورز
بس الطيارة السعودية
حدث ولا حرج صحبتي سافرت بيها و ما أقول أقول
تلعن فيها منأأصبحت
عسولة وبس
مشاركات: 57
اشترك في: الجمعة 2007.6.22 1:48 pm
مكان: سلطنة عمان

رد: فضيحة الطيارة السعودية.......

مشاركة بواسطة عسولة وبس »

الله يعينكم
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: فضيحة الطيارة السعودية.......

مشاركة بواسطة سودانى معذب »

ياجماعة استهدو بالله اختنا قمر السودان بتتكلم عن الطائرة السعودية وانتو دخلتو توششششششش فى السودانية

والله السودانية بى العلل بتاعتها دى بت بلدنا وبنحبها والآن فى تحسن واضح فى الأداء ونتمنى ليهم التوفيق ولازم نسندها ونقيف معاها ولا رايكم شنو؟؟؟؟
ود حائل
مشاركات: 39
اشترك في: الأربعاء 2007.7.4 8:29 am
مكان: حائل

رد: فضيحة الطيارة السعودية.......

مشاركة بواسطة ود حائل »

اذا كانت الرحلة الصباح يا سلااااااااام فطور جيد بس والله ماعارف اقول شنو
بس مشكوووووووور علي التنويه
أضف رد جديد

العودة إلى ”ملتقى المغتربين بالخارج“