حوار الباهي ود الحسن مع أبوه

أضحك بمزاج سودانى 100 فى الميه

المشرف: بانه

صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

حوار الباهي ود حاج الحسن مع أبوه

مشاركة بواسطة ام اسامه »

المشهد"
تحت شجرة نيم ظليلة وممتدة
لدرجة انها تسع اربعة(عناقريب) تحتها
فهي قد غرسها حاج الحسن وكان وقتها شابا
عند ولادة ابنه البكر (الباهي) تيمناً
المشهد"
جلس حاج الحسن وامامه
صينية الشاي يحتسي شاي
الصباح مع زوجته وعُشرة عمره( سكينة)
وكانوا يتحدثون عن الباهي بكرهم وكيف
انه مستهتر لايهمه شئ
ولايفكر في الزواج رغما ان
عمره قارب علي الثلاثين
والباهي مع انه يشتغل مع ابيه
في الزراعة الا انه كان يعمل معه
اسميا ف ابوه يعمل كل شئ
مشهد آخر"
الباهي رغم (نقة)والديه الا انه كسول
لا يستيقظ باكرا
تقلب في فراشه الا ان طلعت الشمس
ثم صحا بتكاسل وذهب الي (الحمّام) تسوك وتوضأ
وجاء يجرجر نعليه
اتكأت والدته علي العنقريب
ووالده(ينسج)حبال عنقريب آخر قد ارتخت
القي عليهم التحية
سلام يابا
اهلا الباهي
سلام يمة
حبابك ولدي
وذهب وفرش (المصلاية)وصلي
هذا الحال دوما لا يعجب والده
ف لطالما ايقظه وضربه من صغره
ليصلي الفجر حاضرا ولكنه لم يفلح
نظر حاج الحسن الي زوجته قائلا
شفتي صلاة المنافقين يا سكينة
لمن تطلع الشمس
اجابته بأسي( عاد نسوي لي شنو خشمنا كان
بقي قُفة كان اتشرط)
هزّ حاج الحسن رأسه بوجع
اكمل صلاته وجاء ليشرب الشاي قرب والديه
اخذت امه البرّاد ل تسخنه مرة اخري
في تلك الاثناء فأجاه ابوه
انت يا جنا ما داير تعرس
حكايتك شنو هسي القدرك
عندهم تلاته واربعة
الباهي"يابا مالاقي ليّ واحدة عجبتني
الحسن"مالاقي؟؟ ليه الحلة ملانه بنات
هسي مالا الراقية بت عمتك
عيبا ليً
الباهي"ههههه الراقية حرّم دي ما عارف
سموها الراقية كيفن؟؟
الحسن"وانت ما سميناك الباهي ووشك يلعن قفاك
الباهي
ضحك الباهي من اعماقه من تعليق والده
احضرت امه الشاي وضحكت من الجزء الاخير
في الحوار
واردفت خلي ياحاج ما تسعلوا
مالن بنات الحلة كلهن ما عاجباتنوا
وكان لي فاطنة بت عشة اختي زييينة مهذبة
ومربية بلقي متلا منوو
ضحك الباهي واجاب
خليني منها ياخي دي كان ماشة ما بتتعرف
ماشة ورا ولا قدّام
وضحكوا ثلاثتهم بشدة
واعقبت والدته
التقول انت من سماحتك تشبه السلوّكة
الباهي"
ضاحكا يمة انا راجل مافي شئ بعيبني
سكينة"
ها النمش اورّق خدرتي سو البتدوروا
نظر حاج الحسن اليه مليا وارف
اسمع آ الباهي لو خليتني اعزلك بسويلك
العرس من طق طق للسلام عليكم
الباهي" اسمع يابا خلي حاجاتك عندك
انا شُفت عزلك في امي
ضحك حاج الحسن حتي دمعت عيناه (وغشاها بي طرف عراقيهوا)
الله ينعلك يا قليل ادب يا السنيح
ضحك الباهي ولم يعقب
(انتهي)
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

يا جماعة الباهي في سمعكم ما عرس؟؟
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: حوار الباهي ود الحسن مع أبوه

مشاركة بواسطة كيوبيد »

هههههههههههههه جميلة الحكوة
عشان كدا قلت لى العزل ليك منو؟
تععالى شوفى زوقى
لكن الباهى شنااااااااااااااااااااااااف
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

كيوبيد كتب:هههههههههههههه جميلة الحكوة
عشان كدا قلت لى العزل ليك منو؟
تععالى شوفى زوقى
لكن الباهى شنااااااااااااااااااااااااف
ههههههه فهمتا ماشاء الله عليك
ي النجيض
بنشووووف بس اوعك تتعزر ما تجيبها :yar:
كسرة،،،
الباهي شنا وشناف
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: حوار الباهي ود الحسن مع أبوه

مشاركة بواسطة كيوبيد »

ام اسامه كتب:ههههههه فهمتا ماشاء الله عليك
ي النجيض
بنشووووف بس اوعك تتعزر ما تجيبها :yar:
كسرة،،،
الباهي شنا وشناف
لو دايرانا نلقط البسبوسة وكسار الكبابى من الواطة خلينى اجيبا :d: :d:
اصلا السودانيين كلهم شنافين
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حوار الباهي ود الحسن مع أبوه

مشاركة بواسطة مرسال الشوق »

مخير الله الباهي عاوز يطلع من الشنا حقتو الجابوها ليه بالورثة ومش قادر
اصلو قالوا في المثل الطيور علي اشكالها تقع


:d: :d: :d: :d:
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

هههههه
صدقت يا مرسال هو ما داير
شناتوا تتكرر في اولادوا
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حوار الباهي ود الحسن مع أبوه

مشاركة بواسطة مرسال الشوق »

ام اسامه كتب:هههههه
صدقت يا مرسال هو ما داير
شناتوا تتكرر في اولادوا
الشنا منكورة :l: :l: :l:
اوكما قال المثل

:d: :d: :d:
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

ياجماعة عرس الباهي يوم ١\١
مافي زول يغيب دايرين نشوف عروسوا
الحاضر يكلم الغائب
الجنا عازمكم كلكم
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حوار الباهي ود الحسن مع أبوه

مشاركة بواسطة مرسال الشوق »

ام اسامه كتب:ياجماعة عرس الباهي يوم ١\١
مافي زول يغيب دايرين نشوف عروسوا
الحاضر يكلم الغائب
الجنا عازمكم كلكم

عازمنا شنو يعني معلو قراصة بتقلية
نحن عاوزين المحمر والمشمر
عشان مانتعب نفسنا ساكت ونتطشف في السقط ده

:l: :l: :l:
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

مرسال الشوق كتب:

عازمنا شنو يعني معلو قراصة بتقلية
نحن عاوزين المحمر والمشمر
عشان مانتعب نفسنا ساكت ونتطشف في السقط ده

:l: :l: :l:
نعلوا دي بتتوقف علي كشفكم
بتاع الختة
ما كشف الرقيص
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حوار الباهي ود الحسن مع أبوه

مشاركة بواسطة مرسال الشوق »

ام اسامه كتب:نعلوا دي بتتوقف علي كشفكم
بتاع الختة
ما كشف الرقيص
لالا انا غايتو عندي كبش رابطو هنداااك في عود الراكوبة وخاتي ليه ربطة قصب
بس يوم يحدد العرس بمشي اهديه اليه
اما بخصوص الرقيص نحن ماعندنا عرفة بالرقص لو اجبرونا بنخلي الدارة غباره في السما
والكتاحة بتملا المكان لكن عليكم باخوي كيوبيد رقاص رقيص يوم شفتو في حفلة رقص رقيص
شئ بالكتف وشي وراء واء لمن سالتوا ياخوي كيوبيد الرقصة دي اسمها شنو قال لي اسمها
رقصة النعامة زوزت بينا :l: :l:
ومرة تانية يقوم سداري يمشي يقرب يدقش الفنان ويجي بحركة وراء
ويديني نظرة وضحكة وتاني يفحط جوووه الدارة اها لمن انتهت الحفلة قلت ليه سعيلك الله الرقصة الاخيرة دي اسمها شنو البتقرب تضرب فيها الفنان دي قال لي دي اسمها جيبو حي اها من اليوم داك عرفت الجنا ده ليه في الرقص احسن مني وبقيت امشي معاه طوالي الحفلات اكان اتعلم منو
بس الحاجة الغايظاني فيه لمن يرجع البيت بتكون كرعيه ماحقاتو غبش ومكرمشات وناس العرس
طول اليوم صباح العرس كدا بدفنوا في الحفر العملتها كرعينو ديل


:d: :d: :d: :d: :d:
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

مرسال الشوق كتب:
لالا انا غايتو عندي كبش رابطو هنداااك في عود الراكوبة وخاتي ليه ربطة قصب
بس يوم يحدد العرس بمشي اهديه اليه
اما بخصوص الرقيص نحن ماعندنا عرفة بالرقص لو اجبرونا بنخلي الدارة غباره في السما
والكتاحة بتملا المكان لكن عليكم باخوي كيوبيد رقاص رقيص يوم شفتو في حفلة رقص رقيص
شئ بالكتف وشي وراء واء لمن سالتوا ياخوي كيوبيد الرقصة دي اسمها شنو قال لي اسمها
رقصة النعامة زوزت بينا :l: :l:
ومرة تانية يقوم سداري يمشي يقرب يدقش الفنان ويجي بحركة وراء
ويديني نظرة وضحكة وتاني يفحط جوووه الدارة اها لمن انتهت الحفلة قلت ليه سعيلك الله الرقصة الاخيرة دي اسمها شنو البتقرب تضرب فيها الفنان دي قال لي دي اسمها جيبو حي اها من اليوم داك عرفت الجنا ده ليه في الرقص احسن مني وبقيت امشي معاه طوالي الحفلات اكان اتعلم منو
بس الحاجة الغايظاني فيه لمن يرجع البيت بتكون كرعيه ماحقاتو غبش ومكرمشات وناس العرس
طول اليوم صباح العرس كدا بدفنوا في الحفر العملتها كرعينو ديل


:d: :d: :d: :d: :d:
ههههههه يجازي شيطانك
اتخيلت المنظر بتاع كيوبيد ضحكت لمن شرقت
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حوار الباهي ود الحسن مع أبوه

مشاركة بواسطة مرسال الشوق »

ام اسامه كتب:ههههههه يجازي شيطانك
اتخيلت المنظر بتاع كيوبيد ضحكت لمن شرقت
هاهاااهااهاااااااهااهااهااا

شفتي كيف علي قول هنايه

:d: :d: :d:
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: حوار الباهي ود الحسن مع أبوه

مشاركة بواسطة ام اسامه »

مرسال الشوق كتب:
هاهاااهااهاااااااهااهااهااا

شفتي كيف علي قول هنايه

:d: :d: :d:
ههههههه الود طلع خطيييير
صورة العضو الرمزية
احلام بت النيل
مشاركات: 3193
اشترك في: الاثنين 2015.6.8 11:50 am
مكان: نهر النيل

رد: حوار الباهي ود الحسن مع أبوه

مشاركة بواسطة احلام بت النيل »

مرسال الشوق كتب:

طول اليوم صباح العرس كدا بدفنوا في الحفر العملتها كرعينو ديل


:d: :d: :d: :d: :d:


:l: :l: :l: :l: :l: :l: :l: :l:
صورة العضو الرمزية
احلام بت النيل
مشاركات: 3193
اشترك في: الاثنين 2015.6.8 11:50 am
مكان: نهر النيل

رد: حوار الباهي ود الحسن مع أبوه

مشاركة بواسطة احلام بت النيل »

ههههههههههههه الباهي شناة خلقة واخلاق عليهو 2323
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حوار الباهي ود الحسن مع أبوه

مشاركة بواسطة مرسال الشوق »

احلام بت النيل كتب: :l: :l: :l: :l: :l: :l: :l: :l:
اتخيلتي المنظر صاح


:l: :l: :l:
صورة العضو الرمزية
احلام بت النيل
مشاركات: 3193
اشترك في: الاثنين 2015.6.8 11:50 am
مكان: نهر النيل

رد: حوار الباهي ود الحسن مع أبوه

مشاركة بواسطة احلام بت النيل »

مرسال الشوق كتب:
اتخيلتي المنظر صاح


:l: :l: :l:
ايوه وداك شايك جردل الموية يرش وديك رابطة راسها وشايلة مكنستها وتمارن بي سفنجتها
2323 23 2323 23 2323
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: حوار الباهي ود الحسن مع أبوه

مشاركة بواسطة ود الخير »

ههههههههه ههههههههههه
شفت عزلك فى امى حلوه والله
اول مره اشوفها
أضف رد جديد

العودة إلى ”منتدى النكات والفكاهة“