كواليس " حسب الحالة "

يشمل النثر ،، الخواطر ......الخ

المشرف: بانه

أضف رد جديد
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

كواليس " حسب الحالة "

مشاركة بواسطة waya »

فترت جموع أشواقي
من وقفة رجاك ,,
وإنهد حيل كل الكلام
المستطاب ..
جفلت خيول أفكاري منك
ومن بعيد ,,
أحلامي خاطت ,,
ثوب جديد ..
كست السحاب
طليت على شرفة أمل
بنيان هواك ..
زي الرمل ,,
في موج هوان انساب
مكتوب علي ..
عينيك سفر..
شديت حبي على الرهاب
سابقت ريح غضبك علي
وحتيت معاك ,,
صفق العتاب ..
وريني ليه عشم اللقاء
مقطوعة من جته هزال
كفرانه باللوعه وعذاب
وأنا بالغرام شارع حنين
وفتحت لي صبر السنين
لهفة نوافذ والف باب
وسط الاهل
جاني الخبر
ضوقني طعم الاغتراب
دنيا المعايش والظروف
حكم القدر
البينا كان ,,
فقط انجذاب !!
صورة العضو الرمزية
إشراقه
مشاركات: 2090
اشترك في: الأربعاء 2012.10.3 1:37 pm
مكان: القاهرة

رد: كواليس " حسب الحالة "

مشاركة بواسطة إشراقه »

وايا

كواليس ولكنها رائعه جدا


وأنا بالغرام شارع حنين
وفتحت لي صبر السنين
لهفة نوافذ والف باب
وسط الاهل
جاني الخبر
ضوقني طعم الاغتراب
دنيا المعايش والظروف
حكم القدر
البينا كان ,,
فقط انجذاب !!
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

إتوهطت ضل ريدك ,,
محكر في البرش حزني ..
ورقراق خوفك المجهول ,,
بسرب إنو تخزلني ..
وشديت قهوة الذكرى ,,
خيال طيفك بعيد عني ..
وتنيت بالوجع جواي
تفتش للخروج مني !

 



إشراقة ..
تشكراتي لإطلالتك الجميلة على المكان
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

أرويك بالمودة سحاب
هطلت سهول أحباب
بالريدهـ كاسيه شعاب
في المرمى صيد نشاب
كحل المهــا الجذاب
لآدن قوام موفور
ميع شجرة اللبلاب
بدن الجمال والروح
دهـ المنظر الخلاب
وجه البدر نّور
يا ساحر الألباب
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: كواليس " حسب الحالة "

مشاركة بواسطة dream-lady »

ارويك ضي العين شباب
ترويني صنوف الشقى والعذاب
ارويك قطر المطر بين الضباب
ترويني وهج العطش وسط السراب
احكيك نجوم الليل احكيك شهاب
تحكيني ظل الهجير وركام خراب
اسجيك خضر البساتين وسط الصحاب
ترميني رمض الخلا وسط اليباب

وايا.....كواليس حسب الحالة happy0005.gif
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

يا شوشو .. لا
شوقاً يشق درب الخلا ..
وقلباً سلا ..
وخبراً ملا ..
جوف الملأ ..
والجابو قال : صابنا البلا
وبعدك أمورنا مبهدلة ..
يرضيك ده !؟
المره من بعد الحلا ؟؟؟
وتعبر دروبنا .. وتجهلا
أحكام قدر .. مستعجلا ..
سمعت كلام الغازلا ..
وضربت طناش من أولا ..
إيه يعني قولك في خصر
هفهف ضميرها وأنحلا !
ولا العيون سحبت
نواعس النوم عليها
تجاملا ..!
وديك الشفاهـ ..
القالو ليها .. مكملا
وياهو الشعر ..
فات الكتوف , مسترسلا
يبرز وجيها زي بدر
في ليل تمامه الأكملا ..
ما هو معروف .. كل ده
حتى البنات شافوها
" جاية من السما "
وبي إنبهار فات الحدود تتأملا
كائن بديع .. ما شافو شيتن يماثلا
ويتمنو بس لو مرة لمسو أناملا
وتسمع يقولن قول كتير
وآخر المطاف .. ما أجملا

دريموز ,,
أسعدني تواجدك هنا
تشكراتي ,,
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

 
دغش الزيفه والبوخه المقابلة الصاج
وبت القرشي والسعن الحلوبو نعاج
وقولة الأم : مـ تنده للوليد يا حاج !
وتسمع حسو بالكوراك : تعال ابو عاج
ويجيك مارق من التكل القريب نفاج
وليد اشرق يشق العتمه زي سراج
نعم يا ابوي .. صباحك يا كريم فراج
بدور ابريق .. عشان امرق بدون احراج
سمح أأبوي ... وينتر خوفو من كرباج
يفر يقضي في الاغراض سرى ومعراج
ويتلقم جبنة المهلة زي حلقة طقوس مهراج
درع مخلايتو والمنجل يسابق في الشمس وهاج
زرع ارضو ورجع وكت الطيور افواج
ينم في غناهو للبلود سلام اهل الكرم والتاج
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

قول لي من متين بتنفع " لــــو "
الصوت إن قطع شن بفيدك " الو "
هذا المتصل .. خارج نطاق الجو !!
صورة العضو الرمزية
ميسم
مشاركات: 2443
اشترك في: الأحد 2012.4.22 8:59 am
مكان: جدة

رد: كواليس " حسب الحالة "

مشاركة بواسطة ميسم »

بدونك كيف يكون إشراق
تزور دنيا البشر فرحةْ
وكيف في الروض يقوقي الريد
وأشواقي المولهة بيك
تصوغ الشوق عقود ياسمين
وترسم بالشعر لوحةْ


استاذ وايا ...... كواليس جميله جدا .....
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

ميسم الخير ...
طلتك ..تسعد
تشكراتي ,,
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

استجمعت كل ذخيرتي اللغوية وإجتهادات المطالعة

وذخر المعاني المستفاضة من أمهات الكتب

وأشعار المستهامين منذ الجاهلية والفلتات النجب

كي أوصف هذا الشعور الذي لا يحتجب

أحبك .. بهذا الكم من العنف والغضب !

في قمة سخافتي .. نكون بمنتهى الأدب

فالذي بيننا .. يؤتى , ولا يكتسب

يا للعجب ..!

كان الأمر أصعب من الصعب

وكنــــــا

نزرع الحب أزماناً لنحصد التعب

ونبيع دمى القلوب كاللعب

حتى أضحى الإحساس فينا

شئ كعب

ثم عانقت عيناي وجهاً كالشهب

جمال لا جمال بعده

سبحان من وهب

قلب عذري .. قبل حبنا

قد رهب

وشعر من الليل

يلف جسد من الدهب

أتدرون من صاحبة هذا الصخب !؟


"مزيج من الماء واللهب "
صورة العضو الرمزية
الفرح المهاجر
مشاركات: 6812
اشترك في: السبت 2008.9.20 7:42 am
مكان: جو قلب حبيبتى

رد: كواليس " حسب الحالة "

مشاركة بواسطة الفرح المهاجر »

كم هو مؤلم ان نتلقى الطعنات ممن أسكنته تجاويف قلبك..إنسان أحببته بإخلاص ووثقت به
ووهبته الحب والمشاعر الصادقه ..بنيت معه أحلاما
جميله ووعودا متواضعه ..نعم حبيبي المخادع جعلتك فوق كل شي دون البشر

. حلقت بك عاليا .. بحثت في داخلك عما يسعدك وقدمته لك .
اخلصت لك وافنيت زهرة عمري من أجللك .. صبرت على الألم لأهبك الراحة أسكنت

جنة فؤادي وسجنت نفسي بين نيران الحيرة ..فرشت لك
الأرض ورودا وعلقت على جدار قلبي لوحة حبك للأبد ثم ماذا؟!
أهديتني الكذب والخداع تركتني للحيرة والضياع.. وظللت تبحث عن حب جديد

اختلقت الأعذار وضحيت بقلب احتواك غير ابه بدموعي وعذاباتي ..ورغم ذلك
مازلت عند حبي وولعي بك.. أرحل ايها القلب المتحجر حيث شئت.. ولكن سيأتي الغد

وتبحث عني .. وحينها سأدعك تذرف الدموع ...وأنساااااااك
صورة العضو الرمزية
لبيب
مشاركات: 3506
اشترك في: الجمعة 2009.8.28 10:13 am
مكان: الخرطوم

رد: كواليس " حسب الحالة "

مشاركة بواسطة لبيب »

[align=center]وايا
اسمح لي بمرور متواضع أمام هذه الحروف


صمتي يعبر عن دواخلي وما أكنه لك من روعة إحساس متفرد
فانت دوماً نبع لإلهام حروفي
[/align]
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: كواليس " حسب الحالة "

مشاركة بواسطة احاسيس »

ماعادت تعنينى خساراتى فى الحب ,,,كل ما يهمنى استعادة من خسرتهم فى اثناء ذلك السقوط المتهالك ,,,علهم يغفرون لنا سؤء اختياراتنا
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: كواليس " حسب الحالة "

مشاركة بواسطة طلال الحكيم »

أرى نفسي أجلس خلف كواليس هذا المسرح ... أشعر ببعض الحزن وشيء من الترقب والإنتظار المقيت وإنقباض في النفس
أتردد في رفع الستار ... ليس لشيء سوى خوفي من الإنخذال في أشخاص يعنون لي الكثير
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

الفرح المهاجر .. لبيب .. احاسيس .. طلال الحكيم

شرفتموني بمروركم العطر ,,

تشكراتي ,,
صورة العضو الرمزية
معتبر
مشاركات: 11934
اشترك في: الخميس 2009.8.13 8:03 pm
مكان: حته كدة

رد: كواليس " حسب الحالة "

مشاركة بواسطة معتبر »

كنت حضور هنا
وقفت
جلست

ربنا يخليك ياغالي
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

الغالي .. معتبر ,,

أسعدني وجودك هنا ...


كل الشعراء يتغنون بروعة الرومانسية التي يخلفها المساء
يصورونه بالخيال وينمقونه بالغزل في لحظات اللقاء
فكم من حبيب لبس الأمل وتعطر بالأحلام للأحباء
وأنا يا هؤلاء ..
أزيد في الحب " شوقاً " لحد الإمتلاء
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

موووبالغة ,,,
ثائرة النفس , نفيسة الاحساس ,, احساسها شهيق الانفاس" دون موووبالغة "
جميلة يغالبها الاحتشام ,, وصوتها تحتشم في حضرته كل الأنغام " دون موووبالغة "
رقيقة كالرياش الفاخر ,, فاخرة بالحسن الباهر " دون موووبالغة "
بالغة بالتواضع السماء الظاهر ,, ظاهرة بالحياء كالضياء الجاهر " دون موووبالغة "
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: كواليس " حسب الحالة "

مشاركة بواسطة waya »

يمكن ظرووووووف .. وتعدي
يمكن نفوووووووس , بتهدئ
لكن غيابك طال ..
" أجيب في الظنون وأودي "
يا ربي " ريدنا " الضاع
ولا الشغلة فيهـــا تحدي !!
لحظات جفاي الفات ..
شايلاها شان تتسدي !!؟
ما كنت شايفو الحال
لكن لقيتو .. يمدي
إنسان فقد إنسان ..
لحظة نساهو يعدي
جسر التواصل الكان
ما بين عيونك وعهدي
زايد بكاهو أنين ..
دمعاتو فوق لي خدي
والآن صبح مأسور
داير قليبك يفدي
دايرك تنسي الفات
وتعودي لي ودي
عشان يدوم الخير
ويدوم معاو سعدي

أضف رد جديد

العودة إلى ”بوح الخواطر“