اقنعوووني بس

خاص فقط للنساء....الزينة..الموضه..الاخبار..تبادل الافكار..التعارف

المشرف: بانه

صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

اقنعوووني بس

مشاركة بواسطة يوسف مدير »

طووول عمرها حواء السودانية مثال للاناقة وخااااصة المتزوجة .. لكن دخلت علينا حاجات ما قادرين نتخلص منها او بالاصح نفهمها ونقننها بالطريقة الصحيحة...

كدي تعالوا معاااي نشوووف الجماعة ديل مااالهم :
(احمد ومها متزوجين وعندهم أطفال والحمد لله):
.................................
مها: يا راااجل اديني 200 جنيه ..
احمد: 200 جنيه ؟؟ ليه ؟؟ عندك شنو الليلة زيادة عن المصروف اليومي ؟؟
مها: انت ناسي انو عرس بت خالتي بعد يومين ؟؟
احمد: لا ما ناسي ... والـ 200 جنيه علاقتها شنو بعرس بت خالتك ؟؟
مها: كييييف ؟؟ لااازم اتحنن وارسم واتمكيج تمااااام ... ولا عاوز يقولوا علي جات عرس بت خالتها غبشة زي شوال الدقيق ؟؟؟
احمد: طيب الحنة وعرفناها ... الرسم ده لزومو شنو ؟؟ شوفوني وبس يعني ؟؟ ولا الحكاية شنو؟؟
مها: انا لو مشيت متحننة بس النسوان بيشيلن حالي ويقولن يعني ما عندها حق الرسم ولا ما عاوزة تعز بت خالتها دي ..
احمد: يعني الحكاية كلام النسوان بس ؟؟
مها: ايوة .. وما عاوزة البتسوى والما بتسوى تتكلم فيني..
احمد: طيب ولما انتي ترسمي الحيشوف الراسماهو منو في الناس ؟؟ النسوان بس العندهن عيون ؟؟
مها: لا طبعا ما النسوان بس هن العندهن عيون لاكين انا اساسا حأمشي لابسة جوارب وجونتااات لغاااية بيت المناسبة وهناااك بملصهن .. يعني مع النسوان ..
احمد: يعني تنستري في الشارع وتكشفي كرعيك وايديك جوة البيت ... طيب ليه ما بتتحنني وترسمي وتعملي الحاجات دي في بيتك ؟؟ مش اولى انو اشوفهن انا اكتر من غيري ؟؟ ولا بس من ما تكون في مناسبة حقت ناس علانة وفرتكااانة هاااك يافشخرة ؟؟؟
مها: افهم من كده انك ما عاوز تديني ؟؟
احمد: انا بتكلم عن جوهر المشكلة الاساسية وهي انتي ليييه ما بتعملي كده في بيتك وانما بتتزيني علشان ماشة بيوت الناس في حين انو الاولى انا وصاحب الحق الشرعي ..
مها: الظاهر اني طلبت لبن الطير ما 200 جنيه ..
احمد: يا ستي انا بديكي الـ 200 جنيه ... بس انتي اقنعيني انو البتعملي فيهو ده صااااح ...

أحمد ناولها الـ 200 جنيه ومشى شغلو ...
أها يا بنات أمي أقنعوا لي أحمد ده وأخوااان أحمد بالكلام ده ... وما ننسى انو في حاجات محتاجة ليها الـ 200 جنيه دي زي اقساط المدارس وغيرها من مشاكل البيوت المعروفة .. مه الوضع في الاعتبار انو المناسبات اللي زي دي ايام وبتنتهي ..
بالتوفيق للجميع ...
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: اقنعوووني بس

مشاركة بواسطة يقين »

صباحك خير ..أنيق الحروف
شكلك الليلة رايق من الصباح جايي بي أحمد ومها ديل
النشوف آخرتهم

،،
طيب ،،

أنا أجيك للموضوع حته حته
أول شي ..
من ناحية منطق وحالتهم هم بالتحديد
كلامو صح ..,واللي بتعمل فيهو غلط
فالبيت أولى وهو أولى بي إنها تتزين ليهو
وسماع كلام الناس ده آخر الهم اللي مفروض تشتغل بيهو
كلامهم لا بيودي لا بيجيب ..
مهما عملت حيتكلمو لأنو دي شغلة الما عندو شغلة
وبيقولو ارضاء الناس غاية لا تُدرك!!
مااتحننت "متشاكلة مع راجلا"
مالابسه حاجة اوفر" ماعندهم قروش"
محننه ساده" راجلا بخيل ما بديها حق الكوفي"
راسمة" الرسم ماحلو التقول راسماهو بي 20 ج"
متأنقة ولابسه"دايرة تورينا إنو عندها"
وكلو شي عندهم ليهو تبرير بيناسب فهمهم وبس!
نجي للحتة التانية في كلام أحمد
إنو الزينة للأعراس بس وليهو لأ وبختلف معاها جملةً وتفصيلاً..خاصة إذا اتعممت
لأنو بعتبر دي حالات فردية
في كتير الواحده همها بيتها وزوجها قبل الناس
ومامقصرة
وبنفس الوقت تلقي الراجل ولا همو ..
يعني زيها وزي اقرب تربيزة
غير إنو في مشكلة مفترض الواحد ينتبه ليها قبل ما يعلق على شي سلبي قامت بيهو الوحده
واللي هي انو الرجل السوداني مابيتكلم .. تعملي كويس "عادي"
اول ما قصرتي أو لاي سبب ما عملتي اللي متعود عليهو تعال شوف اللسان
وفي الحته دي انا ابد ما بلوم مها
لأنو الأنثى مهما كانت ومهما كبرت او صغرت كلمة الإطراء بتعمل فيها العجب
فكونو إنها تفتش عن الحته دي عند الناس التانين .. حاجة عاديه
،
أجي للحته الأخيرة
المرأة دايماً بتعرف ظروف زوجها ..وكونو عندو ومايديها دي العوجة
بس إنو ما عندو والقروش اولى بيها حاجات تانيه دي ف..هنا بتكون "ماواعية"
وزولة "إمعة" ساااي ماشه مع الناس
وزي دي "الغلط" منو هو الإختارا من الاول !

/
اقعُد عاافية ^_^

صورة العضو الرمزية
dany
مشاركات: 272
اشترك في: السبت 2014.12.6 6:52 am
مكان: بين سينك وونونك

رد: اقنعوووني بس

مشاركة بواسطة dany »

بالنظره الموضعيه للموضوع نجد كلام احمد
صاح الموضوع كلو ﺣﻘ
ﻧﺎﺱ ﻋﻼﻧﺔ ﻭﻓﺮﺗﻜﺎﺍﺍﻧﺔ
ﻫﺎﺍﺍﻙ ﻳﺎﻓﺸﺨﺮﺓ
واتحدي كل زول مع احترامي للجميع
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: اقنعوووني بس

مشاركة بواسطة السنبلاية »

dany كتب:بالنظره الموضعيه للموضوع نجد كلام احمد
صاح الموضوع كلو ﺣﻘ
ﻧﺎﺱ ﻋﻼﻧﺔ ﻭﻓﺮﺗﻜﺎﺍﺍﻧﺔ
ﻫﺎﺍﺍﻙ ﻳﺎﻓﺸﺨﺮﺓ
واتحدي كل زول مع احترامي للجميع
كلامك حقيقه دانى .. بكل أسف دهـ الحاصل البوبار فى
( الفارقه المقدودة ) ...!! :004: :004:
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: اقنعوووني بس

مشاركة بواسطة السنبلاية »

ود المدير .. الليله جاءناااااااا عديل كدا قاصد النسوان ...

شفتى كيف يا يقون ... :l: :l:
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: اقنعوووني بس

مشاركة بواسطة يقين »

السنبلاية كتب:
ود المدير .. الليله جاءناااااااا عديل كدا قاصد النسوان ...

شفتى كيف يا يقون ... :l: :l:

يشيل شيلتو والعجب لامن يجنو باقي نون النسوة .. :d:
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: اقنعوووني بس

مشاركة بواسطة السنبلاية »

يقين كتب:يشيل شيلتو والعجب لامن يجنو باقي نون النسوة .. :d:
خليهو يشوف ليهو مكان يتدس فيهو من هسى ... :l: :l:
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: اقنعوووني بس

مشاركة بواسطة يقين »

السنبلاية كتب:
خليهو يشوف ليهو مكان يتدس فيهو من هسى ... :l: :l:
هو عارف روحو ..أول من كتب الموضوع عمل زوغبير :d:
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: اقنعوووني بس

مشاركة بواسطة بعد الزمن »

يوسف مدير كتب:
الاولى انا وصاحب الحق الشرعي ..

الحق الشرعى ولاالحق الحصري

برمه :
انتو ليه جوه البيت (مبشتنين) :004: :004: :004: :004:
صورة العضو الرمزية
شذي زهر
مشاركات: 5554
اشترك في: السبت 2012.4.14 10:00 pm
مكان: السودان

رد: اقنعوووني بس

مشاركة بواسطة شذي زهر »

المشهد دا فيه تفاصيل غائبه عني

مثلا لو كانت مها دي تسكن في بيت ملك وظروف زوجها الماديه كويسه
ومها نفسها ....مهتمه ببيتها وزوجها واولادها وبنفسها.....

يبقي ماخساره فيها ال(200)جنيه عشان تجهز نفسها لزواج بنت خالتها

وبعدين نحنا كلنا عارفين ان المناسبات دي ماكلها الوحده بتتجهز ليها ب (200) مها دي
لان في مناسبات عادي ممكن الوحده تعديها بالشي العندها وماشرط تجيب شي جديد

اما لو كانت ساكنه في بيت اجار وظروف زوجها الماديه ما تمام
وغير كده سجمانه ورمدانه في بيتها ......واول مايجي عرس هي دايره تتجيه غصب عن ظروف
زوجها
دي بتكون غبيانه وتستاهل 200 سوط
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: اقنعوووني بس

مشاركة بواسطة مرسال الشوق »

الغالي وصاحب القلم الذهبي ود مدير
لك التحية والتجلة
كثير من نسوان الزمن ده شغالات كما اتفضلت بالفشخرة والبوبار وده الخلي البيوت تمشي لي وراء وكثيرة المشاكل
يعني ممكن عادي زي ماقلت ممكن المرة تزعل من زوجها في حق الحنة ولكن مابتزعل في حقوقو واجباتو همها كلو
تظهر قدام قريناته بانها متزينة وعلي سنقل 10 ولا يهمها من اين تحصل زوجها علي هذه المبالغ كان من المفترض بها ان تتزين وتتجمل لزوجها بدل اظهار محاسنها ومفاتنها لعامة الناس في سبيل شوفوني انا كيف
اعتقد بان الوازع الديني عند النساء خاصة ضعيف جدا
وهنا استحضر قصة واحد ذهب الي عرس فنظر الي مراة جميلة في حسنها وجمالها واتمني في دواخله بان زوجته تكون بمثل جمالها لانها عودتو في البيت دائما لابسة مبشتن وشعرها منكوش وغير مهتمة به ولا بنفسها وحين تمعن جيدا في هذه المراة وجدها زولتو المابتغباهو وفرك عيونو تلطاشر مرة عشان يقول لا انا اكيد في حلم وعندما قطع الشك باليقين وعرفها قام من مطرحه وقال لها امام الملاء والله ياحلوة تخيلي انا عائيش معاك لي كم زمن ماعرفتك الا اليوم شكلي كنت عائيش مع واحدة تانية وبكلمة واحدة قال ليها انت طاااالق وان شاء الله ناس العرس الاتسمحتي ليهم ديل ينفعوك
اخي ود مدير برضو انا بعيب علي الرجل تصرف زوجته بهذا الاسلوب لكونه ماعودها علي الصحيح من اول يوم اتزوج بها فكان اولي لهم ان يضعوا النقاط فوق الحروف تفاديا لمثل هذه الاشكاليات
وربك يصلح الجميع

دمت بود

مرسال الشوووق ،،،
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: اقنعوووني بس

مشاركة بواسطة السنبلاية »

بعد الزمن كتب:
الحق الشرعى ولاالحق الحصري

برمه :
انتو ليه جوه البيت (مبشتنين)
:004: :004: :004: :004:
اهاااااااا يا حواء البشـــتنه الجوى البيت دى ..
خلت ,, بعدو ,, يفسخ خطوبتو ... :004: :004:

:l: :l:

الكلام ليك يا هنايه .. ام فســــتان ( اصفررررر ) :d: :d:
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: اقنعوووني بس

مشاركة بواسطة بعد الزمن »

السنبلاية كتب:
اهاااااااا يا حواء البشـــتنه الجوى البيت دى ..
خلت ,, بعدو ,, يفسخ خطوبتو ... :004: :004:

:l: :l:

الكلام ليك يا هنايه .. ام فســــتان ( اصفررررر ) :d: :d:
ههههههههه
برمه :
غبنا قوسين او ادنى من الفسخ :004: :004:
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: اقنعوووني بس

مشاركة بواسطة يوسف مدير »

يقين كتب:صباحك خير ..أنيق الحروف
شكلك الليلة رايق من الصباح جايي بي أحمد ومها ديل
النشوف آخرتهم

،،
طيب ،،

أنا أجيك للموضوع حته حته
أول شي ..
من ناحية منطق وحالتهم هم بالتحديد
كلامو صح ..,واللي بتعمل فيهو غلط
فالبيت أولى وهو أولى بي إنها تتزين ليهو
وسماع كلام الناس ده آخر الهم اللي مفروض تشتغل بيهو
كلامهم لا بيودي لا بيجيب ..
مهما عملت حيتكلمو لأنو دي شغلة الما عندو شغلة
وبيقولو ارضاء الناس غاية لا تُدرك!!
مااتحننت "متشاكلة مع راجلا"
مالابسه حاجة اوفر" ماعندهم قروش"
محننه ساده" راجلا بخيل ما بديها حق الكوفي"
راسمة" الرسم ماحلو التقول راسماهو بي 20 ج"
متأنقة ولابسه"دايرة تورينا إنو عندها"
وكلو شي عندهم ليهو تبرير بيناسب فهمهم وبس!
نجي للحتة التانية في كلام أحمد
إنو الزينة للأعراس بس وليهو لأ وبختلف معاها جملةً وتفصيلاً..خاصة إذا اتعممت
لأنو بعتبر دي حالات فردية
في كتير الواحده همها بيتها وزوجها قبل الناس
ومامقصرة
وبنفس الوقت تلقي الراجل ولا همو ..
يعني زيها وزي اقرب تربيزة
غير إنو في مشكلة مفترض الواحد ينتبه ليها قبل ما يعلق على شي سلبي قامت بيهو الوحده
واللي هي انو الرجل السوداني مابيتكلم .. تعملي كويس "عادي"
اول ما قصرتي أو لاي سبب ما عملتي اللي متعود عليهو تعال شوف اللسان
وفي الحته دي انا ابد ما بلوم مها
لأنو الأنثى مهما كانت ومهما كبرت او صغرت كلمة الإطراء بتعمل فيها العجب
فكونو إنها تفتش عن الحته دي عند الناس التانين .. حاجة عاديه
،
أجي للحته الأخيرة
المرأة دايماً بتعرف ظروف زوجها ..وكونو عندو ومايديها دي العوجة
بس إنو ما عندو والقروش اولى بيها حاجات تانيه دي ف..هنا بتكون "ماواعية"
وزولة "إمعة" ساااي ماشه مع الناس
وزي دي "الغلط" منو هو الإختارا من الاول !

/
اقعُد عاافية ^_^
اختي الغالية شيماء ..
التحية ليكي على هذا الاسهاب واللي اتناولتي فيهو الموضوع بنوع من التحليل المنطقي واللي قدرت اطلع منه بالعديد من النقاط واهمها: اهتمام حواء بكلام النساء الاخريات دون الاكتراث الى كونه سلبيا او ايجابيا ... فهنا ردة الفعل بتكون ناتجة من حتة داخلية بمعنى هي بتعمل كده محاولة لارضاء ناس يمكن ما بكترثوا للبتعمل فيهو ويمكن بسبب الحتة دي تكون مسخرة للعديد من الناس مثلا لو حاولت تشيب حواجبها بقصد انها تبقى اجمل يمكن في نفس الوقت تصبح قبيحة في نظر العديد .. وقيسي على ذلك ...
نقطة ثانية وهي اغفال آدم سواءا بقصد او من غير قصد لحتة الاطراء على حوائه حتى ولو من باب المجاملة حتى ... فهنا فعلا آدم بيكون مقصر وما عندو المبرر ... على الاقل ان شاء الله مرة في الاسبوع يخلي بالو من الشئ ده...
النقطة الثالثة: مراعاة الوضع الاقتصادي للبيت وترتيب الاولويات ... ودي مهمة مشتركة بين الرجل " الامداد المالي" والمرأة " المدير المالي للبيت" هنا هي لازم تعرف توظف كل قرش بيديهو ليها زوجها التوظيف السليم ولوو في شئ موفر ممكن تدخلو في صندوق او حتى تشتري دهب الغرض منه ليس الزينة فقط وانما للايام السودا والظروف العصيبة ...
التحية ليك يا راااائعة على هذه المداخلة ...
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: اقنعوووني بس

مشاركة بواسطة يوسف مدير »

dany كتب:بالنظره الموضعيه للموضوع نجد كلام احمد
صاح الموضوع كلو ﺣﻘ
ﻧﺎﺱ ﻋﻼﻧﺔ ﻭﻓﺮﺗﻜﺎﺍﺍﻧﺔ
ﻫﺎﺍﺍﻙ ﻳﺎﻓﺸﺨﺮﺓ
واتحدي كل زول مع احترامي للجميع
اخي داني ...
لك التحية على هذه المداخلة والتي ابديت فيها رأيك الصريح في تقييم موقف احمد من هذا التصرف من جانب زوجته مها ....
وحقيقة هنالك العديد من الناس وخاصة النساء همهن التباري واظهار الزينة لغيرهن من النساء دون إعمال الحكمة وحساب الفائدة والخسارة من مثل هذا التصرف ...
التحية لك مجددا اخي الغالي ..
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: اقنعوووني بس

مشاركة بواسطة يوسف مدير »

السنبلاية كتب:
كلامك حقيقه دانى .. بكل أسف دهـ الحاصل البوبار فى
( الفارقه المقدودة ) ...!! :004: :004:
والله الحمد لله ان " شهد شاهد من أهلها " 61.gif 61.gif 61.gif
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: اقنعوووني بس

مشاركة بواسطة يوسف مدير »

السنبلاية كتب:
ود المدير .. الليله جاءناااااااا عديل كدا قاصد النسوان ...

شفتى كيف يا يقون ... :l: :l:
قالوا الرهييييفة تنقد ... والحبل بينقطع محل رقييييق ...
ما قصدتكم لكين قصدت عينة منكم وهي بالتأكيد لن تمثلكن كلكن... والعود أكان ما فيهو شق ما بيقوووول طق ...
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: اقنعوووني بس

مشاركة بواسطة مسلمة وافتخر »

جيت رميتها لينا ررررب خليتنا نتضارى ساااى :l:
الصراحة انا بشوف العكس تماما يعنى فى البيت بكون عندى كامل الحرية البس الما قادرة البسه برا :d:
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: اقنعوووني بس

مشاركة بواسطة يوسف مدير »

يقين كتب:يشيل شيلتو والعجب لامن يجنو باقي نون النسوة .. :d:
حبااااابكن عشرة بلا كشرة .. ابقن رقااااق واقعدن لي ...
ماااااني الزول البهاااب غير سيدو
وماني المتبوبر ويحرق بالغلط ايدو
ان وقعت محن تلقاني واقف وراكز
وان جات الطامة تلقاني زولا جاهز
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: اقنعوووني بس

مشاركة بواسطة يوسف مدير »

السنبلاية كتب:
خليهو يشوف ليهو مكان يتدس فيهو من هسى ... :l: :l:

انا ابوكي يا آماااال ...
انا ان اتنبرت كيفن اقوم اندس ؟؟؟
وانا العرفوني ما بقولوا ذل وخس ..
أضف رد جديد

العودة إلى ”منتدى حواء السودانية“