مساجلة بين الشاعر حسن الزبير و د/شادول(ان شاء الله القيامة تقوم)

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
أود
مشاركات: 151
اشترك في: الاثنين 2007.1.8 1:47 pm
مكان: الوطن الكبير

مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة أود »

قصة القيامة
يقول الشاعرالراحل المقيم حسن الزبير كنت يوم في المكتب فجأة جاني زميل من زملانا وقال لي أنا عايز أوسطك تخطبلي زميلتنا دي قلت ليه انتو متفاهمين؟؟ قال لي متفاهمين قلت ليه خلاص ان شاء الله في اليوم التاني قالت لي انا برد ليك بكرة ولمن جات في الصباح قالت لي أنا ما بقدر أتزوج زميلنا ده وذكرت لي بعض الاسباب قلت ليها انا حا أقول ليه مخطوبة واتفقنا على كده بعد داك جاني هو في المكتب جا وقف قدام التربيزة قال لي اها قلت ليه اقعد قال لي ما قاعد نجيب ليك شاي؟ قال لي ما دايرشاي قلت ليه طبعا زميلتنا دي امبارح اخدو الفرصة ومشو كلمو ود عمهاالكان خاطبا ورفض وقال ما بخلي بت عمو دي
مهما كانت الظروف وبنات حواء كتار وربنا يديك الابرك منها قال لي يعني ما حا تتزوجني؟؟؟
قلت ليه طبعاً لانها مخطوبة وانت جيت متأخر يعني ما حا تعرسني؟؟
قلت ليه طبعاً ما حا تعرسك
ضرب التربيزة وشتت لي الورق وقال لي
ان شاء الله القيامة تقوم
عشان الناس كلهم يتلخبطو في بعض
المهم قالا بطريقة فيها نوع من الالم والحسرة
أنا داعبتهم الاثنين بالقصيدة
ان شاءالله القيامة تقوم
عشان ريدك معاي ما بدوم
ناس سهرانة طوالي
وناس طول الليالي تنوم
أشوف انا كيف حسابك يطول
على الوعدالدوام ممطول
وانا الشايف كتير أحباب
بعيشو الريدة عرض وطول
أنا الشايل دوام همك
وأريدك ريدة زي أمك
وأغير من غيرتي زاتا عليك
أخاف أنا يا الخفيف دمك
ان شاءالله القيامة تقوم
وكل زول يمشي في حالو
عشان ما قلبي يرجع يقول
حبيب الدنيا في بالو
كان ممكن الحكاية تنتهي عند هذا الحد
لكن أخونا الدكتور أحمد فرح شادول قال لي
أبداً الحكاية دي ما حصلت لزميلك
دي حاصلة ليك انت
وقام عمل قصيدة هاجمني بيها
هجوم الشاعر شادول لحسن الزبير
ان شاء الله الحسادة تطير
وتمتد السعادة تدوم
والضاق العذاب في الريد
بكرة يعيش ويشبع نوم
وتقول القيامة تقوم؟؟
عشان حظك شقي ومشئوم
وفتحن ليك بنات حواء
وجافاك ليلة واحدة النوم
بتقول القيامة تقوم؟؟
أنحنا لا عرفنا الريد
ولا زيّك عشقنا الغيد
وحبينا القريب وبعيد
وراجعنا القديم وجديد
ولا ضمانا حضن الليل
مع الوجه البهي وغريد
ولا لليل شكينا حبيب
اذا حتى العشقنا عنيد
ولا نظمنا في الحلوات غنا وموال
درر وقصيد
ولالينا بن عوف غنا
لا الصابر ولا الباكي
خيالِك عندي يوماتي
صباح خيري ومساء أفراحي
أعد ميعادو باللحظات
وسهري معاه صباحي
عيونِك فوق عيوني تنوم
وفوق آلامي ترتاحي
وريدِك من عواتي الريح
المو وأضم عليو جناحي
وتقول القيامة تقوم؟؟
أنحنا مع السعادة نسير
مواكب فرحة هادرة هدير
نحيا نحب نعيش ونغير
ونعلن ثورة التغيير
ناكل حب
ونشرب حب
ونلبس حب
ونفرح بالمحبة نطير
نعيش الريدةعرض وطول
كبيرنا ملك صغيرنا أمير
وتسمع صوت هتافنا يجيك
ان شاء الله الحسادة تطير
وتكبر وتنسى يا زغبير



رد حسن الزبير
ان شاءالله القيامة تقوم
وعشمي في الله ما شويّة
أدخل جنة المأوى
وهناك يدوني حورية
أتكي في الارائك أنووووووم
بكل حبور وحرية
وأرتاح من ده مافي وقوم
وأمش جيبلي وجيب ليّا
أفارق دنية المعدوم
والقى مطالبي بالنية
ولوحنيت للحم الطير
تجيني الطيرة مشويّة
عشانك كيّة يا دكتور
تكون حوريتي خمرية
تجرجر ديسا ده المردوم
ولهجتا خالصة عربية
أخلي ليك بنات حواء
تحاحي صباح وعصرية
وتبقى عواطلي يا دكتور
هناك لا مرض ولا شكيّة
هناك لا أذن سمعت
ولابعيونا مرئية
هناك حتى الرحيق مختوم
وولدان طائفة دوريّة
لا عشوائي في الخرطوم
ولا صفقات تجارية
صفي النية يا مهجوم
بلاش هجمات هبوبية
وان شاء الله القيامة تقوم
وتنجح مية في المية

رد شادول
ما مقبولة اعذارك
وما معروف مصيرك وين
وماهي صالح اعمالك
عشان يدوك حوراً عين
لو انت على الصراط ماشي
وشركوا ليك ببنية
حا تختل كل حساباتك
وحا تحتل حتلة ابدية
أما لو ضرب حظك
وجابوا ليك بنات الحور
تموت واقف على طولك
ويشيلك حيلك المشلول
وتتلفت يمين وشمال
مشدوه بالجمال مبهور
وتحتار باقي عقلك طار
فيمن يهوي او يختار
ديك قواما سمهر وطول
وديك دعج العيون مكحول
وديك جمالا يسبي عقول
وديك من فيها حلو القول
ودييييييييييييييييك خليها لي شادول
وديك شعراً كمان خلي
قدر ما يزيد نعومة وطول
عذابنا وليلنا فيه يطول
وديك خشيما بنقط كلام معسول
تقيف مشدوه وتفوت القيامة عليك
واقف انت تتلفت طرب وذهول
حسن دنياك للزي ديل
وديل يا صاحبي هم دنياك
يودّنك ويجيبّنك
ويختنّك ويشيلنك
يجلبّنك ويبيعّنك
يغسلّنك ويشرّنك
ويدفنّنك ويكتلنك
يقيدو النار يشدّنك
ويبرن عودك المسلوب يحرقنّك
تفوح انت ويزيد دنّك
وتغني الدنيا بي فنك
ده حال الدنيا
ما بتدوم
مرة تلام ومرة تلوم
ويوم تتعب
مرة تحب وتشبع حب
ومرة تحب وما تنحب
حسن خليهم السمعوك وارجع لحلوكلامك
معقولة القيامة تقوم
قبل ماتلقى احلامك

الا رحم الله الشاعر حسن الزبير وادخله فسيح جناتة مع الصديقين والشهداء

صورة العضو الرمزية
ضـــوء القـــمــر
مشاركات: 489
اشترك في: الجمعة 2007.6.15 4:57 pm
مكان: اخاف ان تمطر الدنيا ونحن لسنا معا
اتصال:

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة ضـــوء القـــمــر »

هههههههههههههههههههههه
شكرا اخي والله الناس ديل مابتغلبهم حاجه الكلام ده ولا بيفتشو ليهو
صورة العضو الرمزية
إسلام المصرى
مشاركات: 295
اشترك في: الاثنين 2007.6.11 5:18 am
مكان: مصر
اتصال:

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة إسلام المصرى »

[align=center]حبيبى الجميل أود أنتا فتحت عنيا على حاجات مكنتش واخد بالى منها

وشكرا على الموضوع القيم ده

وتقبل منى خالص تحياتى

إسلام المصرى[/align]
صورة العضو الرمزية
أود
مشاركات: 151
اشترك في: الاثنين 2007.1.8 1:47 pm
مكان: الوطن الكبير

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة أود »

ضوء القمر تسلم على المرور الجميل

اسلام انته لسه شفته حاجة دى حاجة كدة على الماشى
صورة العضو الرمزية
فرحة العسولا
مشاركات: 390
اشترك في: الثلاثاء 2007.7.3 2:44 am
مكان: حنبنيه البنحلم بيه يومايى

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة فرحة العسولا »

عقول متغذيه تمام
حاجة جميلة كون انك تكون حاضر بديهة
او حتى كاتب قصائد
موسى على حمودة
مشاركات: 17
اشترك في: الجمعة 2007.2.9 3:35 pm
مكان: السودان

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة موسى على حمودة »

~*¤ô§ô¤*~*¤ô§ô¤*~ الناس فى شنو واود فى شنو يفتش لينا الا فى المصايب ما لك مقوم القيامة نحنا اولاد متين
لكن بكل صراحة الموضوع شيق
وتسلم يا اود
~*¤ô§ô¤*~*¤ô§ô¤*~
صورة العضو الرمزية
أود
مشاركات: 151
اشترك في: الاثنين 2007.1.8 1:47 pm
مكان: الوطن الكبير

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة أود »

فرح العسولا

موسى

تسلمو ياغالين
صورة العضو الرمزية
موسى البرق
مشاركات: 19
اشترك في: الخميس 2007.6.28 10:47 am
مكان: السودان _ولاية النيل الابيض _ ربك

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة موسى البرق »

[انشاء الله القيامة تقوم
بس يكون عملى احسن من الحالى واخش الجنة طوالى الاقى اود والمصرى الى فى بالى
تسلم اود
أنور إبراهيم أحمد عثمان
مشاركات: 7
اشترك في: الجمعة 2007.8.24 10:05 am
مكان: السودان / عطبره

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة أنور إبراهيم أحمد عثمان »

[size=5]حسن الزبير يااااااااه هذا الذى كان من زمن الحقيبه مابنختلف [/size]
صورة العضو الرمزية
أود
مشاركات: 151
اشترك في: الاثنين 2007.1.8 1:47 pm
مكان: الوطن الكبير

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة أود »

موسى البرق

انور

تسلمو ان شاء الله

حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة حافظ عوض الله محمد »

شاعرنا المرحوم حسن الزبير قامه فى الشعر الغنائى
شادول رمز من الرموز

انظرا معى الى
وأغير من غيرتي زاتا عليك
أخاف أنا يا الخفيف دمك



شكرا على القصيده
ود المسالمة
مشاركات: 171
اشترك في: الأربعاء 2006.12.20 8:08 pm
مكان: السعودية

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة ود المسالمة »

الله يرحم شاعرنا حسن الزبير وهو كان من شعراء المريخ العظيم وكنت انا من المحظوظين لاني اتسمعت له وهو يلقي شعره في جلسة جمعتنا به في منزله العامر بالعمارات الله يرحمه ويدخله الجنة ويجعله
مع الشهداء والصديقين
انسان
مشاركات: 3
اشترك في: الأربعاء 2007.9.26 4:08 pm
مكان: السودان

رد: مساجلة بين الشاعر حسن الزبير و د/شادول(ان شاء الله القيامة تقوم)

مشاركة بواسطة انسان »

كونو الواحد يتزكر الموت مرة مرة كويس لكن الواحد استعد لية بي شنو لكن الموضوع جيد شكراً
أضف رد جديد

العودة إلى ”همس القصيد“