موية رمضان وفطور العريس

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
ماجدة
مشاركات: 24
اشترك في: الاثنين 2007.3.12 9:45 am

موية رمضان وفطور العريس

مشاركة بواسطة ماجدة »

عادات وتقاليد سودانية درج عليها المجتمع السودانى باتباعها وكانها فرضاً عليهم وان لم يقوموا بها قد خالفوا الموروث والمتبع .
فطور العريس وماهو متبع فى الاعراس السودانية يختلف بكل المقاييس بين تلك الاسرة والاخرى ... يحكى ذات مرة من المرات ان الفطور تم نقله بواسطة الطائرة وهذه مفارقات عجيبة جداً فى واقعنا إذ أصبح مجتمعنا يجارى الموضة والبهرجة لاغير .
والسؤال الذى يفرض نفسه ماالغرض من فطور العريس وموية رمضان ؟

وهل عدم القيام به يعتبر مخالفاً للموروث والمتبع ؟
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: موية رمضان وفطور العريس

مشاركة بواسطة شـهد الكلامـ »

الاخت الكريمه : ماجده

احيييييييييييييييييييييكى على الطرح الممتاز

ماعارفه :
بس فيها شنو لو لغينا الدكان البيجيبو مع الشيله وبالتالى تركنا فطور العريس واظنها واحده بواحده

برجع ليك بمزااااج بكره لو ربنا اراد خليكى منتظرا :072:
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: موية رمضان وفطور العريس

مشاركة بواسطة احمد يس »

الاخت ماجدة
انا كنت داير اى زول يفتح الموضوع ده من زمان ...... انتى كنتى وين
طبعا انا مريت بالتجربة دى حديثا فى زواج ابنتى ......... وتسألت لشنو فطور عريس ؟ هو يعنى ما فطر والا شنو ......... طبعا يعجبوكى الاهل ........كيف يا اخى ده انت لازم تقدم فطور عريس عشان ده بيكبر مقامك وبيرفع راس العريس قدام اهله ..................... ومن سوء الحظ انى علمت ان جميع زملاء العريس قرروا حضور الفطور وهم جميعا من اساتذة الجامعات ....... اذا كان على لازما ان يكون فطور على مستوى معين .................. وما اقولك على الفاتورة طلعت كم جنيه سودانى ...... يمكنك متابعة مذكرات مسافر للسودان .................. ولكى الشكر
الحزن القديم
مشاركات: 13
اشترك في: الثلاثاء 2007.3.6 10:57 pm

رد: موية رمضان وفطور العريس

مشاركة بواسطة الحزن القديم »

قولة خير .. شبكه بالشي الفلاني .. كسوة العيد .. سد المال والمبالغه
الشيله والبوبار فيها ..كسوة ام العروس وخالتها وعماتها وحوباتها
موية رمضان .. فطور العريس .. الحنه .. الكوفير
الحفلات تشتغل اسبوع .. وحاجات كتيييييره ما ليها حصر
دا كلو بوبار في الاعراس وخاصه اعراسنا في ( ام درمان ) فيها العجب
ودا السبب الرئسي في انه نحن لسه عزابه :D
بجيك راجع يا ماجده الموضوع دا حارقني شديد خلاص وعايز اتفشش
عظيم مودتي
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

رد: موية رمضان وفطور العريس

مشاركة بواسطة ابوبكر »

يا اخوانا كدي خلوني في البداية اشكر اختنا ماجدة علي الموضوع واتمنى ليها الصحة والعافية واقول ليها طرحك متميز وممتاز ونرجو المواصلة.
بالنسبة للموضوع مالو فطور العريس .... ما عادة سودانية اصيلة يتجلى فيها كرم اهلنا ، ومعزتهم لبنتهم وتقديرهم كمان لأهل العريس أذاً فهو كعادة مبسطة غير متكلفة انا شخصياً ارى ان ما فيها أي غضاضة لو ما تجاوزت الحدود المعقولة لأنها بتكون في إطار الأحترام المتبادل ما بين اهل العروس والعريس كمان ما ننسا ان العريس عندنا بقدم شيلة ومالزم فيجب علينا اكرامه واكرام اهله .
وكله في النهاية كرم اهلنا السودانين وما تنسوا موية رمضان ،، والله اشتقنا للأبري البيض والحلو مر.
ماجدة
مشاركات: 24
اشترك في: الاثنين 2007.3.12 9:45 am

رد: موية رمضان وفطور العريس

مشاركة بواسطة ماجدة »

شـهد الكلامـ كتب:
الاخت الكريمه : ماجده

احيييييييييييييييييييييكى على الطرح الممتاز

ماعارفه :
بس فيها شنو لو لغينا الدكان البيجيبو مع الشيله وبالتالى تركنا فطور العريس واظنها واحده بواحده

برجع ليك بمزااااج بكره لو ربنا اراد خليكى منتظرا :072:
شهد الكلام
شكراً على المرور الرائع

كلها تقاليد لاتثمن ولاتغنى من جوع .. فى رأيى درجت الناس على اتباعها بطريقة جنونية .

وانا زاتى برجع ليك .
ماجدة
مشاركات: 24
اشترك في: الاثنين 2007.3.12 9:45 am

رد: موية رمضان وفطور العريس

مشاركة بواسطة ماجدة »

احمد يس كتب:الاخت ماجدة
انا كنت داير اى زول يفتح الموضوع ده من زمان ...... انتى كنتى وين
طبعا انا مريت بالتجربة دى حديثا فى زواج ابنتى ......... وتسألت لشنو فطور عريس ؟ هو يعنى ما فطر والا شنو ......... طبعا يعجبوكى الاهل ........كيف يا اخى ده انت لازم تقدم فطور عريس عشان ده بيكبر مقامك وبيرفع راس العريس قدام اهله ..................... ومن سوء الحظ انى علمت ان جميع زملاء العريس قرروا حضور الفطور وهم جميعا من اساتذة الجامعات ....... اذا كان على لازما ان يكون فطور على مستوى معين .................. وما اقولك على الفاتورة طلعت كم جنيه سودانى ...... يمكنك متابعة مذكرات مسافر للسودان .................. ولكى الشكر




الاخ احمد يسن

معليش إتاخرت عليكم فى الرد عشان كان عازمنى لمة فطور عريس . ومشيت غصباً عنى مع انى ضد الفكرة .
قالوا الزول لمن يمسكوه من يده الواجعاه بيعرف كيف سبب الوجع لكن بتك دى فقعت مرارتى بالضحك وسؤالها منطقى جداً .
فطورك دا يا ود يسن فطور معلمين .
تكبير المقام ورفع الراس مابيكون بى هيلمانة بتاعة حلل وجرادل وتفوق فى العدد وبهرجة فى الاوانى بقدر مابيكون بالاخلاق والاصل حسى تودى ليك فطور بى دفار وفى النهاية ناس العريس يكشحوا ليك شطة وتجى المشاكل ورا .
أكيد تكون الميزانية كبيرة جدا ولجات للدين .
ماجدة
مشاركات: 24
اشترك في: الاثنين 2007.3.12 9:45 am

رد: موية رمضان وفطور العريس

مشاركة بواسطة ماجدة »

الحزن القديم كتب:قولة خير .. شبكه بالشي الفلاني .. كسوة العيد .. سد المال والمبالغه
الشيله والبوبار فيها ..كسوة ام العروس وخالتها وعماتها وحوباتها
موية رمضان .. فطور العريس .. الحنه .. الكوفير
الحفلات تشتغل اسبوع .. وحاجات كتيييييره ما ليها حصر
دا كلو بوبار في الاعراس وخاصه اعراسنا في ( ام درمان ) فيها العجب
ودا السبب الرئسي في انه نحن لسه عزابه :D
بجيك راجع يا ماجده الموضوع دا حارقني شديد خلاص وعايز اتفشش
عظيم مودتي
الحزن القديم
مشكور على المرور وتوقيع الحضور

حاشاك من الحريق والفشفشة

قولة خير وتبعاتها كلها تقاليد لو خلوها العزابة ديل بعرسوا لانو بتكون فى حاجات كثيرة ملغية يعنى حاجات كدة ابتدعوها بدعة .
كسوة العروس وقريباتها ياخى العريس دا ملزم يلبس الاهل كلهم يكفى ام العروس وابوها .
تعرف يالحزن القديم موية رمضان دى كثير ناس بودوها ويشاء القدر انو مايتم الزواج يكونوا ناس العريس بختهم لقوا ليهم عدة والعجب كان بقت آخر موديل .
وموضوع الخفلات دا خليه ساى بهرجة تدى ربك العجب .
ماجدة
مشاركات: 24
اشترك في: الاثنين 2007.3.12 9:45 am

رد: موية رمضان وفطور العريس

مشاركة بواسطة ماجدة »

ابوبكر كتب:يا اخوانا كدي خلوني في البداية اشكر اختنا ماجدة علي الموضوع واتمنى ليها الصحة والعافية واقول ليها طرحك متميز وممتاز ونرجو المواصلة.
بالنسبة للموضوع مالو فطور العريس .... ما عادة سودانية اصيلة يتجلى فيها كرم اهلنا ، ومعزتهم لبنتهم وتقديرهم كمان لأهل العريس أذاً فهو كعادة مبسطة غير متكلفة انا شخصياً ارى ان ما فيها أي غضاضة لو ما تجاوزت الحدود المعقولة لأنها بتكون في إطار الأحترام المتبادل ما بين اهل العروس والعريس كمان ما ننسا ان العريس عندنا بقدم شيلة ومالزم فيجب علينا اكرامه واكرام اهله .
وكله في النهاية كرم اهلنا السودانين وما تنسوا موية رمضان ،، والله اشتقنا للأبري البيض والحلو مر.
الاخ أبو بكر
شكرى وتقديرى مرورك أسعدنى جداً

نحن جينا جداد لكن انتم أهل التميز والامتياز
نعم كرم اهلنا وطيب معشرنا لاغضاضة فى ذلك والاحترام المتبادل لكن الان فطور العريس حتى لو تجاوز الحدود المعقولة برضو مكلف جداً وتكون اسرة العروس ماعندها الميزانية . لذا فى رايى الناس لو اتنازلت عن الحتة دى يكون افضل .
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: موية رمضان وفطور العريس

مشاركة بواسطة احمد يس »

الاخت ماجدة
شكرا على ردك ولو جاء متأخرا........................
انا فى حياتى مبدأ معين وهو ان لا اقدم على شىء اكبر من امكانياتى ......لذا اللجوء الى الدين لا يوجد فى دستورى الخاص ..............الا اذا شاء العلى القدير ان اتدين.........
فى مثل عندنا بيقول اللى يده فى الموية مازى اليده فى النار.......................
المشكلة اذا طبقتى عادات وتقاليد على اول فرحتك ........بالتالى ما بتقدرى تترجعى فى اى مناسبة للبنات التاليين................. تحكمك احيانا مرئيات الطرف الآخر .......طبعا بيحصل نوع من جس النبض بين نسوان الطرفين ومن هنا ممكن بتعرفى تفكير الطرف التانى .....................
الحزن القديم
مشاركات: 13
اشترك في: الثلاثاء 2007.3.6 10:57 pm

رد: موية رمضان وفطور العريس

مشاركة بواسطة الحزن القديم »

انا بعرف واحد جنووو خطوبات .. يخطب ويسيب ( زول مستهتر كده )
طبعا كل مره اهل العروس يجبيو ليهو ( القطر ) او موية رمضان
وصاحبنا يضرب الرقاق باللبن ويضرب مويتو .. ويسيب الخطيبه
ويمشي يخطب غيرها .. مره جابو ليهو مصلايه وهو ما بصلي اصلا :D

أبوبكر
انت يا اخوي الظاهر عليك عرست وانتهيت وناوي الدبل سااااي :D
يا اخوي عادات شنو الجميله .. في ام درمان طلع موضه جديده لنج
تودي موية العريس او فطور العريس وتسيب ( العده ) هديه ليهم
وتعال شوف نوع الفطور ذااااتو كيف ؟ شي يحير والله

بأختصار الاعراس عندنا فقدت معناها وهي ( جمع رأسين علي الحلال )
وبقت عباره عن معرض ازياء وعطور واظهار المقدرات الماليه
وبوبار عجيب .. يخلي العزابي يفكر الف مره قبل ما يفكر في اكمال نص دينو
تخريمه ..
سمعت الايام دي بموضة ( الحنه الحبشيه ) ؟ لو ما سمعت بيها انا اوريك
دي طقوس الحنه فيها كلها حبشيه .. من اللبس او الزي الي الفرقه الحبشيه
الغنائيه والمأكولات الحبشيه ووووالخ


بجي راجع تاني للبوست/ط دا يا ماجده .. انا حالف الا اتفشش
سلام مؤقت
أضف رد جديد

العودة إلى ”حوارات جادة“