اراضي المغتربين في الوادي الاخضر الي اين

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

اراضي المغتربين في الوادي الاخضر الي اين

مشاركة بواسطة توقن فنتي »

اراضي المغتربين يباع في وضح النهار بالشبابيك الخلفيه لدى لجنة توزيع ا راضي المغتربين بجهاز المغتربين هذا ما قاله لي اخ قادم من السودان بانه ذهب لجهاز المغتربين لاكمال اجراءت العودة الي المملكة وجاءه احد مناديب لجنة الاراضي يعرفه طريقة طلب قطعة ارض بالوادي الاحضر بعمل خلو طرف من المغتربين وطلب قطعة ارض من جهاز المغتربين وصورة من جواز السفر ساري المفعول وصورة اقامه ساري المفعول ومبلغ 2400 جنيه سوداني بالجديد وتستلم شهادة البحث مجرد تسديدك المبلغ وافق الاخ وقام بعمل كل ما طلب منه وذهب في اليوم الثاني لدفع المبلغ واستلام قطعة الارض واذا يفاجا الاخ بالزحمه وكثرة الاوراق الموزعه يفوق عدد الاراضي الموزعه اربعه مرات وهمس له قريب له بان لا يتعب نفسه لان الاراضي المذكورة قد تم توزيعها خلف الكواليس للسماسرة وعليك ان تلملم اطرافك واذهب الي حيث اتيت منه واشتري من حر مالك من دون ان تنتظر من يدعمه لك نحن نشكر الحكومه وجهاز العاملين لما قدموه ويقدمونه للمغتربين ولكن من المفترض ان يكون هناك اليه للمراغبه لهؤلاء الفسدة ان يكون اليه لتوزيع الاراضي كما هو متبع في القطاع العام والخاص والفئويه
×?°توقن فنتي ×?°
صورة العضو الرمزية
ابو العزائم احمد الطيب
مشاركات: 434
اشترك في: السبت 2009.7.4 10:06 pm
مكان: مكة المكرمة

رد: اراضي المغتربين في الوادي الاخضر الي اين

مشاركة بواسطة ابو العزائم احمد الطيب »

[align=center]الاخ العزيز المفترض ان يكون هناك اليه للمراغبه لهؤلاء الفسدة في لجنة الارضي وغيرها من لجان
الفسدة كثيرون في لجنة الاراضي وفي جهاذ المغتربين نفسة و يا اخوتي كم عمر الاغتراب من السودان

والدخول عبر بوابة سواكن من متي
الجواب من ذمن بعيد
المفترض ان يعمل علي الاقل صالات تستقبل الناس القادمين وتكون صالات علي مستوي يليق بالبلد من باب انها بوابة للبلد وسيبك من حاجات كثيرة مفروض تتعمل لكن البلد ما عندها وجيع والكلام كثير والوقت قليل ولنا رجعة باذن الله لك التحية عزيزي[/align]
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: اراضي المغتربين في الوادي الاخضر الي اين

مشاركة بواسطة توقن فنتي »

الاستاذ ابو العزائم احمد الطيب
لك الشكر على المرور والاضافه الكريمه اول ما جاء الانقاز كان ياخذ الثلث من انتاج المزارع بحجة الزكاة وكانو يقولون اهلنا الثلث للوابور والثلث للزبير والثلث للطير والمزارع فاعل خير والمغترب اليو هو فاعل حير وبالامس كان التوزيع مرة اخرى في اراضي المغتربين بالوادي الاخضر مربعي 60+61 ايضا تم توزيعه والتوزيع كما اسلفنا بالسابق من خلف الكواليس رغم انني لم اسافر عن طريق سواكن الا مرة واحدة وهي كانت تجربه كافيه من ما وجدته من حرب مع الناموس ومع الشيال الذي استغل صديقي ودكرفاب الشايقي والعفش الذي انتظرناه لساعات لاستلامه رغم ان معنا حرف واو على قول الخليجيين
ومع رجال المرور الذين يصطفون في الطريق يمنى ويسرى الي ان كل متي بعامل ادخال واخراج اليد من الجيب وكنت اقول لصديقي ابنعوف اثناء الرحله اماتة الازى عن الطريق سنه اين الانقاز من السنه
الحميدة وكنت اقراء خوفا منهم اية الكرسي وايات من سورة ياسين ارحمو المغتربين كفاهم اعطو للوطن
الكثير ولم يجد القليل رغم عطائه وشكرا لك اخي الحبيب مرة ثانيه

×?°توقن فنتي ×?°
صورة العضو الرمزية
ريناد
مشاركات: 442
اشترك في: الجمعة 2008.9.12 4:00 am
مكان: السعودية

رد: اراضي المغتربين في الوادي الاخضر الي اين

مشاركة بواسطة ريناد »

صدقت يا أخي توقن فنتي ان جهاز السودانيين العاملين بالخارج يجب ان يسمى جهاز تدمير السودانين العامللين بالخارج هذا الجهاز لا هم له غير الجبايا ولا علاقه له بالمغتربين ابدا من بعيد او قريب وخدعتكه في الحصول على قطعه ارض في الوادي الاخضر لا يساوي 1% مساوي هذا الجهاز والوادي الاخضر (الوادي الاصفر) التي خدعوا بها معظم المغتربين وليس المقربون
وزعت على الغلابه اما المرطبين والموالين للمؤتمر الوطني اخذو اللحم الثمين في الميادين المنشيه المعمورة الصحافه الامتداد المهندسين اخب العزيز فوض امرك الى الله اللهم لا نسألك رد القضاء ولاكن نسألك اللطف فيه اللهم دمو هؤلاء الفسده اللذين ما ندري من اين جاء هؤلاء كما قال المرحوم الاديب الطيب صالح يريدون ان يقيموا على جثه السودان الهامله خلافه اسلاميه
ليبيعها اهل مصر واليمن والشام وشكرا
ABOODY8
مشاركات: 24
اشترك في: السبت 2008.4.19 6:20 pm
مكان: SAUDI ARABIA - RIYADH
اتصال:

رد: اراضي المغتربين في الوادي الاخضر الي اين

مشاركة بواسطة ABOODY8 »

الاخ توقن فنتي وبقية الاخوة المشاركين
لك التحية وكل عام وانتم بخير
المفترب مظلوم من يوم مادخلت علينا هذة الحكومة
والغريب في الامر ان المغتربين هم من وقف مع الحكومة بالدعم المادي وسفارة الرياض لوحدها كانت ومازالت تتبنى جميع مصروفات ومرتبات وزارة الخارجية والسفارات الاخرى للسودان . هل لدي السفارة استثمارات في السعودية . لا . الاستثمار نحن التعابا .
انا شخصيا اشتريت قطعة ارض بالوادي المهبب ده وسددت المبلغ كامل منذ عام ونصف وحتى الان لم استلم لا عقد ولا شهادة بحث .
اوافق على ماجاء بحديث الاخت ريناد
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: اراضي المغتربين في الوادي الاخضر الي اين

مشاركة بواسطة نهر المحبه »

طيب ياخوانا
الوادي الاخضر ده الخدمات وصلت فيه
وقعت لينا فيه ارض تبع الخطه الاسكانيه وسحبنا القرعه في كرري من سنة 2006
والى الان تاني مارجعنا السودان وما عارفين اذا المنطقه اتسكنت ولا لا
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: اراضي المغتربين في الوادي الاخضر الي اين

مشاركة بواسطة توقن فنتي »

ريناد كتب:صدقت يا أخي توقن فنتي ان جهاز السودانيين العاملين بالخارج يجب ان يسمى جهاز تدمير السودانين العامللين بالخارج هذا الجهاز لا هم له غير الجبايا ولا علاقه له بالمغتربين ابدا من بعيد او قريب وخدعتكه في الحصول على قطعه ارض في الوادي الاخضر لا يساوي 1% مساوي هذا الجهاز والوادي الاخضر (الوادي الاصفر) التي خدعوا بها معظم المغتربين وليس المقربون
وزعت على الغلابه اما المرطبين والموالين للمؤتمر الوطني اخذو اللحم الثمين في الميادين المنشيه المعمورة الصحافه الامتداد المهندسين اخب العزيز فوض امرك الى الله اللهم لا نسألك رد القضاء ولاكن نسألك اللطف فيه اللهم دمو هؤلاء الفسده اللذين ما ندري من اين جاء هؤلاء كما قال المرحوم الاديب الطيب صالح يريدون ان يقيموا على جثه السودان الهامله خلافه اسلاميه
ليبيعها اهل مصر واليمن والشام وشكرا
ريناد لك التحيه والتجله
شكرا لك على الاضافه المميزة والغريب ان اراضي المغتربين يباع للمغتربين في وضح النهار داخل جهاز التد\مير كما اسميته بخمسه مليون جنيه غير الرشاوي الذي تدفعه وقيمته خمسمائة الف والسعر الحقيقي 2400000 جنيه بالقديم مساحة القطعة 300متر ولك جزيل الشكر مرة اخرى رينادة
happy0005.gif
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: اراضي المغتربين في الوادي الاخضر الي اين

مشاركة بواسطة توقن فنتي »

aboody8 كتب:الاخ توقن فنتي وبقية الاخوة المشاركين
لك التحية وكل عام وانتم بخير
المفترب مظلوم من يوم مادخلت علينا هذة الحكومة
والغريب في الامر ان المغتربين هم من وقف مع الحكومة بالدعم المادي وسفارة الرياض لوحدها كانت ومازالت تتبنى جميع مصروفات ومرتبات وزارة الخارجية والسفارات الاخرى للسودان . هل لدي السفارة استثمارات في السعودية . لا . الاستثمار نحن التعابا .
انا شخصيا اشتريت قطعة ارض بالوادي المهبب ده وسددت المبلغ كامل منذ عام ونصف وحتى الان لم استلم لا عقد ولا شهادة بحث .
اوافق على ماجاء بحديث الاخت ريناد
[gdwl][gdwl]
لك التحيه اخي الكريم وشكرا على المشاركه
المغترب قدم الكثير والكثير للوطن والمقيمين داخل الوطن
كما قال منظر الاقتصاد السوداني عبدالرحيم حمدي في برنامج
بقناة النيل الازرق وانه كان العمود الفقري للدولة في بدايات الانقاز
ولكن المغترب اليوم هو المطرب للقمة العيش وعليك الاسراع واستلام قطعتك
وما اكثر السفافين بالمغتربين والا ستخرج خالي الوفاض وشكرا
[/gdwl][/gdwl]
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: اراضي المغتربين في الوادي الاخضر الي اين

مشاركة بواسطة توقن فنتي »

نهر المحبه كتب:طيب ياخوانا
الوادي الاخضر ده الخدمات وصلت فيه
وقعت لينا فيه ارض تبع الخطه الاسكانيه وسحبنا القرعه في كرري من سنة 2006
والى الان تاني مارجعنا السودان وما عارفين اذا المنطقه اتسكنت ولا لا
اختي الكريمه نهر المحبه
الوادي الاخضر ارتفعت الاسعار بالوادي الاخضر ويصل سعر القطعة مساحة 300متر من سبعة مليون جنيه الي ثمانيه مليون والوادي الاخضر يتكون من ثلالثه احياء وهي مدينة الاعلامين وهي بيوت شعبيه مبنيه فيها كل الخدمات وبها سكان وخلفه الاسكان الشعبي وهي ايضا مبنيه وبها كل الخدمات ومن خلفه اراضي المغتربين لم يصله الخدمات وهي ستون مربع ويقال انه وصل التوزيع حتى شمال بحري الكدرو
وشكرا
صورة العضو الرمزية
نداوي
مشاركات: 133
اشترك في: الخميس 2009.9.10 2:32 am
مكان: المملكة العربية السعودية \ الرياض

رد: اراضي المغتربين في الوادي الاخضر الي اين

مشاركة بواسطة نداوي »

حلفتكم ورونى حاجة مابتحرق الدم في السودان
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: اراضي المغتربين في الوادي الاخضر الي اين

مشاركة بواسطة توقن فنتي »

نداوي كتب:حلفتكم ورونى حاجة مابتحرق الدم في السودان
كل شيئ بتحرق اولها الساسه والسياسه
والما بتحرق انك تبعد من المدن والسياسه والساسه
وعشان ما احرق دمي اقضي اجازتي في اقصى قريه في شمال
السودان بعيدا من هموم ومشاكل المدن والاعلام
صورة العضو الرمزية
الفرح المهاجر
مشاركات: 6812
اشترك في: السبت 2008.9.20 7:42 am
مكان: جو قلب حبيبتى

رد: اراضي المغتربين في الوادي الاخضر الي اين

مشاركة بواسطة الفرح المهاجر »

[align=center]خلى الاراضى نحن البشر ح يبعون ونحن واقفين
ديل حسبى الله عليهم ونعم الوكيل انا مشيت وشوفت
الوضع والله مافى احترامى غير ما يعاكسوك اصلا ما يسهولو
ليك وانا انا لمن رحت السودان عبرت بى كم دولة عربية
والله غيرك يدقو ليك دخول او خروج ويقولو ليك ادعو لينا
ما شوفنا منهم حاجة كعبة بس تعال السودان من بوابة المينا
العسكرى ينهرك لمن تزهج ومرور بى الطريق بتاع المرور
والله السودان لا حولة منه الله يصلح حالنا يارب وحال المواطن السودان
ماساة مابعدها مساه عبارة عن عصبات منظمة متخصصة فى النهب والسرقة[/align][/size]
صورة العضو الرمزية
khalsami
مشاركات: 222
اشترك في: الخميس 2008.10.16 6:51 pm
مكان: قبرص

رد: اراضي المغتربين في الوادي الاخضر الي اين

مشاركة بواسطة khalsami »

هسع امس باعو لينا في قطر بواسطة السفارة درجة اولي بي 9 لف ريال قطري .. وسلمونا العقود وتوكلنا علي الله والمساحات 450 متر الي 500 والله المستعان
ما اظن تكون ماسورة .. لانو الايصال المالي بحوزتنا والعقد من 3 نسخ ويوجد به شهود وامضان وكيل وزير الاراضي المفوض وهنالك لجنة قدمت من السودان مخصوص لهذا الغرض .
أضف رد جديد

العودة إلى ”ملتقى المغتربين بالخارج“