قصائد هلالية.. مريخيه... وقوميه....!!!!

اخبار الفرق الرياضية..الدورى..الصحافة..والشمارات الكروية

المشرف: بانه

أضف رد جديد
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

قصيدة للهلال السوداني

مشاركة بواسطة mubark59 »

بسم الله الرحمن الرحيم

في يوم الأحد25\4\2004 وفي إستاد

الكلية الحربية تمكن الهلال من الفوز على الأهلي

القاهري واحد صفر بهدف ريتشارد جاستن

وانتهت مباراة الرد في أم درمان 0\0 بعد مباراة رائعة

من جانب الهلال وأقصي الأهلي من البطولة

نريد أن نعيد لجماهير الهلال ولاعبي الهلال هذه

القصيدة التي كتبتها بعد الفوز فإلى القصيدة

هلالنا أبدع

هـــلالـنـا العـظـيـم لـلأهـلـي كـشـر نايـبـو

وأبدع في فنونو وزاد لي غريمو مصايبو

بـي أحـلـى الـعـروض قـدم وأبـدع جـانـبـو

*** ***

بـي قـوة وعـزيـمـة كـسب رهـان النـصـر

قـهـر أبـطال مصر حـطـم فـريـق الـعـصر

وهــلا هــلالـنـا هـــلا هـــلا سـاطــع بــدر

*** ***

الــشـعــلـة أشـعـل فـي الـمـيــــاديــــــن نـار

أرهـــــــب لـلـدفــــاع وســـد لـيـــنـا الـتـــار

خـــلا الـكـل يـلاوز زي الـكـــديــس لـلـفـار

*** ***

ريـتـشـارد الأسـد حـمـى الـدفـاع بـي أمـانة

بـي أطـراف دفـاع مـلـــــيـانـة فـي مـلـيـانـة

يـهـجـم فـي الـخـصـم زي رمـي الـجـبـخـانة

*** ***

الـهـيـثـم قـاد هـــلالـــو بـي رشـاقـة وهــمـة

ولـلـتـتـويـج يـسـيـر الـقـــمـــــة بـعـد الـقـمـة

وزع أبـدع راوغ أفــلـح زاد حـلاوة الـنـمـة

*** ***

أفـرح لـلـجـمـيـع مـلـيــــــــون مـيـل ومـربـع

وبي أحلى العروض سطر وأخـلـص وأبـدع

وخـلا الأهــلي حـايـر...دفـاعـو خلا مـجـدع

*** ***

حـار الـدراويــش والــــلـــه فـــعـلا حـــــارو

خـسـروا كـل رهـان والـلـه خـسـرو وبــارو

وكـان في الـلـيـلة ديـك هـلالـنا أشـعـل نـارو

*** ***

دائــــمـا يـا الـهـــلال أبـدع وزيـــد إبـداعـك

أفـرح لـلـجـمـيـع وأفـــرح مـلء أسـمـاعــك

الـسـودان ده كـلـو أثـلـج صـدورو يـراعـك

رائد شرطة(م) بشرى مبارك


mubark59@hotmail.com
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

المريخ ورباعية مع كوارا النيجيري السبت9\1

مشاركة بواسطة mubark59 »

بسم الله الرحمن الرحيم

قدل واتبختر ده المريخ خلا كوارا مزاجو اتعكر

بي رباعية كل هدف أحلى من التاني طاعم ومسكر

هـــجوم يبدأ من الظــهر يمر بالأطراف ثم السنتر

سعودي عجب لي مجاهد فريق كلو نجوم أخوان عنتر

الإسماعيلي الصيد القادم وزي ما شاف الأهلي يشوف بل أكتر

بي خماسية نعيد أمجاد العهد الذهبي لما السودان خطط وفكر

وكان أول من قاد إفريقيا ونقول للعالم اتذكر

أننا أصحاب أمجاد كروية وجمل فنية ما تتفسر

المريخ أكيد ارتاح وفي القمة جلس واتحكر

وهلالو هلا جوارو لو خسران أو فائز هو اتصدر

والمجموعة قوية فيها الأهلي وإيسك وترجي في قوة عسكر

لكنو هلالنا كان الأول وقدام الأهلي كان الأجدر

بي هجوم صاروخي وأهداف بالرأس والحضري رقص ما قصر

وعقبال نفرح بيك في السوبر ويكون أحلاهو داك من منظر

رائد شرطة (م) بشرى مبارك إدريس

السكرتير الثقافي والرياضي والإعلامي

للجالية السودانية بألمانيا الإتحادية\بون


mubark59@hotmail.com
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

الهلال والترجي المباراة لصالح الهلال 2.1

مشاركة بواسطة mubark59 »

اسم القصيدة بين بون وهامبورغ ضاع الترجي



رغم سفـري وانشغالـــي ما نســــيتك يا هـــــــلالي

قلت من (هامبورغ) أتابع وفي الترجي يكون منالي

بي ثلاثة نظـــيقة رائــعة أنت يا الأزرق مثـــــــالي

لي أمين وصيت بشدة يرفع التلفون طوالـــي

لو كلاتشى لهدفو أحرز ذكرنا أيام فيها والي

و(البرنس) لي باصو وزع مرة أرضي ومرة عالي

والترجي شباكو تقبل لي ثلاثة على التوالي



عندما اقتربت نهاية المباراة كنت على مشارف مدينة (هامبورغ) فاتصلت

على الأخ الأمين الماحي والذي أفادني أن المباراة في ثوانيها الأخيرة

والنتيجة والنتيجة وأنا أقول ليهو قول عليك الله فقال لي أن الهلال

فائز اثنين صفر وكدت أطير من الفرح ولولا أنني كنت في طريق المرور

السريع وأحتاج إلى سماعات لاستعمال الهاتف لتحدثت طويلا مع الأخ

الأمين الماحي ولكن واصلت قصيدتي وقلت

الأمين بالفرحة رسل أنو إتنين فاز هلالي

والثلاثة نقاط هلالنا زي مروي أصبح سدو عالي

يا سلام على نصر رائع وكل يوم يا هلالنا غالي

يا البوني افرح وتاني أفرح هلالنا أصبح تيم قتالي

يا البوني أفرح وتاني أفرح هلالنا أصبح تيم قتالي

ومنذ البداية قررت أن أرسل القصيدة والمقال لشخصك الكريم

عسى أن تجد النشر ولك شكري

رائد شرطة (م) بشرى مبارك إدريس


mubark59@hotmail.com
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

الهلال والنجم الساحلي

مشاركة بواسطة mubark59 »

قصيدة بعنوان ما بغلبو

ما بغلـــــبو وما بــغالـبو هلالـــنا الحلو هلانــــــــــا الحـلـــــــــــو
كل الفـــــــــــرق نالـــــــــت هزائم ومن عرضو الجمــيل اتحيرو
والبونــــي سطـــــر فــــي عـــــمودو وقال شــنـــو؟ أســــــألــــو
هــــــــلال مريخ قبيلة واحدة انتـــــــصار مع انتـصار ويهــــلـلو
ويــــا ربــي في الكــــــاس مجموعيـــــن ولسه الحـــــلو حايـكملو
ما بغــــلبو وما بغالـــــبو هلالنــــــا الحلــــو هلالنــــا الحـــــــــلو
مهــــــــما صعــــــب اســـــم الــــــفريـــق لشـــباكو قادر يوصلو
يســـــــعد جـــــموعو الواقفــــــة حولو للكـــــؤوس يســـــتاهلــــو
فرح الجمـــــــــهور بالانتصــــــــار ده الكــــــــان بداهومن أولـو
مرة خمــــــــسة ومرة اتنين والتـــــعادل خارج أرضو يسجلــــو
ما يغـــــــــلبو ومــــــا يــــــغالبو هلالـــــنا الحـــــلو هلالــنا الحلو
خــــــطوة واحــــدة للنــــــهائي تــــكون هنـــــــــــاك تستاهلـــــــو
نجوم هلالـــــــــنا عازميـــــــن بـــــجد ولي كــل الصعاب يتحملو
إدارة واعيــــة بـــي ســـخاء بــــس النجـــــــوم يــــتدلــــــــــــــلـو
وزي ما بدأ من أولو يكون خـــتام رائع رائع جميل في مظهرو
مــــا بغـــلبو ومــــــــا بـغالبو هلالــنا الحــلو هلالـــنا الحـلـــــــــو


mubark59@hotmail.com
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

المريخ يتأهل رغم الظلم الإفريقي في التحكيم

مشاركة بواسطة mubark59 »

بسم الله الرحمن الرحيم

سوء التحكيم الافريقي الباين

التحكيم الافريقي وصمة عار وبـيـهـو دولـفـيـن حاول رد الصاع

وكل من شــــاهـد داك اليــوم أكـيـد تــأكـد لـيـهـو الـحـكـم الـبــــاع

وسوء التحكـــيم ظاهر وباين أصاب كل سـوداني دوار وصـداع

ومازدا ضحـيـة الحكم الخاين والباقين من لاعبين من غير إبداع

وربـنـا نـصـرنا على الـظـالم ونحن بـعـيـديـن في تـلـك الأصقاع

*** *** ***

الـمـريــخ اجـتـاز الـمـحـــــنـة وكـانــت مـحــنــة بـكـــل أنـــواع

من يوم ما حط المريخ لرحالو في نيجيريا ما شاف غير أوجاع

أوجـاع مـن أجــــل هـزيـمـتـو بـي أفـعـال مــش حـاجـة تـشـــاع

فـي الاسـتـقـبـال في الـتـرحال فـي الـمـيـــدان والــحـكـم الـبــــاع

الــكـان خـصـم عـلى إفـريـقـيا وحـطـم كـــل أمــل وكـل شــراع

*** *** ***

يـالـجــنـة تـحـكــيـم افــريــقــي عـايـزيـن تـحـــــــقــــيـق عـاجـل

وما عـايـزيــن نـسمع أصوات تــقـول الـتـحـــــــكـيـم فـاشـــــــل

والمـريـخ كان مـظـلـوم صـابر وتــأهـل رغـم الـظـلـم الـمـاثــــل

والـكـاس لأنـصـار مـانـديــــلا رغـم الـظـلــم ورغـم الـحـاصــل



وكل عام وأنتم بخير الجالية السودانية\بون

رائد شرطة (م) بشرى مبارك إدريس

السكرتير الثقافي والاعلامي والرياضي

للجالية السودانية بألمانيا الإتحادية

بـــــــــــــــــــــــــــون


mubark59@hotmail.com
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: المريخ يتأهل رغم الظلم الإفريقي في التحكيم

مشاركة بواسطة صلاح يحيى سليمان »

الاخ بشرى المبارك....!

تشكر جزيل الشكر على الابيات الجميلة وعلى مدحك لانتصارات
مريخنا العظيم.....والاجمل تجى منك ...وانت هيلالابى كبير...!
دى الروح الرياضية وله بلاش.......!


بقيت الهيلالاب اتعلموا.....!!!
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

جانا العيد وهلالنا بعيد

مشاركة بواسطة mubark59 »

بسم الله الرحمن الرحيم

جانا العيد وهلالنا بعيد

جــــانا العيـــــــــد حبــــــــــاب العيد

جــــانا العـــيد وهــــــلالنا بعـــــــــيد

قال ليــــــنا عبـــــيد وقال لـــينا رشيد

حارســـــــــنا(شريف)خلوه بعيـــــــــد

وشوفـــــــو لي(معز)لي مجدو يعـــيد

لو يأخـــــــذ أمصــــــال فايتمين وحديد

هــــــــيرون ريكـــــاردو أظنو عنيــــد

حطم لــــــــي مجـــــــدو بكل تأكيـــــــد

جــــانا العيـــــــــد حبــــــــــاب العيد

جــــانا العـــيد وهــــــلالنا بعـــــــــيد

كان ماشـي بــــــي لحن طرب ونشـيد

فريــــــــق القرن صفــــدو تصفـــــيد

لي إيســـــك العاجي بي طرف الليـــد

ولي ترجي تونـــــــس ساهل بنصــــيد

لي نجم الســــــــاحل وضعنا رصــــيد

ثلاثـــــــة نقـــــاط وهدفيـــــن ونزيـــــد

لكن ما سمعنا ما قالو عبيد وقالو رشيــد

وشريفـــــنا(الثغرة)أدانـــــــا التأبـــــــيد

وضوقــــــنا مرايــــر ونسانـــا العيــــد

لأن هــــلالنـــا شفنـــاهـــــو بعيــــــــــد

بعد ما قلــــــنا الكـــــــــاس ده رصـــيد

وبعد ما ضمـــــــــنا أفراح العــــــــــيد

جــــانا العيـــــــــد حبــــــــــاب العيد

جــــانا العـــيد وهــــــلالنا بعـــــــــيد



رائد شرطة(م)بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الإتحادية

بــــــــــــــــــــــــــــــــون


mubark59@hotmail.com
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

مريخنا الغالي في عهد الوالي

مشاركة بواسطة mubark59 »

بسم الله الرحمن الرحيم


مريخنا الغالي في عهد الوالي

*** *** ***

جمال الوالي يا قدم الخير واصل طوالي

مريخــــنـا فـي قــمـــة مـريـخـنــا تـوالي

واصل في جمهورك وإخـوانـك لا تبالي

ولي كأس إفـريـقـيا ضحـيـتـو بكل غالي

عـايـزيـنـو فـي أم در وعايـزيـنـو توالي

*** *** ***

عايـزيـن كل لاعب ومشـجـع هـو مثالي

يـكـون فـي إبـداع عــــصـام الـشــوالـــي

الـفـي آخـر وصـفـو أنـصـف لـهـلالــــي

وقـنـاتـو الـرائـعـة دائـمـاً فـي عـــلالـــي

دي الـــ (إي.آر.تــي) الـوصـفـهــا حـالي

تـنـقـلـنا سـريـع لـي كل مدن في الأدغال

بـي سـعــر رخـيـص ما كــان فـي بـالـي

ونجوم المريخ نجوم الإبداع سد مروي العالي

ونجوم المريخ نجوم الإبداع سد مروي العالي



رائد شرطة(م)بشرى مبارك إدريس

السكرتير الثقافي والإعلامي للجالية السودانية

بألمانيا الإتحادية\بــــــــــــــــــــــون

mubark59@hotmail.com
صورة العضو الرمزية
asool22
مشاركات: 1783
اشترك في: الجمعة 2007.6.1 1:27 am
مكان: الســـعـــــــوديه
اتصال:

رد: جانا العيد وهلالنا بعيد

مشاركة بواسطة asool22 »

[align=center]الله يديك العافيه يا رائع[/align][/size]
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

هلالنا ما خاب في عهد الأرباب

مشاركة بواسطة mubark59 »

بسم الله الرحمن الرحيم

هلالنا ما خاب في عهد الأرباب



صــــلاح إدريــــس يـالأربـــــاب هلالـنا الأبـدع وهـلانــا مـا خاب

فريقنـــــا اليوم فريقنــــا مهـــــاب بي عرضو الرائع زاد الأصحاب

بـي(برنــــس)ورفـاقــــــو وصلنا البـاب والحظ العثر قبضنا سراب

كـاس الأنـديـة الـلـيـهـو مـا جــاب فـي الـعـام الـقـادم أكـيــد بـنـجـاب

يـحافــــــــــظ علـــــــى رزمـــــو بـي فـنـو الـرائـع ولـعـبـو الـجذاب

*** *** ***

مـــــــــن يــــــنــــكر فضلــــــــك يــكـون هو مـجـافـى يكون كـذاب

ناس السـقاي ونــاس السـروراب نـاس وادي حـلـفـا ونـاس واراب

وكل سوداني ومعاهو أصحـــاب هـتـفو بالمليان سير يالأربــــــاب

لـي الـمـمـتاز لـي كــأس السودان وكـأس إفـريـقـيـا عـايـزيـن ألقاب

صـــلاح إدريــــــس يالأربــــاب سـير بي هـلالـنا سـير بالترحاب

سـيـر بـي هـلالك رغم الأتعــاب والـمـولــــى الـخـالق يـديـك ثواب

والمولى الخــــــالق يـديـك ثـواب ويـنـجيك المولى مـــــن كل عقاب



رائد شرطة(م) بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الإتحادية

بـــــــــــــــــــــــــون


mubark59@hotmail.com
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: هلالنا ما خاب في عهد الأرباب

مشاركة بواسطة صلاح يحيى سليمان »

الاخ يشرى....!

تشكر على القصيدة الجميلة ....وحقيقة
الهلال لم ولن يخيب آمالنا.
بالتوفيق ان شاء الله فى الجايات.....!
وده بداية المشوار.
صورة العضو الرمزية
mohamed merghanh
مشاركات: 125
اشترك في: الأحد 2007.4.22 9:32 am
مكان: usa

رد: هلالنا ما خاب في عهد الأرباب

مشاركة بواسطة mohamed merghanh »

اسمحوا لى أخالفكم الرأي ...
من ناحية الخيبة فهي حصلت وانتهت ...
أخطاء فنية .... أخطاء تكتيكية ... حارس مرمي كبكابة .... دفاع ناقص ... عوامل كتيرة والمحصلة واحدة
إنو الهلال لو ما خاب فقد خيب آمالنا بهزيمتين متواليتين كالغصة فى الحلق ...
بعد ما فش غبينتنا فى الأهلي المصري رجع ملانا غباين تاني ..
ونحن الكان يحدونا الأمل إنو يقابل الأهلي فى النهائى ويعيد ليهو الدرس مرة تانية عشان يحفظنا صم وينذكر اسم السودان فى المحافل الدولية ويملانا الزهو إنو الكاس الأفريقية مستقرة عندنا السنة دي وما حنفرط فيها تاني ...
الهلال ما خاب ... ولكن بعد ما لبنت أداها الطير ...
ولكن برضو عندنا أمل ... والسنة الجاية قريبة ... وبدل ما ننكر الخيبة والهزيمة أحسن نستفيد من الدرس الخلي نكسة 67 تتحول لعبور بعد سنوات قليلة ...
عندي مسدار للهلال عندما غمرنا بالفرح سأنقله لكم من بوست المسادير ...
صورة العضو الرمزية
mohamed merghanh
مشاركات: 125
اشترك في: الأحد 2007.4.22 9:32 am
مكان: usa

رد: هلالنا ما خاب في عهد الأرباب

مشاركة بواسطة mohamed merghanh »

من قومة الجهل صهيوني مريخابي
في غلب الرشاشة بشرب كؤوس أنخابي
اليوم نور الهلال سطع شموس ما خابي
لي غرس الفرح في قلوبنا كم عرفلو مخابي

غلبونا ياما وكنا البال طويل زي سلبة
أحر شي في الدنيا نضوقو ذل الحلبة
هلالنا هل ولينا جاب السرور والغلبة
خلو أولاد بمبة ركبوا الحمار بالقلبة

سبنا التعصب والله ولبسنا توبنا القومي
وكتين الفخار أصبح ملازم قومي
ببركة المشايخ والسادة أهل القومي
يا السودان تفوز وفرحنا يصبح يومي

اليوم الهلال مزفوف أمامنا عريس
الخلو ديل الحلبة في بهدلة وتجريس
الفارس الجسور الخيل يجنو دريس
مجرتق بالدموم صلاحنا ود إدريس

مبروك النصر الفش فينا غباين
يوم هل الهلال في سمانا شعشع باين
لي مر الهزايم طلاقنا أصبح باين
والنصر العزيز في سوقو صرنا زباين

ما بنرضي غير الكاس يجينا محمول جوآ
وإنتصارات قوية أخبارا في الكون دون
يا ود الفخار عزك أصيل ومدون
ويا أهلي الحلب يومك معانا ملون
صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: جانا العيد وهلالنا بعيد

مشاركة بواسطة Suhaib »

[mark=0000FF]
العزيز


الشاعر بشري



كل سنة وانت طيب


وربنا يحقق امانيك



جنا العيد وهلالنا بعيد !!!!


لكنه قريب لي قلوبنا !!!




شكرا علي الكلمات الجميلة وما تحرمنا من ابداعك



،،،
[/mark]
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: جانا العيد وهلالنا بعيد

مشاركة بواسطة شـهد الكلامـ »

هو انتو من زمن هلال العيد
ياخ الناس دخلت العولمه
وبقا فيها
الصوم بالتابعيه
هسا
جمهورية السودان الديمقراطيه
صامت بالتابعيه
وافطرت بالتابعيه

قال هلال قال

مبارك
عيدك سعيد
وكل سنه طيبييين طيبييين
وهارد لك
المرات الجايه احسن بالتاكيد
خلو املكم ف الله كبير
كمان كان ما فزتو بيكون
خير برضو
وعسى ان تكرهوا شيئا وهو خير لكم







صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

ثلاثية المريخ مع الشليف الجزائري

مشاركة بواسطة mubark59 »

بالامس السبت 21/4/2007 قدم المريخ مباراة رائعة
أداء و نتيجة مولودية الشلف الجزائري 3/0
و كتبة هذه اقصيده.

حقق شعار الكي خلف
و ارتاحت الاعصاب كتير من بدري ما ضاقت تلف
بثلاثة وبر كل من كان حلف
العرض جميل دفاع وسط و العاب طرف
أهل الجزائر (بلعوه)داك كل الصلف
بعد المريخ ما عب من قربهم سرف
في غربنا في شرقنا الشاي شراب و البن كرف
الكل يعزى (شليفنا)داك الكان سلف
****************
و الله ما أحلى العروض *** في ام در أمان
كان الهلال بالروح يجود *** و كان المريخ لا يستهان
كانت عروض لون الورود *** توزيعه كان في كل مكان
من ياي تحية للنهود *** و من نمولي فاكس لي بورتسودان
كان الفرح من غير حدود *** عايزين نعيد أيام زمان
في الساحة كنا كالاسود *** و صحفنا كانت ترجمان
د.حليم كتب البنود *** و نجحنا في كل امتحان
لكن تناسينا العهود ***و اصبحينا ما في كل لسان
و الليلة راجعين في صمود *** بي عروض جميلة و عمل بيان
و الليلة راجعين في صمود *** بي عروض جميلة و عمل بيان
رائد شرطة معاش
بشرى مبارك ادريس
السكرتير الثقافي و الرياضي و الاعلامي
للجالية السودانية /بون
صورة العضو الرمزية
ايهاب عبدالفتاح
مشاركات: 21
اشترك في: الثلاثاء 2007.10.16 4:18 pm
مكان: السودان / الخرطوم

رد: ثلاثية المريخ مع الشليف الجزائري

مشاركة بواسطة ايهاب عبدالفتاح »

شديدة .. وحلوة .. وملعوبة .. تسلم والله .. وبالشامي كدة ( يسلم تمك )

ايهاب
سوسو52
مشاركات: 13
اشترك في: الثلاثاء 2007.10.2 11:39 am
مكان: ام در ياربوع سودانا يحييك

رد: هلالنا ما خاب في عهد الأرباب

مشاركة بواسطة سوسو52 »

مشكوووووووور ياخيي واحي كل الهلالاب
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: هلالنا ما خاب في عهد الأرباب

مشاركة بواسطة ودعلبوب »

[size=5]يا هلالنا هيلا هيلا هوبا باكر نتحدى اوربا
وفعلا الهلال يستحق اكترمن هذه الكلمات الرائعات بس رجاء لكل الهلاليين الشرفاء امدحوا وانثروا الدرر فى هلالنا سيد البلد دون المساس بالخفيف الرهيف الضعيف الوصيف فلا شأن لنا بهم فلنلتفت جميعا لمخطط المنتفعين المتحالفين مع اهل النجمة والشدادين الذين يألبون اهل السلطة ضد الهلال وكلنا فى عشق الهلال اربابيين
[/size]
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: هلالنا ما خاب في عهد الأرباب

مشاركة بواسطة استارو »

سيدى الفاضل
رائد شرطة(م) بشرى مبارك إدريس
دعنا نقف تعظيماً لماخطته اناملك من كلمات صادقة الإحساس
كلمات جميلة ورائعة,
لقد قطفت من الأبجديات روعتها ,
ومن الرقة ألطفها ,
ومن المحبة أطهرها ,
ومن الأخلاق أسماها,
فكونت بوتقة رائعة لهلال رائع ومتميز,
لقد كتبتَ فأبدعتَ ,
أهنئكَ على إحساسك المرهف,
وذوقكَ الرفيع ,
أضف رد جديد

العودة إلى ”منتدى الملاعب السودانية“