شاااااكوووش

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

شاااااكوووش

مشاركة بواسطة waya »

[grade="00008b ff6347 008000 4b0082"]داير اقولك قبل تسيب دنياى وتغادر
كنت بحبك صاح وبقولا ,,
وبرضك لى نسيانك قادر
وكنت حبيبى الاول ايوا ,,
لكن ما حتكون الاخر
وماك مخلوق فى الكون وحدانى ,,
ياما الكون بى غيرك زاخر

ومانى الزول البزرف دمعو عشان محبوب
وزى ما قلبى اتشرب ريدك ,,
قادر ينسى ومنو يتوب
واسمك زى ما ادون فينى ,,
ساهل اكتب فيو مشطوب
اصلو الحب والريد لو تعرف ,,
ما بتقبلو من مغصوب
والبيفتش سكة يسيبنا ,,
نحن نفتش قبلو دروب

وفاكر انو الدنيا عيونك ,,
وانو بدونك غيرك فاني
انت قسيت ونسيت وجرحت ,,
وكنت براك على نفسك جاني
اصلو الزيك ما بيستاهل ,,
زول فى الحب مخلص متفاني
ولا حتلاقى حقيقة ريدنا ,,
ولا حاتشوف الحب من تاني
ومهما لفت بيك الدنيا ,,
مصير الزيك يعيش وحداني[/grade]
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: شاااااكوووش

مشاركة بواسطة الشمالي »

الظاهر عليهو شاكوووش مصلح ياا ويا

كااااااااااك
حبوبة
مشاركات: 1274
اشترك في: الثلاثاء 2008.5.13 11:03 am
مكان: Damscus

رد: شاااااكوووش

مشاركة بواسطة حبوبة »

waya كتب:
[grade="00008b ff6347 008000 4b0082"]

وزى ما قلبى اتشرب ريدك ,,
قادر ينسى ومنو يتوب
واسمك زى ما ادون فينى ,,
ساهل اكتب فيو مشطوب

اصلو الحب والريد لو تعرف ,,
ما بتقبلو من مغصوب
والبيفتش سكة يسيبنا ,,
نحن نفتش قبلو دروب

[/grade]
أبداً والله ما هواش ساهل
كيف وانا قلبي اتشرب ريدو
وبقى مني عروق ومفاصل
بس لو درت تفوت وتسيبنا
مجبورين ننساك نواصل ..

روعة يا وايا .. تسلم يا مبدع THUMBUP.gif
صورة العضو الرمزية
لبيب
مشاركات: 3506
اشترك في: الجمعة 2009.8.28 10:13 am
مكان: الخرطوم

رد: شاااااكوووش

مشاركة بواسطة لبيب »

أيوا دا الكلام

الزول ان أباك من غير سبب ماتسكو
أمسح إسمو من خارطة ضميرك حكو


أحيي فيك عزة النفس
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

الشمّالي كتب:الظاهر عليهو شاكوووش مصلح ياا ويا

كااااااااااك
[grade="00008b ff6347 008000 4b0082"]الشمّالي يا أخوي ,,,

أخير الواحد يقول ليك " أختاني يا زول " ولااااا يكتب ليك كلام زي ده !!

بعد ده يجي يقول :
بعد ده كله كمان بتشكي ,, ما كفاية الشفتو منك والله أكتر من ببكي


[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

حبوبة كتب:
أبداً والله ما هواش ساهل
كيف وانا قلبي اتشرب ريدو
وبقى مني عروق ومفاصل
بس لو درت تفوت وتسيبنا
مجبورين ننساك نواصل ..

روعة يا وايا .. تسلم يا مبدع thumbup.gif

[grade="00008b ff6347 008000 4b0082"]انا قلبي اتشرب ريدك
وبقى فيني واضح وباين
بس لو درت تفوت وتسيبنا
مجبورين نقيف ونعاين ,, [/grade]

تشكراتي يا حبوبة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

لبيب كتب:
أيوا دا الكلام

الزول ان أباك من غير سبب ماتسكو
أمسح إسمو من خارطة ضميرك حكو


أحيي فيك عزة النفس
[grade="00008b ff6347 008000 4b0082"]لو داير تسيبنا ,,, جرب وأنتا سيبنا
لو داير تحب ,,, حب وأنساهـ ريدنا

تسلم يا الحبيب اللبيب ,, [/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

وده شاكوش ,, من شاعر جميل " مذكور بالخير " ومشكور ست شهووور

" حقو تعرف "

[grade="00008b ff6347 008000 4b0082"]انو ممكن وعادى جدا
انسى كل القلتو ليك
واقسى برضو على عيونك
رغم انو ملاذى بيك
وارحل امشى بعيد واسافر
وما افكر لحظة فيك
وامشى فى الغربة واطول
لا اقابلك لا اشتهيك
واهدم امالى البنيتا
وانسى يوم اشتقت ليك
ابقى متملك حواسى
وما اهينا كرامتى بيك
وافضل اكتب فيهو شعرى
وعارفو برضو كتير عليك
لانو اسمى شعور عرفتو
ومستحيل فى يوم يجيك
واكتم الكلمة الحنينة
وما اصرح بيها ليك
وانسى رحلة ريدى واقطع
اى خيط يربطنى بيك [/grade]
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: شاااااكوووش

مشاركة بواسطة ابن عوف »

وايا كل شاكووش وانتا صامد


واصل يا ملك
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: شاااااكوووش

مشاركة بواسطة نهر المحبه »

waya كتب:
وده شاكوش ,, من شاعر جميل " مذكور بالخير " ومشكور ست شهووور

" حقو تعرف "

[grade="00008b ff6347 008000 4b0082"]انو ممكن وعادى جدا
انسى كل القلتو ليك
واقسى برضو على عيونك
رغم انو ملاذى بيك
وارحل امشى بعيد واسافر
وما افكر لحظة فيك
وامشى فى الغربة واطول
لا اقابلك لا اشتهيك
واهدم امالى البنيتا
وانسى يوم اشتقت ليك
ابقى متملك حواسى
وما اهينا كرامتى بيك
وافضل اكتب فيهو شعرى
وعارفو برضو كتير عليك
لانو اسمى شعور عرفتو
ومستحيل فى يوم يجيك
واكتم الكلمة الحنينة
وما اصرح بيها ليك
وانسى رحلة ريدى واقطع
اى خيط يربطنى بيك [/grade]
61.gif 61.gif 61.gif 61.gif
وايا ...




واصل احنا معاك
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: شاااااكوووش

مشاركة بواسطة ام صبا »



وايا ياراقي حروفك ابعد من سمانا

انساه زولا ما قدرك
وخلاك للاحزان براك
لافكر فى يوم يسأل عليك
لاحن قلبه ولا اشتهاك
لا راعى لحبك وحنينك
ودون سبب سابك جفاك
وانت ديمه تحن ليه
وخلدت حبه فى كلمات غناك
وفرشته ليه دروب محنه
واتمنيته يمشى معاك خطاك
لكنه ما قدر اخلاصك وحنانك
وخلاك تتعذب براك
انساه ما تسأل عليه
وانساه زي ما خانك ونساك
وخليه فى تيه وغروره
واوعك تحن لزولا اباك
مصيره بكره يعرف انه ظالم
وانه باعك ما اشتراك
والغالي ما بيرخص عشانه
وانت قدرك فى غلاك
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

ودابنعوف ... نهر المحبة ... ام صبا

لوجودكم تضاء قناديل الحروف شكراً وتجلالا
ولكم من فيض ودي أحمالا وأثقالا ,,

تشكراتي
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

[grade="00008b ff6347 008000 4b0082"]تاني راجع عشان نريدك ؟
ما زمان ردناك وحاتك
وأنت اتنكرت لينا ..
وبعت ريدنا الكان بإيدك ,,
وتاني راجع عشان نريدك !!!؟
أصلو ما تصدق وحاتك ..
إنو عندنا ليك حنان
ما المحبة الفي قلوبنا ..
ضاااعت أيامها الزمان
وتاني راجع عشان نريدك !؟
وأنت خبيت سر جديدك ..
ولسه فاكر
أني عميان عن " بريدك " ..
بس وحاتك , كلو ظاهر
لما جيتني وشلت حنك ..
وبعتو في سوق المظاهر
وقلت تظلم لي ودادي وتبقى قاهر
وتنسى لي الريد وشوقو ..
وبالمحبة كمان تخاطر
ومفتكر ريدتنا ونسة ..
وقلتا تنسى ,,
ونحن اصلا ليك ناسين
وأنتا أحسن ليك تنسى ,,
لا تكوسنا ولا تفتش لي شموسنا
سيبنا لي الام فرحنا
نداوي بالنسيان جرحنا
نعيش لي بكرة وننسى ظلمك
ونبقى مارقين من بطولة دور في فلمك
ومن جديد ..
مع زول جديد .. بنعيشو حلمك
دون وجودك يا ....
ما بنفتش ليهو دربك
وما بنفكر فيك تاني ..
غير يسهل ليك ربك
وننسى ريدتك يا مجافي ..
وعادي بنقول " ما بنحبك " [/grade]
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: شاااااكوووش

مشاركة بواسطة ابن عوف »

waya كتب:
[grade="00008b ff6347 008000 4b0082"]ومن جديد ..
مع زول جديد .. بنعيشو حلمك
دون وجودك يا ....
ما بنفتش ليهو دربك
وما بنفكر فيك تاني ..
غير يسهل ليك ربك
وننسى ريدتك يا مجافي ..
وعادي بنقول " ما بنحبك " [/grade]
61.gif 61.gif 61.gif


كن بود
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

ود ابنعوف كتب:
61.gif 61.gif 61.gif


كن بود
ود ابنعوف ,,
تشكراتي لطلتك يا ملك ..

وهاك دي .. إستلفتها من شاعر جميل " له التحية من هنا "



إحتمال أرجع وأعودلك دا اإحتمال إستبعدي
ما أظن بالحن أجودلك حتى لو تتوددي
حتى جرحي الكان زمان جاية برضو تجددي
والغرام الضاع كمان جاية برضو ترددي
قسيتي قلباً بيكي بحلم كان بيطمع تسعدي
يا اللحنان بتبددي
لمن أجيك بلهفتي .. وكنتي مني بتبعدي

ياسلام لوصنتي حبي , كنتي بتضوقي السعادة
والعيون الكان تساهر تنسى الاما وسهادا
كان حناني يجيك هادر كنت بديك ريد زيادة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

[grade="00008b ff6347 008000 4b0082"]ما تزعلي وما تشيلي هم
قصتنا..من اول وهم
خاته الحواجز والسدود
خاته الجبال خاته الغمم
يوم جيتي تطلبي نفترق
قايلاني بعدك ببكي دم؟
ما اصلو كان غلطان انا
الفيك ختيت العشم
يوم قلت تبقي شريكة لي
ومعاك يتحقق حلم
يا خاينة ما اسفاً عليك
ما كنت ببكي علي الوهم
ما بجدي تاني الاعتزار
من بعد ما الجرح استسم
وما بنفع البكى والنحيب
يا انتي ما بنفع ندم
لو رحتي ما بندم عليك
ولا كل يومي بشيلو هم
ولا كنت بتذكر عينيك
أو حتى أذكر ليك اسم
والراح معاكِ من السنين
بحسب حسابو مع العدم[/grade]
صورة العضو الرمزية
الغاليهـ بنت الغالي
مشاركات: 2938
اشترك في: الخميس 2010.9.23 8:55 am
مكان: ***

رد: شاااااكوووش

مشاركة بواسطة الغاليهـ بنت الغالي »

waya كتب:
[grade="00008b ff6347 008000 4b0082"]ما تزعلي وما تشيلي هم
قصتنا..من اول وهم
خاته الحواجز والسدود
خاته الجبال خاته الغمم
يوم جيتي تطلبي نفترق
قايلاني بعدك ببكي دم؟
ما اصلو كان غلطان انا
الفيك ختيت العشم
يوم قلت تبقي شريكة لي
ومعاك يتحقق حلم
يا خاينة ما اسفاً عليك
ما كنت ببكي علي الوهم
ما بجدي تاني الاعتزار
من بعد ما الجرح استسم
وما بنفع البكى والنحيب
يا انتي ما بنفع ندم
لو رحتي ما بندم عليك
ولا كل يومي بشيلو هم
ولا كنت بتذكر عينيك
أو حتى أذكر ليك اسم
والراح معاكِ من السنين
بحسب حسابو مع العدم[/grade]
روووووعة
61.gif 61.gif 61.gif
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

الغاليهـ بنت الغالي كتب:
روووووعة
61.gif 61.gif 61.gif
غلووو ..
وحاة الروعة منك جات , يوم تطرينا في بالك ,,
زيارتك لينا تفرحنا , ويشرحنا حسن فالك
وليك الشكر أجزله , عساه الخير يكون حالك ,,



[grade="00008b ff6347 008000 4b0082"]لو دمعتك نزلت مطر
برضو ما بتهزني
ولو شوقك اتدفق بحر
تيارو ليك ما بشدني
انسيني يا بت الحلال
ماضيكي عاد ما بهمني
لو ريدي ما فارق معاك
قربتي ليه تتجنني؟!

شكيتي لي طوب الارض
عشان فؤادي تحنني
اصبحتي لي كل البشر
تلومي فيني وتلعني
لكني ما ظالم هواك
في عيوني اقيفي اتمعني
لكن بعد طولة لسانك
جواي برفض تسكني
احكي لو القول يفيد
لي حكاويك اتقني
ارميني جرحي سمعتي
زميني فيهو اتفنني
وما تخافي من سرك معاي
سرك في بير اتطمني
لو القدر جمعنا يوم
ما شرط بيك يلمني
الدنيا ما وقفت علي
من غيري ممكن تهنئي
انا برضو ساقيني الغرام
لكن عفافي بصدني
ومن ريدة ظلمت موقفي
الله يا ستي الغني[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

مهزلة

[grade="00008b ff6347 008000 4b0082"]انا الغلطان
عشان فكرت افتح ليك
قلب بالجد شقي وتعبان
عشان تبعت هواك
وما ندمان
عشان ضل الضحي الذيك
محال يعرف غناوي الريد
وطعم اللوعة والاشجان
انا الغلطان
لاني هويت
ومن سفر البوادي شقيت
قلت ارتاح وما ظنيت
كلامك زيف
ومشاعرك طيف
بيك وبلاك واحد
ذي ما جيت
انا الغلطان
اول كلامك قلتي لا
مسحت خطي البشتهيك
وحليت معاك المسألة
لمن اراجع قصتك
واقراء الدروس من حصتك
القاها اول مهزلة[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

أتحدااااااكي

[grade="00008b ff6347 008000 4b0082"]أتحداك لو تنسيني أو لي حبي تلقى بديل
أنا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل
ما أتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل
مابتنسينى مهما كان لأظنك تلاقى سبيل
والضاق الظلال فد مرة مابيرويهو حتى النيل
مابحزن عليك والله لو سالت دموعك سيل
جافة عيوني مما قمته مابتعرف عناق منديل
لو راجنى ارجع ليكى ماترجينى مدى حبل رجاك طويل
أموت والله مليون مرة أفضل من اجيك ذليل
برفض أطرا زول ناسينى مهما كان فراقو تقيل
لمن أريد بريد بالجد لمن انسي بنسى عديل
مابحزن على موت ريدنا بى أيدك كان أغتيل
والموت فى بعض مرات يكون افضل من العلعيل
لو كان الجمال غاريك بى احساسى ببقى جميل
لو معتادة يجرو وراك مابتلقينى من نوع ديل
حترجعى يوم براك تكتشفى انو هواى مالو مثيل
حترجعى لي حماي تكوسى في جنة غرامي ضليل
والبهدى لي لحن مثالي ابادلو جميع غناهو هديل
والحاول يمازح قلبى بلعب بى قليبو شليل
متأسف على إحساس اتخيلتى انو جميل
متأسف على أوهام سمينها عشق جميل
متأسف على أحلام بيني وبينا مليون ميل
متأسف لانى اهديت مشاعر ضوقتنى الويل
متأسف على شتلات زرعتها في الصحارى قبيل
أتخيلتا أنها تبقى واحة ريد ثمار ونخيل
ارتاح في ربوعا أنجما واحد من ثمارا أكيل
لكن ياخسارة زراعتي كانت جوه مجرى السيل[/grade]
أضف رد جديد

العودة إلى ”همس القصيد“