مكتبة الشاعر المبدع مختار دفع الله

مرجع لفطاحلة الشعراء

المشرف: بانه

أضف رد جديد
ود أونسه
مشاركات: 221
اشترك في: السبت 2007.5.26 2:18 pm
مكان: السعوديه - الرياض

رد: مع الشعراء

مشاركة بواسطة ود أونسه »

من اشعار المبدع مختار دفع الله

اذا شــــــوق الهـــــوى صحـــاك
ورفت في عيون ليلك بشاير الخاطر الضحاك
سألتك بالذي ســـــــــــــــواك
عشان البينا من احــــــــــلام
صبحت يا جميل اوهــــــــام
تعال ارحم عيون جرحـــــاك
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

ومن روائع المبدع مختار دفع الله ايضا



ابتســــــــــــــــام

لما زارتنا الاميره

ساطعه زى شمس الظهيره

الورود زادت نضاره

وعم كل الكون عبيره

***

ولما طلت فى بشاشه

زى سحابه جميله راشه

شايلا انفاس الخمايل

ومن بديع لون الفراشه

فرهدت كل البيادر

وارتوو الناس العطاشى

والعيون لحظة حضورا

شالت اروع اندهاشه

***

وانفضح يا ناس هوايا

لما شفت خطاها جايه

صوره من عظمة الاهنا

ومن جميل ابداعه آيه

صفقت فينى الخواطر

راسمه فى الاعماق حكايه

***

وقبلما تقول لىَّ سلام

شالنى فى عيونا السلام

والعيون يا شوقى ليهن

هن بدن بينا الكلام

وابتديت بحواسى اضحك

شلت فى عيونى ابتسام
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

ود أونسه كتب:من اشعار المبدع مختار دفع الله

اذا شــــــوق الهـــــوى صحـــاك
ورفت في عيون ليلك بشاير الخاطر الضحاك
سألتك بالذي ســـــــــــــــواك
عشان البينا من احــــــــــلام
صبحت يا جميل اوهــــــــام
تعال ارحم عيون جرحـــــاك


من الروائع الاخرى التى جمعت شاعرنا الرهيف مع الشفيف الموصلى اهديك اياها اخى ود اونسة

اذا شوق الهوي صحاك
ورفت في عيون ليلك
بشاير الخاطر الضحاك
سالتك بالذي سواك
عشان البينا من احلام
صبحت ياجميل اوهام
تعال ارحم عيون جرحاك

سالت عليك مره الموج
سالت الرقه في الانسام
وثورات الرياح الهوج
قوافل الذكري لو نادت
مشاعري تجيك في اول فوج
ولو حاولت تخفي هواك
عيونك ياجميل فاضحاك
ومين وداكا للساحل
وبيني وبين مدن عينيك
مراحل ياحلم راحل
وانا الادمنت سفري اليك
وعديت العمر راحل
ولو يوم حزني ماهماك
افراح عمري تبقي فداك
تعال ارحم عيون جرحاك
مالك حسن خضر
مشاركات: 2
اشترك في: الأحد 2010.8.22 12:13 am
مكان: المملكة العربية السعودية / الدمام

رد: مكتبة الشاعر المبدع مختار دفع الله

مشاركة بواسطة مالك حسن خضر »

الاستاذ / مختار دفع الله
تحية وإحتراما
رمضان كريم وكل عام وأنتم بخير
بحثت عنك كثيرا ولم يحالفنى الحظ وبودى لو يعود بنا الزمن الى الوراء كيما نجتر الذكريات الايام الطيبة
آمل أن يمتد التواصل بيننا
أخوك
مالك حسن خضر الزين
الدمام
المملكة العربية السعودية
كلية الاحفاد
منار جميل
مشاركات: 1
اشترك في: الاثنين 2010.10.11 8:30 am
مكان: بورسودان

رد: مكتبة الشاعر المبدع مختار دفع الله

مشاركة بواسطة منار جميل »

تسلم يازوق
أضف رد جديد

العودة إلى ”وثائق و شعراء“