يا أحلـى ما اتمنيت

مرجع لفطاحلة الشعراء

المشرف: بانه

أضف رد جديد
صورة العضو الرمزية
نونيتا
مشاركات: 408
اشترك في: الجمعة 2014.4.18 7:36 pm
مكان: واحة خضراء

يا أحلـى ما اتمنيت

مشاركة بواسطة نونيتا »




شفتى القمر طالع
ولا القمر شافك
بتمرى النجمات
وتلمى حزن الناس
فى صدرك الواسع
وتوزعى الضحكات
والنيل بيرقص شوق
لعودك الفارع بتصفق الغابات

يااحلى مااتمنيت تفتح معانى غناى
ويدخل على منساب صوتها الحنين الناى
ذى ضحكة الاحباب ذى عودة الغايبين
وآنة صرير الباب ورنة كبابى الشاى
يدخل على منساب صوتها الحنين الناى

يدخل مع الانسام
وتاكينا باب النوم
انسرقى نص الليل
واندسى فى الاحلام
ياصالحه زى النيل
لاحزن بعد اليوم كل الفرح قدام
ناولينى باقى الحيل وهشى القمارى تقوم
لسه الخليقه نيام
وانا قلبى ليك قنديل
لا خائفه لا مهموم من غابر الايام

اصلو الليالى جياد
ركضت تسابق الريح
سقطت وراها بلاد
وانا قلبى ليك ضريح
ياارض ياميعاد
سليقنى ليك الشوق
وماسكنى شح الزاد
وشفتى القمر طالع
ولا القمر شافك بتمري النجمات


أزهري محمد علي
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: يا أحلـى ما اتمنيت

مشاركة بواسطة ابو الملكات »

اسعدنى تواجدي فى متصفحك المميز مع حروف شاعرنا المميز أزهري محمد على
بكل الشوق واللهفة انتظر القادم اكيد احلى يارائعه
كل الود
صورة العضو الرمزية
نونيتا
مشاركات: 408
اشترك في: الجمعة 2014.4.18 7:36 pm
مكان: واحة خضراء

رد: يا أحلـى ما اتمنيت

مشاركة بواسطة نونيتا »

أنرت ولطفت الصفحة
كتير سعيدة بتواجدك
صورة العضو الرمزية
ninar tato
مشاركات: 9099
اشترك في: الاثنين 2013.10.21 5:27 pm
مكان: كسلا

رد: يا أحلـى ما اتمنيت

مشاركة بواسطة ninar tato »



لو حصل اللقاء يبقى يوم المنى


2 1212

التحية لكِ نوني ولشاعرنا ازهري
أضف رد جديد

العودة إلى ”وثائق و شعراء“