من الواحد ياخد شاكوش ....والراس يتورم ...أي شئ بتغير....حتى ضحكتو تتغير ....
وطبعا الاغاني لازم تتغير....عشان تعبر عن الحاله بتاعتو ....وطبعا الاغاني
الفيها شواكيش بالكوم والردوم...والشعراء والفنانين المشوشكين كتار....وردود فعال
الفنانين في الاغاني على الشواكيش مختلفة....يعنى واحد ببكي ويكورك ...وواحد بسامح
ويغفر....وواحد بيتوعد ويهدد ...وواحد بتمنى السعادة لي محبوبو الشوكشو ....
وفي الحقيقة هي من اصدق وارق والاغاني.....وهنا دايرين نستعرض اغاني المشوكشين...
ومافي مشكلة لو زول كتب لينا اغنيه هنا ... ما حا نعتبرو مشوكش ...
وطبعا اغاني الشواكيش ما وقفت من ايام الحقيبة ولى ايام ناس احمد الصادق....
وعشان نوفر التعب لاصحاب الروؤس المورمة تعالو نشوف اغاني المشوكشين ...
وطبعا لايخلو منتدى من المشوكشين ...
واول اغنية يفكر فيها صاحبنا المورم اغنية زيدان الشهيرة بتاعت الشاكوش :
وطبعا دا نموذج لي زول بكاي شديد يعني ادوه شاكوش ومع ذلك مشا العرس
عشان يبارك ....
في الليلة ديك والناس تشارك فرحتك
حسيت بإني غريب هناك وغريبة إنتي في دنيتيك
حسيت معاني الفرقة
حسيت بالوجود ماخذ سواد من حنتك
شفت الدموع خلف الرموش مكبوته بي حسرة وضياع
ورعشة الكف الخضيب مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك
والله فكرة البوست حلوة شديد وانا بقراها اتذكرت اغنية للاستاذهاشم ميرغني
انا اول مرة سمعتها ادمعت عيناي من عمق احاسيسوالكان بيوصفها ... الشاكوش
الاخدو جامد هو طبعاً سافر ولما رجع لقى حبيبتو اتغيرت وبكى في الاغنية عليها بكى
شديد وانا لحدي هسي لما اسمعها بزعل عليهو ... وعلى شوقو ولهفتو الاتكسرو ليهو في وشو [/grade]
[grade="ff0000 ff1493 ffa500 4b0082 4169e1"]
انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
[/grade]
اختيار موفق يا جاسمينا وفعلا هاشم ميرغني اشتهر بانو فنان المشوكشين..
والناس من تشوف واحد بسمع عاشم ميرغني كتير ...بعرفو مشوكش...
وطبعا عندوعدد كبير من اغانيه...مليانه رقه وعذوبه وشجن....وهنا حا اجيب
اغنيه ليهو فيها بكا شديد وتوقع للشاكوش
من عرفتك كنت حاسس الزمن لى مابسيبك
كنت حاسس رغم ريدى انى زى الماحبيبك
والحنان البينا ولف لانصيبى ولا نصيبك
والزمان عارف مصيرنا حقو لى ماكان يجيبك
والفرح فى دربى عارفو اصلو مابطول كتير
زى غمام فى سمايا عد وسابنى فى عز الهجير
كم فراش على وردة طلت اصلو ما قايلة بيطير
فات ورا شايل هنانا خوفى من نفس المصير
وحقو ياعينى توالفى الصبر قبال فراقه
وانتى عارفة الجاي بكره وبرضو تغرقى فى اشتياقة
كم عيون فى الريده غرقت والزمن من ريدها ساقها
ما كتير القلبو حبه ياما كم فى هواها لاقا
يازمن علمنى انسى المحال نسيان عيونها
حتى لو ايامى طالت ما اظنى اعيش بدونها
ما اظن ايامى تانى تانى زى حنانها تكون حنونه
طبعا في الاغنيه دي في توقع وترقب للشاكوش
(من عرفتك كنت حاسس الزمن لى مابسيبك )
تحس انو زي بستمتع بالشاكوش...
[grade="ff0000 ff1493 ffa500 800080 4169e1"]
فعلا اغانيهو اغلبها اغاني شواكيش بس مليانة احاسيس نبيلة جداً تخلي البيسمعها حتى لو
مااخد ليهو شاكوش يهيم مع احاسيسو دي ...... قمة في الاحساس وفي اغنية تاني للفنان عثمان حسين
سمعتها اول مرة عند جدوا ((خال امي بس صغير)) ماعارفة حجم الشاكوش الاخدو جدوا ده بس اكيد كان كبير [/grade]
[grade="ff0000 ff1493 ffa500 800080 4169e1"]
المهم اكتر حاجة حساسة في الاغنية دي انو رغم انو حبيبتو خلتو بس لازال بيوصفها بضنينو وربيعو و اخضرار ايامو
يعني رغم اي شي حبو ليها كبير جدا اكبر من انو يزعل منها ويشيلها من قلبو وبيبكي عليها ومستنيها لسة تحن عليهو
وده دليل انو واثق انو حبو ليها كبيييير جدا ونبيل لو حست بيهو حتحبو برضو ... وده حب نادر اليومين دي يعني
اغلب الناس هسي بمجرد شويكيش صغنوني حتى لو حق دلع بينسى الموضوع خالص [/grade]
[grade="ff0000 ff1493 ffa500 800080 4169e1"]
حبيبي ليه قلبي فاكرك..........وإنت ليه خالي قلبك خالي......خالي والله ما عليه
.كنت فاكر ألقى عندك ...الحنان تغمرني بيه......قلبي يرسى يلقى جنبك
الأمان و يدوم عليه.......بحنانك تحتويني......وبودادك تصطفيني
ليه تسيبني يا ضنيني.....لدلاك أشتكيك
عهدي بيك وأشكي ليك.....وتواسيني في آلامي
غيروك بدلوك......عن حنيني يا غرامي
لا بقيت تسأل علي.....لا بتقول واحشاك عيني
لو تسرك حالتي دي......أو عذابي رضيتو لي.....يا حبيب أنا راضي بيه
كل لحظة أي لمحة.....من حياتي انت فيها
في كلامي في ابتسامي.....في الأماني البشتهيها
يا نضاري واخضراري....يا ربيعي و ازدهاري
يا مدلل يا سواري.....يا حبيبي وإنت داري......بالعذاب الانا فيه
إنت لي نور عينيّ......في الليالي تضوي ليّ
أغنياتي و ذكرياتي......في خيالي لسه حيه
لو نسيت أشواقي ليك....أو شبابي هان عليك
قلبي لسه أملو فيك.....راجي لو تعطف عليه
[/grade]
[grade="ff0000 ff1493 ffa500 800080 4169e1"]
فعلا اغانيهو اغلبها اغاني شواكيش بس مليانة احاسيس نبيلة جداً تخلي البيسمعها حتى لو
مااخد ليهو شاكوش يهيم مع احاسيسو دي ...... قمة في الاحساس وفي اغنية تاني للفنان عثمان حسين
سمعتها اول مرة عند جدوا ((خال امي بس صغير)) ماعارفة حجم الشاكوش الاخدو جدوا ده بس اكيد كان كبير [/grade]
[grade="ff0000 ff1493 ffa500 800080 4169e1"]
المهم اكتر حاجة حساسة في الاغنية دي انو رغم انو حبيبتو خلتو بس لازال بيوصفها بضنينو وربيعو و اخضرار ايامو
يعني رغم اي شي حبو ليها كبير جدا اكبر من انو يزعل منها ويشيلها من قلبو وبيبكي عليها ومستنيها لسة تحن عليهو
وده دليل انو واثق انو حبو ليها كبيييير جدا ونبيل لو حست بيهو حتحبو برضو ... وده حب نادر اليومين دي يعني
اغلب الناس هسي بمجرد شويكيش صغنوني حتى لو حق دلع بينسى الموضوع خالص [/grade]
[grade="ff0000 ff1493 ffa500 800080 4169e1"]
حبيبي ليه قلبي فاكرك..........وإنت ليه خالي قلبك خالي......خالي والله ما عليه
.كنت فاكر ألقى عندك ...الحنان تغمرني بيه......قلبي يرسى يلقى جنبك
الأمان و يدوم عليه.......بحنانك تحتويني......وبودادك تصطفيني
ليه تسيبني يا ضنيني.....لدلاك أشتكيك
[/grade]
فعلا اغنية زي دي ما بسمععها الا زول ماخد شاكوش محترم ....الله يكون في
عون جدو ...
وعلى سيرت الفناني الكبار والاغاني العظيمة عن الشواكيش في اغنية لي وردي
بنفس المستوى.....وطبعا دي برضو اغنيه بكا ...لكن الزول دا صحا شويه من
الشاكوش وبتكلم بكلام العقل
بعد ايه جيت تصالحني
بعد ما ودرت قلبي الكنت فيه
جيت تشكي .....جيت تحكي ....جيت تبكي لية ليه
اعتذارك مابيفيدك .....ودموعك مابتعيدك
العملتو كان بإيدك انا ما لي ذنب فيه
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل .. انا استاهل وضعتك في مكانا ما مكانك
روح .. القدر بي نفسو ما بقسو عليك
جيت تايب ياحليلك ...والفؤاد ملكوه غيرك
ربي يعدل ليك سبيلك ......كل مناي في الكون عديلك
ونهاية الخير نصيبك
ليه ... ضيعوك .....ودروك
انت مابتعرف صليحك من عدوك
استغلو الطيبة في قلبك وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك
الحلاوية كتب:[align=center]أنا ما لي في ناس الحقيبة كتير
لكن الأغنية الذكرتا jasmina بتاعت عثمان حسين دي روعة و أنا بحب أسمعا
لكن الأغني اللي بتمثل وجهة نظري في الشاكوش
هي أغنية شكر الله _ الدمعة
و أكتر مقطع عاجبني فيها
لو جاني احساس بالأمل ترجع علاقة حبي بيك
لو جاني احساس بالحنين أتمنى ما أرجع اليك
أتمنى من كل الدروب تنسدى لو بتودي ليك
أتمنى من الليل يطول لو الصباح واقف عليك[/align][/size]
شواكيش ناس شكر الله دي طبعا شواكيش الجيل الجديد ....لكن كلمات
جميله جدا وهي بتعبر عن حب الايام دي...يعني فيها وعيد وتحدي ....ودي
زكرتني اغنيه شاكوش لاحمد الصادق ...فيها تحدي اكتر كمان....يعني بالعربي
الشاكوش ما هاميه ...وانا طبعا اشك في انو زول ما يحرقو الشاكوش
ان ما بكيتك سنه وخليتك باقي العمر
تتشه فوق الهنا انا ما بكون انا
حبابك في حديقة الشواكيش العامره بفننا الجميل...
الغرام قسمه...ولولا القسمه ما كان زول او زولة اخد شاكوش
والرضا بالشاكوش...او بالقسمه موجود في اغاني كتيره....
لكن اجملها واشهرها اغنية المرحوم محمد احمد عوض
والله القسمه ما معروفه لي وليك كانت خافيه
يدوم سعدك مع غيري وتملا شبابك العافيه
وبقول فيها : لكن قسمه شاءت لينا تبقي لغيري وابقا وحيد
ومن الشواكيش ماقتل
طبعا دا ماقولي انا وكل زول مسؤل من الكلام البقولو والشواكيش قسمت الي انواع ..
1 / شاكوش بارد ودا الانت بتكون بتفتش ليهو وهو بفتش ليك لحدي ماتطاقشو وفي الحالة دي مابيكون علي اي زول ضرر ومخلافته صداع بسيط ودا عادي لانو العلاقة في يوم من الايام كانت حلوة.
2/ شاكوش دافئ ودا كمان يخليك مجهجه ماعارف نفسك انت شايت وين يعني بين بين ولحدي ماتلملم اطرافك بتكون انت في الشارع ويمكن ان نسميهو شاكوش متفق عليه من الطرفين وبرضو في احتمال تلقط ورق.
مرسال الشوق كتب:ومن الشواكيش ماقتل
طبعا دا ماقولي انا وكل زول مسؤل من الكلام البقولو والشواكيش قسمت الي انواع ..
1 / شاكوش بارد ودا الانت بتكون بتفتش ليهو وهو بفتش ليك لحدي ماتطاقشو وفي الحالة دي مابيكون علي اي زول ضرر ومخلافته صداع بسيط ودا عادي لانو العلاقة في يوم من الايام كانت حلوة.
2/ شاكوش دافئ ودا كمان يخليك مجهجه ماعارف نفسك انت شايت وين يعني بين بين ولحدي ماتلملم اطرافك بتكون انت في الشارع ويمكن ان نسميهو شاكوش متفق عليه من الطرفين وبرضو في احتمال تلقط ورق.
فعلا اغنية زي دي ما بسمععها الا زول ماخد شاكوش محترم ....الله يكون في
عون جدو ...
وعلى سيرت الفناني الكبار والاغاني العظيمة عن الشواكيش في اغنية لي وردي
بنفس المستوى.....وطبعا دي برضو اغنيه بكا ...لكن الزول دا صحا شويه من
الشاكوش وبتكلم بكلام العقل thumbup.gif
[/color]
[grade="ff0000 ff1493 ffa500 800080 4169e1"]
الله يكون في عونو جدوا يعني هو مامكفيهو في العشرينات وجدو وكمان ياخد شاكوش والله مايستاهل
[/grade]
[grade="ff0000 ff1493 ffa500 800080 4169e1"]
وبمناسبة الزول البيصحا من الشاكوش ويبدأ يتكلم كلام عقل .... وانا بفتش في كلمات اغاني عثمان حسين
النقلتها فوق مرت على ابيات بنفس اللهجة دي تقريباً
جاي تترجاني أغفر ليك ذنبك .....ما كفاية الشفتو من نارك وحبك
أنت فاكر تاني أرجع لك واحاسبك .....لا يا ناكر دربي أصبح ما هو دربك
كنت تحلم بالسعادة في كلمة مودة .....وهي غير ما إنت فاكر ....وهي في نبضة مشاعر
في القلوب الما بترد أي طارق أي زائر .....شايلة هم الدنيا زاده ومالية كل الكون بشاير
إجتمعنا علي المحبة في ثواني ....في طريق مفروشة بي حبي وحناني
وافترقنا كل واحد في طريقه ....انا ضائع وإنت مخدوع بالأماني
كل زادي في ضياعي ....قلبي مفتوح للأحبة ....للجمال الأشجى روحي
في شعوري سحره شبه ...ورسالة فني سامي ....تدعو للخير والمحبة
إلا قلبك يا حبيبي ...لسه ما أدرك وشبه