حقيبة الفن وتجلى شعرائها فى الوصف الجميل للإنثى

مرجع لفطاحلة الشعراء

المشرف: بانه

أضف رد جديد
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »


القصيدة : متلى كم ضايعين

الشاعر : صالح عبدالسيد أبوصلاح



متلى كم ضايعين
مالى ومال سهام العين
لا اطيق تطعين ولا استطعت مرام
لحظات دغس لامعين
تهتا بين تمعين ماء ونار وخضار
فى خدودو مجتمعين
غيرو شفنا متين فرع بان يانع
شايلو رمانتين
وكيف درر نابتين فى نفيس مقل ريحان
والراحة داخلة الدين
أشواقى مئتلفين والمنام وعيونى
صارو مختلفين
يا ناعس الطرفين بالله أبحث شوف
نوم عينى رايح فين
نومى ضاع ما بين الهجر
يا شقيق البدر اظهر بين
أشواقى ليك طالبين قلبى وهو معاك
ياليتو لى قلبين
عقلى زاد تجنين قلبى بين عينيك
وافكارى فى تفنين
يا صغير لمتين
يا ملاك ارحم
خليك شوية حنين
أنوارك الساطعين لا فى انس ياجميل
ولافى الحوارى العين
الفى الهلال راضعين ولا الثريا معاك
وريا ليك واضعين
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة الرائعة : في الليل الهاجع

آداء : عوض الكريم عبد الله


في الليل الهاجع غرد يا ساجع
أذكر أحبابى وهيج أشجانى
*********
أرجوك يا بلبل حين تقبل راجع
غرد واذكر نوم عيني الناجع
وهجراني الطال وبكاى وحناني
واشواقى الزادت تحتاج لمراجع
عسى يرحم حبي لي وعقله يراجع
وبى عين الرحمة والرضا يرناني
*********
تايه في نعيمك والخير الهامع
لك راحة الدنيا والخد اللآمع
منظر جذاب بى حسنه سبانى
أنا نائح ودائما للنقيضين جامع
من قلبي النار ومن طرفي مدامع
الحب غلاب بالموت انبانى
*********
الحور لي حسنك متذلل وخاضع
والفجر لنورك ياجميل متواصع
غصنك فضاح للأس والباني
يشبهك البدر كأنه معاك راضع
سبحان من أنشاك لمأواك واضع
فوق كل الأنجم لمجدك باني
*********
مضروب لحظاتك غير شك ما نافع
لي عازلك وعاشقك سهمك ما رافع
جبار ومهاب تسبى الفرسان
يهواك الناسك والكاهل واليافع
لو شافك راهب يهواك من دافع
قلبه وفى الحال يسلى الأوثان
*********

ما بخشى عزول في هواك يرافع
وما بخشى رماح وسيوف ومدافع
بس بخشى جفاك يانور انسانى
مظلوم من بعدك شكواي ليك رافع
ونحول اعضاى عن حالي يدافع
يا سكينة قلبى وصحاى ووسانى
*********
ياظبى الأنس لك سعدك تابع
بين روض الجنة والنيل النابع
ما بين ظلال في نعيمك هاني
ما تجاوز طيار لسماك الرابع
حتى يعشم في طلوع السابع
دوم بين علاك في سرور وتهاني
*********
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »



القصيدة : البلبل الغريد
الشاعر : عمر البنا

صورة


في الحسن محبوبى
الفي عصره فريد
وأنا في حبي مالي طريد
حاكى نويحى البلبل الغريد
ما دام على محيك مكتوب الريد
والصيد عار منك النفور والريد
ومتبره قامتك في الخصره حريد

صورة


تيه وأتدلل اصنع ما تريد
يا ظبي الخدر الما شفت رهيد
على صدرك رمان أم هذا نهيد
لو أموت وما اوجد لي لقاك تمهيد
من عشق وعف أو مات شهيد
بى نظرة خدك لو حظي يعيد
يتبدل نحسي واعد نفسي سعيد
مشتاق لي شوفتك والليما بعيد
زى شوفة الأمة لهلال العيد
يا الأسر قلبي في حزوز الجيد
عن حور الجنة تزداد تمجيد

صورة

أنا ساهر وباكي وإنت غافي هجيد
مع صدك وهجرك لي وصفك أجيد
يالكاحل طرفك من غير تثميد
فيك كل شئ ممتاز وحميد
ما دام أصبحت للحسن عميد
تيه بين أترابك أتبختر وميد
الحادى زكريا غير متواجد حالياً

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة : ما بالنية
لشاعر : مصطفى بطران

صورة



ما بالنية فرقــــتك يا الدرة المكنية
طــــال هجري وزاد يا بنية
هـــطلت دمــــــوع عــــينيا
هدمت آمالي الــــمبنية
كـــــأني أتيم يا النيــــة
عـــــامل في الدنيــــــا جنية

صورة

بتـــــقـلب فــــوق أحـــــية
حـــــاكيت ملسوع الحية
بقـــت أحشـــــــاى ضـــــحية
لي نار الشـــــوق الحية
يا جــــــاهلة حظوظي أبـــيــة
وافكــــــــارى همـــــومها ربية
الجـــارى وحـــــــاصل بية

صورة

مــــــــا أظنك بيه غــــبية
هجــــــرك أورثنى بليـــــة
وأورث أحــــــــشاى اللية
أذاني وبهـــــــــدل لـــــى
وشـــمت عــــــذالى علىّ

صورة

حــــــــــليل أيامنا البـــــــدرية
ليلتنا الكـــانت قـــــدرية
حــــــــــليل الطلعة البـــــدرية
يا حليل ناس لبنى وناس ريــــا
نشـــــوان والروح مسقــــية
من عـــلقم ألف وقــــــية
نيـــران الصــــــد والغية
مـــــا تركت فىِّ بقــــــية

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة الرائعة : يا الناعس المكحول
كلمات شاعر مصطفى بطران

صورة


يا النــاعس المكحــول ..... كيف حــالك إنت الآن
لي ما يقـــارب الحول .... لي يوم لقاك ظمـــآن
ياالناعس المكحــول ..... ضاق بى كل مكـــــــان
مـــانابنى غير نحـــول .... أما الفؤاد هلكان
لاقـــوه بى لاحــــول ..... .صدري يقيد بركـــــان

صورة

أدور عن غـــــــرامك ..... مالقيته في الإمكـــان
اوعــــــــدنى لو بمطول ... خليك دوام فكـــران
زيد في دلالك وطــــول .... وأصفى لي لو عكـــــران
يا البى صباك مسطـــول .... أنا في هواي سكــــران
يمكن صدودك يطـــــول .... تنكـــــر هواي نكــران
صورة


يا سيــــدي مهما أقـول ... معنى وقــــوافي مـتان
مـــا أظن أعـيد القــول ... في حسنك الفــــــتان
من قـــــــولي والمنقول ... ليك في الوصف شــــتان
زى فاكــــــهة بين حقول ... أو مــوزه في بســـتان
يا غـــــاية المـــأمول ... ويا بهجة الأزمـــان
زي حسنك المـجمول ... حسن ظروفـــي كمــــان

صورة

زيل عن فؤادي خمـــــول ... في الوصل ما عشمــان
دعني برضاك مشمـــــول .... يمكن يطيب لي زمـــان
بى عطفــــك المفقـــــول .... وبى طرفك النعسان
وبى فـــــــاهك المشغول .... در من درارى حــسان
بـــى عنقك المـــــصقــول ... وبى عودك والميسان

صورة

حــــيرت فينا عقــــول .... واوجمت كل لـــسان
طول هجري ماهو أصــــول .... واذكرني لو أحـــيان
نومي من جفاك موصــــول ... قلبي بى هواك مـــليان
راســمالى والمعقول ..... تفكيرى والهـــذيان
هـــــل لي سمـــاك وصول ... لمتين أراك عــــيان

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة الرائعة : جسمي المنحول
والشاعر الرقيق : محمد بشير عتيق

صورة



جسمي المنحول ...
براه جفاك يامليح الزى
كيف حبي يحول ...
وفؤادي معاك يازينة الحى
حلمك ياجميل أنا دانى رحول
تركني هواك بين ميت وحى

صورة

كيف ليك وصول ...
وسكونك فوق لى سهيل وثرى
النوم من عيني دوام مفصول
دموعي تلاقى وتذرف رى

صورة

دى الساحره عقول ...
بروق في غيم ولا در فى لمى
خدودك أم ازهار في حقول
سقاني غرامك صافى حمى
صورة


الطرفه وأقول ...
أحور متناعس ولحظه صحى
تشوف في قوامه المال مفقول
الظلمة شعور والقمره محى
صورة


أنا دمعي هطول ...
أحن لي لماك وقاسى على
أيصح في هواك تعذيبي يطول
بالبين أترابك لاهي خلى

صورة

من ردفه كسول ...
بى جيده وعينه يسبى ظبي
بالشوق يا نسيم ابقالى رسول
لو يعطف ثانية يزيل البى

صورة

صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

: إن ورد بروايحك نسام
للشاعر العملاق : أبو صلاح

صورة



إن ورد بروايحك نسام
تنتعش أرواحنا والأجسام
دمعي مالو تحلل وانسام
لاح بريق ولا فاطرك بسام
مالو قلبي أتقطع أقسام
ديل رشارش عينك ولا حسام

صورة


فكرى بين توضيحك وإعجام
وإنت حاجبك بى ما تهوى ترجام
حاسبى اوعى قليبى المن جام
تكسريه يدفق دمعي الحقن جام
صورة

دمعي غرق صدري وإنعام
برضو منك فضلا وإنعام
حبك أصبح شربي وإطعام
لي قلبي العايش في الهوى نعام
صورة

أروى دمعي السائل وجمام
يا جدية الأريل أبو زمام
عامله قلبي مريتع وضمام
ما بوازنك شادن رتع ورا تمام
صورة

صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

شاعر الطبيعة : مصطفى بطران
والقصيدة الرائعة : يا ليل السعادة



صورة

يا ليل السعادة يا نور البصائر
جوك جو معطر بدرك ليله ناير
يا ليل جات نسايمك حاملات البشاير
اصدر لينا طيبن بالأفراح نشاير
الكون بالتهاني يتبادل الأشاير
ما بين القبائل وأفراد العشاير

صورة

الغيث بقدومك يا ليل جانا زاير
زار الساحة غيمك وأتقطع جزاير
الشرد منامي وخلا فكرى حاير
يا ليل ديل نجومك أم وز في غداير
هاك إعلان سرورنا املابه الدواير
بدل لي حرورنا وأيامنا الجواير
يا ليل زى نسايمك ناسك ناس اخاير
هم للدنيا زينة وللحوبات ذخاير

صورة


يا ليل لنداك .. بأرواحنا بنبادر
جيلك زيه مافى وحورك حسنه نادر
قادل بين عفافه تالى كونه صادر
من اطهر سلالة ومن أشرف مصادر
يا ليل لي مثالك .. ترتاح الخواطر
كونه سماك صافى وكونه شذاك عاطر
طرفي أسباب هواه سيل دمعه قاطر
يا ليل كونه سرح ما بين جيد وفاطر

صورة

يا زهر الحديقة الفى أغصانه زاهر
لونك من جماله يخلى الزول يظاهر
أما المتلى هايم فيك يا ليل مساهر
عارف أسباب هلاكه وبالسر ما بجاهر

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة : قوم بينا نلاقى مناظر
كلمات الشاعر : مصطفى بطران


صورة

قوم بينا نلاقى مناظر ... تفرح وتسر الناظر
وتبرى الأرواح بشوقه
خليك يا صاحي محاذر .... وافينا وفاء نادر
ساعدنا كمان بالروقه


صورة

تشوف آرام وجآذر .... لا تبقى نفور ومحاذر
تصبح أحشاك محروقه
حافلات بالمحيا النائر ... جالسات في شكل دوائر
لدن القامات ممشوقه
تركني موله وحائر .... ماضر لو جيتن زائر
بيناتن لىّ معشوقه


صورة

في حسن الجيل الحاضر .... وعيون الظبي النافر
السعد مخيم فوقه
مجموعة جوهر نادر ...... أو تحكى زهور في مناظر
منتظمه تمثل جوقه
من كل مدرع سافر ..... في هدوء الليل الكافر
وسط الأقمار في مروقه


صورة

في ثياب الملك الظافر ..... في عيون الظبي النافر
والمزن الحابكه بروقه
ضماهن مجلس عامر .... وعفافن ليهن مسامر
والقمري حداهن قوقه
ودلالن كان الآمر .... أصبح بنفوسن يقامر
مرقن الأفكار عن طوقه

صورة

بساط الروض الطاهر ..... تجلى الحسن الباهر
والخلقه السالم ذوقه
الشمس شعاعها الظاهر ..... في توب العفه الطاهر
دى حياتي ولى مخلوقه

صورة


صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة شوف محاسن حسن الطبيعة
كلمات الشاعر : إبراهيم العبادى

صورة





شوف محاسن حسن الطبيعة ... تلقى هيبة وروعة وجلال
0------------------0
صاحى شاهد هاهى الطبيعة ... زاهية زاهرة فى زهور ربيعة
دون سواقى نسرف نبيعه ... ما فى شتلة السائم يبيعه
ما فى صيدة انقادت تبيعه .... دون مجالب حسن الطبيعة
لا تصنع صبغة دلال

صورة

شوف نواحى الوادى الخديره .... والحمائم يشجيك هديرة
تلقى بدر التم فى غديره .... دى المحاسن وأنا قلبى ديرة
صاحى أملأ عيناك وديره ..... شاهد ايد الصانع القديرة
تملأ بهجة وعظمة وجلال

صورة


فوق هضاب الوادى الوثيرة .... الزهور منظومة ونثيرة
عن جمال البدو تبدو سيرة ..... وعن محاسن البادية الكثيرة
والجداول فى حال مسيرة ...... فى جبينه التل لازى مسيرة
والغداير حول الهلال
صورة


شوف هداك الصيد لج شارف ..... يرعى ناله الحول المسارف
أوعى من الخور سيله جارف ..... ميل شمالك وابرى المصارف
عج على السيال ظله وارف .... دائى بنت البدو وإنت عارف
بل شفاى من دائى العضال

صورة


0بهوى يا اخى السكنت براحه .... فى هدوها وعز انشراحه
فى غدوها وساعة مراحها ..... بهوى فيها الحيا والصراحة
ما بتجول بكرب خاضبة راحة ..... يا اخى بعشق جارة مراحه
فى ربوعه الخلف التلال

صورة


شوف جمال البدو مو مضاره ..... شوف دى صفره الفضحت نضاره
هادى نادى الغامق خضاره ..... دون تجندر لهجة حضاره
شوف طبيعة البدو والنضاره ...... شئ يعيد الروح فى احتضاره
الخضار والماء والجمال
صورة


دون فصاده سواك الهك ..... والابار ما لمسن شفاهك
بى فظاظه ما فاها فاهك ........ فطره ادبك وطبع انتباهك
دون تعلم مثبوت نباهك ........... ما بيدروا ديل جهلوا جاهك
الحقيقة بتناجى الخيال

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »




القصيدة : من محاسن حسنه المحاسن

للشاعر عبيد عبدالرحمن




من محاسن حسنه المحاسن ..... ومن جبينه النور والجمال
مالي والغزلان في تلالن ... إيه ينيل قناص من علالن
كيف أطيق وأتحمل ملالن ..... بعشق الغانيات في ظلالن
بعشق التائهات في دلالن ... بعشق الهيباتن جلالن
بعشق الأخلاق والكمال

صورة


هن كما الأفلاك في سماهن .... في بروج البدرين حماهن
ما في خاين طالن رماهن .... دارت الأيام وهن كما هن
مترفات ناعمات بانتماهن .... هن خزاين الدر بين لماهن
المسك والراح والزلال
صورة

شوف جمال الحي نوره باين .... بعشق الأزهار في الجناين
بعشق الرمان غصنه لاين .... بهوى زولا ما زانه زاين
بهوى طبعه اللى عرضه صاين ... بهوى حسنه وخايف أعاين
أنسحر بسحره الحلال

صورة


بين خدودن وبين انفصادن .... يجري بحر السيف يروى صادن
شوف عيونه الأكباد حصادن .... والبطير ما طار من مصادن
ناعسات كاحلات صابنى صادن ... كيف أطيق الموقف قصادن
ما بطيق رميات النبال

صورة


يا زها الأزهار حين لباسن ... والغصون من لونك مياسن
هاك عقودي الناظم قياسن ... من درارى وغاص فكرى كاسن
مبكرات أشعار في جناسن .... في وريدك خايل لباسن
زى نجوم الليل للهلال

صورة

ما سليت إن نهت النواهي ... في هواك أو دهت الدواهي
برضي بفخر بيك وبباهى ...... ليلى هاك افكارى السواهى
تحكى ليك آمالي الزواهى .... ليلى آه أنا جسمي واهي
ما بطيق للهجر احتمال

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

الشاعرعبيد عبدالرحمن

قصيدته: ولهان دمعي هامي *





ولهان دمعي هامي وسهران ساهي بالي
بعدك ليه ميسر وقربك ليه أبالي

صورة


أخشى يكون حبيبي صرم البين حبالي
ما ضراه طيفك لو في النوم صبالي
يوم ودعت حسنك يوم ودعت بالي
امتى أشوف جمالك وامتى تكون قبالي

صورة

بى ذكراك معذب كل ما الليل مسالى
قلبي يزيد حنانو وقلبك ليه قالي
جرت وجار زماني وخاطرك طاب نسالى
مهما جد بينك صابر مانى سالي

صورة


أبكي حبيبي بعدك أيامى الخوالي
أنشد فيك صفاهن وأنشد فيك موالى
لولا مسيل دموعي بلانى وروالى
حرقت جسمي نارك وحرق الكان حوالي

صورة


صده سبب نحولي وبعده سبب ملالى
حبه ملك فؤادي وأتمازج خلالي
أما سبب شقاي ودائي واعتدالي
نور محيه الهلالي ونور خده البلالى

صورة

بعدت عنى دارك ومنع الحظ رحالي
حبك زاد نحولى وشوقك زاد محالى
أنا ولهان وراضى ومرك عندي حالي
والآ يمنى فيك ياحالى يصيبه حالي

صورة


لحظك دار كؤوسه راح الروح سقالى
كنت سمير هناى وكنت نشيد مقالي
قصدي أتم شرابي لكن ما بقالي
عنب الشام بحبه إلا عصيره غالى

صورة

صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة : القمارى الغردن

للشاعر: محمد حسين العمرابى



شوف القمارى الغردن *-* لى نومى شالن شردن
يا حليل غصينات اللدن *-* في قلبى ساكنات خلدن
نار الفراق حارقة البدن *-* و أفكارى كم كابدن

صورة

يا حليل نغيمات اللجن *-* و البسمة من فاه أم عجن
تذكارها بى زاد الشجن *-* و أفكارى ضلن ما نجن

صورة

ليلات و كان فيهن مناى *-* ما تم لى بالمر هناى
جار الزمن ردف عناى *-* طال البعاد و ازداد ضناى

صورة


عذالى قالوا لى تعال *-* نهديك .. بطل دى الفعال
زادو لى نيران اشتعال *-* قتيلهم الحب عندى عال

صورة

منى السلام يغشى أم بها *-* عد ما يزيد بى حبها
مودوعة منى لربها تحفظ *-* عذول لا يسبها

صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

القصيدة : أمتى أراك
الشاعر : خليل فرح بدرى
صورة


أمتى أراك أنا امتى أراك
يا الفريع الوارف ضـراك
هل يصح ياغصن الأراك
يا خــزامنا الفايح شـذاك

صورة

هل يصح يا الجل البراك
أن أمـــوت وأن لا أراك
فى ذراك وقمـة عـلاك
إنتِ ملكـة وتاجـك حـلاك

صورة

كفى لحظك كايس هلاكى
وهـاك قلبـى الصـاين ولاك
الرضيع إن شافك غواك
والفهم مـن وصفك هـواك

صورة


يا الظبى الضارب البواكى
من دوائـى ودائـى سـواك
إن لهجت بداخل خبــاك
البـلابـل تعشـق صبــاك
أو بسمـت ونـور صفـاك
النسـايم تجمـد بفـــاك

صورة

يام كفيـلاً جايــر كفـاك
يا أم ضميراً ضايـع هفـاك
حاشـا ما بنتقـاطـع وراك
جانـا طيبك ماسـك قفــاك

صورة

نحن شفنـا النرجس يلاطفك
والضمير المـن نصه خاطفـك
شفنا ديسك يا سمحة عاطفك
قمت جافلـة إطبـق معاطفـك

صورة

يا أم فريعـاً قبقب دريعـك
يـا أم دريعاً فاصـل فريعـك
إنت بانـة وسابـل بيريعك
إنت صيـدة وخاتـى البريعـك


صورة
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

أنا من صفاك مسحور :
صورة


أنا من صفاك مسحور
بالله إنت ملاك وإلا من حسان الحور

صورة

تذرف عيوني بحور
أقضي الليالي قيام ما بين شوق وهيام
وارعي النجوم في سحور
وفؤادي آه منحور
مقتول بغير سلاح وأقول بكل صراح
سبب العيون الحور

صورة

فيك الكمال محصور
أكظمت كل حسود وحسنك مقامه يسود
علي كل جيل في عصور
طرفك لحاظه تريع أسدًأ شجاع وهصور
ليك نفرة الغزلان مع جبرة الفرسان
في هيبة المنصور

صورة

أهيف رشيق متبور
تتهادي تيه ودلال ما بين غرف وظلال
نعمة وترف وحبور
وسهمك علي مهبور
أيه ذنبي غير هواك وأنا يا جميل
بهواك .. من قلبي ما مجبور

صورة


يا البي العفاف مشهور
نيدك عبير فياح وقوامك المياح
أينع ثمار وزهور
بي حبي دمعي جهور
أنا في دجاك يا ليل نجمك بقالي خليل
فارقت نومي دهور

صورة

أنا من زمان مأسور
هجراني ما هماك يا ليلي قاسي لماك
من طول جفاك محسور
وحياة خديدك وجيدك وطريفك المكسور
أنا شعري ما بيوفيك مهما أبالغ فيك
منظومي والمنثور
صورة
صورة العضو الرمزية
الماسة الخماسية
مشاركات: 5439
اشترك في: السبت 2010.4.3 2:09 pm
مكان: مكان

رد: حقيبة الفن وتجلى شعرائها فى الوصف الجميل للإنثى

مشاركة بواسطة الماسة الخماسية »

جميل بانة .. واصلى نثر الدرر .
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

الماسة الخماسية كتب:
جميل بانة .. واصلى نثر الدرر .
الاجمل هو مرورك ماستنا 2 1212 2 1212

يديك العافيه happy0005.gif
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حقيبة الفن وتجلى شعرائها فى الوصف الجميل للإنثى

مشاركة بواسطة مرسال الشوق »

قسم بي محيك البدري
غرامك منه ضاق صــــــدري
حبيبي بي العلي تــدري

***
المَحَي نور ليلة القدر
نصب قوس حاجبه لي غــدري
و معاك في داخل ألخدري
فؤادي المالكة من بـــــــــــدري

***
حياتي ونعمتي ويسري
رضيت لو يرضي بي أســــــري
وفرض يا دموعي تنتثري
إذا منــه النسيــــم يســــــــــري

***
حمام الأيك والقمــري
يصيح ينبيــــك عــن أمـــــــــري
وبين عوا سلك السمري
روا يحي وفاكهتي وخمــــــــــري

***
أراك وتوفي بي نذري
دموعي ألفي الوجــن تـــــــــزري
حنانك ما عليك وزري
أنا قاسيت الهوى العــــــــــذري

***
صحيح لجروحي لا تبري
هواك برضــــــاي مـا جبــــــــري
وبسيمات فاهك ألتبري
يا جمــيل كم قللت صبــــــــــــري
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: حقيبة الفن وتجلى شعرائها فى الوصف الجميل للإنثى

مشاركة بواسطة بانه »

صورة
الشــــــــــــــــال منـــام عيني
وفـــــــــــؤادي جـــــــــارحه
إنشــــــــــالله يــــــــــلاقينــي
وبهــــــــــــواي أصارحـــــه

صورة

نتقــــــــــــــابل الأثنيـــــــــن
واشكــي له مـــــــر البيـــــن
لعـــل قلبــــــــــه يليــــــــــن
يعطف على المجــــــــروح
والروح تنـــــــــاجي الروح
والعين تشــــــــوف العيـــن
والأيــــــــد تصــــــــافحـــه

صورة

أقــول ياحبيبــــــــــــــــــــي
متيــــــــن يبقى تقريبـــــــــي
متى تبقى حاسيبــــــــــــــــي
ليــــك بالمــــــودة أبـــــــوح
بين الــــرياض والــــــــدوح
جالســـين ومتــــــــــــــأنسين
وأنــــا وأب عيــــون ناعسين
في الحــــــــــب أفــــــــاتحه

صورة

نقــيف في شاطـــــئ النــــيل
يعطــــــــف علي ويميـــــــــل
وأقـول له أنـــــــــت جميــــل
يابـــــدر نـــور ولــــــــــــوح
يـــــازهـــــــر عطـــر فـــوح
ولا أنـــت أسمــــــــك ميــــــن
قـــال في إبتســـــــــام ياسمين
عبقــــــــــــت روايحـــــــه

صورة
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: حقيبة الفن وتجلى شعرائها فى الوصف الجميل للإنثى

مشاركة بواسطة مرسال الشوق »

بانه كتب:
صورة
الشــــــــــــــــال منـــام عيني
وفـــــــــــؤادي جـــــــــارحه
إنشــــــــــالله يــــــــــلاقينــي
وبهــــــــــــواي أصارحـــــه

صورة

نتقــــــــــــــابل الأثنيـــــــــن
واشكــي له مـــــــر البيـــــن
لعـــل قلبــــــــــه يليــــــــــن
يعطف على المجــــــــروح
والروح تنـــــــــاجي الروح
والعين تشــــــــوف العيـــن
والأيــــــــد تصــــــــافحـــه

صورة

أقــول ياحبيبــــــــــــــــــــي
متيــــــــن يبقى تقريبـــــــــي
متى تبقى حاسيبــــــــــــــــي
ليــــك بالمــــــودة أبـــــــوح
بين الــــرياض والــــــــدوح
جالســـين ومتــــــــــــــأنسين
وأنــــا وأب عيــــون ناعسين
في الحــــــــــب أفــــــــاتحه

صورة

نقــيف في شاطـــــئ النــــيل
يعطــــــــف علي ويميـــــــــل
وأقـول له أنـــــــــت جميــــل
يابـــــدر نـــور ولــــــــــــوح
يـــــازهـــــــر عطـــر فـــوح
ولا أنـــت أسمــــــــك ميــــــن
قـــال في إبتســـــــــام ياسمين
عبقــــــــــــت روايحـــــــه

صورة


حلوووووووة القصيدة دي
بنوش ليش وقفت البوست ده

d010.gif d010.gif d010.gif
أضف رد جديد

العودة إلى ”وثائق و شعراء“