سيم سيم بالكربون...سلسة حكاوي عجيبة..!!

يحتوي على كل أنواع القصص والأحداث الواقعية الشخصية .

المشرف: بانه

أضف رد جديد
كرومة
مشاركات: 10
اشترك في: السبت 2007.3.24 12:22 pm
مكان: قطر

سيم سيم بالكربون...سلسلة حكاوي عجيبة..!!

مشاركة بواسطة كرومة »

يوم والرطوبة في بلاد الخليج البعيدة تفعل بنا الافاعيل
وانا اقف متكي علي عربة دبل قبين وفرها ذلك الكفيل
القاسي نظير خدماتي في مشروع الصرف الصحي
لذلك الحي المتعدد الجاليات..هنود..بتان والبتان للذين لا يعرفونهم
هم قبيلة البشتون ذوي الباس الشديد والتماسك الاسري الرهيب...
وانا اقف والعرق يتصبب بغزارة امطار استوائية....فجاة
وقفت عربة بداخلها (دريول) هندي...وامراتيت وثلاثة اطفال
يرتدون زي النساء في منطقة الخليج الاسود والنقاب المحكم الربط
ودار الحوار التالي........
انت زول ولا صومالي.......؟؟؟؟
سوداني..(وفي داخلي زعل واضح..فالصومالي اخو افريقي ولكن السوداني كنت افترض
بانه واضح المعاالم ويجب معرفته من ضربة البداية)....
كنت حديث عهد بالغربة ولازال بعض من الق السودان وقيم الشهامة
ومساعدة من يسال دون تردد لم تتاكل في داخلي ولم ينشاء وسواس تجاه الاخر
دون النظر الي جنسيته او ظرفه,,,,,,
ايوه انا سوداني....
طيب هل هذا المنزل للايجار..؟؟
.واشاروا لمنزل ليس بالبعيد من مكان عملي
وكنت اعلم بانه مالكه قد علق لافتة اختفت الان وافتكر ت انني ابان بحثي لاسكان
الفورمانات الجدد قد كتبت ذلك الرقم ولكن اين....لا ادري الان...!!!!
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

نعم لا ادري كان في داخلي صوت كثيف يحرضني علي مساعدة هذه الاسرة التي يبدو عليها ان مستواها المعيشي لايشبه مستوي اهل هذه البلدة المبحبحين فعربتهم التي اتوا بها كانت بكل اختصار مكعكعة والهندي السائق تبدو عليه الدبرس علها ناتجة من تاخر المرتبات.......
قلت...نعم ان هذا البيت للايجار وكان هنالك رقم للتلفون معلق امام الباب ..واذكر انني قد كتبته في احدي مفكراتي....!!! قالت الامراة العجوز...اما كما كانت تبدو لي خلف نقابها الرهيب
خلاص يا زول فتش التلفون وجيبوا الينا في منزل رقم 10 خلف المسجد......
كويس يا حاجة حاضرررررررررر....!!!!!! قلتها كذلك ورن في خاطري الكثير من الحبوبات في السودان اللائي عندما تامرك بفعل شي...لامناص من تنفيذه
فنحن قوما نوقر الكبير ونكن ود وحب خاص للحبوبة.....ونواصل
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: سيم سيم بالكربون...سلسة حكاوي عجيبة..!!

مشاركة بواسطة moony »

انا معاك ومستنية باقي الحكاية
مممممممممممممممممممممممممم
شكلها حلوه وطريقه سردها احلى
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

moony كتب:انا معاك ومستنية باقي الحكاية
مممممممممممممممممممممممممم
شكلها حلوه وطريقه سردها احلى
مرحب موني وحبابك في سيم سيم بالكربون
وكدي خليك معانا بجاي عشان تشوفي اخوك المسكين اتبهدل كيف في الغربة العجيبة دي
والف شكر علي الحضور الطاغي
..
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

نسيت الموضوع وطال الزمن وذات يوم وبينما انا افتش اوراقي القديمةوافرفرها ..فاذا بي اجدالتلفون الخاص بذلك اليبيت العجيب وياليتني
لم اجده.... وتذكرت تلكم الا سرة صاحبة البيكب الدبل قبين والتي سالت عن منزل الايجار المفخخ......خطفت كراعي وكنق كنق ضربت الباب
وجدت السائق واعطيته التلفون مكتوب علي ورقة بيضاء......وذهبت....!!!!!! ونواصل
صورة العضو الرمزية
شاربة توت ولابسة بوت
مشاركات: 1202
اشترك في: السبت 2006.11.4 10:50 am
مكان: ابوظبي

رد: سيم سيم بالكربون...سلسة حكاوي عجيبة..!!

مشاركة بواسطة شاربة توت ولابسة بوت »

في انتظار التتمة ..
صديقنا الجديد كرومه ..
شكرا لك ..
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

شاربة توت ولابسة بوت كتب:في انتظار التتمة ..
صديقنا الجديد كرومه ..
شكرا لك ..
يامراحب بالناس الشاربة توت ولابسة بوت وبحضور الناس المراقبة العامة العيونها مفتحة وشايلة من
النيل وهج ومن دعاش البلد غيم...لازم علي اتم القصة وبكل التزام ومن طق طق لسبحان الله وسريع
سريع كمان...
ونشكر حضورك الزاهي المعتق بالتوت الاصلي (ادونا معاكم شوية توت ..انشا ء الله توت عنخ امون)
عشان ابقي انا ذاتي شارب توت ولابس كبك.. :008:
والف تحية وتحية وردية اخوية
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسلة حكاوي عجيبة..!!

مشاركة بواسطة كرومة »

يوم والدنيا عز النهار وكان عندنا حاجة بجنن المهندس المقاول
وبطلع عييو كان عندنا inspection والمصيبة دي فيها تفتيش منكر ونكير
وكان الاستشاريين خواجات رطانة جد وعوجة لسان تخلع وانا كمهندس مقاول
مزرور زرة ترزي في يوم وقفة العيد.....فجاءة اشوف ليك عربية بوليس
الما بتغباها عيوني وقفت ...ونزل منها شخصين في زي مدني عيونهم نار منقد بس..!!!
وين كريم السوداني...!!!
ايوه انا كريم السوداني...
تعال معانا الي نقطة امن الريان...!!
في شنو يا جماعة...!!!
وبلهجة فظة وقاسية نطق الشرطي (ماني داري تروح القسم معانا بس)...!!!
الليلة..!!! نطقتها سريع في سري وانا راكب في المقعد الخلفي لسيارة البوليس
فتذكرت عربة بوليسنا في السودان (كندورة) وشتان مابين كندورتنا وكندورتهم...!!
وايضا نشط خيالي وكالبرق طفت بخاطري سريعا في سيرتي في هذه البلدة ومن دخولي الاول
لها...
الاقامة عندي.!!!.مشاكل اها من ما جيت الواحد ما عمل ليهو شكلة...خرمونا للشكل ذاتتو..!!!
في شنو ياربي...!!!!!
وحاولت التحدث الي العسكري بجانبي حتي اعرف ما الامر فكان جادا حاسما وقاسيا ايضا....!!!
وبمجرد وصولنا الي نقطة البوليس وامام ضابط يبدو انه التحري صاحت كل النقطة....
هااااي السوداني الدشششة
تري انت دشيت
دشيت..!!!!! كنت قد التقطت هذه الكلمة منذ مدة قليلة وعرفت انها تعني دخلت..........
دششششيت وين يا جماعة.....؟؟؟؟؟؟
ونواصل
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

جوطة وجلبة ليها ضل قامت في نقطة البوليس والمخيف انو البواليس سمان خلاص.....حليل زمن البوليس البجك مع الصباح
ايوه تري انت دششششششششيت...!!!
دششششششيت وين ياجماعة..؟؟؟؟
انت متهم بجريمة السطو علي بناية تحت المادة كم كده ما عارف لكن شكلها كده مادة خطيرة ...!!!!
انت يا زول تلبت الليلة الساعة 9 في منزل اسرة في الحي الفلاني الفلاني.........بدافع السرقققققة
يا جماعة قولو كلام غير كده....متاكدين ده انت...!!!
وست البيت شافاتك وبتعرفك......!!!!
ونواصل
majdi hyder
مشاركات: 11
اشترك في: الثلاثاء 2007.3.13 1:13 am
مكان: دبي

رد: سيم سيم بالكربون...سلسة حكاوي عجيبة..!!

مشاركة بواسطة majdi hyder »

[overline]سلام يا كرومة
غايتو الواحد ما عارف يقول ليك شنو لكن شكلك طلعتة منها عشان لو ما طلعت منها كان هسع تكون في سجن الوثبة يا زول اعمل حسابك الزمن دي غير اخوك لحمك ودمك ما تمد يدك لي زول بزااااااااااااااااات في بلد المليون هندي دي والحمدلله ربنا جاب العواقب سليمه
لكن برضو اها كمل ز
ولييييييييي قداااااااااااااااااام[/overline]
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

مرحب يا مجدي
واخوك مورط وريطة عدوك بس كدي اصبر وشوف المصايب
وقول معاي الله يستر
انس ابوالقاسم سمساعة
مشاركات: 1
اشترك في: الثلاثاء 2007.3.27 6:43 pm
مكان: المملكة العربية السعودية - الرياض

رد: سيم سيم بالكربون...سلسة حكاوي عجيبة..!!

مشاركة بواسطة انس ابوالقاسم سمساعة »

السلام عليكم ورحمة الله وبركاته
اخوكم انس سمساعة
الاخ كرومة والله القصة شدتني شديد وبوظة اعصابي وخليتنا نسرح ونحاول نستبق الحوادث بالله عليك تم وربنا يحلك بالسلامة كمل وربنا يديك العافية
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

انس ابوالقاسم سمساعة كتب:السلام عليكم ورحمة الله وبركاته
اخوكم انس سمساعة
الاخ كرومة والله القصة شدتني شديد وبوظة اعصابي وخليتنا نسرح ونحاول نستبق الحوادث بالله عليك تم وربنا يحلك بالسلامة كمل وربنا يديك العافية
سلام وتحية اخي العزيز سمساعة
وكلي اسف علي تاخير ردي لحضورك الراقي الي قصة سيم سيم بالكربون التي اتمني ان (ادعك) روحي
دعك السنين حتي اكملها لكم
ولك كل الحب والتقدير
صورة العضو الرمزية
اصيله
مشاركات: 358
اشترك في: الأحد 2006.10.29 12:19 pm
مكان: الخرطوم

رد: سيم سيم بالكربون...سلسة حكاوي عجيبة..!!

مشاركة بواسطة اصيله »


كرومه
اخى الرائع

(كيكى) لك الف تحيه
كرومة
مشاركات: 10
اشترك في: السبت 2007.3.24 12:22 pm
مكان: قطر

رد: سيم سيم بالكربون...سلسة حكاوي عجيبة..!!

مشاركة بواسطة كرومة »

اصيله كتب:
كرومه
اخى الرائع

(كيكى) لك الف تحيه
كل المراحب يا اصيلة يا اصيلة
ولكي كل التحايا علي الحضور والتعرف وحبابك في سيم سيم بالكربون....
لكن كدي في الاول (كيكي) دي جعلتني احس وبقوة بانك اخت رائعة ومن مدارات ليس ببعيدة
فعليك الله قولي يا اصيلة ...؟؟؟
bitadlan
مشاركات: 284
اشترك في: الأحد 2007.10.21 9:01 am
مكان: الخرطوم بحري

رد: سيم سيم بالكربون...سلسة حكاوي عجيبة..!!

مشاركة بواسطة bitadlan »

سلامات لكن مافهمنا اي حاجه منتظرين الحصل شنو تاني دي صحبتنا الاديتا الرقم ولا شنو؟
أضف رد جديد

العودة إلى ”سيناريو وأحـداث“