موسوعة الشعر الشايقى

مرجع لفطاحلة الشعراء

المشرف: بانه

ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

موسوعة الشعر الشايقى

مشاركة بواسطة ودعلبوب »

[grade="00008B FF6347 008000 4B0082"]كلمات الاستاذ/ محمد سعيد دفع الله
اداء المبدع الفنان / عبد القيوم الشريف

مليت من الغربه آعلى .. يا ولدى يا ايدى اليمين
داير الرجوع بس كيف يكون ... وتفكيرى فيهو انا من متين
كل ما اقول اصبر شوى باكر تكون الحاله زين
القى الظروف ياها الظروف .. بس زايده سؤ بحلف يمين
وآخد لى لفته على الزمان ... القاها مرت كم سنين
لمتيـــــــــن بتتفك القيــــــــود ... القاسى قلبها ما بيلـــــين
**********
جيت فاكر انى اكون سعيد ... بى مال بيجرى على اليدين
لكنــو مقسوم يــا لعــــزاز .... رزقا يكون دائمــا ضـــنين
والشئ العجيب مما وصل ولليلى فوق اكتافى دين
حســرة وهموم متواليات .... والدمعه يوت هالابه عـيــن
نيران مولعى فى القلب مسكين فقد لضرا الامين
كان عيشو هاديه قبل يجى ... و فى بيتو كان قوتو اليقين
والليله فى الاهوال دوام يصرخ ومو لاقى البعين
وينــك بعــدتى على ّ ليه ... وانا ليكــى كاتلنــى الحــنيــن
يا السمحه سموكى القرير والناس تجيك من وين ووين
وانا قـمــت منك شــن اقول .... غير ده المسطر فى الجبين
يا درة الوطن العزيز يا النادره يا لماليك وزين
عشمى ومناى ارجع واجيك ....... انا غير هواك متل السجين
داير اكون بين الاهل محضون وحاضن اعز طين
داير حياتى مع الصحاب ..... واللقمه ما بين العوين
***********
يا لوبه شمر للضراع والليلى جيت اوصيك دحين
كونك تقصر ما اظن وانا عارفو طبعك يا الخزين
يات من معلم درسك شاكرك علم وخلقا يزين
ما عليك خوف ما دام معاك زولا مسمى الزين وزين
انت البتعرف للاصول كاسب رضاء الوالدين
من قمت درفونا صغير ما كت يوم نيا عجين
دائما مواظب و مجتهد فى الجانبين دنيا ودين
ورافع السماوات غير عمد داعيهو ينصر وليك يعين[/grade]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

حليلكم يا أهلنا ..

مشاركة بواسطة ودعلبوب »

[grade="FFA500 FF6347 008000 4B0082"]حليلكم يا أهلنا ..
ياحليلها بلدنا ليها الشوق كتلنا ..
الدموع بالشوق تكب من يوم رحلنا ..
أهو منك يا ظروف عاد كيف زعلنا
باقي نحنا نريدة ريدتا من جهلنا ..
وكمان هي قليبها رتاي للمتلنا ..
الفرح انشر و الدار تبقى جنة..
والدليب ان دق حس طمبورنا رن..
زغرتن بنوتنا في الدار ان دخلنا ..
يرقصن قدامنا و الشبال يصلنا...
ماها قاسي السيرة بالعافية ان نزلنا..
من جميع نتلم كلنا بعدلنا..
نفرحك يالخاطر ان سرنا و قدلنا
بتحت يتهزن الحيطان قبلنا ..
وا طيابة فينا نحن الزين فعلنا ..
وا سماحة فوقنا سمحين زي شتلنا ..
نحن زي قشا مفرهد في سهمنا..
و زي جزاير بي تحت خيرن شملنا..
زي تمرنا اللا تحت شايل متنا ..
ويا حلاة القمري فوقن قوقى غنا..
مافي زولا يزعل ان شلنا و اكلنا..
يا حليل الما بكوسو درب زعلنا ..
ياحليل الريد حليلكم يا أهلنا ..
يا حليلا بلدنا ليها الشوق كتلنا[/grade]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: الغــــربـــــة !

مشاركة بواسطة ودعلبوب »

[grade="00008B FFA500 008000 8B0000 008080"]انا المعجب
انا المشتاق اشوف عينيك
كل صباح واتعذب
واسمع من شفاهك ديل
الذ نغم برأى أطرب
وتلوح لى فى صفاء عينيك
بحور من ريد........ أدور اشرب
ومرة اتوه ... اقيف مشدوه
اقول يا عبدو أتادب
زمانك فات ..........
والريد فى قليبك مات
ليه فوق جمرو تتقلب
واشيل من عمرى
عشرة سنين
اقول يمكن يكون انسب
وأدلى دلوى مع الخطاب
مع العشاق يجوز اكسب
وأعاين لى عيونك يمكن القى سعادة
القى غضب
واشيل فوق راسى هم الدنيا
فوق افكارى يترسب
قلبى رهيف
ما خاض زى حروبك ديل ولا جرب
وفجأة يعود صوابى الغاب
أشوف انا نفسى جنبك زى وليد يلعب
بيجرى وراء سراب ورهاب
بعيييد...................لليلة ما قرب
وهل معقول ؟
يكون فى وصول ؟
متين يا رب
ما تصارحيه ........ خافى عليهو
قولى ليهو لا يتعب
انا المعجب
انا الولهان ولى سنين
بعانى من الصعاب اصعب
وقالوا على كبرت خلاص
ولسع ماقدرت خطب
انا المعجب
انا المشتاق ..........
انا الطوالى بترقب
انا التائه
وعيونى بلاك ما شافت
يمين كوكب
شوية ريده
ليه يا صيده
ما دا انا المتيم تب[/grade]
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: الغــــربـــــة !

مشاركة بواسطة بت أبوظبي »

[glow1=CCCC33]
شكرا على المرور ود علبوب ..
ونورنا بطلتك البهيه ..
[/glow1]
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: حليلكم يا أهلنا ..

مشاركة بواسطة بت أبوظبي »

[glow1=CCCC33]
كلام حلو يا ود علبوب .. وإلى الأمام
شكرا
[/glow1]
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: مليت من الغربه

مشاركة بواسطة بت أبوظبي »

[glow1=CCCC33]
جات في الوتر الحساس ..
شكرا ود علبوب
[/glow1]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: مليت من الغربه

مشاركة بواسطة ودعلبوب »

[grade="00008B FF6347 008000 4B0082 FFA500"]ياريت الشوق زى البريد بيطوف كان شات اشواقى ختيتا فوق مظروف
ورسلتها لى انسان ملك السمع والشــــــــــــــــــــــــــ ـــــــــــــــــوف
زولا بريدوا شديد بالنسبة مثاب الطـــــــــــــــــــــــــــ ــــــــــــــــوف
بهواه يا خلاى مهما أمشــــى ومهما اشوف ولو جابوا لى الحور قدامى واقفى صفوف[/grade]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: الغــــربـــــة !

مشاركة بواسطة ودعلبوب »

انا المعجب
انا الولهان ولى سنين
بعانى من الصعاب اصعب
وقالوا على كبرت خلاص
ولسع ماقدرت خطب
انا المعجب
انا المشتاق ..........
انا الطوالى بترقب
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

دروب الريد عبدالله محمد خير

مشاركة بواسطة ودعلبوب »

[grade="00008B FF6347 008000 4B0082"]ريدكم لي شديد يا يابا ريدي أنا للبريدو شديد
إلا أنا ما معاكم ديمه لكن عن حبيبي بعيد
خلوني اللسافر أبوي لو كان في إجازة العيد
أمشي أزور حبيبي الغالي داير أوفي حق الريد
عشان يا يابا من يوم روح ما جاب لي منو بريد
وما قال لي وين يا زولي كيف عامل براك وحيد
ليشن يابا ما بترضوني ياني وليدكم الويحيد
خايف بكره ما تلقوني إلا تتلتولي القيد
شان شوق الحبيب مالكني والنار في ضلوعي تقيد
داير يابا أمشي وأزورو يمكن شوفتو لي تفيد
يابا عليك عطفك لي ما تخلوني أبكي شديد
ويابا إن كت بتدري البي ماب تأبى لي أبقى سعيد
يابا إن كت قادر أخلي كت خليتو بدري أكيد
زولاً حبو عاش في قلبي كيفن عن طريقو أحيد
كان يا يابا ما جربت تهواها الحسان الغيد
وكان يا يابا ما أشجاك صوت البلبل الغريد
وكان يا يابا ما ساهرت وعينيك ضاقن التسهيد
ما بتهتم بي أعذاري مهما أقول ومهما أعيد
دحين يا يابا ماك مشتاق وحيدك يبقى عندو وليد
يحوم في البيت ويلعب فيهو يمرح في براءه سعيد
يقول لي يمه يا حبوبه يا حبوبه عندي نشيد
يسعدني ويسر بال أمه ليك يا يابا يبقي حفيد
هاك يا يابا من أشعاري أبيات أنهكا الترديد
كم تاه في دروب الريده قلبي وكم نظم له قصيد[/grade]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

العيد المضى عبدالله محمد خير

مشاركة بواسطة ودعلبوب »





طولت شايل الذكرى في عيني
للعيد المضي
طولت بحسب في نجوم الليل
وأقدر في مساحات الفضا
وأغصب مشاعرى علي الألم وأروضا
واتمني لو لحظاتنا ديك
تسمح ظروفنا نعوضا
وتجمعني بالحسن الرفض أفكاري
كان بيعارضا
يمكن قبل نتبادل الحب الشريف
يمكن رضا
تمضي السنين وتمضي الشهور
واتمنى لو كان تمت الأيام
وانتهت السنين
والكون وقف خلا المسير
كان قلبي فتش عن نصير
خفف عذابات الضمير
ومن قبل ما أصل المصير
الفيهو قلبي المحترق فكر كتير
اتذكر العيد المضى
يوم بيتنا أصبح كلو خير
يوم كنا بي نشوة فرح
دايرين نطير يوم القمر في بيتنا
متواضع قعد فوق السرير
وقال ... كل عام وانتم بخير
نظراتو كان زي بسمة الطفل الغرير
وخصلات شعر تنساب متل موية الغدير
وحبات نهودو الطعنن فوق الصدير
حاولت بيهن استجير
من العيون التايهه والخصر الصغير
من الشفاه العطشى
والوجه المنير من السعير
ومرت ليالي طوال علىّ
وطأت غرامك ما بتخف
حاولت أصارحك وليك بالبي اعترف
فكرت أكتب ليك رسائل
بي دموعي الما بتجف مليون حرف
داير أخليك عن دلالك تنصرف
داير أعبر عن مشاعر
عن مشاعرك تختلف
ودايرك تصدق إني
في محراب غرامك معتكف
واجيب قلم واحصر تعابير الألم
وكل ابتهالات العشم
لكني من أول حرف
أجد الأنامل ترتجف
وتتذكر العيد المضى
أعياد تجي وأعياد تفوت
والفرحة تصحب كل عيد تملا البيوت
وأنا كل ما استقبلت عيد أحيا وأموت
وأطبع ملايين التهاني على الكروت
تمضي السنين وتمضي الشهور
وأنا قلبي يحيا بلا شعور
لكنو قرر يا القلبت ظلامو نور
قرر يحارب كل أوضاعو ويثور
قرر يكاشفك بي ضمير ما فوقو زور
قرر يرسل ليك سطور
مكتوبه فوق ورق الزهور
مكتوبه بي دمعو الغزير
داير الحروف تبقالو نور
وتبقالوا ....
لى قلب البحبو جواز مرور
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رحلة النسيان

مشاركة بواسطة ودعلبوب »


نسيتك أنا
نسيتك ما لأني إنسان ونساي
نسيتك أنا
لأني بقيت لما أطراك بساهر
وإنت طيفك ماهو لولاي
نسيتك أنا
عشان ردة فعل ذكراك جواي
بقت تنتر مغس مرات ولواي
نسيتك أنا
ونسيت كل السماحه الفوق دريبا بقيت غناي
وخليت لك بلد بي حالو ورحلت بي جاي
غلطانه إن بقيت فهمتي إنو رحيلي فوق رأي
مهاجر شان أحسن حالي وأرجع ليك شاشاي
وحاتك لا لا .. دنياك ما بتوافق تاني دنياي
وحاتك لا لا .. لا داير أخادعك ولاني خازاي
قسا القلب الببكي الشوق
عليك بقي ماهو بكاي
وجفاها القمري عصرياتنا
ماعاد فيها .. قوقاي
صحيح حسدوني فيك زمن عزلتك وقالوا نقاي
ما عارفني بكدح وبشقى ساكت وماني لقاي
يفيض بحرك يعم وما فيهو من تالاي سقاي
نسيتك أنا
وبفتش في دليل لي دربي ضواي
دحين أطفيها نار الغيره أو زيديها بوباي
وأبكي على غرورك بعدي أو كوسيلو رضاي
وقول لي معاك سلامه، أو قوليها باباي
صورة العضو الرمزية
شاربة توت ولابسة بوت
مشاركات: 1202
اشترك في: السبت 2006.11.4 10:50 am
مكان: ابوظبي

رد: رحلة النسيان

مشاركة بواسطة شاربة توت ولابسة بوت »


[glow1=66CCFF]ودمتم سالمين ...[/glow1]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: رحلة النسيان

مشاركة بواسطة ودعلبوب »

شكرا على المرور ويديك العافية يارب
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

ويوم فراقك كت دائر اموت

مشاركة بواسطة ودعلبوب »

قال فيها

اسيا بابورك فى الاراك يا اسيا بابورك فى الاراك
ان ايوم رحيلك كت دائر افوت
ويوم فراقك كت دائر اموت
صفر البابور كان دائر يفوت
وصفه البحر وشوف عينى انشرف الحوت
اسيا بابورك فى الاراك اسيا تبشه ولقت الرمال
ودونى دقايق دخل ودونى فرصه اعتزر
اعصابى باظط وجسمى صلصل
لو مامرق كان جبريل نزل
لو ماب اخاف الله العزاب
واخشى الشعب يقولى كذاب
كنت احلف فوق الكتاب
واقول اسيا من نور مو من تراب
اسيا من الاوضه ماشى على التكل
ومن اطرافها يترحل الضل
وفى مشيها يرتبك العقل
اسيا ان دارت تحوم اول شى تقيف السموم
وينزل الغيث والقش يقوم
دائر امشى الاراك فتحلى كنتين
ودقق للمساكين علشان خاطر اسيا الكيله مليم
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

افتدقتك الفاتح إبراهيم بشير

مشاركة بواسطة ودعلبوب »

إفتقدتك



يا حبيبي أنا إفتقدتك لما فاض الشوق عليّا
وإنت عارف روحي غيرك لا بتموت لا بتبقى حيه

يا حليلي أنا كنت قايلك زي زمان مهتمي ليّا
في الحُزن تحزن معايا ويوم أغيب تسأل عليّا
بإختصار أنا كنت دايرك تبقى أقرب مني ليّا
وإنت تاريك بي مشاعرك مُستقر فوق الثريا

دا الصباح الفي عيونك باعني لي بحر الأسية
وسابني بين شطآنو هايم وجاري لا عند العشية
لاني قادر أقول كفاية ولاني راضي أكون ضحية
والمصيبة أنا كان بكيت ولا جنيت هيًّ هيَّ

كل مصيبتي هويت عيونك في زمن ظالم شوية
يكره الحب والتصافي ويعشق الجفا والرزية
الطيور وكتين تغني الزهور تصبح ندية
إلا عاد كيفن تغني وعينا في عين الحِّدية


إفتقدتك وإنت عارف زيي يعشق بالسجية
ومستعد ما عندو مانع يهدي ليك الروح هدية
لا بيهادن لا بيساوم لا بيبيع أبداً قضية
ولو تمور الدنيا فوقو يرتكب مليون جنية


إفتقدتك يا مُنايا ويا سعد روحي الشقية
لما فاضت بي هِمومي والأمور لاجت عليّا
إفتقدتك يا صباحي والضلام ضامِّي العشية
وإفتقدتك ألف مرة لما شِمتو اصحابي فيّا

شُفت كيف أنا إفتقدتك لحظة الأم العتية
وإنت ماك جايب خِبيري وماك مفكر تبقى جية
حتى يوم لاقيت صِحابك منك إتوقع(ت) تحية
إلا وآخيبة رجايا ويا حلال الحسرة بيّا

ويا حبيبي أنا إفتقدتك
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

جن الريد الشاعر علاء الدين

مشاركة بواسطة ودعلبوب »




اولا يا شباب لا اكون اثقلت عليكم بكلمات اهلنا الشوايقة فلى العذر ففى كلماتهم كلماتهم ومابين السطور همسات !!!!!!!!!!!!!!!

أحمد زول معروف بالطيبة *** حُسن أخلاقو عليها إتربى
تكفي شهادة ناس الحلة *** إنو خلوق وخجول ومُربى
مهذب رغم حداثة سنو *** لبس تهذيبو أصالة وهيبة
أدي الناس الحب أدوهو *** وحسن الظن بيناتن شبه

خشت فجأة أميمة حياتو *** وصارت بينو وبينا محبة
قلبو إختارها عشان معروفة ** زولة حنينة وراقية وطيبة
دسو الريد في السر بيناتهم *** وخلّو حبيس ودفين ومخبى
وكيف تنضارى متل أشواقم *** وليه زي ريدهم يوم يتخبى

وبعد أعوام وصلتلو رسالة *** جواب مليان تقيل ومعبى
قبال يفتحو عرف الراسل *** باينة وظاهرة رسائل وهبة
أخوهو الليهو زمن متغرب *** تسعة سنين قضاهن غربه
مرسل ليهو تذاكر وفيزا *** دايرو يجيهو هناك في طيبه

طار في الأول أحمد فرحه *** وكلم كل الناس والصحبه
لما إتذكر أميمة حبيبتو *** فجأة إنتابو شعور بالخيبه
لكن قرر إنو يســــــــــافر *** سرعة يعود ويتم الخطبه
لأنو الغربه طريقه قصير *** وفيها يهون تحقيق الرغبه

جاتو اميمة حزينة توادعو *** جاتو تجفف دمعو الكبه
جاتو توصي عشان ما يقوى *** وما ينساها هناك في الغربه
جاتو تطمنو إنو حيفضل *** ريدها الخالد مهما غبّا
حافظه عهود الريدة البينهم *** ومهما كان حيظلو أحبه
أهدتلو مصحف شان يرعاهو *** من العين والهم والكربه
لبسا عهد الريد في جيدهــــا *** عقد ممهور بى صورة الكعبه
قامو إتوادعو زين إتباكو *** فات خلاها وحيدة وخبه
سافر شال همو وأحزانو *** بعد أيام في المملكة غبا
لاقو الناس يا زول كيف حالك *** بالأحضان قام سالمو وهبه
قالو نصاح ناس أمي وأبويا *** مشتاقين راجنلك أوبة
قاللو أحمد سافر يا وهبه *** غير جوك وروِّق حبه
أمك ياخي تلاهي عليك *** لاخالالها ا ضريح لاقبه
السودان مشتاقلك كلو *** ضفاف ورمال سواقي وتربه
وحتى النيل فرحان راجيك *** تجي وتنهل من مويتو العذبه
بعد أيام كان وهبه هناك *** بين أصحابو وأهلو وأحبه
في حضن أمو الطول منو *** في حيشانو الواسعة الرحبه
قالتلو أمو أخوانك كبرو *** وما فضلنا زول يتربى
بس فضللي أشوفو جديدك *** وكتين لسع حيه وطيبه
إختارولو بنيي سميحه *** تشع حيويه ورونق وهيبه
أديبه وراقيه وكلها عفه *** وبرضو أهل وقراب في الحسبه
يوم العرس الحي صبّاحي *** فرح مطبوق والناس منطربه
شاق الليل صوت كم زغروده *** وحس طنبور ودليبو الربه

إلا في واحده حزينه وباكيه *** سايله دموعا دوام منسكبه
كان في دموعا سؤال بيحير *** وفي آهاته أسرار محتجبه
وقالو الناس دي دموع الفرحه *** وغيرا شنو الحا يكون السِّبه
بعد أيام ساق وهبه عروسو *** ساقا رجع لي بلد الغربه
سايقو حنين لي كل أصحابو *** ولي أحمد أخوهو أشواق ملتهبه
وصل الباب كورك يا أحمد *** فتح أحمد بي لهفه ورغبه
شاف قدامو الما متوقع ** وهم الكون فوق راسو إنصبه
شاف السلسل عهد الريده *** نفس السلسل وصورة الكعبه
شاف قدامو أميمه حبيبتو *** كانت قاسيه وقاضيه الضربه
شاف أحلامو تضيع قدامو *** بعد ما كانت منو قريبه


كانت لحظه تفيض بالدهشه *** شاف الدنيا كأنها كذبة
كورك أميمه...أميمه وصنقع *** صنقع ودنقر.. ودّر وغبى
وجن أحمد في نفس اللحظه ** وجنّ أحمد في نفس اللحظة
جن الريـد..ما أظن ينطبّا
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

مُنادي الشوق

مشاركة بواسطة ودعلبوب »



مُنادي الشوق ينادي داير أرجع لي بلادي
أحكي للطيبين وأغني أنسى ألامي وسُهادي
أصلي ما كان في مُرادي يوم أفارق داري غادي
أهجُر الأوطان وأسافر بالسنين يبقى إبتعادي
بلدي طيبة وما بتعادي وفي الكرم غنالها شادي
دوزن الألحان وأبدع راح يطوف كل البوادي
حبي ليها وريدها زادي شايلو في عيوني وفؤادي
ليها برسل كل حروفي ودمعة الأشواق مدادي

شوقي ليها ولي ضِفافها وطهرها ونورا وعفافا
سلسبيل نيلها البيجري بالسنين خدّر جفافا
أي زول لو مرة شافها زاهية في حُلة زفافا
تاني يحلم ما يفوتا لو زمان الوصل صافَ
شوقي لي ذرات ترابها ولي سهولها ولي هِضابا
زهرة الياسمين تضاحك خُضرة الصفصاف في غابا
طفلة من الزاندي دابا عنفوان القاش شبابا
راقصت في عبري رنة حلوة من وتر الربابة

شوقي ليها ولي نعيما وفوقنا دايماً راشة غيمة
روحي من الغربة ضاقت دايرة ترجع لي قديمة
كل ما نطرى بلدنا ديمة تنهمر دمعات أليمة
نحن إخلاصنا ووفانا لي بلدنا بقالنا شيمة
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

القصيدة ليك انتى وبس والله!!!

مشاركة بواسطة ودعلبوب »

أنا أخترت من بين العيون ياغالية عينيك أعشقا
وأخترت شوفتك كل يوم لو حتى شوفتك أسرقا
لكني مالاقي الفرح لا في البعاد ولا في اللقاء

وما من هواك .. أنا أصلي عاد خلقوني من طين الشقاء

مديت كتير حبل الصبر لامن فقدت أنا أولو
ومن غير صبر بقدر أساي ياغالية شانك بحملو
بس لو سمحت ومرة بس داير قليبك أسالو
حافظ معزّتو زي زمان ولا الحصل كان بدلو ؟

والله يا نور العيون أصعب سفر سفر الأمل
تلقاك تعاين في الهدف .. وما داري أنت متين تصل
كل الدروب جربتها وسافرت فيها عشان أصل
وفي كل مره الف وأعود من تاني لي نفس المحل

سيبي العواطف ديك بعيد .. وأنسي ريدك وقولي لي
أيه الفرق لو زول زرع أمالوا في أخصب ودّي
والتاني روح للبعيد وأختارلوا يا محبوبة صيّ
حايحصد الأول أكيد والثاني زي حالتي العلي

ولو جيتي تسألي عن هواي بالله أسالي عن هواك
تلقي الجواب نفس الجواب ماقلبي يادنياي معاك
أرجوك أوعي تفكري أنو قلبي يصبح لسواك
لكن لو فقد العشم يمكن أقولوا خلاص كفاك

أنا عارف المواجع لي براي أنا طول سنيني أبكي وأنوح
فقدت أحساس الألم ياروحي من كُتر الجروح
ومابلقي عارف فرحتي غير فيك يا أم وجهاً صبوح
وكفاية كل القلتو ليك .. أنا تاني مابقدر ابوح
صورة العضو الرمزية
abomomen
مشاركات: 118
اشترك في: الأربعاء 2006.12.13 6:23 pm
مكان: الخرطوم

رد: القصيدة ليك انتى وبس والله!!!

مشاركة بواسطة abomomen »

كلام جميل ودعلبوب والي الامام
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: القصيدة ليك انتى وبس والله!!!

مشاركة بواسطة بت أبوظبي »

كلماتك رائعة .. وإحساسك أروع
شكرا ود علبوب
أضف رد جديد

العودة إلى ”وثائق و شعراء“