مولود جديد ام مشكلة جديدة

خاص فقط للنساء....الزينة..الموضه..الاخبار..تبادل الافكار..التعارف

المشرف: بانه

أضف رد جديد
ام ساره
مشاركات: 187
اشترك في: السبت 2014.8.30 12:04 pm
مكان: الكاملين

مولود جديد ام مشكلة جديدة

مشاركة بواسطة ام ساره »

مولود جديد ام مشكلة جديدة


ولادة مولود جديد مناسبة حلوة ومفرحة لو كان المولود رقم واحد اوعشرة لكن مرات بتحصل خلافات بسبب اختيار اسم المولود الراجل احكم رأيه والام تصر علي اسم معين وقد يتفاقم الموضوع ويتشعب اها يا حلوات الموضوع ده بستاهل قدر ده والا رايكن شنو ؟
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: مولود جديد ام مشكلة جديدة

مشاركة بواسطة السنبلاية »

برأى : اسم المولد ما نقطة اختلاف ...!!؟

لئن الاسم منزل من رب كريم ..

يبقى الاختلاف فى شنو ..!!؟

خلاص ربنا أنزل اسمه هيثم .. بيقى هيثم .. احمد يبقى احمد ..
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: مولود جديد ام مشكلة جديدة

مشاركة بواسطة مرسال الشوق »

ممكن ادخل عشان شفتك كاتبة( اها يا حلوات الموضوع ده بستاهل قدر ده والا رايكن شنو ؟ ) .؟؟؟؟
:yar: :yar:
انا في اعتقادي الاسم زاتو بكون وليد اللحظة والناس بفرحة المولود مابتكون بيناتهم تلك الخلافات
واذا كان موجودا فسوف يكون التشاور بينهم هو سيد الموقف ....
بس انا بتعجب في حاجة زي ماقلتي الناس تختلف علي الاسماء ونسوا هبة الله لهم وكرمه لهم باعطاهم هذا المولود
الجميل الذي يملاء عليهم حياتهم ومن الممكن جدا يغير مسار حياتهم كلها فالواجب عليهم لايختلفوا في التسمية
ولايجعلوها شاكلة بالنسبة اليهم ... والينظر هولاء الوالدين التي تلك النعمة ويحمدوا ربهم عليها فكثيرا في تلك
الاوقات التي اتأهم هذا المولود هنالك اناس يفتقدون لمثل هذه النعمة .
مررت من هنا ....
تقبلي مروري المتواضع 2 1212 21212
مرسال الشوووق ،،،
ام ساره
مشاركات: 187
اشترك في: السبت 2014.8.30 12:04 pm
مكان: الكاملين

رد: مولود جديد ام مشكلة جديدة

مشاركة بواسطة ام ساره »

اخي العزيز مرسال الشوق واختي الغالية السنبلاية اشكركم علي مروركم العطر والناس كلها ما بتضع في بالا انو مسبقا اسم الوليد وكل حياته منذ ان خلق نطفة هي مكتوبة ومسطرة بس في امثلة كتيرة وخلافات تصل لحد الطلاق في الاسم فتقتل فينا الفرحة بالمولود الجديد
صورة العضو الرمزية
همسآت المطر
مشاركات: 656
اشترك في: الأربعاء 2014.9.24 8:36 pm
مكان: ♥ همسآت الليل ♥

رد: مولود جديد ام مشكلة جديدة

مشاركة بواسطة همسآت المطر »


أم ساره تسلمي علي الموضوع الجميل

اسم المولود ابدا ماهي مشكل

اذا الزوجين عاقلين

صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: مولود جديد ام مشكلة جديدة

مشاركة بواسطة ام اسامه »

والله يا ام سارة الموضوع ده
يمكن بحصل كتير
رغما عن انه الاسم منزل
ازكر انه عندنا اقرباء عرفوا
انهم ح تجيهم بت
واتفقوا الوالد والوالده
علي اسم الاء
وخلااااص في المستشفي
لما الام وضعت بالسلامه
والوالد في مكتب السجيلات
طلبوا منوا المعلومات
واسم المولوده
نسي الاسم الاتفقوا عليه
فقال للموظف هبة
شفتوا الاقدار
واهو مشت هبة هبة
تخريمة،،،،،
عقبال لي تجيني هبة
حلوة زي هبة صاحبتي
ام ساره
مشاركات: 187
اشترك في: السبت 2014.8.30 12:04 pm
مكان: الكاملين

رد: مولود جديد ام مشكلة جديدة

مشاركة بواسطة ام ساره »

سلامات حبيبتي ام اسامة فعلا مرات بتحصل مشاكل بسبب الاسم والله في ناس بكونو متفقين علي الاسم من بدري فسبحان الله مرات لحظة استخراج الشهادة بظهر اسم غير الاسم المتفق عليه فعشان كده حقو الناس ما تختلف وان شاء المرة الجاية ترزقي بهبوية صغيرونة كده
أضف رد جديد

العودة إلى ”منتدى حواء السودانية“