بعض الوجع يفوق التحمل .. ويجبر كل من يحمل قلم ولسان ينطق .. أن يكتب ويتكلم
" ويشهد الله أنني أكره الساسة والسياسيين والتحزب والإنتماءات الطائفية .. ودائما أتجنب النقاش في مثل هذه الامور لإقتناعي التام أن الكل متعصب لرأيه .... ولكن .. انا سوداني , مواطن في هذا البلد .. أحمل هويته , واسمع وارى ما يحدث حولي .. من احداث موجعة .. تفقع المرارة ....... وإليكم الامثلة :
1- رئيس لاكبر جمهورية " كانت جمهورية .. الآن شكلها بقت مزارع شخصية " .. يترك شعبه يعاني من الكوارث ويستخسر أن يمد لهم يد العون ويهب لنجدتهم بكل ما أوتى من صلاحيات " طيران الجيش , الشرطة والإسعاف والسلاح الطبي .. الإمداد والتموين ووووووو " ويستأجر طائرة خاصة بثلث مليون دولار ليحضر إحتفالات تنصيب "رئيس إيراني " !!!!!!!!!!!!!
ووصمة العار .. بعد أن منع من العبور بواسطة السلطات السعودية .. " قال يتفقد رعاياه من الجو .. غالبو يمشي في الارض ويلتمس الحال من أرض الواقع .. في حين إنه المغيثين الكوايته , خاضو الاوحال عشان يشعروا المتضررين بإنهم يقفون بجانبهم " !!!!!!!!!!!!!!!
البيفقع المرارة ... ليه اصلا نحتاج إغاثة من الدول الأخرى ... أليس هذا دور الحكومة !!!؟
الحكومة صاحبة الكرم الفياض " تكريم بالسيارات والأموال المدولارة للمنتخب المصري الفائز بكاس الامم .. 5000 راس ماشية هدية للحكومة المصرية .. ده البعرفوا أنا والمابعرفو كتير .. "
ليه تخلي هذا الشعب الابي يذل في صفوف الاغاثة .... والادهى والامر .. تسرق الإغاثات من قبل منتسبي النظام من لجان شعبية ورؤساء محليات وغيرهم !!!!!!!!
باقي المرارة الإتفقعت .... !
.
نعيش أوضاع ماساوية .. كوارث , فقر .. انفصال الجنوب .. حرب دارفور .. القتال بين الرزيقات والمعاليا .. سخط شعبي .. وسبعمائة الف شان داخلي يحتاج للمعالجة .. يطلع علينا ثلة النظام الحاكم منددين بما يحدث في مصر !!!
مساندين للنظام السابق الذي أطاحت به ثورة شعبية " نحسدهم عليها "
.
لا وعاينو الصورة دي
ز
وكان البشير والمؤتمر الوطني .. جاؤ للحكم بإنتخابات سنة 1989 !!!!!!!!!!!!
زمان عندما كنا صغار كانت البلد بخيره ثروة حيوانية تزداد كل يوم
محاصيل زراعية ماليها حد ... عندما كنت صغيرا كنت بلعب
ف المحذن بتاع جدي واطلع ف شولات الزرة والقمح بجميع
اصنافها التي كانت مرصوصة حدها السقف
وكانت الاغنام تاكل وحتي الطير يجيها جعان يشبع
زي ماقال اسماعيل حسن لكن عندما توفي جدي كل شئ كنت
قد رايته قد اختفي لا مخاذن لا شولات ولا اغنام ولا طيور
افتكرت ان الخير انقطع بوفاة جدي لكن اليوم علمت ان جدي
توفي حسرة وندما علي ضياع وطن كان ثلة غذاء العالم
يا شعب يا سوداني ي اااااااااااااااايا " مسلم " ... ب....ال ..."فطرة " .. عليكم أن تتذكروا حديث الرسول الكريم صلي الله عليه وسلم ... والذي لا ينطق عن الهوي .. إذ قال : " من لم يهتم بأمر المسلمين ,, ليس :... " منهم " .. يعني ما مسلم ولو تعلق بأستار الكعبة. والحديث القائل " مثل المسلمين في توادهم وتراحمهم كمثل الجسد الواحد , إذا اشتكي منه عضو تداعي له سائر الجسد بالسهر والحمي "
أوردنا هذين الحديثين ليس مواساة للمتضررين من السيول والأمطار !!!؟؟؟ ولكن ذكري وعبرة لمن يعتبر ..
هذه الأمطار والسيول التي دمرت منازل الفقراء وممتلكات ومزارع أبقار ودواجن الرئيس ونائبه الأول وبقية زبانية النظام ماهي إلا تذكير بفحوي الحديثين الشريفين أن تذكروا من شردوا قسرا بنيرن المدافع والطائرات وقتل منهم من قتل بمئات الآف وشرد من شرد في معسكرات النزوح وكراكير الجبال وخارج البلاد لعشرات السنين ... هل ذكرهم أحد منكم أم ظللتم تأكلون وتشربون وتتناسلون كما الأنعام ...
فهذه رسالة من الله وذكري لمن القي السمع وهو شهيد .
الجاية إن لم تتوبوا وتتعاطفوا مع المستضعفين .... زلازل وبراكين وأمراض .
لا ينطق عن الهوي . اذكروا أخوانكم وأخواتكم في الدين ولو بالدعاء ... أضعف الإيمان.
جابوا الكلام قالوا الصروف انسَدَّت
وقالوا المدن صبحت خراب وانهدن
أكرب يانفير وكت المصايب شدن
وامسك يا شباب إيدين إليك امتدَّن
* * *
في الزمن القديم كان الحُكٌم برجالو
راحوا الرجال ، وجونا الرجال المالو
كضب وسجم واحزاب عليها اتوالوا
يفلحوا في النَهِب وكُلاً يكَبِّر مالو
* * *
تكسرنا السيول والناس تسوء أحوالا
تشتكى للحكومة والحكومة مالا ومالا
باعت في الأراضى وكبرت راسمالا
ياهو الرزق ، من الله وسَّع وجالا
* * *
وآليكم غِلِبْ ما ترجو منُّو الفزعة
وآليكم هميم في بيع الأرِضْ بالقرعة
أقعُدوا للزكاه واحروها يوم الجمعة
وافرِشوا في الجوامع تلقوا الخَلِق مجتمعة
* * *
الناس في الخراب والسادة ترقص رمبة
سافين الإغاثة ما بين رغيف وطلمبة
بتابع فى التلفزيون عرض صور لاطفال صغار ... بلعبو فى المويه .... بكل فرح
اتزكرت امى الله يرحمها .... كانت تقول
ياريتنى لو كنت قديرك يا الهمك فوق غيرك ... يالبتلعب مع طيرك
والله ماعرفت اضحك معاهم ولا ابكى على المصير الهم فيه
بعدها بدقلئق فى النيل الازرق اسمع خبر عن سرقه اعانات السيول والامطار
الأخبارسياسية
البرلمان يحقق حول شكاوى من بيع وتلاعب في توزيع الإعانات
البرلمان يحقق حول شكاوى من بيع وتلاعب في توزيع الإعانات
تعهد البرلمان بالتقصي والتحقيق حول اتهامات وشكاوى حول بيع الإعانات والإغاثات لمتضرري السيول والأمطار، في وقت تبرع فيه رئيس البرلمان بـ«50» ألف جنيه لمتضرري السيول بشرق النيل. وأكَّد رئيس لجنة الإدارة والمظالم الفاتح عز الدين للصحفيين أمس أن البرلمان سيتقصى حول أي شكوى تتعلق بالتلاعب في مواد المساعدات الإنسانية لمعرفة القصور لتداركه ومعالجته، لكنه تخوف من نشر سرقة الإعانات واعتبره ضارًا بالسودان لأنه يؤدي إلى إحجام الداعمين عن تقديم الإعانات كما أنه يشكِّك في نزاهة المنظمات الطوعيَّة.
إتخيلو .. والي الخرطوم في قرار متوقع , قال كل المساعدات تسلم للحكومة وهي تكون الجهة الموزعة " ويوزززززززززززززززززززع ...... أووووووه طلعت آوت ..
طبعا الكلام ده مقصود بيهو " مبادرة نفير "
غير إنهم قبل ايام طلبو من كل أعضاء نفير لبس شعار " المؤتمر الوطني " بس كده ده ..
.
والظاهر علي الجماعه عاكسوهم .. جهاز الأمن وقع فيهم إعتقالات وإتهمهم بإنهم جماعات من المعارضة !!
" غايتو الداير فيك سبب بيلقاهـ .. وحكومتنا دي السبب المادايراهـ ظاااتو بتلقاهـ !!"
طبعا الكلام ده مقصود بيهو " مبادرة نفير "
غير إنهم قبل ايام طلبو من كل أعضاء نفير لبس شعار " المؤتمر الوطني " بس كده ده ..
.
والظاهر علي الجماعه عاكسوهم .. جهاز الأمن وقع فيهم إعتقالات وإتهمهم بإنهم جماعات من المعارضة !!
" غايتو الداير فيك سبب بيلقاهـ .. وحكومتنا دي السبب المادايراهـ ظاااتو بتلقاهـ !!"
الحمد لله الماقالوا ليهم اي واحد
يشيل شجرة فوق دماغوا
غايتو يا أخ " سامي " ... كلام الدين العلماء والشيوخ , ما عندنا قووول فيهو ...
.
لكن يشبه ليك , شعب في بلد , ديل بناتو
.
.
برررررضو فيهو العيب !!
.
.
.
.
غايتو والله أعلم .. إبتلانا بالحكومة دي
غسيل ذنوب
عشان نمشي الآخرة نضاااااااااف
.
.
وقالو شارع البلدية ..!!
.
.
.
.
.
. الصورة دي زمن استقلت الأمارات في السبعينات [font=&]الشيخ زايد عليه رحمة الله جاء ليستعين بالإداريين السودانيين، بعدما نصحه[font=&][font=&]البريطانيين بأن أفضل نظام للخدمة المدنية في مستعمراتهم التى قد تركوها هو في السودان.
[/font] [/font][/font][font=&]
وتمّ نصحه بأن يستعين بالسودانيين فوقع إختياره علي كمال حمزه كأول رئيس لبلدية أبوظبي.
(فقال قولته المأثورة ( يا كمال .. أبغى أبوظبي تصير مثل الخرطوم) .
.
يا حليل البلديات [/font]
زماااااااااااان الحكومة دي شغالة لينا بي شعارات " ناكل مما نزرع .. ونلبس مما نصنع "
أها كملت الزراعة جت .. واصلا صناعة مافي ,,, وقالت تعتمد على البترول ! اها جو فصلو الجنوب بي بترولو !! قالو نعتمد على الذهب ,, فكو الشباب للموت " لا دهب ولا يحزنون " تقليص كثافة سكانية بس ! . اها هسي اي شئ مكملين فيها الضريبة ولاطشنها بالذكاة .. والايام دي السودان مافيه ونسة ولا كلام غير " رفع الدعم عن المحروقات للموازنة العامة " هو وينو الدعم اصلا!!!!!!!!!!!!!!!!!!!!؟ هسي جالون البنزين بي 13 جنيه .. حيعملوه كم يعني !!؟ بعدين شئ معروف و ترفع سعر البنزين .. ترتفع تسعيرة المواصلات وقطع غيار السيارات والدولارات وووو والله كوز المويه في السوق العربي يرتفع .. . أها نمشي وين يا ناس !!! . الحكومة دي دايرة تعمل فينا شنو اكتر من كده
زماااااااااااان الحكومة دي شغالة لينا بي شعارات " ناكل مما نزرع .. ونلبس مما نصنع "
أها كملت الزراعة جت .. واصلا صناعة مافي ,,, وقالت تعتمد على البترول ! اها جو فصلو الجنوب بي بترولو !! قالو نعتمد على الذهب ,, فكو الشباب للموت " لا دهب ولا يحزنون " تقليص كثافة سكانية بس ! . اها هسي اي شئ مكملين فيها الضريبة ولاطشنها بالذكاة .. والايام دي السودان مافيه ونسة ولا كلام غير " رفع الدعم عن المحروقات للموازنة العامة " هو وينو الدعم اصلا!!!!!!!!!!!!!!!!!!!!؟ هسي جالون البنزين بي 13 جنيه .. حيعملوه كم يعني !!؟ بعدين شئ معروف و ترفع سعر البنزين .. ترتفع تسعيرة المواصلات وقطع غيار السيارات والدولارات وووو والله كوز المويه في السوق العربي يرتفع .. . أها نمشي وين يا ناس !!! . الحكومة دي دايرة تعمل فينا شنو اكتر من كده
شلل اطفال للكبار .... عشان مافيش حد كبير يعوق مسيرة الانقاذ