بسم الله الرحمن الرحيم قال احدهم : انا الزول البعز الناس وبعز العشرة والخوة وانا الحاشاى ما فى يوم مشيت ولعت نار عوة وانا والزول البكون كضاب ما بنتلم يوم سوا والزول البكون حقار بخش فى بطنو تووووش جوة
انا الزول السمح طبعو وبعرف السترة والواجب وانا الزول المحبوب فى الحى من تبيت صغير طالب وانا الزول النضيف وعفيف وما بعرف مسح شارب وبتفادى المشاكل جد وبضرب الخاتى كف كارب
وانا الزول البخاف الله وما بمد ايدو قط لحرام وانا الزول البالقليل برضى وما طماع عشان إتلام وانا الزول البسامح الغير ومناى الناس تعيش فى وئام وانا الزول الكتير بهتم بحق الجار والارحام
وانا الزول القليبو عطوف على الاطفال والايتام وانا السالك طريقى عديل لا بشيل ولا بودى كلام وانا الزول الدوام مرتاح لا شائل هموم لا اوهام وانا الفارس البخوض النار واشق الصف اكون قدام
ناجي عثمان عبد الرازق كتب:[align=center]أخي ابراهيم عباس
كل سنة وانت طيب
كلمات جميلة ومعبرة وقوية تنم عن انسان يتمتع بالصفاء والحب للجميع
لك التحايا والشكر[/align]
يسعدنى دوما مرورك وكلماتك الرائعة والصفاء وحب الجميع من شيمة امثالكم اخى الرائع ناجى وكل سنة وانت طيب ولك كل الود والتقدير
الابنة نونيتا كل سنة وانت طيبة
حقيقة السودانيين دائما كدة وبنقول يا رب دائما كدة ومواقف وبطولات السودانيين خلدتها اغانى التراث شاهدنا الكثير من المواقف والبطولات فى ذلك البرنامج الرائع {فى ساحات الفداء}وفى الايام الفائتة كان مقطع الفيديو المؤثر لراعى الغنم السودانى الذى يدل على قوة ايمان ونزاهة السودانى ومقطع اخر لسودانى يصارع امواج السيول بالسعودية لانقاذ سائق حافلة من الغرق ولم يكن يعرف جنسيته ولا ديانته وقبل ايام سودانى يعثر على خمسين الف ريال ويسلمها للشرطة السعودية ويتم تكريمهم جميعا السودانى دائما اصيل ودائما كدة يارب
لك كل الشكر على المرور وكل التحايا