طلقها بسبب التنباك

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
ود الاقرع
مشاركات: 23
اشترك في: الخميس 2010.4.8 7:42 pm
مكان: السعوديه الرياض

طلقها بسبب التنباك

مشاركة بواسطة ود الاقرع »

طلقها بسبب التنباك
دعنى لاتقترب منى فقد كرهت حتى انفاسك رائحتك نتنه والعرق يخطلت بالتراب العالق بجسدك انت لاتصلح لان تقترب من احد فقد ينفر منك من يعرفك ومن لايعرفك كيف تقبل اولادك كيف تحتضنهم وانت بهذه الروائح النتنه الم اقل لك لاتستعمل التنباك وانت تنام الى جانبى ؛ انت تنام والسفه على فمك وتشخر ويسيل لعابك وانت نائم ويرسم لعابك المخلوط بالتنباك خرائط على الوساده التى تنام عليها انفاسك نتنه كم انت قذر ؛ لقد تعبت من تنظيف بواقى السفه التى تبصقها على الموكيت او حتى على السلة كيف يتعامل معك زملائك فى العمل الا ينفرون منك مافائدة ان تلبس قميص وبنطلون نظيف على روائح جسمك ورائحة فمك الكريهه لقد صبرت عليك وحاولت اصلاحك ولكن انت لاتسمع منى بل تهزأ بى وتزجرنى انظر الى آثار التنباك على اسنانك لقد صارت صفراء مظللة باللون البنى حتى التنباك طفى روعه الابتسامه عندك واحيانا تنام وكيس التنباك على جيبك وينطبع على ملبسك وعلى الملايا والمرتبه لقد تعبت من التنظيف والغسيل الا ترى ذلك ؛ نفذ صبرى ولولا الاولاد مااطيق ان اجلس معك انت حالة نادره
قال لها :- ياوليه انت جنيتى ولاشنو والله تانى اسمعك تجيبى سيرة التنباك ده فى خشمك الا احشيه ليك تنباك ( مرة اخر زمن ) وكمان معاها فلسفه زائده انتى لاتحترمى الكيف ولاوزنه راسى كم سنه وانا مع التنباك تجى تقولى سيبه ؛ تعرفى انا ممكن اسيبك انتى ولا اسيب التنباك
قالت له ؛- انت تقارنى بالتنباك اها ياانا او التنباك اختار ياتو فينا قالتها بحزم شديد
قال لها ياوليه لاترفعى صوتك على واخسى الشيطان على بالطلاق تقولى بقم تانى الا اوريك الضرب المابتعرفيه عشان تتأدبى وماترفعى صوتك علىَ مرة ثانيه
قالت ؛ كمان عايز تضربنى؟
ايوه اضربك واضرب ابو اهلك كمان
وصارت المشاده والكلام من هنا وهناك حتى وقع الطلاق عليها بسبب التنباك
سؤال ؟ هل التنباك مضر للصحه وهل يتأذى الاخرين ممن يستعملونه وما سبب وقوع الشباب فى شباكه قالت لى امرأه فى منتصف الثلاثينيات بدأت قصتى مع التنباك يوم ان كان ضرسى يؤلمنى واعطانى زوجى سفه لكى يخمد الالم الشديد الذى الم بى منتصف الليل ولاتوجد صيدليه ولاحتى شىء يسكن الالم فما ان وضعت تلك السفه حتى شعرت بالارتياح من الم الضرس وكلما شعرت بالالم فى الاضراس اخذت سفه للتسكين ومن ديك وعيك حتى صار لى كيس تمباك خاص بى ؛ فهل يمكن ان يباع التنباك فى الصيدليات كمسكن للالام الاسنان
(((اذا كنت ممن يستعملون التنباك فأحذر ان يقع عليك الطلاق قم بتنظيف اسنانك واجعل لونها الابيض الاصلى وتخلص من رائحة الفم الكريهه وخليك اجتماعى فالتنباك ضار بلثة الفم وسبب رئيس فى السرطان والطلاق ومشوه للاسنان ومنفر للانسان وغير اجتماعى الا اذا كان ضرسك مؤلمك يمكن سفه واحد ثلاث مرات فى اليوم ورابعه عند اللزوم )))
(على فكره انا ذاتى قاعد اسف بالدس )
شمس الدين المبارك الاقرع
صورة العضو الرمزية
رفعتي في ديني
مشاركات: 212
اشترك في: الأربعاء 2010.4.28 12:36 pm
مكان: ودمدني

رد: طلقها بسبب التنباك

مشاركة بواسطة رفعتي في ديني »

نفسي اعرف العاجبكم في التمباك شنو
شكلو زاتو ما مساعد لمن اختو في خشمي لا حولة
وبعدين مهما كان الزول نضيف وشياكة بيقلل من مظهرو
وكما ذكرت يا اخي اجيب ليك ستين بلوة و مرض والناس ما ناقصة
واكعب حاجة يكمل القروش
صورة العضو الرمزية
مدثر موسى
مشاركات: 64
اشترك في: الأربعاء 2010.3.31 11:22 am
مكان: الخرطوم بحرى

رد: طلقها بسبب التنباك

مشاركة بواسطة مدثر موسى »

هذا الموضوع حساس وخطير التمباك من الاشياء التى عمت بها البلوى نسأل الله ان يجنبنا شر التمباك وغيره من العادات الضارة الاخرى
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: طلقها بسبب التنباك

مشاركة بواسطة الشمالي »

موضوع جميل يا ود الاقرع
لكن انت يااااود الاقرع بتحذر فينا ولا
بترغب قينا نسف ( قلت لي بتسف بالدس)
غااااااااااااااااااااااااااغ
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: طلقها بسبب التنباك

مشاركة بواسطة بعد الزمن »

أنا لو ساعتين ما , ما شنقتلي سفه , بجنى صداع وبكون عصبي , وبشاكل , بتقفل معاي
وقاعد احاول اسيبوا ما قادر , ولد خالتى , قالي , سف عطرون , وبرضوا مانفع
وزاتوا الايام غلى , وبقى سعروا من خمسمية وفوق
وكان الرطل ب 700هسه بقى بجنيه و300
يا الله مع سلامة
والصعود حاجة ما قيافى ..........
صورة العضو الرمزية
اروع من الورود
مشاركات: 1071
اشترك في: الجمعة 2009.6.19 11:47 pm
مكان: الــــرياض

رد: طلقها بسبب التنباك

مشاركة بواسطة اروع من الورود »

هو زاتو كيف بيجربو عشان يدمنو

ريحتو معفنة وشكلو مقرف كيف بستحملو السجارة ارحم كتيييييييييييير

والله يهدي الجميع
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: طلقها بسبب التنباك

مشاركة بواسطة ملاك الورد »


اعتقد انه نوع من انواع المخدرات
الهنود عندهم نوع كده بسفوه لونه احمر بشوفه في الافلام الهنديه ببقوا زي الاكلوا اسكريم فراوله
و اخواننا في اليمن عندهم القات و كللللهم نفس العينه
ربنا يهدي و يصلح يا رب

صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: طلقها بسبب التنباك

مشاركة بواسطة بعد الزمن »

[quote="ملاك الورد"][align=center]
اعتقد انه نوع من انواع المخدرات
الهنود عندهم نوع كده بسفوه لونه احمر بشوفه في الافلام الهنديه ببقوا زي الاكلوا اسكريم فراوله
و اخواننا في اليمن عندهم القات و كللللهم نفس العينه
ربنا يهدي و يصلح يا رب

[/align][/quote]

كلامك صح, لانوا التنباك فيه نشوة , وعدم استعمال ,لفترة طويلة يعمل
فتور للجسم ............................
والغريبة يأتى من دار فور ..............[/color]
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: طلقها بسبب التنباك

مشاركة بواسطة ملاك الورد »

بعد الزمن كتب:

كلامك صح, لانوا التنباك فيه نشوة , وعدم استعمال ,لفترة طويلة يعمل
فتور للجسم ............................
والغريبة يأتى من دار فور ..............

عادي عادي ...... هو قال ليك البنتجو المنتج لازم يستعملوه
مثلا افغانستان من اكبر الدول المنتجه للمخدرات و الحشيش
و شفعهم الصغار بساعدوهم في جمع النباتات البعملوا منها حشيش في المزارع
لكن ما في زول فيهم بقرب منه او بجربه عشان حرام
و هم عارفين اضراره و انه بهد الزول و هم عايزين يستمروا في شغلهم مش يتحولوا لمدمنين


[align=right]"تابعت فيلم وثائقي في قناة الجزيرة عن تجارة المخدرات في افغانستان :064: "
[/color][/font][/size][/align]
صورة العضو الرمزية
الوفى
مشاركات: 43
اشترك في: الجمعة 2010.4.30 3:21 am
مكان: السعودية

رد: طلقها بسبب التنباك

مشاركة بواسطة الوفى »

بسم الله الرحمن الرحيم
السلام عليكم ورحمة الله وبركاته
ود الاقرع موضوعك مهم لانه يهم شريحة كبيرة من المجتمع السودانى وهى عادة سيئة
ويجب الاقلاع عنها وهنااطرح عليكم فكرة لاقلاع عنها وهى ناجعة لمن يملك الارادة القوية
واللى هى استقلال شهر رمضان لاقلاع عنها فاذا الصائم يومة كلة صايم وبعد الافطار يخت لية
سفة كبيييييييرة وباقى المساء والى السحور يحاول يقلل ويجعلها خمسة سفات ويواظب عليها
والى منتصف رمضان بقدر الامكان يخليها ثلاث سفات بين الافطار والسحور وعند نهاية الشهر
ممكن تكون سفة واحدة بين الفطور والسحور وشوية شوية يلاقى نفسة تخلص منها . بس لازم
يكون عنده شوية عزيمة والله يهدى الجميع ......وانا زاتى بسف لكن ما بالدس.....!!!!!!
أضف رد جديد

العودة إلى ”حوارات جادة“