مكتبة الشاعر د/ احمد فرح شادول

مرجع لفطاحلة الشعراء

المشرف: بانه

أضف رد جديد
nunoosa
مشاركات: 340
اشترك في: الأحد 2007.6.3 12:40 pm
مكان: بلد الخير

رد: مع الشعراء

مشاركة بواسطة nunoosa »


دكتور احمد فرح شادول

يا مكابرة




ما تغالبى الريد بغلبك

وبظهر الخافيهو قلبك...

حتى عينيك ما حتقدر

رغم حرصك تخفى حبك..

يامكابرة



إيه بضيرك لو صدقتى

وقلتى كل الحاسة بيهو..

قلبك الشايل هوانا

خليه ينعم باللى فيهو...

عقلك الما نسانا لحظة

يهنا بى لقيانا ليهو...

و ايه بفيد حبس المشاعر

لما تلقي المشتهيهو.؟؟؟


يامكابرة


قولي كل الحاسي قلبك


وكل خاطرة تهز شجونك...

ما تخبى الفاض ودفق

ظاهر الشوق فى عيونك...

فى ابتسامك ريدنا واضح

فى كلامك فى سكونك...

مهما كابرتى وصبرتى

ياما عزمك يوم بخونك...


يامكابرة


الزمن لو مرة أنصف

ولمّ شملك بى هواكى...

أسرقى اللحظة الجميلة

وغنّى للعايش معاكى...

السعادة قصير زمانها

فرحى الجواكى باكى...


الزمن لو أدى ضهره


ما بفيد تانى التباكى

يامكابرة ..
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

عزيزتى تسلمى على الاختيار الراقى قصيده يا مكابره من اجمل اغانى الفنان محمود تاور
الشمس تنتصف السماء ( منقول )

" الشمس تنتصف السماء

و مؤذنُ يدعو العباد

إلى العبادة و الصفاء

و أتى المخاض ..

و علا ..

صياح الأم يعلو فى الفضاء

و تهافت الأحباب

نحو ديارها لبّوا النداء

متضرعين إلى الإله

رفعوا الأكف إلى السماء

" يا رب تحلها بالسلام "

و تناقلوا هذا الدعاء

..

و علا صياح الأم

ثانيةً يجلجل في الفناء

و تنهدت ..

و كأن من أحشائها

قد أنزلت للتوّ داء ..

الصمت يكتنف المكان

و تأهبت للسبق أفواه النساء

و علا ..

صراخ الطفل يهدر فى إباء

و كأنه ..

لم ترضه الدنيا ملاذاً

أو مقراً للبقاء

و كأنه.. بالحس أدرك

أن هذا العالم المجنون

يلتحف الرياء

و تدافعت نحو الفراش

حريصة ثلل النساء

لا يأبهون

و يزغردون

" جابت ولد .."

" فى عزكم يربى الولد "

" عقبال نفيسة و بت حمد "

و يزغردون



و تسابقت نحو الأب المسرور

جمهرة الرجال يهنئون

و على الوجوه

بشائر الأفراح تبدو فى العيون

يتدافعون إليه فى فرحٍ

و هم يتصايحون

" مبروك عليك "

" تحيا و تعرس للولد "

و يصافحون ..

..

هذا أنا .. هذا أنا ..

من هم عليه يهنئون

لكنهم .. لا يدركون

أنى سألتحف الشقاء

و قد أكون .. و قد أكون .. وقد اكون"



صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

من روائع الدكتور احمد فرح شادول ايضا

توب الشتا

تعالى
بتلقى عندي أمان
يهدهِد كل أحزانك ..
تعالى
ولسة فينى مكان
زمن مستنى إيذانك ..
معاك
ببقى القليب عمران
تسهرج ليله نيرانك ..
يقيم ليلك
تواشيح ريد
يغلِّب شوقه حِيرانك ..
تعالى
معاكى كل الكان
قليل الحسُّوا الوانك ..
متاهة
دربك الحفيان
كتير ضهَّبتى عشمانك ..
تعالى
مبارية درب الشوق
بِصَلْ لابدَّ حَيْرانك ..
دواخلك
مرقد الاحلام
تنادى الكانوا سكّانك ..
رحابك
للهموم لولاى
منو الأداها عنوانك؟
صباحك
بالعسل مشنون
على وش الشروق زانك ..
تشعِّى
ويكسى عمرى النور
واغنِّى الراوى حسَّانِك ..
وأدوبى
مع العمر طربان ..
قوافى الفرحة ...نشوانك ..
ويقيف
شبح الوجع
مصلوب
تنادى كنايسه رهبانك ..
وتهزِّى النخلة
تجدع ليك
أمان ما بخذل إيمانك ..
تعالى
بتلقى ذاتك فيْ
وأخاطب فيك إنسانك ..
بتلقى
شليلك المفقود
شليل ماراح
شليلك حيَّر التمساح
شليل مستنى أزمانك ..
عمر ممدود ..
بغير حدود ..
سنينو شهود
تمارسى عليهو سلطانك ..
أبِشْرى ..
وودِّعى الاحزان
أنا فارس الهموم هجّام
ملاذ الحوبة هجّانك ..
تميمة
على رقبة الشوق
متى ما دُرْتى ..، حصَّانك ..
بغطغط فيك
بتوب الريد
بكون فى الفزعة رحمانك ..
أنا
توب الشتا المدسوس
صقيع الصحرا دفيانك ..
وأنا
درَت الخريف عطّاى
إذا نادتنى وديانك ..
وانا
ورد الربيع نديان
إذا لامسْت وجدانك ..
ولا
وجع الزمن الزام
ولا خوف المصير صانك ..
تعالى
معاك جحافل الشوق
بتلقى مشاعري فرسانك ..
سيوف ريدهم
على المابيك
طوابيهم على الخانك ..
غليلك
رشفة من نيلك
خليلك وغنى أوزانك
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »


الكلام المباح



بتملي في رونق جمالك للصباح
هو منو البقول: إنو التأمل ما مباح؟!

اتألقي و غطي الشمس
يا رايعة كان سقط الوشاح

دنياك و اقدلي ما عليك
فجة صباحاتك رباح

اتهادي تبراكي النجوم
و اتمادي لو طبعك أباح

حوليك قلوب الناس تحوم
يا حلوة و أديها الصراح

في عيوني ترتاح مقلتيك
وفي قلبي ينبسط البراح
ف
ي روحي شايلك و مشتهيك
يخوانا وين درب النصاح؟؟؟

في غفلة الليل البهيم
نمو ونهيم غبطة و رواح

و نتساقى زخات الهنا
و نناجى بسطة وانشراح

يا بختنا الكون حقنا
شرباتنا روح ريدة و سماح

كان قصرت لغة الكلام
إحساسنا بالجوانا صاح

تغمرنا نشوة حبنا
لا لوعة لا أسى لا جراح

كالنسمة نسري على النفوس
في جناحها شايلانا الرياح

طالقين شراع الريدة "فل"
وهوانا هبابي و صلاح

هي الروعة منك تمشي وين
زيدينا لو شرعك اباح

يا ألف ليلة من الشجون
في سيرتك أدركني الصباح

لكني ما بسكت جوى
سمح الكلام فيكي و مباح
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

ما ألمك؟؟؟



ما آلمك
غيرت كل عوالمي
و ترجع تعيش في عالمك!!

ما قلت
يا الصادقات عينيك
إني الوحيد البفهمك!!
بعدي الأثار
فيك الشجون
و حبي الأعانك و ألهمك..

عودت
قلبي على سماك
أدهشتني.. و ما أوسمك..
كترت
على عيوني النجوم
وين مني غابت أنجمك؟!

لجوني

أنا عمري
غيرك كيف يكون
يا الفيني ساكن و بعزمك..
يلبس
خريف عمري الربيع
شان يلقى زينة موسمك..

علمتني
الحب الكبير
و أدمنت شوقك و معلمك..
يوماتي
بكتشفك جديد
و اتهجى فيك و اتعلمك..

و أصبحنا
خاطرين في الهوى
تعزفني نغمة و برسمك..
و كيف
صبحت أحلامك براك
و أنا في منامك بحلمك..

لو في النهايات العبر
أنا ببدأ بيك و بختمك..
تأمرني تلقاني المطيع
بعيوني شايلك و بخدمك.
nunoosa
مشاركات: 340
اشترك في: الأحد 2007.6.3 12:40 pm
مكان: بلد الخير

رد: مع الشعراء

مشاركة بواسطة nunoosa »

[align=center]قصيده للدكتور احمد فرح شادول[/align]

[align=center]مهرة النيل



ما تخافي

ضهرك في الامان

اندسِّي جواي واحتمي...

اتسامَى

داخلنا الملاك

واتلاشى شبح الآدمي!!!



لا بتطولك

الوجع الدفين

ولا يوم ح تبكي وتندمي!!!

يا "مهرة النيل"

ما عليك!!!

الحب بناديك فارتمي!!!!



"سايس" هواك

قِبِل الرهان

انطلقي يلا و قدِّمي!!!

كان طالت

اشواط السباق

الروح فداكي و"تسلمي"!!!



يا "مهرة"

اقدلي ما عليك

سوِّي البدايع وهوَّمي ....

وريهو

انواع "الخبيب"

"خمج" الدلال كده علِّمي !!!



دارت

طواحين الهوى

والجوف نتح واتكلمي!!

جيتي ومعاك

نغم الخلود

ووتر السعادة لمقدمي!!!



كان اسْكَت

الشجن الكلام

اشْجي الدواخل و نغَّمي!!!

غنِّي

الروايع والبديع

اتمادي يلا و "قسَّمي" !!!



خلينا

من عصر "الرشيد"

و"زمن الصبابات"...واحلمي!!

نحياهو

عمر الريد سوى!!

وتدِّي النضارة مواسمي!!!



ايدينا

في ايد الهوى

نتشاقى..نجري... ونحتمي..!!

اديكي

روح الامنيات

وتبقي البصيرة لعالمي!!!!



نحيا

ويسارقنا العمر

اهديك فصوصه و"تلضمي"!!!

وكان

الفرح سكَّت غُناي

تحكي العليَّا وتنضمي ....



احساسنا

موصول بالاصول

سر بوحي بيهو بتعلمي!!!!

اتسامى

جوانا الملاك

واتلاشى فينا الآدمي!!!!![/align][/color]
nunoosa
مشاركات: 340
اشترك في: الأحد 2007.6.3 12:40 pm
مكان: بلد الخير

رد: مع الشعراء

مشاركة بواسطة nunoosa »

السيــــــــــرة الذاتيــــــــــــــه لشاعــــــــــــــــــــرنا المبــــــــــدع ..........


الاسم: أحمد فرح شادول

المهنة: طبيب اطفال

مستشار منظمة الصحة العالمية لصحة الاطفال

الباكستان

المراحل الدراسية: كلية الطب جامعة الخرطوم

الدراسات العليا:

كلية الطب جامعة ليفربول / انجلترا

الحالة الاجتماعية:

متزوج واب لاربعة ابناء

تاريخ ومكان الميلاد:

المديرية الشمالية

ارقو المدينة

الاحد 26/12/1954

الساعة الواحدة والنصف ظهرا

كتب مبدعنا عن ميلاده قصيدته" الرائعة الشمس تنتصف السماء"
التي اشار اليها الاخ حافظ سابقا...............
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

nunoosa كتب:عمران وحافظ

السلام عليكم اخوتي الكرام

كيف حالكم وحال القصيد معاكم

اتحفتونا بالروائع

وللامام
كل التحايا ننوسه
وانتي تتحفينا وتزينين هذا البوست
الجميل بروائعك
ودمتي
أضف رد جديد

العودة إلى ”وثائق و شعراء“