قصائد أهل الوجعة

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

قصائد أهل الوجعة

مشاركة بواسطة waya »

مسدار النصيحة
" محمد الحسن إبنعوف "

[grade="4b0082 ff1493 4b0082 ff1493"]يا ريس صباح الخير وياها الحاله
خمسة سنين نجابد في القراية رجاله
خلاص كمل الصبر بقت الأمور بطاله
وإحنا ولاد رواعيه وعقاب ترباله

قضينا الخدمة في الميدان كتال وبساله
ومضغنا الصبر في صي نسايمو علاله
بعد جبنا الشهادات البوظف شاله
ود ناسك مدير ... إلا الكفاءة عطاله

الدكتور وحاتك جوكي سايق الرقشة
وأب شنبات مصاقر البيت مع ناس عشه
يا حرس ام مسور الا كديب لا حشه
ولـ أنقد بالسنبك تجيبو الكشه

أكلو لحمنا ناس الحله قالو عطاله
مراتاً طلب مرات كتار عتاله
بعد ما رضينا يا ريسنا نبقى عماله
فتحولنا الحدود للحبشه والبنقاله

بطانتك خمرت فوقنا القبيله فطير
واقع المغصه والغبنه الملازمو خطير
شباب أتلزم العركم ودوا وقصطير
بعد ما عيشو فتق ليش بتدي الطير

يا ريس جزم شعبك رقد موجوع
ولا هماهو تاني حضارة المشروع
الظلم والمرض علمنا لحس الكوع
والسد أبره في قش للمضايقو الجوع

جوامع الفشخره البتصلو فيها براكم
تسو كم مدرسة لشعب جاري وراكم ؟
الحرص المدجج اهس كان ضاراكم
يوم البعث قابلني ان بقيت باراكم .

جت استوزرو الكيزان وملكو السوق
ناسين ساقية الدنيا الدوام بتسوق
الصفاقه اسه والنقايزه عسوق
ما ببروكه ساعة جره الواسوق ..

ما بتتوظف الولد الحكومة اتخلت
شومالك ضهر ساساق وروحن سلت
خلاف الطلبه والمهن الحسابه مخلت
إن الجيش أباك ضعت وقنيصتك جلت
بنات العفه والعزه وسترت الحال
إن أبن العوج والشين تراهو الحال
إما يخوضن العوجه ومشي الأوحال
ولا تحفي ساساقه جري وترحال

سيد المكتب الضروه وتلاته سراير
عقب الباب مظلل نازله فوقو ستاير
بره تشوف سكرتيرتو ام سديرن فاير
قبيل كار الحبش واسع زعماتو حراير

التعيين قبيل فوقو الشروط منسجمه
شهادة وكمبيوتر فوق لغات العجمه
اسه شروطو في الكفل البصد الهجمه
والسوق أنزرد بالميسجور والنجمه

أول مره تتمنع تقول مي دايره
يوم يومين تلاته تره المريكب سايره
هبشه وهبشتين قلده وتدور الدايره
ولـ تشيل دبيليمها وتقبل غايره

عقبان صاحبته ولمة بنات خالاته
مرات فد فراش اتوسدن تلاتة
البلد القبيل قايل حكمتو صلاته
إحنا بغلتك آ ريس وعد عثراتها .

يا بلد الوجع ما في الحكومة براها
حتنا أنحنا قولة الحق دي ما بنطراها
يا الدكتورة عيانتك قضت مسراها
وأنتي مفسبكه وجادعه المريضة براها

في المستشفي موبايلين وستة شرايح
وتسمع قهقهات شنون والدكاتره فرايح
العيانة تقنت والديكيتير مايح
والبجي للحوادث يا الحبايب رايح

باليل في المكاتب تلقى ألف حكاية
النيرس المكبرته والمرفقة غايه
من مكتب مطرف يا المرمده جايه
في شن العرق والصقط فوفايه

وزير الداخلية سلام الليلة يوم منكورك
أولاد الكبار خربوهو جت مشكورك
ما دام العوج والشين مرق من كورك
تبقى العوجه فيهم ولا في عسكورك

عسكور المرور أدو البسوقو إشاره
وقوفو ناضمم ضحكو وغمتلو صراره
أنا والقاعده جنبي العوجه ما بتتضاره
قالت فوق قصد غايتو المعيشه بصاره

شرف الكاكي في الغرزة وحكرتو غريشه
وتلقاهم جامعات في قهاوي الشيشة
اضان الشرطة طرشت ولا عينها عميشه
أما الدولة فاهمة والمواطن كيشة ..

الدورية تمرق والعساكر شاده
والسارينه تنبج في الظلط مي راده
أولاد الكبار بالثابتة في كم ماده
فد تلفون يدق ترجع تقبل صاده

التقرير بجيك كل يوم تمام يا ريس
والمؤمن فطن قالك رسولنا وكيس
اسه بقولك الحق إن لحقت العيس
قبل ما يمرقوك أبان دقون متيس

الهيروين زرد جامعااتنا عرض وطول
والفنان بغني مع الوزير مسطول
لوري البنقو يا ريس بخش على طول
قصر يد حكومتك والحكاية تطووووول

شريف نجيريا مبسوط من ندى وصاحباته
وفي ماي دوقري فرشولهم شرفنا سباته
بعد ما كنا في كرن أم لبوس همباته
يات من فينا ديوس راسو تحت الباتا

في جده ونواحي دبي بقينا حكايه
وجرن بنوت مهيرة على الرزيلة حفايه
جوازنا أب صقر كسرنا جناحو بغايا
والسوداني قوادن غفير أندايـه

وخابر نضمي يا ريس بجيك في محلك
وراجين فوق جمر بندور نشوف راس حلك
يا فشيت غبينتنا أم ضلامنا حلك
ولا نوارك الوجعة ونصد ونخلك

واسندي علينا يا بلد ام تنايه نصايبك
وعضي علينا في ساعة الوجع بنايبك
أقدلي وشيلينا هموم صغيرك وشايبك
رجال في الشينة والوجعة المغبي حبيابك

ما بنفوتك إن بخلت وطاتك وجفت
وما بنزحزح أن تقلت يمين وإن خفت
كراعن ما مشت في حر هواك وإتحفت
إن كال الرماد فيها الضحيوه وسفت

وأبينا السفر والاغتراب في جده
وعهداً يا وطن إن شاء الله مافي مرده
بنوم في التراب ونخت ضراعنا مخده
بنعيش في هواك إن شاء الله نأكل رده .[/grade]
النصيح حديدو
مشاركات: 1128
اشترك في: الثلاثاء 2012.4.10 6:58 am
مكان: الرياض

رد: مسدار النصيحة

مشاركة بواسطة النصيح حديدو »

والله دي نصيحة قاسية.. تكفي من افريقا لعن اسيا
دايرا البسمع ويحكم ويعدل و يخلي الحقوق متواسية

المسئولية كبيرة ووراءها النفس بس تتعب
عشان في دروب الآخر تب ما تضهب

دحين يا ريس الكلام كل اتقال
والنفوس جاها منو طمام وسعال

وما فضل غير كلمة منك فيها فصال
شاملة قاطعة فيها جواب لكل سؤال
الحالة دي ح تستمر كده والله محال
شوف لينا مخرج والله والوضع بطال
والحق العمير كم فيه والله هناك سؤال

احي فيك التفرد في الطرح أخي waya
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مسدار النصيحة

مشاركة بواسطة waya »

الرائع .. النصيح حديدو ,,

تشرفت بمرورك وإضافتك المميزة ,,

تشكراتي
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مسدار النصيحة

مشاركة بواسطة waya »

ﻣﺤﻤﺪ ﺍﻟﺤﺴﻦ ﺍﺑﻨﻌﻮﻑ


"ﻓﻲ ﺭﺳﺎﻟﺔ ﺟﺪﻳﺪﺓ ﻟﻮﺍﻟﻲ ﺍﻟﺨﺮﻃﻮﻡ ﻋﺒﺪ ﺍﻟﺮﺣﻤﻦ ﺍﻟﺨﻀﺮ"





ﻳﺎ ﺩﻛﺘﻮﺭ..
ﻓﻰ ﺷﻦ ﺩﻛﺘﺮﺗﻚ؟؟
ﺩﺍﺏ ﻻ ﺭﺍﻯ ﻻ.. ﻓﻜﺮﻩ ﺳﻮﻳﻪ...
ﻭﺷﻦ ﻭﻟﻮﻙ ﻳﺎ ﻭﻻﻟﻰ ﺍﻟﻐﻔﻠﻪ...
ﻭﺍﻟﺨﺮﻃﻮﻡ ﻣﻠﻴﺎﻧﻪ ﺍﺳﻴﻪ....
ﺩﻳﺮﺗﻚ ﻓﻴﻬﺎ ﺗﻼﺗﻪ ﺑﺤﻮﺭ
ﺷﻼﻝ.. ﺧﺰﺍﻥ.. ﻭﻣﻴﺎﻩ ﺟﻮﻓﻴﻪ...
ﻭﻟﺴﻊ ﻓﻴﻬﺎ ﺍﻟﺮﻗﺪﻭ ﻋﻄﺎﺷﻪ
ﺃﻛﺒﺮ ﻏﺎﻳﺘﻦ ﺍﻟﺤﻨﻔﻴﻪ...
ﻭﻟﺴﻪ ﺍﻟﻜﺎﺭﻭ ﺗﺒﻴﻊ ﻓﻰ ﺍﻟﻤﻮﻳﻪ
ﺑﺎﻟﺠﺮﻛﺎﻧﻪ.. ﻭ ﺑﺎﻟﻜﻮﺭﻳﻪ...
ﻭﻟﺴﻪ ﻓﻰ ﻧﺎﺱ ﺑﺎﻟﻜﻬﺮﺑﺎ ﺗﺤﻠﻢ
ﺩﺍﺧﻞ ﻋﺎﺻﻤﺔ ﺍﻻﻟﻔﻴﻪ...
ﻭﻓﻰ ﺍﻟﺘﻌﻠﻴﻢ ﻭﺍﻟﺼﺤﻪ ﺑﻼﻭﻯ...
ﻳﺎ ﺩﻛﺘﻮﺭ ﺍﻟﺮﺍﺱ ﺍﻟﺨﺎﻭﻯ...
ﻣﻦ ﺗﺴﻌﻴﻦ.. ﺭﺍﺟﻴﻦ ﻻﻫﺴﻪ
ﻗﻠﺘﻮ ﺍﻟﺴﻴﺦ ﻭﺍﻟﻄﻮﺏ ﺇﺗﻘﺴﻰ
ﻧﺎﺱ ﺷﺎﻳﻔﻴﻦ ﻋﻤﺮﺍﻧﻜﻦ ﺿﺎﻭﻯ
ﻣﺴﺘﺸﻔﺎﻧﺎ ﺑﺘﺒﻨﻰ ﺍﻟﻨﻤﻠﺔ
ﻭﻣﺴﺘﺸﻔﺎﻛﻦ ﺑﺒﻨﻰ ﺍﻟﺤﺎﻭﻯ
ﻭﻃﺒﻌﺎ ﻧﺤﻨﺎ ﻭﻻ ﻫﻤﻴﻪ...
ﺍﻟﺘﻌﻠﻴﻢ.... ﻳﺎ ﻭﺟﻌﻰ ﻋﻠﻴﻬﻮ
ﺩﺭﻋﺘﻮﻫﻮ ﻫﻮﻯ ﺍﻟﺴﻤﺴﺎﺭﻩ
ﻭﺗﺎﻛﻠﻴﻦ ﺃﻣﺮﻭ ﻋﻠﻰ ﺍﻟﺠﻮﻛﻴﻪ...
ﻣﺪﺭﺳﻪ ﺧﺎﺻﺔ..
ﺑﺸﺘﻨﺔ ﺧﺎﺻﺔ..
ﻣﻠﻌﺒﻪ ﺧﺎﺻﺔ
ﻻ ﻣﻴﺪﺍﻥ.. ﻻ ﺣﺼﺔ ﻣﻜﺘﺒﺔ
ﻻ ﻓﻰ ﺭﻳﺎﺿﺔ ﻭﻻ ﺟﻤﻌﻴﺔ...
ﻓﻰ ﺃﻭﺿﺘﻴﻦ ﻭﺑﺮﻧﺪﺓ ﻣﺪﺍﺭﺱ
ﻓﻰ ﺃﻭﺿﺘﻴﻦ ﻭﺑﺮﻧﺪﺓ ﻛﻮﺍﺭث
ﺟﻴﻞ ﺍﻟﻐﺪ ﻳﺎﺳﻴﺎﺩﺓ ﺍﻟﻮﺍﻟﻰ
ﻻ ﺗﺎﺭﻳﺦ.. ﻻ ﻋﻨﺪﻭ ﻫﻮﻳﺔ...
ﺍﻟﻄﺎﺑﻮﺭ ﺃﺣﺴﺎﺱ ﺑﺎﻟﺬﺍﺕ
ﺍﻟﻄﺎﺑﻮﺭ ﺗﺼﺤﻴﺢ ﻟﻠﻔﺎﺕ
ﺍﻟﻄﺎﺑﻮﺭ..
ﻭﺇﺫﺍﻋﺔ ﺍﻟﻤﺪﺭﺳﻪ ﻳﺎﺩﻛﺘﻮﺭ
ﺗﻜﻮﻳﻦ ﺷﺨﺼﻴﻪ...
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مسدار النصيحة

مشاركة بواسطة waya »

محمد الحسن إبنعوف ,,

الخبر الاكيد الهسى جانى شمارو ..
ود نافع بلع .. سوق ليبيا بى تجارو ..
العامل مفتح .. والقديم فى كـــارو ..
جت سفو التراب العشمو فى دولارو....

اتو براكـن العوجه .. وســــواة النيه ..
اتو سماسرة الدولار .. وسم الحيه ..
يا الجارين كراع بلد ام سنام للخيه ..
تسوو الشين براكن وترمو فى الفادنيه ؟؟

صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: مسدار النصيحة

مشاركة بواسطة ابو الملكات »

كلمات من قلب موجوع ربنا يفرج الحال
امين يارب
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مسدار النصيحة

مشاركة بواسطة waya »

ابو الملكات كتب:
كلمات من قلب موجوع ربنا يفرج الحال
امين يارب
اللهم آمين ,,
.
تشكراتي لطلتك يا ملك ,,
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مسدار النصيحة

مشاركة بواسطة waya »




الشاعر محمد الحسن بن عوف يشن هجوم عنيف و غير مسبوق علي والي الخرطوم
يادكتور
...
ﻓﻰ ﺷﻦ ﺩﻛﺘﺮﺗﻚ ؟؟

ﺩﺍﻡ ﻻ ﺭﺍﻯ .
ﻻ ﻓﻜﺮﻩ ﺳﻮﻳﻪ ..
ﻭﺷﻦ ﻭﻟﻮﻙ
ﻳﺎ ﻭﺍﻟﻰ ﺍﻟﻐﻔﻠﻪ
ﻭﺍﻟﺨﺮﻃﻮﻡ ﻣﻼﻧﻪ ﺍﺳﻴﻪ ؟

جانا السيل
هدالنا بيوتنا
غتس حجر البنيه النيه…
دام الكل شغال بالواسطه
دغمسه ساهى ومحسوبيه…
شارع الظلت الحول ماتمه
ومال الشعب الكلو اتخمه
شالو اولاد الارزقجيه…
ناس تجميل العاصمه
تراهن
مرقو سرارق وكلمنجيه…
وكل شركات اولادكن تلغف
نار الوجعه بتوقد حيه…
والطياره الجات من بره
خيمه وسكر وبطانيه…
اشلبوها رفاقتك
بدرى
واتقسموها شليه شليه….
ﺩﻳﺮﺗﻚ
ﻓﻴﻬﺎ ﺗﻼﺗﻪ ﺑﺤﻮﺭ
خزان شلال ﻭﻣﻴﺎﻩ ﺟﻮﻓﻴﻪ ..
ﻭﻟﺴﻊ
ﻓﻴﻬﺎ ﺍﻟﺮﻗﺪﻭ ﻋﻄﺎﺷﻪ
ﺃﻛﺒﺮ ﻏﺎﻳﺘﻦ الحنفيه ..
ﻭﻟﺴﻪ ﺍﻟﻜﺎﺭﻭ
ﺗﺒﻴﻊ ﻓﻰ ﺍﻟﻤﻮﻳﻪ
ﺑﺎﻟﺠﺮﻛﺎﻧﻪ
ﻭ ﺑﺎﻟﻜﻮﺭﻳﻪ ..
ﻭﻟﺴﻪ ﻓﻰ ﻧﺎﺱ
ﺑﺎﻟﻜﻬﺮﺑﺎ ﺗﺤﻠﻢ
ﺩﺍﺧﻞ ﻋﺎﺻﻤﺔ ﺍﻻﻟﻔﻴﻪ ..
ﻓﻰ ﺍﻟﺘﻌﻠﻴﻢ ﻭﺍﻟﺼﺤﻪ
ﺑﻼﻭﻯ ..
ﻳﺎ ﺩﻛﺘﻮﺭ ﺍﻟﺮﺍﺱ ﺍﻟﺨﺎﻭﻯ ..
ﻣﻦ ﺗﺴﻌﻴﻦ
ﺭﺍﺟﻴﻦ ﻻﻫﺴﻪ ..
ﻗﻠﺘﻮ ﺍﻟﺴﻴﺦ ﻭﺍﻟﻄﻮﺏ
ﺇﺗﻘﺴﻰ ..
ﻧﺎﺱ ﺷﺎﻳﻔﻴﻦ ﻋﻤﺮﺍﻧﻜﻦ ﺿﺎﻭﻯ ..
ﻣﺴﺘﺸﻔﺎﻧﺎ
ﺑﺘﺒﻨﻰ ﺍﻟﻨﻤﻠﺔ
ﻭﻣﺴﺘﺸﻔﺎﻛﻦ ﺑﺒﻨﻰ ﺍﻟﺤﺎﻭﻯ ..
ﻭﻃﺒﻌﺎ ﻧﺤﻨﺎ ﻭﻻ ﻫﻤﻴﻪ ..
ﺍﻟﺘﻌﻠﻴﻢ
ﻳﺎ ﻭﺟﻌﻰ ﻋﻠﻴﻬﻮ
ﺩﺭﻋﺘﻮﻫﻮ ﻫﻮﻯ ﺍﻟﺴﻤﺴﺎﺭﻩ
ﻭﺗﺎﻛﻠﻴﻦ ﺃﻣﺮﻭ
ﻋﻠﻰ ﺍﻟﺠﻮﻛﻴﻪ ..
ﻣﺪﺭﺳﻪ ﺧﺎﺻﺔ ..
ﺑﺸﺘﻨﺔ ﺧﺎﺻﺔ ..
ﻣﻠﻌﺒﻪ ﺧﺎﺻﺔ ..
ﻻ ﻣﻴﺪﺍﻥ
ﻻ ﺣﺼﺔ ﻣﻜﺘﺒﺔ
ﻻ ﻓﻰ ﺭﻳﺎﺿﺔ ﻭﻻ ﺟﻤﻌﻴﺔ ..
ﻓﻰ ﺃﻭﺿﺘﻴﻦ ﻭﺑﺮﻧﺪﺓ ﻣﺪﺍﺭﺱ ..
ﻓﻰ ﺃﻭﺿﺘﻴﻦ ﻭﺑﺮﻧﺪﺓ ﻛﻮﺍﺭث ..
ﺟﻴﻞ ﺍﻟﻐﺪ
ﻳﺎﺳﻴﺎﺩﺓ ﺍﻟﻮﺍﻟﻰ
ﻻ ﺗﺎﺭﻳﺦ
ﻻ ﻋﻨﺪﻭ ﻫﻮﻳﺔ ..
ﺍﻟﻄﺎﺑﻮﺭ ﺃﺣﺴﺎﺱ ﺑﺎﻟﺬﺍﺕ ..
ﺍﻟﻄﺎﺑﻮﺭ ﺗﺼﺤﻴﺢ ﻟﻠﻔﺎﺕ .
ﺍﻟﻄﺎﺑﻮﺭ ..
ﻭﺇﺫﺍﻋﺔ ﺍﻟﻤﺪﺭﺳﻪ
ﻳﺎ ﺩﻛﺘﻮﺭ
ﺗﻜﻮﻳﻦ ﺷﺨﺼﻴﻪ ..
ﺩﺍﻡ ﺭﺻﺎﺹ ﻋﺴﻜﻮﺭﻙ ﻏﻨﻰ ..
ﻛﻞ ﻣﺎ ﻳﻮﻡ
ﻗﺎﻧﺼﻠﻮ ﻭﻟﻴﻪ ..
ﺍﺳﻢ ﺍﻟﺸﺎﺭﻉ
ﻭﺩﻓﻊ ﺍﻟﺪﻳﺔ ..
ﻣﺎﻫﻦ ﺗﻤﻨﻚ ﻳﺎ ﻋﻮﺿﻴﺔ ..
ﻋﻠﺒﺔ ﺑﻮﻫﻴﺔ
ﻭﺧﻤﺴﻪ ﺣﺪﺍﻳﺪ
ﻃﺮﻑ ﺍﻟﺸﺎﺭﻉ ﻳﺎ ﺟﻮﻛﻴﻪ ..
ﺍﻣﻦ ﻧﺤﻨﺎ ﺻﻌاليك ﺳﺎﻛﺖ
ﻭﻻ ﺗﺤﺎﻛﻤﻮ ﻋﺴﺎﻛﺮ ﺍﻟﻮﺍﻟﻰ
ﻭﻻ ﻧﺠﻴﺐ ﺍﻟﺘﺎﺭ ﺯﻧﺪﻳﻪ ..
ﻭﺍﻟﺪﺳﺘﻮﺭ ﺍﻟﺒﺪﻯ ﺣﺼﺎﻧﺔ ..
ﺍﻧﻮ ﺭﺻﺎﺹ ﺍﻟﺪﻭﻟﻪ يغنى
ﻛﻞ ﻣﺎ ﻳﻮﻡ
ﻗﺎﻧﺼﻠﻮ ﻭﻟﻴﻪ ..
ﺍﻻ ﻳﻜﻮﻥ ﺩﺳﺘﻮﺭ ﻟﻮﻟﻴﻪ




صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

المسدار ده , لا ادري من قائله , ولكنه بالتأكيد أحد المغبونين الموجوعين من الـ............ " إنتو عارفين من شنو "
المهم .. هاكم ده سبب المسدار
.
صورة
.
.
.
.
مسدار الحفرة
.

ﺍﻟﻠﻴﻠﻪ ﺍﻟﺼﺒﺎﺡ ﻓﻜّﻴﻨﺎ ﻏﺎﻳﺘﻮ ﺍﻟﺸﻔﺮﻩ
ﺑﻲ ﻓﻀﻞ ﺍﻟﻘﺮﺍﺭ ﺍﻟﺴﻮﺍﻫﻮ ﻭﺍﻟﻲ
ﺍﻟﻐﻔﻠﻪ
ﺳﻮّﻱ ﺭﺳﻮﻡ ﻃﻠﺢ ﻓﺎﺿﻞ ﺿﺮﻳﺒﺔ
ﺍﻟﻀﻔﺮﻩ
ﻭﺩﻣﻐﺔ ﺷﻤﻠﻪ ﻳﺎﻭﺍﻟﻲ ﻭﺗﺼﺎﺩﻳﻖ
ﺣﻔﺮﻩ
*****
ﺟﺎﺑﻠﻨﺎ ﺧﻠّﻲ ﺗﺴﺎﻡ ﻛﺮﺩﻓﺎﻥ ﻣﻦ
ﻃﻴﺒﻪ
ﺍﺧﻴﺮﺍ ﺣﻘﻴﻘﻪ ﺍﻟﻠﻴﻠﻪ ﻳﺎﺧﻲ ﻋﺠﻴﺒﻪ
ﺣﻜﻮﻣﺔ ﺍﻟﻮﺍﻟﻲ ﻣﻦ ﻏﻴﺮ ﺧﺠﻠﻪ
ﺳﻮّﺕ ﻋﻴﺒﻪ
ﺣﺖ ﻣﻦ ﺍﻟﺤﺮﻳﻢ ﺑﺪّﻭﺭ ﺗﻜﺐ ﻓﻮﻕ
ﺟﻴﺒﺎ
*****
ﻭﺍﻟﻲ ﺍﻟﻐﻔﻠﻪ ﻳﺎ ﺍﻟﻜﺎﻳﺲ ﺟﻴﻮﺑﻚ
ﺗﻤﻠﻲ
ﺧﺠّﻠﺖ ﺍﻟﺮﺟﺎﻝ ﺑﻲ ﻓﻌﻠﺘﻚ ﻳﺎﺧﻤﻠﻪ
ﻣﺎﻟﻘﻴﺖ ﻏﻴﺮ ﺣﺮﻳﻤﻨﺎ ﺍﻟﺰﺍﻥ
ﺟﻤﺎﻟﻬﻦ ﺳﻤﺮﻩ
ﺑﺎﻗﻴﻠﻚ ﺗﺴﻮ ﻳﺎﻭﺍﻟﻲ ﺩﻣﻐﺔ ﺧﻤﺮﻩ
***************
ﺑﻌﺪ ﺍﻻﻗﺘﺼﺎﺩ ﻋﺪّﻣﺘﻮ ﺑﻞ ﺍﻟﺮّﻳﻖ
ﺑﻘﻴﺘﻮ ﻣﻮﺍﺯﻧﺘﻜﻢ ﻳﻌﺎﻟﺠﻬﺎ ﺍﻟﺘﻠﺘﻴﻖ
ﺑﻠﺪﺍ ﺑﻲ ﻭﺳﺎﻋﺎ ﺗﺰﻳﺪﻭﺍ ﻓﻴﻬﺎ ﺍﻟﻀﻴﻖ
ﺑﻌﺪ ﺭﺳﻢ ﺍﻟﺤﻄﺐ !! ﺍﻟﺤﻔﺮﻩ ﺑﻲ
ﺗﺼﺪﻳﻖ؟
*****
ﻓﻌﻠﻚ ﻏﺎﻳﺘﻮ ﻳﺎﻭﺍﻟﻲ ﺍﻟﺴﺠﻢ ﻣﺤّﻨﺎ
ﺭﻓﻘﺎ ﺑﺎﻟﻘﻮﺍﺭﻳﺮ ﺍﺑﻘﻲ ﻟﻴﻬﻢ ﺍﺣﻦّ
ﺣﺮﻳﻤﻨﺎ ﺍﻟﻠﻴﻨﺎ ﻛﻢ ﺿﻤّﻦ ﺣﻨﺎﻥ ﻭﻣﺤﻨّﻪ
ﺧﺎﻳﻔﻴﻨﻚ ﺗﺴﻮ ﻟﻴﻬﻢ ﺿﺮﻳﺒﺔ ﺣﻨّﻪ
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

ﺑﻠﺪ ﻣﻔﺮﻭﺷﺔ ﺑﺎﻟﺒﻜﻴﺎﺕ ...
ﻓﻼﻥ ﻋﻴﺎﻥ .. ﻓﻼﻥ ﺩﺍﻙ ﻣﺎﺕ ..
ﻓﻼﻥ ﺳﺠﻨﻮﻫﻮ ﻓﻲ ﺷﻴﻜﺎﺕ ..
ﻓﻼﻥ ﺩﺍﻙ ﺳﺎﺏ ﻭﻻﺩﻭ ﻭ ﻓﺎﺕ ..
ﺻﺒﺮ ﻛﻢ ﺟﺎﺑﻪ ﺍﻟﺴﻨﻮﺍﺕ ..
ﺿﺮﺍﺋﺐ ﻭﻛﻬﺮﺑﺎ ﻭﺣﺎﺟﺎﺕ ..
ﺟﻤﺎﺭﻙ ﻭ ﺟﻮﻃﺔ ﺇﺟﺮﺍﺀﺍﺕ ..
ﻋﻮﺍﺋﺪ ﻭ ﺟﻮﻗﺔ ﺇﻳﺼﺎﻻﺕ ..
ﻭﺯﻭﻟﻚ ﺃﺻﻠﻮ ﻏﻠﺒﻮ ﺛﺒﺎﺕ ..
ﺷﺮﺩ .. ﻭ ﻫﻤﻞ ﻭﺭﻭﺍﻫﻮ ﺑﻨﺎﺕ ..
ﺑﻠﺪ ﺣﺎﻛﻤﺎﻫﺎ ﺷﻠﻠﻴﺎﺕ ..
ﻭﻣﺴﺌﻮﻝ ﺑﺲ ﺑﺘﺎﻉ ﻧﺎﺳﺎﺕ ..
ﻋﻤﺎﺭﺍﺗﻮ ﺍﻟﺒﻘﻦ ﻧﺎﻃﺤﺎﺕ ..
ﻭﻋﺮﺑﺎﺗﻮ ﺍﻟﻬﻨﺎﻙ ﺳﻤﺤﺎﺕ ..
ﻭﺃﻣﻮﺍﻟﻮ ﺍﻟﺒﻘـﺖ ﺷﻴﻜﺎﺕ ..
ﺭﻭﺍﻳﺔ ﻭﻧﺎﺳﺎ ﺿﻤـــﺔ ﺛﻘﺎﺕ ..
ﻓﻲ ﻧﺎﺱ ﺑﻴﻦ ﻳﻮﻡ ﻭﻟﻴﻠﺔ ﺯﻭﺍﺕ ..
ﻭﻧﺎﺱ ﺩﺍﻳﺸﺔ ﻭﺑﻘﺖ ﺃﻣــﻮﺍﺕ ..
ﺃﺳﺮ ﺧﺎﻣﺎﻫﺎ ﺏ ﺍﻟﻤﻴﺎﺕ ..
ﻭﺃﺳﺮ ﻋﺎﻳﺸﺎﻫﺎ ﺑﺲ ﺭﻛﺸﺎﺕ ..
ﺩﻭﺍﻡ ﻏﺮﻗـﺎﻧﺔ ﺳﻠﻔﻴﺎﺕ ..
ﺻِﺒﺢ ﺷﻌـﺐ ﺍﻟﺒﻠﺪ ﻃﺒﻘﺎﺕ ..
ﻧﺎﺱ ﻣﺎ ﻧﺎﺱ .. ﻭﻧﺎﺱ ﺭﺍﺣﺎﺕ ..
ﻧﺎﺱ ﺑﺎﻟﺨﺎﺹ ﻭﻧﺎﺱ ﺑﺎﺻﺎﺕ ..
ﻭﻧﺎﺱ ﻻﺑﺘﻮﺏ ﻭﻧﺎﺱ ﺁﻻﺕ ..
ﻭﻧﺎﺱ ﻫﺎﺟﻤﻴﻦ ﻭﻧﺎﺱ ﺑﺎﻛﺎﺕ ..
ﻭﻧﺎﺱ ﻳﺘﻌﺸـﻮﺍ ﺣﻠﻮﻳﺎﺕ ..
ﻭﻧﺎﺱ ﻃﻮﺍﻟﻲ ﺑﺲ ﻓﺘـَّﺎﺕ ..
ﻭﺭﻏﻢ ﺗﺮﺍﻛﻢ ﺍﻟﻌـﺒﺮﺍﺕ ..
ﻭﺻﻮﺗﻨﺎ ﺍﻟﺒﺤﺔ ﻓﻲ ﺍﻟﻨﺒﺮﺍﺕ ..
ﻭﺁﻫﺎﺗﻨﺎ ﺍﻟﺒﻘـﺖ ﺻﻴﺤﺎﺕ ..
ﺑﺘﺴﺮﺣﻮﺍ ﺍﻧﺘﻮ ﻓﻲ ﺍﻟﻔﺎﺭﻏﺎﺕ ..
ﻭﺗﺪﻓﻌــﻮﺍ ﺇﻧﺘﻮ ﻣﻠﻴﺎﺭﺍﺕ ..
ﺗﺤﻨﺴـﻮﺍ ﺑﻴﻬﺎ ﻓﻲ ﺍﻟﺤﺮﻛﺎﺕ ..
ﻭﺗﺸﺘﺮﻭﺍ ﺑﻴﻬﺎ ﻓﻲ ﺍﻟﺴﺎﺩﺍﺕ ..
ﻭﺭﺍﻛﺒﻴﻦ ﺩﻳﻤــﺔ ﻃﻴﺎﺭﺍﺕ ..
ﺑﺪﻝ ﺳﻔـﺮﻳﺔ ﺩﻭﻻﺭﺍﺕ ..
ﻓﻨﺎﺩﻕ ﺭﺍﻗـﻴﺔ ﻧﺜﺮﻳﺎﺕ ..
ﻭﻓﻮﺩ ﺭﺍﺣﺖ ﻭﻓﻮﺩ ﻣﺎ ﺟﺎﺕ ..
ﻭﻧﺎﺱ ﺷﺒﻌﺎﻧﺔ ﺳﻔـﺮﻳﺎﺕ ..
ﻫﺪﻭﻡ ﻭﺟﻀﻮﻡ ﻭﻛﻨﺠﺎﻻﺕ ..
ﻭﻧﻘــَّــﺔ ﻣـﻊ ﺍﻟﻔﻀﺎﺋﻴﺎﺕ ..
ﻭﺷﻌﺐ ﺃﺳﻴﺮ ﺻﺒﺢ ﻳﻘﺘﺎﺕ ..
ﻋﻠﻲ ﺍﻟﻤﻐﺼﺔ ﺍﻷﺑﺖ ﺗﻨﻔﺎﺕ ..
ﻭﻋﺎﺷﺖ ﺑﻴﻨﺎ ﺑﺎﻟﺴـَّﻨﻮﺍﺕ ..
ﺑﻠـــﺪ ﻣﻠﻴﺎﻧﺔ ﺑﺎﻵﻫـﺎﺕ ..
ﻧﻔﺎﻕ ﻭﺷﻘﺎﻕ ﻭﺍﺭﻫﺎﺻﺎﺕ ..
ﻭﺧﻮﻑ ﺇﺳﺘﻮﻃﻦ ﺍﻟﺤﺎﺭﺍﺕ ..
ﻭﻣﺴﺌﻮﻟﻴﻦ ﺿﻤﻴﺮﻫﻢ ﻣﺎﺕ ..
ﻳﺘﻤﻮ ﺍﻟﺼﻔﻘـﺔ ﻛﻮﻣﺸﻨﺎﺕ ..
ﻭﻳﻌﻤﻠﻮﺍ ﻓﻴﻬﺎ ﻧﺎﺱ ﺻﻠﻮﺍﺕ ..
ﺣﻜﻮﻣﺔ ﺧﻮﻑ ﻭﺇﻋﺪﺍﻣﺎﺕ ...
ﺳﺠﻮﻥ ﻭﺩﻣﻮﻉ ﻭﺩﻓﻌﻴﺎﺕ ..
ﺣﻜﻢ ﺯﻧﺪﻳﺔ ﺭﺷﺎﺷﺎﺕ ..
ﻭﺑﺎﻗﻲ ﺍﻟﺸﻠﺔ ﻏﻮﺍﺻـﺎﺕ ..
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

ﺃﻗﻮﻝ ﻟﻴﻜﻢ ﻛﻼﻡ ﺏ ﺍﻟﺠﺪ ..

ﺧﻼﺹ ﻭﺍﻟﻠﻪ ﻭﺻﻠﻨﺎ ﺍﻟﺤﺪ ..

ﻣﺘﻴﻦ ﻳﺪ ﺍﻟﻐﺒﺶ ﺗﺘﻤـﺪ ..

ﻭﺟﺪﺭﺍﻥ ﺍﻟﺨﺪﺍﻉ ﺗﻨﻬــﺪ ..

ﻭﻳﺘﻘﺪﻡ ﻋﺸﺎ ﺍﻟﺒﺎﻳﺘﺎﺕ ..

ﺗﻔﺎﻭﺿﻮﻫﻢ ﻋﻠﻲ ﺍﻟﺜﺮﻭﺓ ..

ﺗﺴﻴﺒﻮﺍ ﺍﻟﻤـﻦِّ ﻭﺍﻟﺴﻠﻮﻯ ..

ﻭﺗﻤﺸﻮ ﺗﻜﻮﺳﻮﺍ ﻟﻠﺤﻠﻮﻯ ..

ﺑﻠﺪ ﻣﻌﻄﻮﻧﺔ ﻓﻲ ﺍﻟﺒﻠﻮﻯ ..

ﻭﺿﺎﺭﺑﻴﻦ ﺍﻧﺘﻮ ﻛﻨﺪﺍﺷﺎﺕ ..

ﺗﺸﻴﻠﻮ ﻗﺮﻭﺷﻨﺎ ﻟﻠﺨﺎﺭﺟﻴﻦ ..

ﻭﺗﻘﻌﺪﻭﺍ ﺇﻧﺘﻮ ﺷﺒﻌـﺎﻧﻴﻦ ..

ﻭﺷﻌﺒﻨﺎ ﻛﻠﻮ ﻣﺤـﺮﻭﻣﻴﻦ ..

ﻳﻌﻴﺶ ﺑﺎﻻﺳﺘﻼﻑ ﻭﺍﻟﺪﻳﻦ ..

ﻃﻌﺎﻣﻮ ﻗﻠﻴﻞ ﻭﻛﻠﻮ ﻓﺘﺎﺕ ..

ﻧﻔﻮﺱ ﺷﻘﻴﺎﻧﺔ ﻣﺤﺮﻭﻣـﺔ ..

ﻭﺭﺅﻭﺱ ﻃﻮﺍﻟﻲ ﻣﻬﻤﻮﻣــﺔ ..

ﻭﻋﺮﻭﺵ ﺏ ﺍﻟﺒﻄﺶ ﻣﻮﺳﻮﻣﺔ

ﻭﻛﺮﻭﺵ ﻭﻗﺮﻭﺵ ﻭﻣﺎﻳﻘﻮﻣﺎ ..

ﻋﺮﻭﺽ ﻣﻔﺮﻭﺷﺔ ﻓﻲ ﺍﻟﺴﺎﺣﺎﺕ

ﺑﻨﺎﺕ ﺿﺎﺭﺑﺎﻫـﻦ ﺍﻟﺒﻮﺭﺓ ..

ﻭﻭﻻﺩ ﺑﺲ ﺷﺮﺷﺤﺔ ﻭﻛﻮﺭﺓ ..

ﺣﻜﺎﻳﺔ ﺷﻌﺐ ﻣﺸﻬﻮﺭﺓ ..

ﺭﻛﺐ ﻓﻲ ﺣﻜﻤﻮ ﻣﺎﺳﻮﺭﺓ ..

ﻭﻭﺟﻊ ﺁﻻﻣﻮ ﻛﻤﻴﺎﺕ ..

ﺑﻴﻮﺕ ﻋﺸﻌﺶ ﻋﻠﻴﻬﺎ ﺍﻟﻬﻢ ..

ﺣﻜﺎﻭﻳﻜﻢ ﺗﺠﻴﺐ ﺍﻟﻐﻢ ..

ﺗﻤﺮُّﺩ ﻭﻧﺎﺳﻮ ﺳﺎﻓﻜﻴﻦ ﺩﻡ ..

ﻳﻔﺎﻭﺿـﻮﻛﻢ ﺑﺘﺪﻓﻌﻮ ﻛﻢ ؟؟

ﻭﺟﺎﻫﺰﻳﻦ ﺍﻧﺘﻮ ﺏ ﺍﻟﻜﺎﺷﺎﺕ ..

ﻣﻌﺎﺭﺿﺔ ﺑﺲ ﻟﻌﺐ ﺃﻃﻔﺎﻝ ..

ﻣﻜﺎﺟﺮﺓ ﺑﺲ ﻋﺸﺎﻥ ﺍﻟﻤﺎﻝ ..

ﻛﺘﺮﺓ ﺃﺣﺰﺍﺏ ﻭﺳﻮﺀ ﺃﺣﻮﺍﻝ ..

ﺑﻠﺪ ﺟﺪ ﺣﺎﻟﻮ ﺑﻘﻰ ﺑﻄﺎﻝ ..

ﻣﺤﺎﻝ ﺗﺤﻤﻴﻬﻮ ﺑﺲ ﻛﻠﻤﺎﺕ ..

ﺣﻠﻴﻞ ﻭﻃﻨﻲ ﻭﺣﻠﻴﻞ ﻧﺎﺳﻮ ..

ﺳﻘﺎﻧﺎ ﺍﻟﻤﺮﺓ ﺑﻲ ﻛﺎﺳﻮ ..

ﻭﺿﺮﺏ ﻃﺎﻳﻮﻗﻨﺎ ﺑﻲ ﻓﺎﺳﻮ ..

ﺃﻛﻴﺪ ﺣﻨﻜﺎﺗﻞ ﺃﻧﺠﺎﺳﻮ ..

ﻭﻧﺼﺒﺢ ﺑﺮﺿﻮ ﻧﺎﺱ ﺣﺮﻛﺎﺕ ..

ﻳﻜﻮﻥ ﺩﺍﻙ ﻳﻮﻡ ﻋﻈﻴﻢ ﻓﻨﺎﻥ ..

ﻭﺗﺮﺟﻊ ﻟﻤـﺔ ﺍﻟﺤﺒﺎﻥ ..

ﻋﻠﻲ ﺍﻟﺒﻠﺪ ﺍﻟﺼﺒﺢ ﻣﺰﺩﺍﻥ ..

ﻭﻳﺒﻘﻰ ﺣﻘﻴﻘﺔ ﻫﻮ ﺍﻟﺴﻮﺩﺍﻥ ..

ﺑﻠﺪ ﻣﺘﻮﺷﺢ ﺍﻟﺒﺮﻛﺎﺕ
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

" رفع الدعم "
.
.
ﺃﺭﻓﻊ ﺍﻟﺪﻋﻢ..ﺃﺭﻓﻊ ﺃﺭﻓﻊ
ﺍﺭﻓﻊ..ﺍﺭﻓﻊ
ﺇﻧﺖ ﺣﺎﻛﻤﻨﺎ ﺍﻟﻤﺪﻟّﻊ..
ﻣﺎ ﻳﻬﻤﻚ ﻟﻮ ﺣﺮﻳﻖ ﺍﻟﺴﻌﺮ ﻓﻲ ﺃﻛﺒﺎﺩﻧﺎ
ﻭﻟّﻊ..
ﺍﺭﻓﻊ..ﺍﺭﻓﻊ
ﻳﻤﻜﻦ ﺍﻟﺒﺘﺴﻮﻱ ﻳﻨﻔﻊ..
ﺃﻭ ﻳﺤﺮﻙ ﺫﺭﺓ ﻓﻴﻨﺎ ﻣﻦ ﺍﻟﻤﺸﺎﻋﺮ..
ﺃﻭ ﻳﺨﻠﻲ ﺍﻟﺸﻌﺐ ﻳﻄﻠﻊ ، ،
ﺃﻭ ﻳﺆﺫﻥ ﻓﻲ ﺍﻟﻤﻘﺎﺑﺮ..
ﺃﻭ ﻳﺤﺮﻙ ﺷﻌﺮﺓ ﻓﻲ ﺍﻟﻤﻤﻜﻮﻥ
ﻭﺻﺎﺑﺮ ، ،
ﺇﺭﻓﻊ..ﺍﺭﻓﻊ
ﻟﻤﺎ"ﻣﻴﺘﻴﻦ ﺯﻳﺘﻨﺎ ﻳﻄﻠﻊ"
ﻟﻤﺎ ﺗﺎﻧﻲ ﻧﺨﻴّﻂ ﺍﻟﻠّﺒﺲ ﺍﻟﻤﺮﻗّﻊ
ﻟﻤﺎ ﻋﻴﻦ ﺍﻟﺸﻌﺐ..ﺩﻡ..ﺗﻨﺰﻑ ﻭﺗﺪﻣﻊ
ﻟﻤﺎ ﺗﻬﺪﻡ ﻓﻮﻗﻨﺎ ﺟﺪﺭﺍﻥ ﺑﻴﺘﻨﺎ ﻭﺍﻟﺒﺎﺏ
ﺍﻟﻤﺨﻠﻊ
ﻧﺤﻨﺎ ﻓﻲ ﻋﻬﺪﻙ ﺷﺤﺪﻧﺎ ﻓﺘﺎﻓﺖ ﺍﻟﻔﻮﻝ
ﻭﺍﻟﻤﺸﻤّﻊ
ﻧﺤﻨﺎ ﻓﻲ ﻋﻬﺪﻙ ﺷﺮﺑﻨﺎ ﺍﻟﺬﻝ..
ﻟﻤﺎ ﺍﺑﻠﻴﺴﻨﺎ ﻛﺮّﻉ..
ﺍﺭﻓﻊ..ﺍﺭﻓﻊ
ﻳﻤﻜﻦ ﺍﻟﻤﻜﺘﻮﻟﺔ ﺗﺴﻤﻊ
ﺍﻧﺖ ﺣﺒﻚ ﻓﻲ ﻗﻠﻮﺏ ﺍﻟﺸﻌﺐ..ﺍﺗﺤﻜّﺮ..
ﺗﺮﺑﻊ!!
ﻧﺤﻨﺎ ﻧﺘﺴﻮّﻝ ﺣﺎ ﻧﺪﻓﻊ..
ﻧﺤﻨﺎ ﻧﺘﺒﻬﺪﻝ..ﺣﻨﺪﻓﻊ
ﻧﺤﻨﺎ ﻧﺘﻮﺳﻞ..ﺑﻨﺪﻓﻊ
ﻟﻮﺻﺮﺧﻨﺎ..ﻭﻗﻠﻨﺎ ﻭﻳﻦ ﻳﺎ ﺭﺏ ﻧﻘﺒّﻞ ؟
ﺑﺮﺿﻮ ﻧﺪﻓﻊ
ﻟﻮ ﺻﺒﺮﻧﺎ ﻭﻗﻠﻨﺎ ﺑﺎﻛﺮ..
ﻗﻠﺘﻮ ﻫﺴﻊ..
ﻧﺤﻨﺎ ﻟﺴﻪ ﺃﻭﻻﺩﻧﺎ ﺷُﻔّﻊ
ﻧﺤﻨﺎ ﻟﺴﻪ ﻭﺭﺍﻧﺎ ﺭُﺿّﻊ..
ﻭﻧﺤﻨﺎ ﻧﺪﻓﻊ ﻭﺍﻧﺖ ﻳﺎﺭﻳّﺲ ﺗﻤﺘّﻊ..
.......
ﻭﻧﺤﻨﺎ ﻳﻮﻡ ﺍﻟﺤﻆ ﺗﻘﺴّﻢ..
ﻭﻧﺤﻨﺎ ﻳﻮﻡ ﺍﻟﺤﻖ ﺗﻮﺯﻉ..
ﻛﻨﺖ ﺇﻧﺖ ﻧﺼﻴﺒﻨﺎ ﻣﻦ ﺩﻭﻥ ﺍﻟﺨﻼﻳﻖ..
ﺟﻴﺘﻨﺎ ﻭﻟّﻌﺖ ﺍﻟﺒﻠﺪ ﺷﺮﻗﺎ ﻭﻏﺮﺑﺎ..
ﺑﺎﻟﺤﺮﺍﻳﻖ..
ﺟﻴﺘﻨﺎ ﺣﻮّﻟﺖ ﺍﻟﺒﻠﺪ..ﻣﻨﻜﻮﺏ ﻭﺿﺎﻳﻖ..
ﺟﻴﺘﻨﺎ ﻳﺎ ﺳﺠﻢ ﺍﻟﺮﻣﺎﺩ..ﻣﻤﺤﻮﻕ
ﻭﺣﺎﻳﻖ!!
ﻛﻞ ﺯﻭﻝ ﻳﺎﺧﺪ ﻣﺼﻴﺒﺘﻮ
ﻗﺴﻢ ﺍﻷﺭﺯﺍﻕ...ﻭﻭﺯّﻉ..
ﺃﻧﺖ ﺗﺄﻣﺮ ﻭﻧﺤﻨﺎ ﻧﺪﻓﻊ..
ﻧﺤﻨﺎ ﻧﻄﺮﺡ..ﻧﺤﻨﺎ ﻧﻄﺮﺡ..
ﻧﺤﻨﺎ ﻧﻄﺮﺡ..
ﻭﺍﻧﺖ ﺗﺠﻤﻊ..
ﺣﺘﻰ ﻣﻦ ﺟﻴﺐ ﺍﻟﻤﻘﻄّﻊ..
.......
ﺍﺭﻓﻊ ﺍﺭﻓﻊ..ﻭﺧﻠّﻨﺎ ﻧﺴﻤﻴﻚ ﺭﺍﻓﻊ
ﻟﻠﻀﺮﺍﻳﺐ
ﻟﻲ ﻋﺪﺩ ، ﻋﺪﺩ ﺍﻟﻤﺼﺎﻳﺐ
ﻓﻲ ﺑﻠﺪ ﺃﺻﺒﺢ ﻣﻮﺯّﻉ..
ﻓﻴﻬﻮ ﺭﻣﺰ ﺍﻟﺸﺮ"ﻧﺎﻓﻊ"
ﻳﺎ ﺑﻠﺪ ﻣﻨﻬﻮﻛﺔ ﻻﻣﻦ ﺻﻮﺗﺎ ﺭﺍﻳﺢ..
ﻳﻨﺨﻔﺾ ﺻﻮﺕ ﺍﻟﺤﻘﻴﻘﺔ
ﻭﻳﺮﺗﻔﻊ ﺻﻮﺕ ﺍﻟﻤﺪﺍﻳﺢ..
ﻭﻓﻴﻬﺎ ﺗﺮﺗﻔﻊ ﺍﻷﺭﺍﺿﻲ
ﻭﻓﻴﻬﺎ ﺗﺮﺗﻔﻊ ﺍﻟﻤﻘﺎﺿﻲ
ﻭﻳﺮﺗﻔﻊ ﺻﻮﺕ ﺍﻟﻤﺪﺍﻓﻊ..!!
ﻭﻧﺤﻨﺎ ﺣﺎ ﻧﻜﻮﺭﻙ..ﻧﻜﻮﺭﻙ
ﻳﻤﻜﻦ ﺍﻟﻤﻜﺘﻮﻟﺔ ﺗﺴﻤﻊ..
ﺍﺭﻓﻊ..ﺍﺭﻓﻊ

صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: قصائد أهل الوجعة

مشاركة بواسطة مها »


نفس الوجوه بس الكراسي مبدلة

نفس الكلام بس الجمل متعدلة

نفس النفوس و أيادي فارغة مدلدلة

و أحلامنا بي أفكار جديدة مزلزلة

ربك كريم الحالة غايتو مبهدلة

قادر كريم يا رب صعابنا محلحلة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

كلام الريس !

.

ﻃﻠﻊ ﺍﻟﺮﻳﺲ ﻭﻗﺎﻝ ﻟﻲ ﺷﻌﺒﻮ
ﻫﻮﻱ ﻳﺎ ﺷﻌﺒﺎ ﻓﺎﻳﻖ ﻭﺭﺍﻳﻖ
ﻣﺎﻟﻚ ﻳﺎﺧﻲ ﻛﻤﺎﻥ ﻣﺘﻀﺎﻳﻖ
ﻭﺟﻨﻚ ﻧﻘﻪ ﻑ ﻛﻞ ﺩﻗﺎﻳﻖ
ﻭﻧﺤﻨﺎ ﺍﻟﻮﺭﻳﻨﺎﻙ ﺍﻟﺒﻴﺘﺰﺍ
ﻭﺍﻛﻞ ﺍﻟﻜﺎﺗﺸﺐ ﻭﻋﻠﺐ
ﺍﻟﺼﻠﺼﻪ
ﻭﺍﻟﻬﻮﺕ ﺩﻭﻕ ﺍﻟﻔﻴﻬﻮ
ﺷﻘﺎﻳﻖ
ﻭﻧﺤﻨﺎ ﺍﻟﻮﺭﻳﻨﺎﻙ ﺍﻟﺒﻴﺒﺴﻲ
ﻭﺍﺳﺘﻮﺭﺩﻧﺎ ﻋﺪﻳﻞ ﺍﻟﺘﻜﺴﻲ
ﻭﺍﻧﺖ ﺯﻣﺎﻥ ﻟﻠﻬﻨﻜﺮ ﺳﺎﻳﻖ
ﺍﺳﻜﺖ ﺳﺎﻛﺖ
ﻭﺍﺣﻤﺪ ﺭﺑﻚ
ﻭﺍﺩﻓﻊ ﻟﻴﻨﺎ ﺭﺳﻮﻣﻚ ﻭﺗﺎﻭﻕ
ﻗﺎﻡ ﺍﻟﺸﻌﺐ ﺍﺗﻠﻔﺖ ﺣﻮﻟﻮ
ﺩﻧﻘﺮ -- ﺻﻨﻘﻊ
ﻋﺎﻳﻦ ﺟﻤﺒﻮ
ﻭﻣﺎ ﻟﻘﻲ ﺣﺎﺟﻪ
ﺑﺼﻼ ﺭﺍﻗﺪ ﻓﻲ ﺗﻼﺟﻪ
ﻓﺤﻤﺎ ﺑﺪﻝ ﺍﻟﻐﺎﺯ ﺍﻟﻘﺎﻃﻊ
ﻭﺯﻳﺘﺎ ﺍﺳﻮﺩ
ﻭﻧﻔﺴﺎ ﺿﺎﻳﻖ
ﻭﻗﺎﻝ ﺍﻟﺸﻌﺐ =
ﺍﻧﺎ ﺳﺎﻣﻊ ﺑﻴﻬﺎ
ﻣﺶ ﺍﻟﺒﻴﺘﺰﺍ ﺩﻱ ﺍﻛﻠﻪ ﻋﺠﻴﺒﻪ
ﻓﻴﻬﺎ ﺟﺪﺍﺩ ﻭﺩﻗﻴﻖ ﺣﻖ ﻓﻴﻨﺎ
ﻭﺳﻠﻄﻪ ﻭﺯﻳﺖ
ﻭﺧﻀﺎﺭ ﻣﺘﻼﻳﻖ
ﻭﺍﻟﻬﻮﺕ ﺩﻭﻕ ﺩﺍ ﻟﻘﻴﻤﺎﺕ
ﺑﺮﺿﻮ
ﺑﺲ ﺣﻖ ﻟﺤﻤﻪ ﻭﺣﺎﺩﻕ
ﻃﻌﻤﻮ
ﺷﻔﺘﻮ ﺩﻋﺎﻳﻪ ﻭﻓﻴﻬﺎ ﺣﺮﺍﻳﻖ
ﺍﻧﺎ ﺑﺲ ﺩﺍﻳﺮ ﻟﻲ ﺳﺨﻴﻨﻪ
ﺍﻗﺪﺭ ﺍﺳﻜﺖ ﺑﻴﻬﺎ ﺍﻟﺸﻔﻊ
ﻭﺩﺍﻳﺮ ﻟﻲ ﺑﺲ ﻛﻠﻤﻪ ﺣﻨﻴﻨﻪ
ﻭﺑﻴﺖ ﻟﻴﻬﻮ ﺍﻗﻮﻡ ﻭﺍﺳﺎﺳﻖ
ﺍﺳﻜﺖ ﺍﻧﺖ
ﻭﻟﻢ ﺑﺲ ﺧﺸﻤﻚ
ﺍﻧﺎ ﻭﺍﻟﻠﻪ ﻋﺪﻳﻞ ﻣﺘﻀﺎﻳﻖ
ﻣﻨﻚ ﺍﻧﺖ
ﻭﻣﻦ ﺩﻣﻐﺎﺗﻚ
ﻭﻛﻞ ﺭﺳﻮﻣﻚ ﻭﻣﻦ
ﻛﻀﺒﺎﺗﻚ
ﻭﻣﻦ ﺍﻟﺰﻳﻒ ﺍﻟﺤﻮﻟﻚ ﺣﺎﻳﻚ
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

نص جديد للشاعر الكبير أزهري محمد علي

زخة رصاص في الراس
من سلطة معطوبة
ما بتثني عزم الناس
لو عزا مطلوبا
في دولة الرصاص
كم خيمة منصوبة
حرس الرئيس الخاص
متغطي بي توبا
ولدا رضي و وناس
شايلنو لي حوبة
في ليلك اب كباس
شاهد خراب سوبا
شاهد وطن بنداس
عينيهو معصوبة
في يوم شديد الباس
والدنيا مقلوبة
مجبور رمي الكراس
دنقر رفع طوبة
شاف لحية القناص
بي دمو مخضوبة
تمتم قري الاخلاص
كتب الخلاص بالدم
طلع القمر بوبا
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: قصائد أهل الوجعة

مشاركة بواسطة مها »


‎‏صورة‏‏


ﺃﺯﻫﺮﻱ ﻣﺤﻤﺪ ﻋﻠﻲ

ﻳﺎﺻﺎﺣﺐ ﺍﻟﻤﺸﺮﻭﻉ

ﻓﻲ ﻗﺼﺮﻙ ﺍﻟﻌﺎﻟﻲ

ﺍﻟﺼﻮﺕ ﻫﻨﺎﻙ ﻣﺴﻤﻮﻉ ؟

ﺩﻡ ﺍﻟﺸﻬﻴﺪ ﺑﻲ ﻛﻢ؟

ﻭﻻ ﺍﻟﺴﺆﺍﻝ ﻣﻤﻨﻮﻉ

ﺩﻡ ﺍﻟﺸﻬﻴﺪ ﻏﺎﻟﻲ

ﻭﺍﻻﻧﻜﺴﺮ ﻓﻲ ﺍﻟﺮﻭﺡ

ﻣﺎ ﺑﺠﺒﺮﻭ ﺍﻟﻮﺍﻟﻲ

ﺍﺭﻭﺍﺡ ﺗﺰﻑ ﺍﺭﻭﺍﺡ

ﻭﺑﺮﺿﻮ ﺍﻟﻠﺴﺎﻥ ﻣﺒﻠﻮﻉ

ﺭﺍﺡ ﺍﻟﻮﻃﻦ ﺑﺎﺑﺎﺡ

ﺟﺮﺑﻨﺎ ﻟﺤﺲ ﺍﻟﻜﻮﻉ

ﺟﺮﺏ ﻣﻌﺎﻧﺎ ﻭﺿﻮﻕ

ﻟﻮﻣﺮﺓ ﻭﺍﺣﺪﺓ ﺍﻟﺠﻮﻉ

ﻣﻦ ﻗﺒﻞ ﻣﺎﺍﻧﺴﻤﻴﻚ

ﺍﻟﺮﻳﺲ ﺍﻟﻤﺨﻠﻮﻉ

ﺑﺎﻟﻮﺍﺿﺢ ﺍﻟﻤﻜﺸﻮﻑ

ﻓﺘﺶ ﻣﻌﺎﻧﺎ ﻭﺷﻮﻑ

ﻭﻳﻦ ﺍﺧﺘﻔﻲ ﺍﻟﺰﺭﺍﻉ

ﻭﻳﻦ ﺍﺗﺮﻣﺖ ﺍﺣﺰﺍﺏ

ﻣﻴﻦ ﻋﺴﻜﺮ ﺍﻻﻃﻔﺎﻝ

ﻭﺍﺳﺘﺨﺒﺮ ﺍﻟﻄﻼﺏ

ﻣﻴﻦ ﺷﺮﺩ ﺍﻟﻌﻤﺎﻝ

ﻣﻦ ﻓﻮﺑﻴﺔ ﺍﻻﺿﺮﺍﺏ

ﻧﺤﻦ ﺍﻛﺘﻔﻴﻨﺎ ﺧﺮﺍﺏ

ﻧﺤﻦ ﺍﺳﺘﻮﻳﻨﺎ ﺳﻨﻴﻦ

ﻧﺤﻦ ﺍﻧﻄﻔﻴﻨﺎ ﻋﻘﻮﺩ


ﺳﻨﻮﺍﺕ ﻃﻮﺕ ﺳﻨﻮﺍﺕ




ﻛﺎﻧﺖ ﻭﻋﻮﺩ ﻓﻲ ﻭﻋﻮﺩ



ﻗﺪﻣﻨﺎ ﻟﻴﻚ ﻓﻼﺫﺕ



ﺿﺤﻴﻨﺎ ﺑﺎﻟﻤﻮﺟﻮﺩ



ﻓﻮﻕ ﺍﻟﺼﺒﺮ ﺻﺎﺑﺮﻳﻦ



ﻭﺍﻟﺼﺒﺮ ﻟﻴﻬﻮ ﺣﺪﻭﺩ



ﻧﺤﻦ ﺑﻨﻜﻮﺭﻙ ﺳﻴﺮ



ﻭﺍﻧﺖ ﻓﻄﺮﻳﻖ ﻣﺴﺪﻭﺩ



ﻟﻮﺷﻔﺘﺎ ﻋﻮﺝ ﺍﻟﻀﻞ



ﻛﺎﻥ ﺍﺳﺘﻘﺎﻡ ﺍﻟﻌﻮﺩ



ﻛﺎﻥ ﺍﺳﺘﺮﺍﺡ ﺍﻟﻜﻞ



ﻭﺍﻟﻔﻲ ﺍﻟﻤﻨﺎﻓﻲ ﻳﻌﻮﺩ



ﺟﺮﺏ ﻣﻌﺎﻧﺎ ﻭﺷﻮﻑ



ﺧﻴﺒﺔ ﺭﺟﺎ ﺍﻟﻌﺸﻤﺎﻥ



ﻭﺍﻟﺨﺎﻃﺮ ﺍﻟﻤﻜﺴﻮﻑ



ﺭﻋﺸﺔ ﺍﺻﺎﺑﻊ ﺍﻻﻡ



ﻓﻲ ﻣﺪﺓ ﺍﻟﻤﺼﺮﻭﻑ



ﺟﺮﺏ ﻣﻌﺎﻧﺎ ﻭﺷﻮﻑ



ﻳﺎﺳﺎﻫﻲ ﻳﺎﻻﻫﻲ



ﻳﺎﺍﺍﻻﻣﺮ ﺍﻟﻨﺎﻫﻲ



ﻓﻲ ﻗﺼﺮﻙ ﺍﻟﻮﺍﻫﻲ



ﻋﻠﻤﻨﺎﺑﻼﻫﻲ



ﻗﺒﺎﻝ ﺣﺮﻭﻑ ﺍﻟﻨﻬﻲ



ﺍﻻﻣﺮ ﺑﺎﻟﻤﻌﺮﻭﻑ


</h5>
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

كلمات " سناري "
.


اناغايتو مادايراحتفل

هو شنو البسر ياناس

شان نحن نفرح ونتحفل

وبلدنا مليان باليباس

ناسآ تموت بالجوع

ناسآ تموت بردآ

ناسآ تموت مرضآ

ناسآتموت غيظآ

ومآسي مابتتقاس

وبرضو لسة نحتفل؟؟

حال البلد ياناس

والله مابتسر

شعبآ صبح مظلوم

عايش حياه المر

لا يوم رقد مرتاح

عايش وكلو جراح

لمتين يكون منداح؟

براحة نفسو يجررر؟؟

ناسآ تعيش بالدين

ماشافو يوم الزين

عايشين ولاعايشين

مكتوفة الايدين

وناس همها البنزين؟

شان الصباح طالعين

وبرضولسة نحتفل؟؟



ناسآ تروس كل سنة

ولبس جديد

وشراب جديد

واكل جديد

وحديد جديد

وهناي جديد

واحلامها تصبح ممكنة

وناسآ تفتش للرغيف

تحفظ رويحها من الفنا

لاضاقو بيرقر لاسجوك

لاشافو يوم طعم الهنا

اناغايتو مادايراحتفل؟؟.

.



صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: قصائد أهل الوجعة

مشاركة بواسطة مرسال الشوق »




الوجع الخرافي

ياشعب رقد موجوع
كترت عليك مصائب ولحس الكوع
حضارتك آفلت ومعاها جموع
اموال منهوبة دماء برئية وكم مشروع
ياشعب رقد موجوع
بعد ماكنت سلة عالم الليلة اتوشحت لباس الجوع
شمس حريتنا الغابت ولا قمر فرحنا بان ليه طلوع
اليوم عيد ميلاد ك خمسون وثمانية من مخلوع
بس عاد كيفن الفرح وكل البلد موجوع




كلمات ////// مرسال الشوووق ،،،
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

مرسال الشوق كتب:

الوجع الخرافي


كلمات ////// مرسال الشوووق ،،،

رائع كالعادة يا المرسال ,,
.
تشكراتي ,,
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: قصائد أهل الوجعة

مشاركة بواسطة waya »

مســــدار: صالون كافــــوري ..
للشاعر الاستاذ / زرياب عبدالله محي الدين
.
صورة
.

يا ود البشير عبدالله ظنّي ودرت ..
في شربوت ضحيّتكم بشوف كتّرت ..
الخلّاك تهضرب ماكا واعي البتّ ..
شربوت الضحيّه وغير شك إت سكرت ..

بعد العيشه والبيت اللّكان جالوص ..
وعقبا فيتريته الكسره ليها تموص ..
بقيت صالون حلاقتك يا التجزّوا الرّوس ..
القطعيه كيف ؟ ليزر ؟ زبائنك روس ؟؟

صالونات شنو البتسوّي قدر العندك ؟؟
وقّف فيهو خط المنطق أثبت عندك ..
مالك حقّنا السوّيتو من خير جندك ..
وتسرق فينا يااللواء والحكومه تسندك ..

دام بيت الرئيس ليك حق تسف وتألّف ..
وتسرق فينا قوةّ عين كمان بتخرّف ..
تقول حر مالنا !!! للحريه يازول عرّف ..
مال الحوش ده ولّا السارقوا يا متخلّف ..

الماغسني يا ود البشير في القلتو ..
مالك قّت من صالون حلاقه الجبتو ..
يسألك الله : صالون وييين ده ياخي الشفتو ؟
يبني الفيلا لي بشّه واخوهو واختو ؟؟؟

بتحلقوا كيف وبيكم: الدّقن والرّاس ؟؟
وبالدولار حلاقاتكم اكييد للناس !!
بعد السرقه لي مالنا افتريتو خلاس ..
بقيتوا تقول حر مالنا ومأصّل وساس !!

بيوت كافوري من وييين ورثه من (الحوش) ؟؟
ايا البالليل اخوك جانا ودخلّّنا توووووش ..
غايتو الليله ياسكران ويامهبوش ...
صالون إيييه ده بي المليار يسوّي قروش ..

وعقبا يسألوك بتقول قديم من ساسنا ..
مالنا وبالحلال: خلّيتنا نهبش راسنا ..
أكان صالون حلاقتك هو اليبلّوا يباسنا ..
كان كدي غربه ليه ؟؟ راجعين وبي امواسنا ..

ما وريتنا بالليزر حلاقتكم دي ولا هي عااادي ..
يا السارقنّوا مال العالمين في بلادي ..
خبرك جانا في النت والقناه وفي الرادي ..
حلّاق ببقي ملياردير دي كيفن عاادي !!

علي آآآ القرحه اوعي تهيجي هوي لا تفوري ..
وما تشتغلي بي تخريف لصوص كافوري ..
وحاة الله اللي شال عبّود وشال جعفوري ..
قدر ما نمتي يا أمتنا يوم بتفوري ..

أتاري الصلعه يا خلق الله والقطعيه ..
بتبني فلل وفي كافوري مال مو شويّه ..
بعد البيتو في الحوش طين ونومو عشيّه ..
يبقي فطورو هوت دوق مو مراره وشيّه !!!

ورّيتونا يا عبدالله اخو الحجاج ..
كيف المال بجي بعد السعايه نعاج ..
اريتو هو كان حلال ما كان حديثنا احتاج ..
غايتو الليله يا سكران ده يا مرضان بدورلو علاج ..

ماورّيتنا: صالون السرور العينه ..
حجزو ده : بالنت ولا فيلّتو بينه ..
قول لي شبابنا تاري الشغله تب مي هيينه ..
امشوا عليها تب وكت الملاييين بينه ..

مال السرقه يا عبدالله ظاااهر وباين ..
حلاقة الراس دي كيفن تبني قصر وجناين ؟؟
يكون يعني (الوليد) و (بيل قيتس) ليكا زبائن ..
عشان تبني الفلل وتخلّي عينّا تعاين !!!
أضف رد جديد

العودة إلى ”همس القصيد“