مســـــــــــــــــــدار + مســــــــــــــدار

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

مســـــــــــــــــــدار + مســــــــــــــدار

مشاركة بواسطة شـهد الكلامـ »

بسم الله الرحمن الرحيم

الساده السودان

تحية الصباح والمساء

جبت ليكم فكره جديده

المسدار
هو نوع من الشعر البلدى او باللهجه القوميه بتاعتنا
بيتكون من اربعه ابيات شعر مختومه بقافيه واحده
يلا
على
كل
من
يلمس
الكفاءه
فى
نفسه
ان
يترجل :027:
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: مســـــــــــــــــــدار + مســــــــــــــدار

مشاركة بواسطة شـهد الكلامـ »

الليله منتداكم من جيتو استبشرتا

لافونى الحبايب شايفاهم محل قبلتا

من صبح الكريم جيت ليهم زرتا

على النبى صليت وبيهم اتصبحتا
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

المنتدي العجيب سموهم تب سوداني
فيهو اصول البلد حافظنها اخواني
وفيهو عازة ست ريدي فيها جميل الحاني
ليه يا شهد الكلام زدتي علي اشجاني
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

المنتدي الجميل نعليهو بافكارنا
نوزن للكلام ونشرف بيهو بلادنا
ننشر للفضيلة الديمة هي زادنا
ويا شهد الكلام ليك الليلة اغلي سلامنا
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: مســـــــــــــــــــدار + مســــــــــــــدار

مشاركة بواسطة شـهد الكلامـ »

الاغبش كتب:المنتدي الجميل نعليهو بافكارنا
نوزن للكلام ونشرف بيهو بلادنا
ننشر للفضيلة الديمة هي زادنا
ويا شهد الكلام ليك الليلة اغلي سلامنا


الاغبش تحيه من ربى ليك تطراك
ود بلدا عزيز بالقلب ديمه ... معاك
فى الغربه تبكيهو ... وان جيتو هو حماك
سودانى الحبيب .. شان اسمك بسجل اسمى فى مسماك :Sudan:
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

يا شهد الكلام في قلوبنا ديمة سكونك
يا سودانا الجميل دايما مخضرة غصونك
بجاه الاله تسلم من حقد مغبونك
وتعلي راياتك فوق مدارات كونك
صورة العضو الرمزية
انا اميرة الورد
مشاركات: 139
اشترك في: الأربعاء 2007.2.21 11:27 am

رد: مســـــــــــــــــــدار + مســــــــــــــدار

مشاركة بواسطة انا اميرة الورد »

صراحه
الفكره حلوه جدا
اتمنيت يكون عندي الموهبه عشان اشارك معاكم
بس يا خساره
بس حكتفي اني اطلع عليكم


تحياتي للجميع
اميرة الورد
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: مســـــــــــــــــــدار + مســــــــــــــدار

مشاركة بواسطة مهند عبد الرحمن »

الليلة المنتدى صبح ذو فائدة عظيمة
من كل الشرائح جاب لينا غصن نيمة
احسن ليك يازول تزورنا بي ترنيمة
عشان تبقى اصيل وزولا ليك قيمة
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: مســـــــــــــــــــدار + مســــــــــــــدار

مشاركة بواسطة مهند عبد الرحمن »

اقيف يازول قبال تفوت لي دارك
ادخل منتدانا وقول لينا عن اخبارك
انت الفي الحارة تب ما بتتشارك
محل ما تقبل نقول ليك تتبارك
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: مســـــــــــــــــــدار + مســــــــــــــدار

مشاركة بواسطة Still I Need U »

[align=justify][align=center]ما شاء الله عليك يا شهد الكلام حقيقة لا أنكرها بأن هذا البوست[/align]
[align=center]صورة[/align]


وكم كان رائعأً من الأعضاء النشيطين أن يلتمسوا حب الكتابة البسيطة ليدونوها وتصبح روعة جديدة تضاف إلى شخصك وإلى أنا سوداني ،، لا أكتب الشعر سواء ان كان باللقافية أو بغيره ولكني أمتلك الإحساس العالي الذي من خلاله يمكنني أن أوصلك إلى ما تريدين ، وكم كان رائعا من الأخوة الأعضاء وهم يسطرون كلمات تتجلي في عضطة المنتدي ، لك الشكر وأخيراً ولكم الشكر أعضاءنا الكرام الذين يثبتون لنا كل يوم بأننا أضفنا إلى مكتبتنا الكثير من الآفاق الأرحب في رحاب أنا سوداني.


وعد مني عزيزي شهد بأن أسطر لك ولو حروف بيسطة تتجلي لكم عبقاً وعبيراً بينكم ولك ألف شكر وتقدير وأرجو منك أن تواصلي في مثل هذه الإبداعات فنحن دائماً نبحث عن الإبداع ليكون لنا وحدنا ودمت.[/align][/size]
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: مســـــــــــــــــــدار + مســــــــــــــدار

مشاركة بواسطة شـهد الكلامـ »

التحيه للجميع على الروعه

بسحروكم والله
ويا اميره يعنى الشاعر خلااااص منو ؟؟؟ بس هى محاولات من ناس مبتدئه حاولى حبيبتى وبتنجحى اكيد
منتظراكى ................

مهند تسلم على المرور بس فى تعليق على
انت الفي الحارة تب ما بتتشارك( ما بتشارك ولا تشارك هههههه زى القلبت ذم ؟؟؟ )

عموما عينى بارده عليك والاغبش
تحياتى
جيناكم عدييييل والنيه لازما الخطوه
تتبعنى السلامه وقدامى التحايا00 نديه
لابات الفهم ... حاشاهم الكلمه التغلط بيه
من جيت عليهم لافيه الجود محيط من كل ناحيه جزيه
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: مســـــــــــــــــــدار + مســــــــــــــدار

مشاركة بواسطة شـهد الكلامـ »

اخوى الكريم : استيل

اشكرك من الاعماق دائما تخجلنى بحسن كلماتك التى لا اجد من سرب حروفى مقابلااا لهااا

جزيت خيرا على المتابعه والاطراء
واكيد التميز بيكون بالتطلع للامام دائما اعزائى

منتظرا منك المحاولات واكيد بنتعلم كلنا ومافى زول شاعر مفطلح هههههههه

ما تتردد وانا منتظاركم
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: مســـــــــــــــــــدار + مســــــــــــــدار

مشاركة بواسطة مهند عبد الرحمن »

اختي شهد تسلمي بس المعنى في بطن الشاعر وانا قصدي كان لما يكون في حارة بيتصدى ليها براهو يعني ما في زول بيشاركو وما ادري هل ادت المعنى ام لا بس هي محاولة
وهاك ده مسدار تاني
داك المنتدى بي نورو لاح شفناهو
لامي الناس هديل كل واحد مع دنياهو
بي السمح والعديل الحكمة ما بتخطاهو
كل الناس اخوان ما اظن في زولا براهو
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: مســـــــــــــــــــدار + مســــــــــــــدار

مشاركة بواسطة شـهد الكلامـ »

تسلم اخوى مهند على التوضيح بس دايما فى المدح العام بنوصف الجماعه بناس الحاره عشان كدا وقفتنى ....


لامن نكتب الكلمه العديل معناها
لابد من تصل مهما يطول ممشاها
خليك من ناسا ......اللولوه بتختاهاااا
ماشييين التقول فى خط مستقيم راسمه لى دنياها
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

الليلة الكي بورد لاح نسامو
من سوداني زاع لي لذيذ انغامو
ياربي الكريم تطؤل ايامو
بي جاه النبي دايما عديلة اقدامو
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

الخبر الاكيد جابوهو في الدغشية
السوداني داك سيدجمال وحنية
يعدل للدرب ويكرم المية
وان خربت كمان بعدل النية
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

شهد الكلام الديمة واسعة دايرك
ورينا كيف نوصل وكيف اخبارك
وفي السوداني كايسنو تب شمارك
الجلسة الجاية فوق دارك

ليه ما نزيد الكلام ونجيبا محنة
نجلس في النجائل زي حور الجنة
نوصل مهند وكمان يعرفو اهلنا
في السوداني ناس بلد باصلنا
صورة العضو الرمزية
الاغبش
مشاركات: 119
اشترك في: الخميس 2007.3.1 2:05 pm
مكان: السودان

رد: مســـــــــــــــــــدار + مســــــــــــــدار

مشاركة بواسطة الاغبش »

حلاة القدلة فوق صيدةً اسمها حليمه
يطوطِح كفلها الناس النفوسها سليمه
ترعاها العيون ساوات ضميرها وليمه
انكسر اللجام ركَّبنى فيها جريمه

رِكِب لِك فوق جموحاً ما بتدور الَّلكه
جيتِك كارِف المحلب بدور الدِّلكه
من جخنوب دروبِك ما بخاف والشِّبكه
دحين يا ام رشيم ارجينى فوق الدَّكه

نهدا دق تبل ماهو المدوشش قرو

يلعب حردفى توو المراقد ترو

فى بوش العصير الناس يقوموا يبرو

فوق ندادها كرباج النصر بتورو


لخلوخة تقوم مسايسه ومفروقه

بين التقنتين دفق البصير ماروقه

ان جلست معاك وان سمع منطوقه

على المشببات بلحيل بعيد معلوقه

حسرورن زمان انا ضيقنبو خلاقى

طول الليل مساهر وعينى ما بتلاقى

من فرط البجينى الهجعه بالعراقى

وين ما ادور اغلق فوقى يصبح باقى

يلا منو البقوم كدي وينعدل ويغني وينم فوق ام هبج وصاحباتا
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مســـــــــــــــــــدار + مســــــــــــــدار

مشاركة بواسطة احمد يس »

والله لو بنعرف شعر كنا شاركنا معاكم
لكين الشعر داير له ناس من شارواكم
الوزن والقافية ديل سلواكم
ونحنا علينا نقرأ ونستمتع اللى بتكتبه يمناكم
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: مســـــــــــــــــــدار + مســــــــــــــدار

مشاركة بواسطة شـهد الكلامـ »

احمد يس محاوله ممتازه ياراجل دا وانت ما بتعرف لو بتعرف كان حصل شنو؟؟؟ خايف من العين؟؟؟ :blink:

اليوم نص مارس على الاحبه رجعتا
سجـــــلتا الدخول وباسم الله استفتحتا
رحبت بكاتمة حزنها من قلبى ليها ارتحتا
ربنا يا كريم علينا ما تدلينـــــــــــــــــا
لمنتدى السودان ارفع دوام طاريــــنا
الاغبش حباب كلماتك دايما تعبر وافيا
قدراتك ممكنه بالحرف والقافيـــــــا
يس مرحب بيك فى دارا بالحيل بالكرم تب كافيا
أضف رد جديد

العودة إلى ”همس القصيد“