بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
جبت ليكم الليلة أمثال سودانية ان شا الله تعجبكم...
الباب البجيب الريح سدو واستريح
الماشاف البحر تخلعوا الترعة
المال تلتوا ولا كتلتوا
القلم ما بزيل بلم
القرد في عين امه غزال
سمح الغنا في خشم سيدو
الولادة صغرة والمشي صباح
قلبي على جناى وقلب جناي على حجر
درب السلامة للحول قريب
تعيس الحظ يلاقي العضمة في الفشفاش
البيرقص ما بيغطي دقنو
بليلة مبشر ولا زبيحة مكشر
الما كلوا الدبيب يخاف من جر الحبل
الخير في الملعون زي الشرة في القندول
الجمرة تحرق الواطيها
المايهدي الكريم تعبان
البفكك من اكل التوم قل اكلو
الراجل افجخي بصلة قبل ما يبقي اصلة
رزقاً تكوسلوا ورزقا يكوسلك
الما بتلحقو جدعو
الخيل تجقلب والشكر لى حماد
الفى بطنو حرقص براهو برقص
العيش يلف أخيرا يجي الطاحونة
التسويهو كريت تلقاهو في جلده
جلداً ماهو جلدك جرو بالشوك
الخير في المنعول ذي الشره في القندول
التدورو والتابه بيجي يوم تكوس للمه ما تلقى
اللستحوا ماتوا
البتسويهو بإيدك يغلب أجاويدك
******************************
م.....
ما تحرموني من ردودكم الحلوة يا حلوين...
امثال سودانية...
المشرف: بانه
رد: امثال سودانية...
يسلموووووووووووو
- فرحة العسولا
- مشاركات: 390
- اشترك في: الثلاثاء 2007.7.3 2:44 am
- مكان: حنبنيه البنحلم بيه يومايى
رد: امثال سودانية...
مرت على الامثال دى من قبل لكن اغلبها
مافهمتو
ومذيدا من التقدم ياحلوه
مافهمتو
ومذيدا من التقدم ياحلوه
رد: امثال سودانية...
مشكورةوالله ذكرتيني بالوالد لما يقولي الخير في الملعون زي الشرة في القندول ههههههههههههههه
رد: امثال سودانية...
انتى يااحلى دلع ابوك بقول كده ليك انتى؟؟؟؟
.
.
رد: امثال سودانية...
فرح العسولا واحلى دلع وحمودي...
صراااحة بهدي ليكم باقة شكر عظيييمة لكونكم أكتر وأول من يرد على مواضيعي...
وكمان بتردوا رد رااااااااااااااائع -ماشا الله- الله يوفقكم دوووم..
صراااحة بهدي ليكم باقة شكر عظيييمة لكونكم أكتر وأول من يرد على مواضيعي...
وكمان بتردوا رد رااااااااااااااائع -ماشا الله- الله يوفقكم دوووم..