غدا بمشئية الله سبحانه وتعالي الجمعة الموافق 20 /3 / 2015 معزوم غداء عند اخوي الكاشف ضلع عدييل كده ( اممممم ) يغني عليه وردي اغنيته المشهورة (يانور العين انت وينكوين) وفي رواية اخري يغني عليها مصطفي سيد احمد (السمحة قالوا مرحلة ) نسبة للرحول الذي سوف تشهده الضلعة من الصينية الي موقعها الرسمي وهي الكريشة باذن الله
وعليه سوف اقوم انا شخصي الضعيييف بعمل الاتي
اتطشف من المرفقين الي الركبتين
اسرح شعري بخلال
امسح شعري بثاني اكسيد المنجنيز المهدرج
اعاين في المراية واتبسم واغني الليلة وييين حن علي يالمسافر
اللبس جلباب فضفاض عشان المهلة سمحة
اشتري عدد علبة واحدة بيبسي دايت لزوم الهضم وكده
اشيل معاي كيس نايلون لو قدر الله ماقدرت التهم كل الضعلة اختها في الكيس واجيبه معاي البيت اصلو التبزير ماحلو بعيد عنكم
اشيل معاي ورقة وقلم عشان اكتب ليهم بيتين شعر لكرمهم الفياض لاني بعد الوجبة دي مش حاقدر اتكلم وتكون اللغة السائدة هي لغة العيون باذن الله 2
سوف ادون جميع ارقام الهواتف النقالة حقتي حتي يتسني للكل في حالة لاقدر الله ماقدرن كرعيني يشيلني بعد الوجبة الدسمة واسعافهم لي ف اقرب وقت ممكن
واخيرا...
عاوز اكتب وصيتي هنا k:
اذا قدر الله والامور مشت كما خططت له يبقي الحمد لله علي كل حال
اما اذا تم التلاعب في ضلعتي من قبل اصحاب الوليمة ارجوا من الاخوة في منتدانا الغالي عمل مسيرة هادرة لبيت المذكورين تشجب وتدين هذا العدوان السافر علي حقوقي وممتلكاتي 45 55 45 55 45 55
والله اكبر والعزة للكريشة
ذات الشجون كتب:وينك يا المسال ما جيت وريتنا اخبار الضلعة شنو
ان شاء الله محل ما يسرى يمرى
هلا وغلا اها جيت لكن انا من امبارح احبي حبيان لحدي ماوصلت بيتي الكريشة كانت متنبلة علي قول الجنوبي الكان جعان قال انا كنت فاكر الكرعين شايلات الكريشة لكن لقيت الكريشة هي الشايلة الكرعين
من بالليل طبعا ضبطت المنبه علي 8 ونص صباحا عشان شيطان افكاري قال لي ممكن الناس ديل ممكن يفطروا بيها ويخلو لسانك ملح ملح عشان كده قال لي افطر بيهم قبال مايتغدوا بيها ررررن رررررن المنبه صحاني بالرغم اني اصلا قبلو بنص ساعة شفتو قلت ممكن يكون خرب ولاحاجة المهم لمن رن حمدت ربنا ثلاثا وكبرت ثلاتا وجريت جري شلت الليفة والصابونة وديك يا الاندعاكة بقيت آلآلي زي بدر دورين ادور وقلت كده لبست جلابتي الماخمج واتعطرت بباقي ريحة كده كنت داسيها من عامن اول نسبة للمناسبات الذي دي شيييطك شييطك كم بخة كده لمن انوفي عطسسس عطسسس عطست اتاريها اتخمرت شديد من كترة التخذين لكن قلت اكان كتلتني مابخليها 45 55 45 55
المهم قلت هسع الساعة صارت 9 اتصل علي الجماعة ديل ولا امشي تووووشك واخدهم علي خوانه لكن قلت احسن حاجة اشيل مصلايتي واصلي جنبهم باقي جنبهم مسجد كبير اصلي الجمعة وفي نفس الوقت اراقب المصلين عسي ولعل اخوي الكاشف يجي واختو في العدسة عشان مايهرب مني وفعلا مشيت وانا من الساعة 9 ونص كده في المسجد انا والفراش البنضف الجامع لدرجة انو استغرب يازول مالك جاي من بدري كده قلت ليه اشتغل شغلك وخليك في حالك ( لي مأرب اخري انت مابتدري بيها ) المهم فعلا كلامو بقي يزن لي في اضني قلت فعلا انا جيت بدري لكن برضو مامشكلة كلو يهون في درب الضلع ده اصلو مابمشي مسكت المصحف وقريت الكهف وآل عمران ويسن و كم سورة كده والزمن ده ماعاوز يمشي ولاحد عاوز يجي لدرجة خطرت علي بالي فكرة قلت امشي امسك المايك واذن براي اكان البشريه دي تجي لكن تاني لعنت ابليسي وقلت يازول اقعد رايق ساكت ماياها كلها كم ساعة والصلاة بتخلص وامشي علي مرادي . في الحقيقة قلقت شديد وقلت ممكن الجامع ده بصلي متأخر وبعدين دي مامشكلة عديييييل كده اها امشي لمسجد تاني ولاشنو تاني قلت لالالالا ممكن يصلوا قبالي وداك يأخرني احسن حاجة اكون هنا وفعلا شويه شويه كده الناس بدأت تجي قربت اقوم اسلم عليهم واحد واحد بعد شويه المسجد امتلأ شديد لدرجة انو لقيت نفسي في اول الصفوف والناس وراااي عييييييييييييك كتاااار خلاص ولا اخفي عليك مسكتني وجع رقبة شديدة الله لا وراك ليها من كترة التلفت عشان اراقب اخوي الكاشف الماجا ده ..... وفجاة كده
الواجب البوديك تعسكر في المسجد دا (نداء الوطن) ولّ شنو ؟؟ 45
سوووما تانين
الناس البتشيل معاها المصلاية لصلاة الجمعة ديل ناس (مهما هم تأخروا فإنهم يأتون) مع الاقامة 45
والعطر البخليك تعطس معناتو نسبة الكحول كتيرة .. وكترتو يعني رخيص
المهم تكون جيت محمّل بالدوف وظافر في هذه المهمة المستحيلة ..
وتشيل بطنك مرة أخرى كرعينك .. لوليمة كاربة في القريب العاجل
تلُفُّتك في المسجد اداني احساس إنك طالب زولك دا وجبة وخايفو يزوغ 45
غايتو العزومات يخلوها ليك
وكت بتفرح بيها كل هذا الفرح
هلا وغلا اها جيت لكن انا من امبارح احبي حبيان لحدي ماوصلت بيتي الكريشة كانت متنبلة علي قول الجنوبي الكان جعان قال انا كنت فاكر الكرعين شايلات الكريشة لكن لقيت الكريشة هي الشايلة الكرعين
الواجب البوديك تعسكر في المسجد دا (نداء الوطن) ولّ شنو ؟؟ 45
سوووما تانين
الناس البتشيل معاها المصلاية لصلاة الجمعة ديل ناس (مهما هم تأخروا فإنهم يأتون) مع الاقامة 45
والعطر البخليك تعطس معناتو نسبة الكحول كتيرة .. وكترتو يعني رخيص
المهم تكون جيت محمّل بالدوف وظافر في هذه المهمة المستحيلة ..
وتشيل بطنك مرة أخرى كرعينك .. لوليمة كاربة في القريب العاجل
تلُفُّتك في المسجد اداني احساس إنك طالب زولك دا وجبة وخايفو يزوغ 45
غايتو العزومات يخلوها ليك
وكت بتفرح بيها كل هذا الفرح
الواجب البوديك تعسكر في المسجد دا (نداء الوطن) ولّ شنو ؟؟ 45
سوووما تانين ده واجب اجتماعي وامن اقتصادي
الناس البتشيل معاها المصلاية لصلاة الجمعة ديل ناس (مهما هم تأخروا فإنهم يأتون) مع الاقامة 45 ديل ناس لو ماعملت ليهم كده حقك بضيع ساااكت اسأل مجرب
والعطر البخليك تعطس معناتو نسبة الكحول كتيرة .. وكترتو يعني رخيص لالالا مارخيص لكن مالقيت لي مناسبة حلوة عشان اتعطر بيه
المهم تكون جيت محمّل بالدوف وظافر في هذه المهمة المستحيلة ..
وتشيل بطنك مرة أخرى كرعينك .. لوليمة كاربة في القريب العاجل
تلُفُّتك في المسجد اداني احساس إنك طالب زولك دا وجبة وخايفو يزوغ 45 يزوغ وين ياحبة انا مترصد ليه في كل حتة واهو الحمد لله جبت حقي وجيت
غايتو العزومات يخلوها ليك
وكت بتفرح بيها كل هذا الفرح
حقو أعزمك في شيراتون عشان يجيبوك بالاسعاف 45 45
ماكل العزومات بتفرح يعني لو عزموك ناس وطلع ابوعديس اها تعمل شنو تبكي ولاتقول ليهم انا صاااائم عزومة من عزومة تفرق والواحد بكون ملم بتفاصيل الوليمة قبال مايمشي عشان غدر الزمن وكده وماتبقي عليك ميتة وخراب ديار
ايواااا قاعدة تضحكي كده وشمتانة علي صاااح لكن ده برضو مابحلك من العزومة اها جهزي نفسك ساكت وبلاش من الفول والطعمية اصلها بعيد عنك بتعمل لي كاروشة في الاثني عشر احترموووونا ياعالم
يعتبر أبوعديس حالياً طبق صديق للبيئة (عشان تكون عارف بس)
أما الكوليسترول العامل ليك أم فريحانة دا
ياهو ذااااتو الميتة وخراب الديار (عشان تكون عارف بس)
نهارك قشطة ياباشا اول حاجة وتاني تعال ناخد الموضوع ده بالعقلانية كده لوقدر الله اتوفيت بسبب ضلعة وكده الناس يقولوا مات سمين ومتين وموته السعادة والسرور لكن لوكتلك اوبعديس يقولوا عليك والله ده راح في الكازوزه واحسن يكتلك الضلع ولايكتلك ابوعديس شفت كيف علي قول هناية
نهارك قشطة ياباشا اول حاجة وتاني تعال ناخد الموضوع ده بالعقلانية كده لوقدر الله اتوفيت بسبب ضلعة وكده الناس يقولوا مات سمين ومتين وموته السعادة والسرور لكن لوكتلك اوبعديس يقولوا عليك والله ده راح في الكازوزه واحسن يكتلك الضلع ولايكتلك ابوعديس شفت كيف علي قول هناية
كلام العزّابة ظاااااهر
نفسهم ومنى عينم يعزموهم يوم الجمعة
يا زول بركة في الضلع الفكاك من أبوعديس
أساسا الكتير مسيخ
وأظنك عصرت على العدسكو شديييييد لامن خلاك تحتفي بكتلة مأسسة كالتي بين ظهرانينا 45
اخوك نباتي
أتناول جميع الخضروات .. ما عدا البرسيم 45
كلام العزّابة ظاااااهر
نفسهم ومنى عينم يعزموهم يوم الجمعة
يا زول بركة في الضلع الفكاك من أبوعديس
أساسا الكتير مسيخ
وأظنك عصرت على العدسكو شديييييد لامن خلاك تحتفي بكتلة مأسسة كالتي بين ظهرانينا 45
اخوك نباتي
أتناول جميع الخضروات .. ما عدا البرسيم 45
العزوبية احلي منها ماااافي عدس عدس يالعزابة بس تموتوا مغص يا العزابة يازول انت نباتي بالجد ماليك في الضلع واللحوم اكان كده نص حياتك ضائعة كدي حاول تتلم ليك علي عزابة عشان يشهوك اللحم زاااتي