يوميات الحاج متذكر & منوفلي

المشرف: بانه

صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

يوميات الحاج متذكر & منوفلي

مشاركة بواسطة waya »

هييه, يا منوفلي
والله أيام يا زماااان ,,

" الحاج متذكر متكئ على عنقريب في ضل دكان ودابنعوف العربي وبجواره صديق عمره (منوفلي ) يدردم في سفة , وشحطها في قدومه دقااار , وأخد ليهو شمه من الكيس الكبير , قبل ما يرجعه في جيب الجلابية التي تدل على فلسه الفاحش ,,,,واتصلح في قعدته مع الحاج متذكر ,,


: فاكر يا منوفلي البنية أم شلوخ المداقرني فيها زي الدوري الممتاز , أهاا طلعتنا من الدنيا وسقطها
قالت أخير أولاد حلتي " أنتو شمشارين " بكرة ألقى خبري في الرويكيبه دي ,,
هييه والله زمن ..

: علا يا منوفلي , الجنا أبورويس ده طلع ماسورة كبيرة خلاس ,,,
عزمني لي عرس أخوه قبل ما يجي البلد ,
ويومه الوصل ما قصر جر لي سلك ,
وتاني عمل فيها تلفزيون السودان بعد 12 بالليل
بقينا نسمع أخباره من ناس صوفيا بت الهراف , وبكور الشمري
يومين وعما تُل من البلد ,,, بعد مــــا..
غايتو باقي الخبارات لو قلتها هنا بتقفل لينا الدكان ده
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: يوميات الحاج متذكر & منوفلي

مشاركة بواسطة Hoomy »

الدنيا ام قدود ياجنا
صبحتنا زي كوم المرارة كل حتة من جهة
علا يامنوفلي ياخوي شبابك راح هدر كع
البنية تاني شن بتشوف فيك
راسك الحفيان
ولا جيبك العدمان
ارجي الراجيك ياخوي
هههييييي كع
صورة العضو الرمزية
محمد نعيم
مشاركات: 9345
اشترك في: الجمعة 2007.5.18 10:35 pm
مكان: البلد الامين

رد: يوميات الحاج متذكر & منوفلي

مشاركة بواسطة محمد نعيم »

عفيت منكم

ودا الناقص يا جماعة

من زمان كايسين لمنوفلي

هيع


كع
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: يوميات الحاج متذكر & منوفلي

مشاركة بواسطة ahmedBolbol »

والله ايام لكن اها واصل وليك وحشة يامنوفلى
بس ماعجبنى قصد صحبك هومى ده
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: يوميات الحاج متذكر & منوفلي

مشاركة بواسطة ابن عوف »

waya كتب:هييه, يا منوفلي
والله أيام يا زماااان ,,

" الحاج متذكر متكئ على عنقريب في ضل دكان ودابنعوف العربي وبجواره صديق عمره (منوفلي ) يدردم في سفة , وشحطها في قدومه دقااار , وأخد ليهو شمه من الكيس الكبير , قبل ما يرجعه في جيب الجلابية التي تدل على فلسه الفاحش ,,,,واتصلح في قعدته مع الحاج متذكر ,,


: فاكر يا منوفلي البنية أم شلوخ المداقرني فيها زي الدوري الممتاز , أهاا طلعتنا من الدنيا وسقطها
قالت أخير أولاد حلتي " أنتو شمشارين " بكرة ألقى خبري في الرويكيبه دي ,,
هييه والله زمن ..

: علا يا منوفلي , الجنا أبورويس ده طلع ماسورة كبيرة خلاس ,,,
عزمني لي عرس أخوه قبل ما يجي البلد ,
ويومه الوصل ما قصر جر لي سلك ,
وتاني عمل فيها تلفزيون السودان بعد 12 بالليل
بقينا نسمع أخباره من ناس صوفيا بت الهراف , وبكور الشمري
يومين وعما تُل من البلد ,,, بعد مــــا..
غايتو باقي الخبارات لو قلتها هنا بتقفل لينا الدكان ده
الغالى والحبيب


دوما فى البال



بس قفل على كدا
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: يوميات الحاج متذكر & منوفلي

مشاركة بواسطة مرسال الشوق »

يدردم في السفة
التنبلولللللللل
اها قول قول
وهادي تفرجخة
:040:
صورة العضو الرمزية
بنت الحلفايه
مشاركات: 266
اشترك في: الخميس 2008.8.7 6:45 pm
مكان: ليبيا
اتصال:

رد: يوميات الحاج متذكر & منوفلي

مشاركة بواسطة بنت الحلفايه »

بجد موضوع جميل
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: يوميات الحاج متذكر & منوفلي

مشاركة بواسطة waya »

hoomy كتب:الدنيا ام قدود ياجنا
صبحتنا زي كوم المرارة كل حتة من جهة
علا يامنوفلي ياخوي شبابك راح هدر كع
البنية تاني شن بتشوف فيك
راسك الحفيان
ولا جيبك العدمان
ارجي الراجيك ياخوي
هههييييي كع
الحاج ود النعيم ومنوفلي مخرمين بي زقاق عمك الزوحي ...


والله يا منوفلي يا أخوي : الزقاق ده شهد تسجيلات ختيره خلاس
أمس القريبة دي [grade="00008b ff6347 008000 4b0082"]الحاج متذكر[/grade] صاحبك مسجل فيهو ريده ......


منوفلي مستهجن ومستنكر ومندد ومتعكر ذاتو
: ده , الجنا ابو صنقيط ده !!
ده شغال تسجيل في الناشئين يا راجل , بس أنا علي بالتلاته من أم شلوخ
ماني سايبو , وكان ما مسكتو ليك من رقبتو البتوجعو ما أكون ود الشيخ الحلاوي



: أهاااا يا [grade="00008b ff6347 008000 4b0082"]الحاج متذكر[/grade] ,,, كيتاَ فيك البنية عايزة تقرأ
قووم إتخمد ,أمشي نوم ولا شوف ليك بلا يخمك
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: يوميات الحاج متذكر & منوفلي

مشاركة بواسطة ود الخير »

السلام عليكم
هسى ما كنت فى مرقت مشيت وين
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يوميات الحاج متذكر & منوفلي

مشاركة بواسطة فارماس »

انتو في البنية ام ضفيرات ناطاط ذي قرون الشطة دي

ولا في منوفلي الطش من البلد قالوا الايام دي شايل سيفو وحايم

بفتش لبخيتة بت عوض الجيد الكاسرة فيه سبعطاشر ضلعة ومبوظة ليها كلوة ونص

وقاطعة فيه مصرانين .

طبعاً الشمار ده عند وايا بلحق حدو تب انا مشفتش حاجة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: يوميات الحاج متذكر & منوفلي

مشاركة بواسطة waya »

الحاج متذكر , مولع ليهوحاجة كده غايتو من النوع أياهو ,, ويوزع في البسمات ساااي
بسمات من يعلم ببواطن الأمور ,,
جر ليهو نفس طووووويل وتبعه بي شهقة خفيفة ,
وكتم الدخان شوية كده في رويسه عشان ياخد زيادة مفعول في الطاسه الصعب تعميرها دي ..

: والله يا منوفلي ,
الجنا مش طشه , قالو إختارلو حاجة كده اسمها " المنفى الإختياري "

حاكم البنية أم ضفائر دي حابه ليها واحد كده جهجه ليها حكاية الرجال دي في راسها
ومن يومها شغاااالة شواكيش سااااي , أهوالجنا أب صنقيط ده وأحد منهم ,,
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يوميات الحاج متذكر & منوفلي

مشاركة بواسطة فارماس »

لكن يا الحاج اخوي الجني ابو صنيقير ده كان قال كدي ضرب ليه راس كدوس

والدخان كتم ليه في رويسو بعدم الحلة اسم البنية .



انت عارف يا الحاج عملية الشواكيش دي ذي نظرية تحب انت ويخش غيرك
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: يوميات الحاج متذكر & منوفلي

مشاركة بواسطة ahmedBolbol »

:
ناس الحاج منوفلى
سلام

اسبوع العطاء والتقدير والحب والشكــر لمجـهوداتــ اعضــاء المنتدى
ضيفنا حبيبنا الغالى وحبيب الكل

ودابنعـــــــــــوف
فى انتظار مشاركاتكم
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: يوميات الحاج متذكر & منوفلي

مشاركة بواسطة waya »

: يا منوفلي ياااخ ما عذبتنا

اسبوع اسبوع اسبوع ... :004: :004: :004:

: هااا يا الحاج أخوي ,,
اسبوعي ده تلاته أيام بس , خالي من الجمع والعطلات الرسمية
وبعدين النصيحة لي الله , بدورلي دبورةً تانية مع نجيمتي الحمرا دي :040:

: والله يا منوفلي
أنت ده بالذات مفروض يدوك نقيب عدييييييل كده THUMBUP.gif
وأنا كان من المشرف العام ده ..
أعمل توجيه آلي , أي عضو يسجل دخول
تووووووش كده ده يلقى نفسه في باب الاسبوع بتاعك ,, happy0005.gif
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: يوميات الحاج متذكر & منوفلي

مشاركة بواسطة ahmedBolbol »

[align=center]اخخخخخخخخخخخخخ انا منك يا الحاج اخوى
نعمل شنو ده حال الدنيا وقالو فى انتخابات
قلنا نحرك سوقنا شوية..

انت بس خليك متابع
اسبوع اسبوع اسبوع...

لكن يا الحاج اخوى
جانى شمارك والله لو طلع صح الشمار ده
صدقنى بالجد حزعل منك
بس ربك اكضب
الشينة[/align][/size]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: يوميات الحاج متذكر & منوفلي

مشاركة بواسطة waya »

هايامنوفلي أخوي ,,,,

شماراً مني يهمك مااافي ,, إلا عاد لوفتنوك فيني " والفتنة أدهى وأمرّ "
زي المرة الفاتت دخلوك بي جاي وبي جاي ,,, لقيت نفسك لا في العير لا في النفير


أها يا أخوي النصيحة لي الله ,,,
ودعتك لي الله ,,, بس لو سمعت حاجة
أدنا الخبر ,, النتسمع معاك ساااي كده شماراً لوجه الله
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: يوميات الحاج متذكر & منوفلي

مشاركة بواسطة waya »

الحاج متذكر ,, حايم في سوق الجمعة " يهمبت كيس الخضار " من الجماعة الطيبين
وبعد عبأ الكيس كويس , خرم ليو بي زقاق كده " لقى ليهو نيمه باااردة كده تحتها مزيرة , عرقانه من الرطوبة والطرتيبة "
اخد ليهو كوزين كده , واتحكر تحت النيمة , وطلع حقته المضبلبه , وتكل ليهو سفة كاااربة كده , وشخص بي بصره بعيد وقعد يجتر في الذكريات :
" يا حليل الحلة دي وناسها , كنا انا ومنوفلي أخوي نمسكها سهرة كده تحت ضوء القمر , ونتغزل في الصيد النافر , وعلا الجكسي يجي زرافات زرافات , بس البنية أم خدود ديك , من لون توبها كنا بنلقطها و وهاك يا انسداحه في العينين والكفل والبسمه التقول برق القبلي ووووو ... علي بالطلاق منوفلي ده يفنجل عويناتو , ويكب في الشعر سااااي وو .... و " بسم الله إبتدينا بيك يا حي يا معينا " طبعا دي رنه موبايل الحاج متذكر ,, التي جعلته يعود لأرض الواقع ..
ألو ..
الحــــاج , وانت جاي جيب معاك عيش .. غنمايه عوضية تاني أكلت الكسرة ..
:الله يكسر راسك يا ولية ...
قلت شنو يا الحاج ؟
:قلت كويس ..

" الحاج متذكر , خرج ولم يعد حتى الآن .... " !
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: يوميات الحاج متذكر & منوفلي

مشاركة بواسطة ابن عوف »

ايام لها ايقاع

واصل يا مبدع
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: يوميات الحاج متذكر & منوفلي

مشاركة بواسطة السنبلاية »

الاضافة الحلوة دى هدية من السنبلاية .. لزول المبدع وايا ...!!؟؟


كسير تلج مـــــــــ :d: ــش :yar:


كع الحاج مذكر ...!!؟؟ :yar:


مرحبا بكم في طيران شهر رمضان رحلة رقم 1434 هجرية

والمتوجهة إلى مغفرة الله ورضاه ، ستستغرق الرحلة من ٢٩ إلى٣٠ يوم


ومدة الرحلة من ١٥ إلى ١٦ ساعة في اليوم


هذه الرحلة خالية من الدخان والمعاصي أياً كان نوعها ونرجو من المسافرين الكرام ربط حزام الإيمان والتقوى وطي كل أشكال الحرام والشبهات تجنبا للمطبات أثناء الرحلة.


قائد الرحلة القرآن الكريم والتقوى يتمنون لكم رحلة سعيدة موفقة مليئة بالصبر والتقوى لكي تفوزوا برضا الله سبحانه وتعالى ،،،،



الحاج مذكر فى رمضان ...!!؟؟

ممنوع اللهت فى نهار رمضان يا المنوفلى ...!!؟ :yar:
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: يوميات الحاج متذكر & منوفلي

مشاركة بواسطة ابن عوف »

السنبلاية كتب:
الاضافة الحلوة دى هدية من السنبلاية .. لزول المبدع وايا ...!!؟؟


كسير تلج مـــــــــ :d: ــش :yar:


كع الحاج مذكر ...!!؟؟ :yar:


مرحبا بكم في طيران شهر رمضان رحلة رقم 1434 هجرية

والمتوجهة إلى مغفرة الله ورضاه ، ستستغرق الرحلة من 29 إلى30 يوم


ومدة الرحلة من 15 إلى 16 ساعة في اليوم


هذه الرحلة خالية من الدخان والمعاصي أياً كان نوعها ونرجو من المسافرين الكرام ربط حزام الإيمان والتقوى وطي كل أشكال الحرام والشبهات تجنبا للمطبات أثناء الرحلة.


قائد الرحلة القرآن الكريم والتقوى يتمنون لكم رحلة سعيدة موفقة مليئة بالصبر والتقوى لكي تفوزوا برضا الله سبحانه وتعالى ،،،،



الحاج مذكر فى رمضان ...!!؟؟

ممنوع اللهت فى نهار رمضان يا المنوفلى ...!!؟ :yar:
[align=center]هوووى السنبلاية
خلاص من هسي عايزة تخلعينا برمضان :d:
ما تجهجهينا لسة علي رمضان
[/align]
أضف رد جديد

العودة إلى ”منتدى الراكوبة“