مكتبة الشاعر اسماعيل حسن

مرجع لفطاحلة الشعراء

المشرف: بانه

حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

بلادي اسماعيل حسن
******
بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره
وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
لو ما جيت من زي ديل..
كان ،أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟


صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

ذات الشامة للعملاق إسماعيل حسن
صدح بها الأستاذ وردي


وحياة الأحلام القلبي سقاها
وحياة أجمل بسمة عرف معناها
وحياة سمرة لونا وحاة محياها
وحياتك
وحياتي عندك
وحياة حبي
النال صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النال صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النال صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النال صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النال صدك
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: مع الشعراء

مشاركة بواسطة ودالدرديري »



حافظ

عمران

القومة ليكم يارائعين
زيدونا من العيار دا وبالزات العميري الله يزيدكم إيمان قولو آمين
يديكم ألف عافية وعافية


وليييييييييييي قدام






و..................الباقي على الله



صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

آمييييييييييييييييين
ويديك الف عافيه يا ود الدرديري
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

القمر بوبا

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

الحنين يا فؤادي - اسماعيل حسن



انا عارفك يا فؤادي
طال عذابك وا سهادي
وا شقاي انا وا عذابي

لم تمر النسمة بالليل
من ديارم تشفي العليل
فيها قصة حبي النبيل
فيها ريدك وريدك جميل

يا نسايم احكي الغرام
ودي ليهم مني السلام
قولي ليهم طال الخصام
قل نومي وعز المنام

وين واشوفك وين يا ضنين
بس فراقك ليه بالسنين
لو عرفت حبيبك أمين
مابتخونو وتهجر حنيني

ياما بعدك شفت الألم
قل نومي وصبري انعدم
شفت دموعي وراك صارو دم
كل ما شدتو معاك انهدم
كلمة وحدة سقتني
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

وا أسفاي ..
وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي

بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

بعد ايه
بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما بقسو عليك
جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

حبيناك من قلوبنا - اسماعيل حسن



حبيناك من قلوبنا واخترناك يا حلو
ماتبادلونا العواطف ليه تدللو

حبينا فيك العفة والدم الشربات
والله العيون خلتنا في حيرة وآهات
وفي ابتسامتك شفنا جنات وجنات
شوف العلينا واحكم كن داير اثبات

كان الدلال من طبعك وعاجبنا فيك غرور
ان جرت برضك عادل ظلم الجميل مغفور
نهواك نفيك في ريدك شايفين ألمنا سرور
نار الغرام تهاجر لقلوبنا توقد نور

أصلو الجحيم في غرامك نرضا عشان يرضيك
حتى المحال ان درت بنطوعو ونهديك
ارواحنا حولك هايمة حارساك دوام تحميك
بيك نورت أيامن والفرحة تمت بيك
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

ريحـــــــــــة التــــــــــــــراب


والله ياريحة التراب

شديتنى للماضى البعيد

عبر الزمان

فى اللا مكان

عبر البكون

جوه اللى كان

مشوار غريب

حفيان

وطيت جمر ام لهب

الروح تهيم

فوق النجوم

والفانى

.. مطمور فى التراب

والله ياريحة التراب

كيفن يكون درب الوصول

لى ساحة ما شقاها زول

من دونى دونك

ألف باب

وكم حجاب

وكم ستور

مندلى يا ريحة التراب

أصلى مليت العذاب

جيتا خايد فى الضباب

شوق ليالى الغربة

فى اعماقى داب

الحنين

جوه جوفى

قصة ما شافت كتاب

الصغيرون..

بى شقاوة الدنيا يا ..يمه شاب

والله يا ريحة التراب

العطش يبس لهاتى

جيت أهاتى

جارى

لى موية الرهاب

والله ياريحة التراب

جيتا تعبان

داير ارقد داير انوم

انسى نفسى

والشقى القاسيتو

فى وادى الهموم

داير ألولى النسمة

بى فرحة صغير كره السموم

والله ياريحة التراب

ريحة التراب. والله يا ريحة التراب

لازم

أوصل مهما كان

أوعى..

!!.. ما توصينى كنا وكان زمان

الزمان

يا أصلى ماليه أمان

ونحن فى ساحاته

!!.. زى خيل الرهان

والله يا ريحة التراب

لازم أوصل مهما كان

حتى كان

سدت سواعد الليل

!!..دروب الكون وما خلت مكان

حتى كان جار القدر

!!.. شدانى فى قاع الزمان

مو ضلام الليل بشيلو

!!.. وبمشى لى فجر الأمان

يا سلاسل القدرة

ما برضى الهوان

بمشى فوق المستحيل

!!..بقدل وبتبختر كمان

لازم أوصل

لى مشاتل ريدى

فى أرض الحُنان

والله يا ريحة التراب
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

مــداين الشـوق
منو البقدر
يوصف لى مداين الشوق
دريبن وين
وبشرح ليه
عن حالن
يكون زارن
وشافن شوف
عديل بالعين
كتير
من قبلنا فاتوا..
وفى درب الهوى ماتوا
ما فيهم فرد ويحيد
رجع فى يوم
يحدثنا يونسنا
يقول لينا
!؟..الدرب بى وين
مداين
قالوا جوه ضباب
!!..على لوح الزمان مقفول
طريقن
خالى..ما مأهول
وبين المشية والجيه
قوافل
!!..طاشة ليها سنين
منو البقدر
يوصف لى
مداين
!!؟..ما مداين الناس
وحُجابن
غلاد وشداد
ومن دونن
سيوف القدره
حارسه الباب
تقرب ليها
تلقى العين
تسافر فى درب مجهول
وترجع
تانى من أول
وتبدا طريق
ما ها بيوت
مفرقه
!!؟..فى التراب الساس
ما بتمس بالايدين
وما بتنشاف
!!؟..بشوف العين
تحسها
جوه جوه الروح
تعاين ليها بالاحساس
مدن قدر البحر ممدودة
!!..لا بتعند ولا بتنقاس
هدير فى لجة المجهول
وقاع اللجه
ياما..حير القياس
بدور واحد
فرد ويحيد
يكون زارن
وشافن شوف
عديل بالعين
مداين
شدّت الركبان
وفاتوا
على الدرب عايرين
مشدودين
ومشدوهين
لدار الغربة مشتاقين
وياما
!!..شفتهن ..خايفين
على وصفن قديم
سمعوهوا
ما مثبوت
بأنك يا مداين الشوق
ربيع خالد
خلود القدرة
!!..لا بيفوت ولا بيموت
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

خاف من الله
خاف من الله على قلبي
من غرامك خاف
زرعت الشوك على دربو
وياما في هواكم شاف قلبي

سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي

خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي

يا قلبي انسى الفات وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

نور العين
قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم ولمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والنغام والعود في ايدي
بحكيلو حكايتي ويعيد ترديدي
واشكيلو همسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

اشتقت ليك
اشتقت ليك ساعة المساء فرد الجناح ولملم مصابيح النهار
والكون شرب لون الجراح والعتمة نامت فى الدروب والليل لبس اجمل وشاح
فى اللحظه اشتقت ليك واحتجت ليك
فى اللحظه والناس بتسئل عن بلاد اصلو مامعروفه وين
ياقلبى لى زول بيئن حاضن الاسىء عبر السنين
فى اللحظه ديك اشتقت ليك شوق السحابة الراحلة
فى جوف الشتاء عطشانه تحلم بالخريف بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك اشتقت ليك واحتجت ليك
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

غرامك نار
لـو غـرامــك نـار أحـب الـنـار ** عـشـــان خــاطـــــر عــيــونــك
مــانــي عـارف كــيــف أطــيــق ** الـعـيـشــــة فـي الـدنـيــا بـدونـك
يـــالــغــــــرامـــــك نـــــــــــــار

**********

قـلـبـي مـاعـرف الـهـــــوي قـبـلـك ** وحـــــــــــــــــاتـــك أولـــــــــو
جـــــه الـحــنـــان ضــم الـحـــنـــان ** بــلــة شـــــوفــنـــا وكــــمــلـــو
إنـــت طــــيــــب وإنـــت يـــــــــاك ** الــطــيـــبــــــة ذاتـــه يـــا حـلـو
الـعــوازل مـــا بـــتــعـــرف بــيــنــا ** مـــــــــهــــــمــــــا أولــــــــــــو
لــــو غــــرامــــــك نــــار أحــب الــنــار
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

عــــــــودة

أوعــــك يــاحــبــيــبــــــــــــي * أوعــــك تــــانــي تـــزعــــل
كــــفـــــايـــة ... كــــفـــــايــــة * عـــذابــنــا الـلــي طـــــــول

********

تــغــمــــرنــــي بــحـــنـــانــك * وتــســــقــيــنــي الـمـحــنـة
أيــــام عــــمـــــري جــنــبـــك * جــنـــة وألـــــــف جـــنــــة
تــايــهــيــن فــي الـعـــواطـــف * لا صــــــــد ولا مــظــنــــة
والــصـــــــابــــر بــيـــلــقـــــي * نـــصـــيــبــــو لـــو تـــانــي

********

كــل الــبــهــجـــــة حـــــولــك * فــــــرحــــان بـالـســــعـــادة
غـــيــر حـــبــــك وحــــاتـــك * مـــــــادايـــــــــــــر زيـــــــادة
أنـــت عــلــيــــك تــــــوحـــي * وعـــلــــي الـــعــــــبـــــــــادة
أصــــلــــو فـــــراقــــنــــا أول * كــان قــــســــــمــــــــة وإرادة

********

شــــوف بــيــتــنــا بــيــضـــوي * والــنـــور مــن شـــــــبــابـــك
عـــشــــــك يــــاحــــبـــيـــبــــــي * بـــيـــقـــــول لــك حـــبـــابــك
وإن كــان لـــفــــــــــــــــــــؤادي * ســـــــايــــــر فــي ركــابـــك
والــدنــيــــا الــعـــريــضــــــــــة * ســــــــاجـــدة لـك فـي بــابــك

********

بـــــــــــاكـــــر يــا حــبــيــبــي * تــبــقـــي حــيــاتــنـــا غـــنــــوة
ونـــــزيــــــــــــد بــصـــغـــيــــر * أو بـــــزهـــــــــــرة حــــلــــــوة
تـــأخــــــذ مـــن جــــــمــــــالــك * وتـــصــــبــح لــيــنــا ســــلــوي
تـــــقـــــول يــابـــابـــا شـــــــوف * شــــــــــوف الـــدنـــيــا حـــلــوة

********
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

لو بإيدي / اسماعيل حسن
لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

أصلو حبي أقوى وأكبر من إرادتي
وانا حاسس في جحيم نارك سعادتي
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

[frame="7 80"]
صدفة/اسماعيل حسن
صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك
[/frame]
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

[frame="2 80"]
غلطة
قاسي قلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه
[/frame]
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر اسماعيل حسن

مشاركة بواسطة سفيو »

حنينة
ياما دربك كنت بفرشو ورد وحنية واماني
ياما عهدك صنتو وما خنت وكان ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي وننسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني
أضف رد جديد

العودة إلى ”وثائق و شعراء“