العم احمد قصة طويلة في فصول

يحتوي على كل أنواع القصص والأحداث الواقعية الشخصية .

المشرف: بانه

صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

العم احمد قصة طويلة في فصول

مشاركة بواسطة ابو الملكات »


بسمالله الرحمن الرحيم
وبه نستعين

الفصل الاول





العم احمد


بطلقصتنا العم احمد والعم احمد رجل ريف ومدينة ولد فى الريف وعاش جزاء كبير من حياتهفى المدينة وذلك لظروف والده الحاج سعد الذي كان يعمل فى المدينة فى احد الدوائرالحكومية فى مهنة خفير ويسكن احد الإحياء الشعبية فى المدينة مع عائلته المكون منالزوجة الحاجة زينب وابنه البكر احمد واخوانه بشير الذى يصغره بعامين وعثمان الذى يصغر بشير بعام ونص وحليمة التى تصغر عثمان ايضاً بعام ونص والصغيرة الحبوبة علوية آخر العنقود خمس اعوام ؟ وكان العم احمد حظه فى التعليم قليل لم يقراء كثيراً الخلوة والكتاب ثم الحياة العمليةولكنه ثقف نفسه بالاستماع للراديو وقراء الصحف اليومية وأيضا الحياة العسكرية التيعاشها أضافت له الكثير وجعلته رجل يعرف كيف يزن الأمور ؟ العم احمد تزوج الزواجالتقليدي بنت العم كما هو معروف زمان البنت الى ولد عمها او عمتها او خالها اوخالتها يعنى الواحد لازم يغطى ماعونه ؟ والخالة سعيدة بت ريف مائة فى المائة يعنىالمدينة لم تعيش فيها قبل الزواج كانت تأتى الى زيارة الأهل وبكتير تأخذ ليها أسبوعمع بنت عمها الحاج سعد حليمة والعودة الى القرية محملة ببعض الأشياء من المدينة حيث صحباتهاينتظرهن بفارغ الصبر حتى يروا جديد المدينة من لبس وأشياء بنات ؟ وكان الحدث الجميلفى حياتها يوم أهداها ابن عمها احمد راديو لتسمع الاغانى وتعرف الأخبار ؟ وعند ما بلغاحمد الثامنة عشر صارحه أبوه بان عليه ان يتزوج حتى يراه الاولاده قبل الممات وانهحجز له بنت أخوه سعيدة وما عليه غير اخذ الإجازة وعمل العرس ؟ والعم احمد كان باربوالديه لم يمانع ؟ وقال لوالده ان شاء الله خير ياابوى خلاص شهر حداشر بأخذ الإجازةونمشى البلد للعرس ؟ فرح أبوه وفرحت أمه وأصبح والديه فى شوق بتين تخلص الثلاثة شهورالباقية للإجازة ؟ وقامت أمه بشراء الاشياء التى يفترض شراءها للعرس وأصبح شغلهاالشاغل زواج ابنها احمد ؟ ومرت الايام والعم احمد فى عمله فى الجيش وكان كل امنياته ان يسافر خارج العاصمة الأبيض والفاشر والقضارف وملكال وذلك لا انه يعمل سائق وكان يحب السفر ؟وحانت اللحظة التي ينتظرها أبوه وأمه موعد الزواج ؟ هنا نتوقف وان شاء الله نكمل البقيةفى المرة القادمة إذا كان فى العمربقية


صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: العم احمد قصة طويلة في فصول

مشاركة بواسطة يقين »

طريقة سرد جميلة ..
ذكرتني جدي الله يرحمو وهو بيحكي لينا عن ذكرياتهم زمان
وعن الحياة وكيف إنها على بساطتها كانت أجمل ،،
أبو الملكات
متابعة ..وإنتظار للقادم
لك التجلة أخي
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

يقين كتب:طريقة سرد جميلة ..
ذكرتني جدي الله يرحمو وهو بيحكي لينا عن ذكرياتهم زمان
وعن الحياة وكيف إنها على بساطتها كانت أجمل ،،
أبو الملكات
متابعة ..وإنتظار للقادم
لك التجلة أخي
استاذتي
الزولة ساى
بنتي عمراً
يقين
اسعد الله اوقاتك بكل خير وفي طاعة الرحمن يارب
تواجدك اسعدني وانتي تقري كلماتي ومتابعة لها واتمنى
ان تجدي مايسرك نعم هذا واقع زمان قبل نصف قرن
والحمد لله وله الشكر لازال هناك الكثير من الماضي
موجود الان ولو كان قليل وهذة سنة الحياة متابعة ممتعة
كل الود والاحترام
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم

وبه نستعين

الفصل الثاني

تم الزواج وكانت أيام لا تنسى فىمخيلته العم احمد كل ما يعاوده الحنين يتذكر تلك الايام الحنة و يوم قطع الرحطوالحفلة وغناء أخواته وبنات الأعمام والخالات وبنات الحلة والفنانة مهدية واحدة منمغنيات المنطقة والتي علمت العروس الرقيص لمثل هذا اليوم تصدح بالغناء واحدالفنانين الشباب جاء من المدينة مع احد أصدقاء احمد فى الحيوشباب الحلة ومجموعة مندفعة العم احمد فى العسكرية وإخوانه بشير الذي يصغره بعامين وعثمان الذي يصغر بشيربعام ونصف ؟ وهناك فى الركن البعيد والده الحاج سعد ودفعته من كبار رجال الحلة الذينيفضلون دائماً ان يكونوا فى المكان البعيد حتى يسترقوا النظر بعيداً عن الحاجات؟ ويتذكر العم احمد كم قون سجلتهم الخالة سعيدة يوم قطع الرحط ؟ وحتى الان عندما يجلسونمع بعض يقول لها انتى سجلتى قونين بس ؟ وهى تحلف برأس ولدها ياسر ابنها البكر بأنهاسجلت اربعة اقوان ؟ ويرد عليها العم احمد هم قونين بس وتانيات خشني صاحباتك ؟ ويضحكون لهذة الايام الجميلة ؟ ويرجع العم احمد ليوم الدخلة وفك الحزامة وحضور سعيدةمع عماتوا الاتنين وخلاته الثلاثة واتنين من نساء القرية الكبيرات لايذكرهم الانالعم احمد المدة طالت جاءوا له بعد الساعة اتناشر بالليل بالعروس وصينية فيهاالضريرة والارياح وشموع والجرتك واللبن وابتدت مراسيم تلك الليلة وضع الضريرة فىرأس العم احمد وربط الجرتك ولبس الخاتم من العين والهلال من ساعة الحفلة موجود فىالرأس ومع اغنيات تلك الليلة وجاء وقت رش اللبن بين العم احمد والخالة سعيدة ثلاثمرات فى وجه الأخر مع ضحكات عماتو و خالاته ؟ وهنا جات اللحظة الحاسمة عند خروجهم ؟قالت له عمته الكبيرة شوف ياا حمد ياولدى تفك الحزامة او تدفع عشرة جنيه وقبل انيخرجوا وياخذوا معاهم اللمبة وعنقريب المخرطة ؟ همست له عمته اسمع ياولد المفتاح شيلوفى جيبك ما تخلى فى الباب ؟ واصبح العم احمد وحيد مع الخالة سعيدة ماحصل سوف نكملهان شاء الله المرة القادمة لو كان فى العمر بقية
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الثالث
وقفل العم احمد الباب والمفتاح فى جيبه حسب وصية عمته وعاد حيث كانت الخالة سعيدةجالسة فى البرش لم يجدها وأصبح يهمس لها سعيدة انتى وين تعالى بس نحل الحزامةوأخليك تمشى ولكن لاحس ولأخبر أصبح العم احمد يدور فى الغرفة المظلمة وللعلم لا يوجدفى الغرفة اى أثاث ماعد البرش بتاع ألجرتك والعم احمد والخالة سعيدة ؟ واخذ العم احمديتحسس حيطة الغرفة بيده ويهمس سعيدة وين انتى وأخيرا سكت العم احمد وبداء يسير فىالغرفة بلا صوت وأخيرا سمع كركبة فى الباب وعرف بان سعيدة فى طريقها للخروج وتحركبسرعة نحو الباب ؟ وشعرت به الخالة سعيدة وهربت للركن الأخر وتابع العم احمدالمطاردة فى نفس الاتجاه ؟ وهنا أيضا اقتنعت الخالة سعيدة لامجال للهروب الباب مغلقوالمفتاح مع العم احمد وفقدت أخر امل لها بهروب وأصبحت إمام الأمر الواقع ؟ وسمعالعم احمد صوت بكائها وعرف أنها استسلمت لقدرها وعندما وصل لها العم احمد ليطيبخاطرها هربت منه جزعة ؟ وهنا تكلم العم احمد مهدي من روعتها ومزيل المخاوف التي فىرأسها وقال لها بحنية هاك المفتاح افتح الباب وامشي وصدقت الخالة سعيدة ابنعمها لانه لم يكذب عليها فى يوم من الايام وجات طائعة لتأخذ المفتاح وتخرج وتنضمالى صديقاتها ؟ وتمكن أخيرا العم احمد من الإمساك بها وأخذت تبكى طالبة الخروج وتحلففى العم احمد عليك الله يااحمد خليني امشي انت ما قلتلى هاك المفتاح يعنى بتكذب علي ؟وقال لها العم احمد خلاص يازولة بديك المفتاح بس احل الحزامة دى انا ماعندى عشرةجنيه وأخيرا بعد جهد جهيد تمكن العم احمد من حل الحزامة وضمن العشرة جنيه فى جيبه ؟ذهب العم احمد للباب ونادي عمته خلاص تعالوا سوقوها ودي حزامتكم ؟ وكان اليوم التانىالصبيحة وكانت أيام أسبوع العرس كلها جميلة أولاد أعمامه أتنين واحد ود عمتهوواتنين أولاد خالتو واتنين أولاد خيلانو كل يوم خروف على واحد تم الأسبوع ؟ وجاء وقتالعودة الى المدينة والإجازة باقي فيها ثلاثة أيام اتركم وان شاء الله لو كان فىالعمر بقية سوف نواصل بداية الحياة الزوجية للعم احمد ورفيقة كفاحه الخالةسعيدة
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم

وبه نستعين
الفصل الرابع
عادالعم احمد الى المدينة مع عروسته بنت عمه سعيدة وكان والده قد سبقه بيومين الىالمدينة وعند نزول العم احمد وعروسته من العربية التي أقلتهم من القرية الى المدينةوقام والده بذبح خروف فرحاً بقدوم ابنه البكر وعروسته وتعالت الزغاريد من نساء الحيمشاركين والدته الفرحة بعودة احمد وعروسته ؟ وبعد صلاة المغرب جاء بشير أخ احمد وهويحمل الرتينة وقال لآخوه عثمان الأصغر أمشى الطابونة جيب الرتينة حقت عمك طهوالجاز من الدكان وما تنسى الزبيرتو وجرى عثمان فرحاً لإحضار الرتينة ومعه أصحابهمن أولاد الحي وهنا قال بشير يا أخوى الجماعة شباب الحي عاملين ليك حفلة وطبعاًبكرة الجمعة ونحنا ما عندنا مدارس وكمان أصحابك ناس كمال والطيب هم زاتهم جابينمعهم فنان جديد غير حق العرس وارتاح العم احمد لهذه المفاجئة السارة ؟ وكان والد العماحمد حاج سعد سعيد مع بعض من أصحابه بقدوم ابنه البكر مع عروسته بنت أخوه ويضحكمبسوط ويسف فى تمباكو اصلو الحقة مليانة سعوط ؟ وقرر حاج سعد بان ينوم الليلة الأولىلولده احمد فى البيت مع جاره وزميله فى الشغل حاج بانقا فى بيتو المجاور لبيت حاج سعد ؟والحاج سعد فى ونستو ديك مع رجال الحي جات بنته الكبيرة حليمة ؟ وقالت ليهو يأباهعاملين حفلة لى أخوى احمد ؟ وتبسم الحاج سعد ؟ وقال ليها اها انتى دايرة شنو ؟ وترد دايرةحاجات من الدكان ؟ قال ليها خلاص رسلي أخوك عثمان دكان حاج عثمان يجيب ليك الانتىدايره ؟ وهناك كانت أخته الصغيرة بتلعب مع صحباتة وآخر فرحة ؟ وكانت الحاجة زينبمبسوطة وهي تدخل وتمرق شغله ومن غير شغله فرحانة بوصول ابنها البكر وعروسه بنتأختها والتي حضرت مع بنتها عشان تساعد أختها ام احمد فى الايام الأولى للعروسةبنتها وكمان تتفسح شوية فى المدينة ليها مدة طويلة ما جات آخر مرة يوم ولدت أخته ابنتها الصغيرة علوية المسمي على أمها الله يرحمها يعنى خمسة سنة ماجات ولا شافتالمدينة ؟ طبعاً ظروف القرية تختلف عن الحياة فى المدينة هناك الغنم وفزعان لجمعالحطب وهلموا جرة نقف هنا وان شاء الله لو كان فى العمر بقية نكمل المرةالقادمة
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الخامس
قامت الحفلة وتجمع شباب الحي وكانت من الليالي التى لاتنسى فى حياة العم احمد والخالة سعيدة وغنى الفنان الشاب من اغنيات الحقيبة واغانى الفنانين الحديثين واغنياته الخاصة به ورقصت العروسة وتبارن بنات الحى فى الرقيص ؟ والعم احمد بسوطه يهز فى البنات والشباب وتسمع الزغاريد والبخور مالى سماء الحي والخالة سعيدة قاعدة فى عنقريب المخرط تعاين ساكت فى الحفلة ومعها صحبتها الجات معها من القرية من اجل العرس وكمان عشان تساعد صديقتها طبعاً الحفلة فى المدينة تختلف عن القرية ؟ وهناك والدته الحاجة زينب مع اختها ام العروسة يقمنا بخدم الضيوف من نساء الحي وهن جالسات فى اقصى الحوش فى البروش يعاينن فى الحفلة ؟ وهناك اخته حليمة مع صحباتها من بنات الحى وزميلاتها فى المدرسة آخر ونسة ومعاينة فى الشباب من بعيد ؟ وطبعاً اخوه بشير واصحابو واخوه عثمان واصحابو آخر انبساط ؟ وطبعاً آخر العنقود علوية نائمة من قبيل ؟ وهناك والده حاج سعد مع مجموعة من الاصدقاء مبسوطين وخاصة مع اغنيات الحقيبة الغناها الفنان طبعاً رجعوا الى ايام زمان وما ادراك ما ايام زمان ضرب السوط وبعد الحفلة توصيل بنات الفريق الى بيوتهن ؟ ومع هذا الانبساط والهجيج والحفلة عجاجا رابط ظهر واحد سكران طينة وهاج ؟ وقال لازم يرقص ويغني وتدخلوا الاجاويد لخروج السكران لكنه حلف براس ابوه ما يطلع ؟ وهنا قام الحاج سعد وقال خلاص الحفلة انتهت عشان هو بيعرف ابوه السكران صاحبو ؟ ولا زال العم احمد حتى اليوم لم ينسى السكران الفرتك الحفلة وكمان السكران عقل وتاب وتزوج واتملئ اولاد وبنات نقف هنا وان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم


وبه نستعين


الفصل السادس


انتهت الاجازة وايام العرس وعاد العم احمد للعمل فى وحدته والحنة لازالت فى ايده وتقبل التهاني من زملائه الذين لم تسعدهم الظروف لحضور العرس ؟ وهناك فى البيت قامت الحاجة زينب ام العم احمد مع اختها ام الخالة سعيدة بتجهيز وترتيب البيت طبعا العروسة لسع فيها الملائكه لا تخدم والعروسة مع صحبتها التى جات معها من القرية آخر ونسة وذكريات ايام زمان ؟ وعاد الحاج سعد والد العم احمد للعمل بعد انتهاء اجازته السنوية الى شغله ؟ ومرت الايام كل شى على مايرام اخوان العم احمد فى مدارسهم ورجعت ام الخالة سعيدة للقرية وهي محملة بكل جديد من المدينة ومعها بنت جارتها الشولة صاحبة بنتها سعيدة ؟ وبعد مرور سبعة شهور جاء آمر للعم احمد بالنقل الى وحدة آخري فى غرب السودان دارفور وبالتحديد الى الفاشر ابو زكريا ؟ وكانت الخالة سعيدة حامل فى شهرها السادس وكان وقع النقل عليها قاسي كيف تسافر وهي الان حامل وتفارق اهلها ؟ وطمنها العم احمد بانه سوف يسافر اولاً وبعد الوضوع تسافر هي ويكون هو اكمل البيت هناك وجاء يوم السفر غداً صباحاً يغادر العم احمد مع زملائه بعربات الجيش الى الفاشر ؟ وجاء الحاج سعد وجلس مع ابنه ناصحاً له بابتعاد عن كل ماهو حرام وذكره بالصلاة فى اوقاتها وان يفكر فى بناء بيته وان شاء الله بعد وضوع زوجته بثلاثة شهور سوف يرسلها له مع امه وخالتو ام الخالة سعيدة وكمان اخته الصغيرة علوية دلوعة البيت آخر العنقود ؟ وبعد ذلك جلس العم احمد مع اخوانه بشير وعثمان مذكرهم بان يحسنه رعاية الاب والوالدة واخواتهم الاثنين حليمة وعلوية وان يجتهدو فى الدراسة وان لا يكثرو فى الغياب عن البيت حتى ساعات متاخرة من الليل وذهب الى اخته حليمة مذكرها بان تساعد الوالدة واختها بنت خالتها زوجته الخالة سعيدة وترعي شؤون الصغيرة الاميرة علوية ؟ وجلس العم احمد مع الخالة سعيدة انه اليوم الاخير وغداً السفر وبكت الخالة سعيدة وطمنها العم احمد كلها كم شهر وسوف نكون مع بعض الاهم هو ان ترعي نفسها ولا تتعب كتير فى عمل البيت عشان هذة الولادة بكرية لازم ترتاح وجاء الصباح وجات العربة لنقل العم احمد للمعسكر حيث يكون التحرك من مقر القيادة هنا نتوقف وان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحم الرحيم


وبه نستعين


الفصل السابع


وصل العم احمد الى مقر عمله الجديد بعد سفر دام عشرة ايام منها سته ايام فى مدينة الابيض عروس الرمال المدينة الجميلة حقاً مامورية كانت فيها صعاب ولكنها كانت رائعه لانها المرة الاولي يسافر فيها العم احمد ويري الكثبان الرملية والصيد وطير الحباري والثعالب كل هذة الاشياء كانت على الطبيعة وهنا روعه المامورية ؟ بعد الوصول بيوم ارسل العم احمد جواب الى والده يخبره بوصوله الى مقر عمله ويطمئن عليهم ويسرد له بعض ما راى فى تلك المامورية ؟ عاد الحاج سعد من العمل وهو فرحان الى البيت ونادى على ابنه بشير ؟ تعال يابشير اقرء جواب اخوك احمد جاني اليوم وانا اديته للباشكاتب قرئه لي اها هاك اقرء لى ناس امك ؟ وحمل بشير الجواب فرحاً واجتمعت الاسرة وفتح بشير الجواب وقرء سلام اخوه الى الوالدة والوالد والغالية الخالة سعيدة وطبعاً سلامه لهم هم اخوانه ؟ وكمان كان هناك سلام خاص للصغيرة الاميرة علوية وكانت فرحانة وهي تسمع اسمها وبكل براءة ؟ قالت عاوزة تمشى الى اخوها احمد وقعدت تبكى عاوزة تشوف اخوها ولو فى الجواب وطبعاً كان فى نهاية الجواب نصيحة من العم احمد للخالة سعيدة بان لا تتعب نفسها كتير عشان هي حامل ؟ وهنا سرحت الخالة سعيدة الى تلك الايام الحلوة متمني بتين تضع وتسافر الى العم احمد وتعيش معه ؟ وطبعاً بعد صلاة المغرب الحاج سعد كلم كل اصحابو بان ولده احمد رسل جواب وكان الجواب بمثال عيد للاسرة واطمنان على العم احمد بوصوله بسلامة و بخير ؟ وفى العصر طلع بشير وعثمان لتمرين الكورة ولعب الدافوري وبعد صلاة المغرب جلس بشير وعثمان مع الاصدقاء تحت عمود النور ؟ وقام بشير وقعد يحكي ليهم عن ما شاف اخوه احمد فى تلك المامورية وكانت تلك فرحة اول جواب يصل من العم احمد من مقر عمله الجديد ان شاء الله لوكان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الثامن
مرت الايام والشهور والعم احمد فى عمله الماموريات مرة نيالا ومرة الجنينة ؟ ومرة وفى احد الماموريات وكانت الدنيا خريف والارض موحلة وكان معهم احد الضباط فى تلك المامورية وقد اعجب باداء العم احمد وقيادة العربية بمهارة وعند العودة لمقر القيادة طلب الضابط باحضار العم احمد الى المكتب وعند حضوره اثنى الضابط على اداء العم احمد فى المامورية ومنحه ترقية وكيل امباشى بماهية ( بتعريف الجديد وكيل عريف ) وتقبل العم احمد التهنئة من زملائه فى السرية وفى نفس الساعة جاء الدئار وهو الجندي قائد الدراجة البخارية بيجيب الرسائل من البوستة يحمل البشارة للعم احمد بقدوم مولوده الاول ؟ قائلاً له احمد جاك تلغراف مبروك جابو ليك ولد طوالى العم احمد مشى الكنتين بمفهوم العام ( الدكان ) واشترى اثنين صندوق بيبسي كولا بمناسبة المولود والترقية وقسمها على زملائه وكمان قزازة الى الضابط واخبره بقدوم مولوده الاول ؟ لقد كان بال العم احمد مشغول بالخالة سعيدة وهل وضعت ام لا وكانت الفرحة فرحتين ترقيه والبشارة بقدوم مولوده الاول ؟ وهنا فكر العم احمد فى موضوع البيت لاحضار الخالة سعيدة وولي العهد والذى وضع له اسم اسامه ابن حارثة احد الصحابة الاجلاء وفى المساء ذهب العم احمد مع احد ابناء دفعته الذى وجده فى الفاشر قبله الى البوستة وارسل تلغراف لوالده مهنياً بالمولود واخبره بالترقية ؟ وبعد يومين من ذلك جاء جواب من الحاج سعد يخبر فيه ابنه بانه اختار اسم ياسر للمولود الجديد ومتمناً ان يكون مثل الصحابى الجليل ياسر ؟ ورد العم احمد على والده بموافقة وطالب من الله بان يرزقه بمولود آخر يسمى باسم الصحابي الجليل زيد ابن حارثة كما كان يتمنى وبدء العم احمد بمشروع تاسيس البيت وطلب من المسؤول عنه اخبار القائد اعطاء بيت فى الاشلاق حتى يقوم بترتيبه لاحضار زوجته وقد كان ؟ واصبح العم احمد فى كل مامورية يجيب معه حاجة من اجل البيت واشترى بعض الاشياء وترك الباقى لحين قدوم الخالة سعيدة وهى براها تشتري العاوزه ان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل التاسع
مضت الثلاثة شهور والعم احمد وهو يجهز فى البيت وكان فى الشهور الماضية كل اسبوع او اسبوعين يكتب جواب الى اخيه بشير ويساله عن الاسرة الوالدة والوالد والمولود والصغيرة الحبوبة علوية واحوال حليمة وعثمان وهو ويساله بان يسال الخالة سعيدة عن ما تحتاجه فى البيت قبل وصولها ؟ وجاء تلغراف للعم احمد من ابوه يخبره ان اولاده وامه وخالتو وطبعاً الحبوبة الصغيرة علوية بقطار الاثنين القادم ؟ وطلب العم احمد منحه اجازة لمد اسبوع من اجل ان يسافر الى نيالا ويحضر زوجته وكان العم احمد قد ارسل تصاريح السفر ومبلغ من المال للحاج سعد ابوه قبل عشرين يوم مع زميله الذى كان مسافر اجازة سنوية ؟ تحرك العم احمد من الفاشر صباح السبت وكان وصوله نيالا اليوم التاني صباحاً ونزل عند ابن عمه الذى يعيش فى نيالا مع اسرته ويعمل فى التجارة وكان قد ارسل له رسالة قبل اسبوع يخبره بقرب وصول الجماعة من امدرمان ومن حسن الحظ كان جار ابن عمه يعمل فى السكة حديد وبعد صلاة العشا ؟ سال ابن عمه جاره بتين القطر بيصل ؟ قال له ان شاء الله بكرة فى الليل يعنى زى الساعة تمنية مالك تسال مسافر ولا شنو ؟ لا ابداً دا ود عمي عسكري فى الجيش فى الفاشر اولاده جاين بقطر بكرة ؟ وقام الجار سلم على العم احمد تاني عشان اول قايلوا واحد من اصحاب ابن عمه جاء يصلي معاهم ؟ وحلف الجار لازم تشربو شاي قبل الذهاب للبيت ولكن العم احمد مانع وماكان من الجار لا ان حلف طلاق وقال ليهو المفروض تتعشو معنا بس انا عارف ود عمك بينوم بدري عشان كدا قلت شاي وتمشوا وضحك العم احمد وابن عمه وجاره الظريف وذهبوا لشراب الشاى ومن حظهم كان فى لقيمات جاهزة مع شاي الحليب المقنن حاجة ما تخلص ؟ وبعد العودة للبيت قال العم احمد الى ابن عمه شوف ياخوي انا تاني ما عاوز عشاء خلاص بس طلع لى العنقريب برا قدام باب الديوان وبكرة ان شاء الله لو ربنا حيانا بمشي معاك السوق عشان كمان انا عاوز لى حاجات فى واحد قال اشتري ليهو من نيالا ان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل العاشر
بعد صلاة المغرب ؟ قال العم احمد الى ابن عمه انا بمشي قدامك وبصلي العشا فى المحطة وانت تعال لاحقني بعدين ؟ قال ليهو ابن عمه ياخي انت شفقان كدا مالك القطر يجي تمنية ويمكن كمان يتاخر شوية ؟ قال العم احمد يازول انا بقعد فى المحطة ان شاء الله لبكرة وضحك الا ثنين ؟ وكان فى واحد صديق ابن عمه عنده عربية واصلو ماشى المحطة وركب معه العم احمد ؟ وهناك لاقى العم احمد جار ابن عمه ورحب به ودخلو معه جوه المكتب وكلم الفراش يجيب شاى من برا للعم احمد ؟ وكانت ساعات الانتظار قاسية على العم احمد بتين القطر يصل ويشوف اهلوا ؟ وجات اشارة بان القطر تحرك من المحطة الاخيرة ويصل فى حدود الساعة تسعة ونص ولم تمضى ربع ساعة حتى حضر ابن عمه ومعه ابنه البالغ من العمر سبعة اعوام والمسمى سعد على عمه ابو العم احمد الحاج سعد والعم احمد قاعد على جمر الانتظار بتين يصل القطر ومرة مرة تلقاه سارح والجماعة فى الونسة وهو ولا هنا بعد نص ساعة جات البشارة القطر خلاص قرب يصل المحطة ولم تمضى عشر دقائق والمحطة اتملت ناس ناس بتبيع وناس منتظرين اهلهم زى العم احمد كدا واخيراً وصل القطار والدنيا ليل ؟ والعم احمد قلبه يدق ويعاين فى ركاب الدرجة التالتة ومعه ابن عمه وابنه ؟ وفجأة سمع العم احمد صوت يعرفه جداً انها الخالة سعيدة احمد تعال نحنا هنا خالتى اهو داك احمد وطبعا الخالة سعيدة ما شافت ابن عمها العايش فى الغرب بس سمعت بيهو ساكت ؟ طلع العم احمد القطر وسلم على امه والخالة سعيدة وخالتو واخته الحبوبة علوية ؟ وطبعاً سبب تعلق العم احمد باخته علوية راجع الى حبوبتة ام امه وكانت تحبه شديد وتمنع بنتها من ضربه وهو صغير وسبحان الله علوية تشبه حبوبتها شبه شديد وهذا سر المحبة ؟ وطوالى شال الغالى ياسر وترك ابن عمه واثنين من عمال المحطة ارسلهم جار ابن عمه عشان ينزلوا العفش وكانت هناك عربية ابن عمه واقفة رفعوا العفش وطوالى على البيت وهناك زوجة ابن عمه كانت مجهزة كل شى طبعاً زوجة ابن العم ليس من العائلة غريبة اسقبلتهم بكل ترحاب وهاك ياونسة ؟ وقالت للخالة سعيدة والله البلد دى احسن من اى مكان تاني وناسها طيبين والحمدلله العيشة رخيصة ؟ وبعد العشا العم احمد شال ولده قال ليهم برقدوا معاى ؟ امه قالت كدي قول بسم والله تشيلوا لامن تفتر خليه حسع مع امه ترضعوا وضحك العم احمد ؟ واصبح الصباح ومشى العم احمد الى السوق لعمل الحجز فى اول لوري مسافر فى المساء الى الفاشر وفى المساء ودع العم احمد ابن عمه وجاره بتاع السكة حديد وركبت امه وخالتو والخالة سعيدة قدام مع السواق ام الحبوبة علوية رفضت تركب معاهم قالت بس مع اخوها احمد فوق فى اللوري ان شاء الله لوكان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الحادي عشر
وصل العم احمد مع الاسرة الى الفاشر اليوم التانى حوالى الساعة الثالثة يعني العصر نسبة لتعطيل اللوري فى الطريق انزله اللوري امام البيت داخل الاشلاق وتجمع نسوان الاشلاق وبعض زملائه الموجودين فى الاشلاق طبعاً العم احمد كان يوم بيتغدا مع دا ويوم بيتعشى مع داك ويحكي ليهم عن الخالة سعيدة وامه وابوه واخوانه واخواته عشان كدا نسوان الاشلاق عرفن الخالة سعيدة قبل وصولها من كلام العم احمد عنها ؟ وجاء الليل وانقطعت الرجل وجلس العم احمد وسطهن فى السرير وجات علوية ونامت جنب العم احمد وشال ياسر فى كرعيه وابتدء العم احمد بالسؤال اها يمة ابوى كيف ان شاء الله كويس وان شاء الله الرطوبة خلته شوية انتي يمة ليه ما عملتي ليهو الدخان ؟ تضحك الام هوى ابوك براهو اباهو قال يعني كيف يقعد فى حفرة الدخان وهو راجل بس الحمدلله حسع كويس جارنا الشفيع ولده خالد كان فى مصر وجاب ليهو حبوب سمحة حسع كويس يحمد الله سيده اها الوصية فى الذمة ابوك قال ليك طارق ولد عمك ود الفادني جارنا ابوه قال ولده عاوز اختك حليمة وهو شغال مدرس فوق مدرسه الهدي حقة الاولاد الجمبنا دى قال ليك انت رايك شنو موافق ولا لا ؟ ويرد العم احمد يمة فى الاول والاخير الراى راى حليمة وبعدين حليمة يادوب فى سنة اولى ثانوي يعنى دايرة سنتين تانى ؟ ردت امه الحاجة زينب لالا هو قال يتزوج وهي تواصل الدراسة حتى تكمل الثانوى حتى ولو من البيت ؟ ويسال العم احمد طيب يمة حليمة رايها شنو ؟ والله ياولدى حليمة قالت الكلام البيقولو احمد هى موافقه عليه اها الراى رايك انت ؟ ويرد طيب خلاص انا بشوف وبكتب ليها جواب واعرف منها كل شى اها بشير عامل شنو مع السنة الاخيره فى الثانوى ؟ ترد الام كويس يحمدلله وهو كمان قال اكلمك ؟ ويسال العم احمد خير يمة ؟ وترد قال هو بعد الشهادة عاوز يشتغل ما عاوز يقرء جامعة عشان يساعدكم انت ابوك وعاوز يقدم للكلية الحربية وقال ليك بسرعة ارسل ليهو جواب برايك والله ياولدى كان داير رايى انا خليه يشتغل ابوك خلاص ما بيقدر تاني للشغل ؟ ويرد خلاص يمة الفيها خير ربنا يسويها ويسال اها عثمان عامل شنو يمة ؟ وترد هوى اخوك عثمان دا ما فى زول بيقدر عليه غيرك انت سامعاهو قال عاوز يدرس فى تصليح الطيارات ؟ ويضحك العم احمد ويقول ليها يعنى عاوز يدرس هندسة طيران طيب مالوا يمة ؟ الام برى ياولدى اخوك شليق وهو فى الواطة ما قاعد ساكت كمان يمشى فى السماء ؟ ويهدى العم احمد روع الوالدة ويقول ليها يمة بيشتغل مكانيكي زى مكانيكي بتاع السيارات يعنى ما بسافر فى الطيارة وهنا اطمنت امه اها الله يعدل طريقه وطبعاً الاميرة الصغيرة علوية نامت قبيل ؟ ويسال العم احمد اها يمة اخبار ناس البلد ياولدى البركة فينا وفيكم جدك مبارك خالي اخو امي الله يرحمه بس ورده الليلة وبكرة مات الاعمار بيد الله ونفيسة جارة خالتك دى الله يرحمها جابوها المدنية عندها وجع فى بطنها يومين وسلمت روحها الله يرحمهم جميعاً ؟ اها يمة تاني الحصل شنو ؟ ترد ولد جارتنا صفية وقع من اللوري وكسر يده لكن الحمدلله جبروها ليهو عند الحاج حمد البصير وحسع كويس اها بنت عمتك نفيسة اتزوجها ود خالها والهادي ود الباقر جارنا سافر يقرء فى مصر ؟ خلاص يمة نوموا بكرة نتكلم يلا تصبحوا على خير وان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الثاني عشر
اصبح الصباح والعم احمد قاعد منتظر صحبو الهادي عشان امبارح قال ليهو بكرة الصباح انا بجيب الخروف الاول عشان غداء الجماعة طبعاً زملاء العم احمد اتفقوا بان يضبحوا خروف للغذاء ويوم الجمعة خروفين وذلك بمناسبة وصول اولاده ؟ وجاء الهادي ومعه الخروف شايله الحماري دخل الهادي وسلم على ناس البيت والعم احمد سقى الخروف موية وطوالى الهادي قلع الجلابية وقعد بالسروال والعراقي والله اكبر وضبح الخروف
طبعا بيت العم احمد مكون من دردر وراكوبة للضيوف وطبعا توجد بيوت من الطوب وهي الى ضباط الصف من امباشى وفوق وبعد شوية جن جارات الخالة سعيدة لمشاركة فى عمل الغذاء طبعاً رجالهم من بالليل كلموهم بالذهاب من بدرى لمساعدة اهل العم احمد جيران العم احمد فى الاشلاق جوه للفطور لقوا المرارة واللحم جاهزة فطروا مع العم احمد وصحبو الهادي ؟ بعد تقطيع الخروف والفطور ذهب العم احمد وصحبو الى السوق لشراء لوازم الغداء من رغيف وسلطات وهلم جر ؟ وقامت الحاجة زينب وقالت لجارات الخالة سعيدة الجدد انا بعمل ليكم الكمونية ؟ قامت واحدة قالت لها لاو الله ياخالة انتى تقعدي ساكت انحنا نسوان الاشلاق علينا كل شى انتى وخالتنا ام سعيدة وكمان دى عمتى اخت ابوى جاتنا زيارة تقعد معاكن بس اقعدن عاينن لينا ساكت رضخت الحاجة زينب للامر وشالت ولد ولدها ومعها الحبوبة علوية ومشت مع اختها والضيفة للراكوبة قعدن يتونسون والخالة سعيدة قاعدة وسطن اميرة حلفن ما تعمل معاهن حاجة وهاك ياونسة طبعاً الخالة مبهورة من الشافتو فى القطر وكمان فى اللورى وهي جاية الفاشر خضار وطيور وحيوانات ؟ وجاء العم احمد وصحبو من السوق وطوالى مشوا بيت صحبو اخذوا ليهم نومة من تعب المشى للسوق والضبيحة وكان الغداء ولمة وآخر ونسة وجماعة فى كوشتينة كومكان وجماعة وستي ودا كلوا برا تحت شجرة الهجليج الكبيرة والشجرة سعيدة بهذة اللمة ترمي عليهم ثمرها اللالوب وكان يوم جميل ورائع وطبعا بكرة الجمعة والكرامة فى بيت الرقيب عثمان لانه كبير والناس بكرة كتيرة ولازم بيت كبير ويوم السبت العم احمد بينزل العمل خلاص الاسبوع انتهى وان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

[align=center][align=center] [/align]
[align=center]بسم الله الرحمن الرحيم[/align]
[align=center]وبه نستعين[/align]
[align=center]الفصل الثالث عشر[/align]
[align=center]نزل العم احمد العمل وكان هناك مامورية ضرورية وتحتاج لسواق ماهر عشان حيقوم براهو لهذة المامورية وكان اختيار الضابط للعم احمد وجاء المراسله ؟ قال للعم احمد احمد جنابوعاوزك فى المكتب طوالى مشى ليهو نعم جنابو ؟ ويقول الضابط اسمع يااحمد فى مدرسات ماشات اجازة ولازم بكرة يكونو فى نيالا عشان يركبو قطار الاثنين وانا اخترتك انت يلا امشى مدرسة البنات الثانوية تلقى ناظرة المدرسة وهي بتمشى معاك الى سكن المدرسات وان شاء الله الساعة اتناشر بالكتير تكون طلعت من الفاشر عشان تصل بدرى بكرة نيالا ؟ حاضر جنابو مشا العم احمد وجهز عربيتو من جاز وزيوت وماء ولستك اسبير وذهب للمدرسة وقامت الناظرة بارسال الفراش لسكن المدرسات ويقول لهن بان الناظرة والعسكري السواق جاين بعد شوية عشان يتجهزوا للسفر العربية جات جاهزة وعاد الفراش وقال هن خلاص جاهزات وتحرك العم احمد والاستاذة الناظرة لهن ومعهم الفراش والغفير حق المدرسة والجنايني وصلوا وسلم عليهم العم احمد وابتدو يرفعوا العفش وطبعاً العفش عبارة عن شطة فى الملابس وكيس فى الجزم ؟ وهنا ودعت الناظرة مدرساتها بالبكاء وتوصيهن بان يعملوا حسابن فى القطر ويكونن سوا وتحرك العم احمد وقال لهن بس لو سمحتوا اغشا البيت اقول لناس البيت مع سلامة اصلوا اولادي وصلوا ليهم يومين ومعهم امى وخالتي واختى الصغيرة فرحن المدرسات ومشوا البيت وكلهن نزلن وسلام وسوال عن القطر كيف السفر كان معاهن وطبعا الصغيرة علوية اخذت النصيب الاكبر من اهتمام المدرسات وبعد نص ساعة العم احمد قال لهن يلا خلاص نتوكل على الله ؟ وفى اثناء الرحلة قال العم احمد لهن اها رايكن شنو انا بسوق الليل كله وان شاء الله الصباح بدرى اكون فى نيالا ؟ كلهن قالن لا حرام ؟ قال لهم العم احمد عادي انا راجل عسكري اساهر طبيعي بس لازم نكون فى نيالا الصباح ؟ وبعدين حبا يخوفهن شوية قال لهن انا ما بضمن تنومو فى قهوة فى الطريق بعدين يجيكم ثعلب او اسد كلهن برى خلاص امشى طوالى ؟ وهنا عرف العم احمد كيف ياخذ الموافقة منهن وفعلا فى صباح يوم الاحد كان فى نيالا وكل واحدة نزلها فى بيت قرايبها على اساس بكرة يجي ياخذهن للسكة حديد حسب تعليمات ضابطه وفى اليوم التالى ذهب بهن للمحطة وكان السفر وان شاء الله لو كان فى العمر بقية نكمل[/align]
[align=center]
[/color]
[/align][/align]
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الرابع عشر
عاد العم احمد للفاشر وطبعاً جاب معه الفحم والحطب وكمان كم دجاجة اشتراهم من القهاوي الفى الطريق وكم قزازة سمن بلدي صافى ومر شهر والعم احمد وهو يعمل داخل الفاشر وذلك كان هذا تقدير من قائده له حتى يتمكن من التواجد مع اسرته ؟ وبعد مرور الشهر ونص قررت امه السفر عشان المدرسة قربت للصغيرة علوية ارسل العم احمد تلغراف لوالده يخبره بان ناس امه خلاص قرروا السفر وا ن شاء الله يوم الاثنين القادم يكون سفرهم من نيالا ؟ ومن حظ العم احمد كانت هناك مامورية الى نيالا بعد غداً وطبعاً نسوان الاشلاق كل واحدة جابت هدية لوالدة العم احمد وخالتو ام الخالة سعيدة واشتري العم احمد لوالده مركوب فاشري والى عمه ابو الخالة سعيدة ايضاً وصديق ابوه جارهم وزميل ابوه فى الشغل وجات لحظات الوداع خلاص بكرة السفر وامتلئ البيت من نسوان الاشلاق وزملاء العم احمد فى السرية والخالة سعيدة حزينة لفراق امها وخالتها والصغيرة علوية اللى كانت ماليا البيت شقاوة الاطفال والعب مع ود اخوها الصغير ياسر ؟ وفى الصباح الباكر تحرك العم احمد الى نيالا فى مهمة عسكرية وكمان سفر اهله وفى الطريق قالت الصغيرة حبوبة علوية ما عاوزة تسافر مع ناس امها عاوزة تقرء فى الفاشر عشان تقعد مع ولد اخوها ياسر ؟ وقال ليها العم احمد خلاص انتي سافري مع ناس امي وانا اول اجازة اجي اكلم ابوي واجيبك معي تقري هنا فى الفاشر طبعاً فرحت علوية خلاص تمشي واحمد اخوها يجي فى الاجازة يجيبها عشان تعيش معه فى الفاشر طوالى العم احمد انزل ناس امه عند ابن عمه طبعاً سفر العم احمد من الفاشر كان يوم الخميس وكان الوصول صباح الجمعة وهناك ثلاثة ايام عشان الحاجة زينب واختها يشوفوا نيالا وسوقها ويشتروا باقى الحاجات طبعاً العم احمد جايب معه جواب من ضابطه قائد ثاني السرية الى اركان حرب منطقة نيالا العسكرية بسماح له ببقاء حتى سفر اسرته وتفرق العم احمد لهم وطبعا ابن عمه جهز ليهم حاجات كتيرة وكمان الى اهله ناس امه وابوه انقضت الثلاثة ايام سريعاً وجاء يوم السفر وكان الوداع العم احمد وابن عمه وزوجته وابنه سعد وطفلته الصغيرة ذات ثلاثة اعوام ؟ وهنا قلت علوية ماتنسى تكلم ابوي عشان اجي اقعد مع ياسر وضحك العم احمد واخفا الدمعة خلف الابتسامة وان شاء الله لو كان فى العمر بقية نكمل
صورة العضو الرمزية
ميرفابي
مشاركات: 2865
اشترك في: الخميس 2015.1.15 10:56 pm
مكان: بين الخرطوم وبورتسودان

رد: العم احمد قصة طويلة في فصول

مشاركة بواسطة ميرفابي »

حينما يتقاصر الجهد عن جميل الوفاء وحينما يعجز اللسان عن طيب الثناء
وحينما يفيض القلم بمداده وتتسامى أحرف الثناء على صفحات الاخوة ويشدو اللسان بكلامه
لك التحيه اخي الغالي ابو الملكات
تقبل مروري المتواضع
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

ميرفابي كتب:
حينما يتقاصر الجهد عن جميل الوفاء وحينما يعجز اللسان عن طيب الثناء

وحينما يفيض القلم بمداده وتتسامى أحرف الثناء على صفحات الاخوة ويشدو اللسان بكلامه
لك التحيه اخي الغالي ابو الملكات

تقبل مروري المتواضع
استاذي
حرفك الانيق في صفحتي المتواضعة وسام افاخر به بين الاصدقاء
انا منكم انتم الرائعين اتعلم واقتبس ما يزين حرفي الخجول
كل الود الاحترام
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل الخامس عشر
مرت الايام والشهور والعم احمد فى سعادة مع الخالة سعيدة وابنهم واقترب العام من نهايته وخلاص تحدد مواعيد زواج حليمة فى اجازة المدارس من ابن جارهم طارق ود الفادني المدرس وبشير تم قبوله فى الكلية الحربية وهو الان آخر دراسة وتدريب والصغيرة علوية عملت ليها صحبات فى المدرسة وكمان فى الحي اما عثمان كما هو معروف عنه مشاغب وما بخاف الا من العم احمد آخر سينمات وسهر مع اصحابو ولكنه كويس فى الدراسة وكمان لاعب كورة كويس حريف اعضاء ادارة نادي الحي جاوا الى الحاج سعد طالبين منه الموافقة على تسجيله فى فريق الحي وطبعاً الحاج سعد رفض وكتب الى ولده العم احمد عشان يتكلم مع اخوه ؟ وقام العم احمد بتهديت والده ووعده بان يكتب لعثمان ويسمع رايه وفعلاً ارسل العم احمد جواب لاخوه عثمان طالب منه الانتباه للدراسة اولاً ثم بعدين الكورة وعشان الوالد ما يزعل منه وهو عارف بانه كويس بس رغبة الوالد ووعده بان يتكلم مع الوالد براحه حتى يرضى له بالتسجيل فى النادي ونفذ عثمان كلام اخوه العم احمد وترك حتى الذهاب لتمرين ؟ سالوهو مالك ما بتجي التمرين ان شاء الله خير ؟ قال لهم اخوى الكبير قال انتبه للدراسة وبعدين الكورة وطبعاً انا ما بقدر اخالف كلامه ؟ وهنا طلبت منه ادارة النادي عنوان اخوه فى الفاشر وكان احد اعضاء مجلس الادارة اخوه ضابط يعمل فى القيادة الغربية ارسل له جواب وطلب منه بان يراضي العم احمد بخصوص السماح لاخوه بلعب فى فريق الحي لانه لاعب حريف وفلته زمانه وهم فى مجلس الادارة مسؤلين عن نشاطه الدراسي مثل الاهتمام بنشاطه الرياضى وفعلاً سال الضابط عن العم احمد زميله الضابط قائد العم احمد وعرف منه انه انسان طيب وخلوق ومسؤول فى عمله ؟ وطلب منه بان ياخذه الى منزل العم احمد وشرح له السبب ؟ وفى اليوم التالي وفى المساء جاء ضابطه وزميله الى منزل العم احمد بعربية الجيش وخرج العم احمد واستقبلهم وهو شايل ابنه ياسر واجلسهم فى الراكوبة وهي معمولة باحكام كانها غرفة وجاء العم احمد بعصير الليمون ؟ وقال له الضابط اسمع يا اخ احمد انا من اولاد الحي معكم بس ما تلاقينا قبل كدا وانا بعرف اخوك الصغير عثمان وكم مرة اتمرنت معاهو فى الاجازات البمشيها وهو ما شاء الله لاعب حريف وعنده مستقبل كبير فى الكورة وانا اخوي عضو فى ادارة النادي كتب لى جواب قال اكلمك عشان تخلى عثمان يرجع يلعب مع الفريق لانه رفض وقال انت قلت ما يعلب كورة تاني وكمان اعضاء ادارة النادي وفيهم كمان عمك حاج محجوب انت بتعرفو قالوا هم مسؤلين عن تعليمه اها تاني فى حاجة يا احمد ؟ وقال ليهم العم احمد خلاص مافى حاجة الاهم التعليم وانا بكرة برسل تلغراف للوالد بان يقول ليهو انا راضي عنك امشى العب كورتك واراد الضباط القيام ؟ وحلف العم احمد لازم يشربو الشاى وكمان من حظهم الخالة سعيدة عاملة لقيمات حارة وقال ليهم والله لو ما بخاف انكم تقول مشغولين كان حلفت تتعشوا معنا ؟ وضحك الجميع ؟ ونادت الخالة سعيدة العم احمد هوى ابو ياسر تعال شيل الشاي وبعد شراب الشاى غادر الضباط منزل العم احمد ؟ جاء زملاء العم احمد خير يااحمد مالوا ناس جنابو جوك وشرح لهم العم احمد القصة كلها وهنو العم احمد وكل واحد فى نفسو يقول ياريت كان يكون عندي اخو زى اخو احمد ؟ وفى صباح اليوم التاني ذهب العم احمد للبوستة وارسل برقية للوالد الحاج سعد بان يسمح لعثمان بذهاب للنادي وطوالى كتب جواب شرح للوالد الامور وعادت المياة لمجاريها ورجع عثمان للكورة معشوقته الاولي واصبح ملتزم بعدم التاخير خارج البيت وكمان حاج محجوب جاره طوالى مع حاج سعد واول باول بيوري اخبار عثمان وان شاء الله لو كان فى العمر بقية نكمل
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: العم احمد قصة طويلة في فصول

مشاركة بواسطة ابو الملكات »

بسم الله الرحمن الرحيم
وبه نستعين
الفصل السادس عشر
مرت الشهور واجازة المدارس قربت والان الخالة سعيدة لها فى الفاشراكثر من حداشر شهر وجاء جواب من الحاج سعد الى العم احمد يساله بتين جاي الاجازة خلاص عرس اختك حليمة قرب ؟ وقال العم احمد للخالة سعيدة اها خلاص انا بكرة بقدم للاجازة عشان نسافر نحضر عرس حليمة وكمان نشوف الاهل وطبعاً فرحت الخالة سعيدة لهذة الاخبار الحلوة ؟ وتسال اها يااحمد بتين بنسافر ؟ ويرد هيا يازولة قولي بسم الله ان شاء الله فى اخر الشهر الجاي لسع اجازة المدارس باقى ليها شهر ونص وكمان ما تنسي عاوزين نشترى حاجات وطبعا لمثل هذة الظروف العم احمد دخل فى صندوق مع زملاء بخمستار جنيه وعامل حسابو ان ياخذ الصرفة الاخيرة عشان الاجازة وطبعا الخالة سعيدة عارفة الصندوق عشان العم احمد قال ليها عندك خمسة جنيه تشتري بيها الانتي دايره ؟ وقالت الخالة سعيدة للعم احمد هوي ماتنسى بكرة الصباح تجيب معاك ماء غريب لياسر ؟ ويرد طيب ان شاء الله اها تاني عاوزة حاجة لالا سلامتك وهنا صحي ياسر معلن وجوده وعاوز يرضع ؟ احمد يازوله هوي انا عاوز انوم بكرة عندي شغل مع ولدك دا ما بقدر انوم احسن انوم فى الراكوبة خلاص رضعتو اها حسع برقد نوم نومك ؟ وبعد صلاة الصبح شرب الشاي ولبس العم احمد ملابسه وكان جاره واقف فى اول الشارع منتظره وفى طابور الصباح طلب العم احمد من مسؤوله الاول ابلاغ القائد بطلب الاجازة فى نهاية الشهر الجاي حتى يتمكن حضور زواج اخته وقبل ساعة الفطور بساعة تذكرالعم احمد طلب الخالة سعيدة باحضار ماء غريب من الاجزخانة ؟ طلب العم احمد من المسؤول السماح له بالذهاب للاجزخانة ؟ وقال له المسؤل شنو ان شاء الله خير مالك ياحمد ؟ ويرد لا مافى حاجة بس عاوز اجيب ماء غريب للولد وسمح له المسؤل بالذهاب ومن حظه الكويس انه من بوابة السرية لقا عربية ماشية السوق طوالى ركب معهم وفى المساء قعد العم احمد وكتب جواب للوالد يخبره بالاجازة ويساله عن عثمان وان شاء الله يكون ماشى كويس وبسمع الكلام وكتب جواب لبشير يساله عامل كيف مع الكلية ويخبره ايضاً بالاجازة والصغير الامير ياسرعاوز يلعب فى الراديو ويغير فى الموجات على كيفو والخالة سعيدة كانت مندمجة مع الفنان عثمان حسين فى اغنيته ( عشرة الايام ) وياسر طعباً حكمت معاهو لازم يغير المحطة وقامت الشكلة بين ياسر وامه والعم احمد مبسوط لهذة الشكلة وقام شال ياسر ؟ وطلع لجاره الذى كورك ليهو احمد تعال بالله دقيقة اصلوا كان عنده شوية شغل ومحتاج للعم احمد وكانت فرصة عشان يخلى الخالة سعيدة تستمتع باالاغنية براها وكان العم احمد كلم زميله مسافر نيالا مامورية بان يكلم ابن عمه هناك بانه طلب الاجازة عشان يجهز حاجاتو لى اهلهو وطبعاً زميله بيعرف ابن عمه كم مرة مشى ليهو فى الدكان حقو ومرت الايام سريعة وخلاص الاجازة قربت بعد يومين بيستلم العم احمد الصرفة حقتو ومع قروش الاجازة ومن غير الخمسة جنيه حقات الخالة سعيدة يكون معاهو اتنين وعشرين جنيه يعني اجازة كويسة وان شاء الله لو كان فى العمر بقية نكمل
أضف رد جديد

العودة إلى ”سيناريو وأحـداث“