رساله لجميع الأعضاء..

التعارف..تبادل التهانى...وكل المناسبات الاجتماعية والاحتفالات.

المشرف: بانه

أضف رد جديد
صورة العضو الرمزية
ريانه إمام
مشاركات: 3455
اشترك في: الاثنين 2009.5.11 8:56 am
مكان: أقصر من السماء بحبلين

رساله لجميع الأعضاء..

مشاركة بواسطة ريانه إمام »

سلام عليكم رجال ونساء المنتدي
عساكم طيبين والدنيا كويسه معاكم

مطوله من المنتدي حبه و رجعت بس اقول كلمه لكل الناس

..

صراحه..(بطني طامه)من المنتدي..!
ومن تصرفات بعض الاعضاء
كل فتره اسمع عن قصه جديده
وفلان بتحب فلان و شاكلت فلانه عشانو!
فلان وعد فلانه بالزواج و عاشو قصه حبه و طلع كزاب!
فلان و فلانه عايشين بشخصيات وهميه في المنتدي!
فلانه(تشاكل)في فلانه علنا من دون حياء و (تطاعن) بالكلام

حاجات مقرفه بالجد
نحن كلنا في المنتدي ده ناس عاقلين ومافي زول فينا لا مؤآخذ
يبقي كل الناس مسؤوله عن تصرفاتا..
ف يا ريت الناس تنتبه علي روحا شويه..و تكون جاده

خلونا نعيش في جو لطيف بعيد عن القالو وقلنا..نجي النص ساعه دي نقضيها و نحن مبسوطين
بدل القرف البقيت اجي بيو انا شخصيا

الموضوع بسيط..
بتحب زول؟كلمو..و خليك جادي..لانو ربنا ح يحاسبك لو جرحت مشاعر زول وانت قاصد
بتكره زول؟ خليك بعيد منو..مافي داعي للمطاعنات وامور الناس الجاهله دي


اسفه لو كلامي حاد..بس جد لازمانا وقفه مع روحنا
كل زول يسأل نفسو..رضيان عن روحك وعن شكل علاقاتك؟واصل بنفس الطريقه
ما رضيان..يبقي راجع روحك


شكرا جميلا
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: رساله لجميع الأعضاء..

مشاركة بواسطة طلال الحكيم »

ريانه إمام كتب:سلام عليكم رجال ونساء المنتدي
عساكم طيبين والدنيا كويسه معاكم

مطوله من المنتدي حبه و رجعت بس اقول كلمه لكل الناس

..

صراحه..(بطني طامه)من المنتدي..!
ومن تصرفات بعض الاعضاء
كل فتره اسمع عن قصه جديده
وفلان بتحب فلان و شاكلت فلانه عشانو!
فلان وعد فلانه بالزواج و عاشو قصه حبه و طلع كزاب!
فلان و فلانه عايشين بشخصيات وهميه في المنتدي!
فلانه(تشاكل)في فلانه علنا من دون حياء و (تطاعن) بالكلام

حاجات مقرفه بالجد
نحن كلنا في المنتدي ده ناس عاقلين ومافي زول فينا لا مؤآخذ
يبقي كل الناس مسؤوله عن تصرفاتا..
ف يا ريت الناس تنتبه علي روحا شويه..و تكون جاده

خلونا نعيش في جو لطيف بعيد عن القالو وقلنا..نجي النص ساعه دي نقضيها و نحن مبسوطين
بدل القرف البقيت اجي بيو انا شخصيا

الموضوع بسيط..
بتحب زول؟كلمو..و خليك جادي..لانو ربنا ح يحاسبك لو جرحت مشاعر زول وانت قاصد
بتكره زول؟ خليك بعيد منو..مافي داعي للمطاعنات وامور الناس الجاهله دي


اسفه لو كلامي حاد..بس جد لازمانا وقفه مع روحنا
كل زول يسأل نفسو..رضيان عن روحك وعن شكل علاقاتك؟واصل بنفس الطريقه
ما رضيان..يبقي راجع روحك


شكرا جميلا
كلام عين العقل ..وواضح وصريح ومباشر جدا .. وده من أجمل الأشياء الـ فيه

كفاية لف ودوران وتمنيق وتلفيق

ما كل بنت في المنتدى داخلة هنا عشان تحب أو تتحب ... وما كل شاب داخل عشان يجري ورا البنات
في ناس محترمة بس أكيد حتطفش في الأجواء المذكورة أعلاه

المنتدى ساحة للثقافة .. ساحة لكسب المزيد من المعرفة ... والأصدقاء الأوفياء ... ساحة لتنفيس عن ضغوط الحياة

بس للأسف أصبح مصدر للنكد والغم في ظل غياب معرفة معنى كلمة (منتدى) وفي ظل فقد إحترام الفرد لذاته قبل إحترام الآخرين .

كلامك ما كان ما محتاج لزيادة حرف ولا نقصان

فقط محتاج لتنفيذ

ليك التحية يا ريانة على الشجاعة دي .. والتي فقدناها نحن الرجال .
صورة العضو الرمزية
تائب
مشاركات: 954
اشترك في: الاثنين 2010.6.14 7:54 pm
مكان: فى ام طرق عراض

رد: رساله لجميع الأعضاء..

مشاركة بواسطة تائب »

هذا المنتدى ثقافى إجتماعى .. وأنا لا أرى بأساً فى
أن يتعارف الشباب وتتطور علاقاته ..وأكون مسرور
إذا انتهى الحب بالزواج تحت ظل الراكوبه .. وكان منزل
الزوجيه مكان للقاء احباب المنتدى على الهواء مباشرةَ بدل
اللقاء على صفحات النت بالمنتدى وغيره ..
وأعتقد إن أختنا تؤيد العلاقات النظيفه ولكنها تشمئز من الدسائس
والمكايدات خصوصاً إذا ظهرت فى السطح وزادت الناس عكننه
وقرف وملل..
وأعتقد إن المنافسه والصراع شئ طبيعى بس نشر العواطف للجمهور
شئ بغيض ويكون من الحصافه أن يصفوا خصوماتهم فى بريدهم الخاص
داخل المنتدى .. فإن هذه التفصايل لا تعنينا فى شئ ..
وطابت ليلتكم
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: رساله لجميع الأعضاء..

مشاركة بواسطة بانه »

ريون حمد الله علي السلامة happy0005.gif

شخصيا المنتدي المكان الواحد البكسر بيه روتين الدراسه

فكرت اكتر من مره اني اسيبه بسبب القيل والقال

بس قااااااعدة اكبر راسي

وعندي فيه ناااس غالين علي ما بقدر اسيبهم

الغريبه الزول يكون في حاله

المشاكل تحي لحدي عنده

صورة العضو الرمزية
سمارا
مشاركات: 8154
اشترك في: الأربعاء 2009.10.14 6:21 pm
مكان: السودان

رد: رساله لجميع الأعضاء..

مشاركة بواسطة سمارا »




الله يهدي الجميع ويصلح الحال


بجد بتمنى من كل قلبي المنتدى يرجع زي الاول والاحسن

وكل الغايبين يعودوا



رساله لي كم نفر بكرهوني وشاميين جني
:

انا ما زوله كعبه وما شايله في قلبي من زول

يمكن هظاري تقيل بس الله عالم بي نيتي وما بقصد اطاعن او امس مشاعركم بـ سوء


الجواي ابيض ناصع عمره ما شاف الكره او الحقد




..


ياريت كل زول فيكم يقعد مع نفسه شويه ويفكر بعقلانيه خلو نفسياتكم دي بالجمبه كده

هو الدنيا دي فيها شنو احنا جايين هنا نتشارك افراحنا نعيش ايامنا بحلاوتا ومرارتا

ليه نشيل من بعض ؟؟

ليه ما نحب بعض ؟؟


جوا كل زول فيكم حته بيضا نضيفه انا متأكده

بس ما عرف يستعملا صح
العمرابى
مشاركات: 3410
اشترك في: الجمعة 2011.6.3 5:32 pm
مكان: المملكة العربية السعودية / الرياض

رد: رساله لجميع الأعضاء..

مشاركة بواسطة العمرابى »

كل الذين يكتمون عواطفهم باتقان، ينهمرون كالسيل إذا باحوا.
صورة العضو الرمزية
الماسة الخماسية
مشاركات: 5439
اشترك في: السبت 2010.4.3 2:09 pm
مكان: مكان

رد: رساله لجميع الأعضاء..

مشاركة بواسطة الماسة الخماسية »

والله رسالة هامة وكويسة

شكرا ريان


البدء يكون من الحسم :


1/ أحسم البتكلم وبنقل لى كلام

ماعايزة أعرف قصة فلانة وعلان
ولاحكاية هناية وهناية
عندك مفيد هاتو أو أسكت .



2/ أحسن النية :


قريت شىء ما بلجأ للتاويل
فلان قاصد وعلانة قاصدة




3/ زول غلط فينى :

ختيتو فى محلو إنتهى الكلام
شنو داعيها المطمطة والجرجرة



4/ أهزر مع البعرفو ومابزعل منى وبس .
زول هزرت معاهو ماعجبو إعتزر سريع وتانى ما بعيدا




5/ زول فهمك غلط وراك عديل أنو فهمك غلط تفهمو الصح .

فهمتا زول غلط أسالو يوضح وضح خير لف ودور أمسحو من قائمة معارفك .




** كم مرة فكرنا نخلى المنتدى .. طيب ليه ؟؟

أصلا مادخلنا نتلاوم ولا نتسارر ونغتاب

ولا عشان نحب ونتحب ولا عشان نتشاكل ونعيب


خلاص :

بقينا نطنش تصرفات واقوال الآخرين الغير مرضية وبس .
صورة العضو الرمزية
3Aiz A3eesh
مشاركات: 959
اشترك في: الثلاثاء 2014.1.14 2:35 pm
مكان: SoRe

رد: رساله لجميع الأعضاء..

مشاركة بواسطة 3Aiz A3eesh »

السلامُ عَليكُم ريانه و الآخَرون ...

بِرَغم حداثة تواجُدي بالمُنتدى إلا أنني لاحظتُ في الآوِنة الإخيرة تغيُب بَعض الأقلام الأبنوسية و لكِن رُبما لِبُعدي عن التواصُل الشَخصي مع الآخَرين أجِد الأسباب رُبما تكُن فيما أسلَفتي و هي وباء إجتماعي يُصاحِب المُنتديات العَرَبية بِصورة عــامة و السودانية بصِفة خاصة إذ نَجِد الكَثير مِن اللعوبين المُخادعين الذينَ ينحَدِرون إلى المُنتديات فقَط لأغراض الشَربكة و اللَخبتة و قُل رُبما لأسباب دنيئة تتعدى حدود المَقبول أخلاقياً و هذا ليسَ بِجَديد و مُستَشري في مُنتدياتنا السودانية و إن لاحَظنا إلى إنهيار كُبريات المُنتديات السودانية نَجِد أن البُعد الأخلاقي والعاطِفي يأخُذ القِسط الكَبير و رُبما ذلِك مِن الأسباب التي جَعَلتني أتقوقع على نَفسي و فقَط أتواصَل مع الأقلام و العُقول لا الشَخصيات و الغوغائيات و لي تَجرِبة سابِقة في مُنتديات قَلب السودان رَحِمها الله كانت تتمثَل في أن التشِربِك العاطِفي يملأ المكان و كُنت آخَر مَن يَعلَم بعد قُرابة الخَمسة أعوام و لا أدرى السبب في ذلِك يرجَع إلى شخصيتي و إسلوب تعامُلي مع المُنتديات أم أنّ في الأمر جوانِب أخُرى و للأسَف تَدريجياً كُنت أكتشِف تجرِبة مأساوية يكون أبطالها الأولاد بعد قَطع الوعود بالزواج و الإغداق بالعواطِف و الحَنانيات و يكُن للأسَف الضحايا هُنّ الفَتيات الغَبيانات .. عُموماً نسأل الله الهِداية لنا و للآخَرين و أتطلَع لرؤية مُنتدى راقي بالأخلاقيات و بالمِصداقيات و الكِتابات التي تَجذِب أكثَر مِن الحُبكانيات و أن تمتد أواصِر الإحتِرام و التَقدير بين الجَميع كأبسط أبجديات التواصُل الإسفيري ...

أخيراً و لَيسَ آخِراً أعتَقِد بأني على رِضا شِبه تام عن أدائي في مُنتدى أنا سوداني و أتطلع في القريب العاجِل إلى تطوير ملامح شخصيتي الكِتابية عبر جنبات المُتصَفِح ...

كونوا بِخَير
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: رساله لجميع الأعضاء..

مشاركة بواسطة طلال الحكيم »

الماسة الخماسية كتب:
والله رسالة هامة وكويسة

شكرا ريان


البدء يكون من الحسم :


1/ أحسم البتكلم وبنقل لى كلام

ماعايزة أعرف قصة فلانة وعلان
ولاحكاية هناية وهناية
عندك مفيد هاتو أو أسكت .



2/ أحسن النية :


قريت شىء ما بلجأ للتاويل
فلان قاصد وعلانة قاصدة




3/ زول غلط فينى :

ختيتو فى محلو إنتهى الكلام
شنو داعيها المطمطة والجرجرة



4/ أهزر مع البعرفو ومابزعل منى وبس .
زول هزرت معاهو ماعجبو إعتزر سريع وتانى ما بعيدا




5/ زول فهمك غلط وراك عديل أنو فهمك غلط تفهمو الصح .

فهمتا زول غلط أسالو يوضح وضح خير لف ودور أمسحو من قائمة معارفك .




** كم مرة فكرنا نخلى المنتدى .. طيب ليه ؟؟

أصلا مادخلنا نتلاوم ولا نتسارر ونغتاب

ولا عشان نحب ونتحب ولا عشان نتشاكل ونعيب


خلاص :

بقينا نطنش تصرفات واقوال الآخرين الغير مرضية وبس .
الماسة الخماسية كلامك موزون .. وفيه الحل
ولو إتطبق ما حتكون في مشاكل تاني
يا ريت كل واحد يعمل (كوبي بيست) للنقاط دي في ذهنه
ويبدا بتنفيذها ..
صورة العضو الرمزية
ابو ايووودي
مشاركات: 6187
اشترك في: الجمعة 2009.2.6 6:02 am
مكان: جدة

رد: رساله لجميع الأعضاء..

مشاركة بواسطة ابو ايووودي »

بجد كده احم احم نفسي اجكس بنات المنتدى كلهم وما اخلي زول يشيل مني وحده منهم
بس على شرط افتحن عيونكم عرس مافي انا معرس سامعين يا بنوت واهم حاجه ما عايز غيرة يعني كلكم سواسية كاسنان المشط ههههه

يا ريان انتي معروفة من زمان بتسخني المواضيع ولكن البشوفك على الطبيعة شخصية مختلفة جدا وهادئه
سبحان الله القلم بعمل عجائب
هوووووي انا بهظر الله لا جاب مشاكل
صورة العضو الرمزية
ريانه إمام
مشاركات: 3455
اشترك في: الاثنين 2009.5.11 8:56 am
مكان: أقصر من السماء بحبلين

رد: رساله لجميع الأعضاء..

مشاركة بواسطة ريانه إمام »

سلام عليكم كل المتداخلين

#طلال: صدقت..المنتدي ليهو أهدافو البعيده جدا عن الفهم الغلط لبعض الناس انو (مكان لإصطياد الحبيبات) .. و انو كل بنت قاعده في المنتديات معناها ممكن تدخل في علاقه مع الغاشي و الماشي..لو كل زول التزم حدودو و أخلاقو..بنرتقي اكتر من كده

#تائب:سلمت يمناك..انا فعلا بحبذ ان الناس تتعارف و بيكون شي جميل و مفرح لو التعارف وصل للبيت والاهل..بس الغلط ببقي لما الناس ما تحترم خصوصيه بعض و تقعد تنشر خلافاتا علي العلن

#سمارا:اعتذارك واصل لكل الناس..و جد زي ما قلتي نتمني المنتدي يرجع زي اول والناس العندها نفسيات دي تمشي تتعالج و تجي راجعه

#بانه: تحياتي ليك ويسلم قلبك يا سكره..كلنا مرات بنمر بلحظات بنقول نسيب المنتدي..بس بنرجع عشان عندنا فيهو ناس حلوين و طيبين .. وعشان عين تكرم الف عين

عايز اعيش: تحياتي ليك..التعقيد و عدم الوضوح والجديه سبب كل المشاكل..وكما اسلفت..منتديات كتيره علاقاتا الاجتماعيه منهاره ..للفهم الخاطي عن اهميه المنتديات..
بالاضافه للفراغ العاطفي البعيشوه بعض الناس..

العمرابي: سكتنا كتير عن البحصل ..بس لازم الناس تتكلم عشان المشاكل تتحلا..يديك العافيه

#مسه: خطواتك جميله..لو كل زول اتبعها..ما بتجينا عوجه

#احمد ابو ايودي: احسن انت واضح وصريح من الاول..الكلام عن الناس البتلف و تدور و تكزب .. مع انك زاتك غلط لو فعلا جادي في انك عايز تتعرف كل بنات المنتدي ومافي زول يحاسبك..
ده ما المكان المناسب للتصرفات دي

#بالاضافه لمشكله تانيه زايده الامور سوء..
الاعضاء المسجلين باكتر من عضويه والاداره عارفه الحته دي
بقولو الزول الغبي هو البعامل الناس علي اساس انهم اغبياء
نصيحه ليهم..ما يصغرو من نفسهم كده و يرجعو لعقولهم

#ختاما:اتقوا الله في الناس
صورة العضو الرمزية
نسيم الشمال
مشاركات: 26385
اشترك في: السبت 2011.6.11 9:14 am
مكان: السعودية

رد: رساله لجميع الأعضاء..

مشاركة بواسطة نسيم الشمال »

#بالاضافه لمشكله تانيه زايده الامور سوء..
الاعضاء المسجلين باكتر من عضويه والاداره عارفه الحته دي
بقولو الزول الغبي هو البعامل الناس علي اساس انهم اغبياء
نصيحه ليهم..ما يصغرو من نفسهم كده و يرجعو لعقولهم
#ختاما:اتقوا الله في الناس...(هذا شيء خطيييييييييييييييييييييييييييييييييييييييييييييييييييييييييييييييير.إنا لله وإنا إليه راجعون)
صورة العضو الرمزية
ابو ايووودي
مشاركات: 6187
اشترك في: الجمعة 2009.2.6 6:02 am
مكان: جدة

رد: رساله لجميع الأعضاء..

مشاركة بواسطة ابو ايووودي »

نسيم الشمال كتب:
#بالاضافه لمشكله تانيه زايده الامور سوء..

الاعضاء المسجلين باكتر من عضويه والاداره عارفه الحته دي
بقولو الزول الغبي هو البعامل الناس علي اساس انهم اغبياء
نصيحه ليهم..ما يصغرو من نفسهم كده و يرجعو لعقولهم

#ختاما:اتقوا الله في الناس...(هذا شيء خطيييييييييييييييييييييييييييييييييييييييييييييييييييييييييييييييير.إنا لله وإنا إليه راجعون)

في ناس حظروهم وخاشين باسماء وهمية
بس المات منو يا نسيم الشمال
صورة العضو الرمزية
نسيم الشمال
مشاركات: 26385
اشترك في: السبت 2011.6.11 9:14 am
مكان: السعودية

رد: رساله لجميع الأعضاء..

مشاركة بواسطة نسيم الشمال »

ابو ايووودي كتب:في ناس حظروهم وخاشين باسماء وهمية

بس المات منو يا نسيم الشمال
استاذنا الغالي ابو ايووودي( إنا لله وإنا إليه راجعين )تطلق للمصائب كلتهاولم اقصد بها احد مات ..مع إنه البسجل بإسمين وهمين مفروض يعتبر من الميتين...
صورة العضو الرمزية
3Aiz A3eesh
مشاركات: 959
اشترك في: الثلاثاء 2014.1.14 2:35 pm
مكان: SoRe

رد: رساله لجميع الأعضاء..

مشاركة بواسطة 3Aiz A3eesh »

ريانه إمام كتب: عايز اعيش: تحياتي ليك..التعقيد و عدم الوضوح والجديه سبب كل المشاكل..وكما اسلفت..منتديات كتيره علاقاتا الاجتماعيه منهاره ..للفهم الخاطي عن اهميه المنتديات..
بالاضافه للفراغ العاطفي البعيشوه بعض الناس..


#بالاضافه لمشكله تانيه زايده الامور سوء..
الاعضاء المسجلين باكتر من عضويه والاداره عارفه الحته دي
بقولو الزول الغبي هو البعامل الناس علي اساس انهم اغبياء
نصيحه ليهم..ما يصغرو من نفسهم كده و يرجعو لعقولهم

#ختاما:اتقوا الله في الناس
السلامُ عَليكُم مُجدداً ريــانه ...
حقيقة لا ننُكِرهــا تتمثل في الإعتقــاد الخاطِئ عِند مُعظم الشباب و الفَتيات مِمن يدخلون إلى عالَم المُنتديات الإفتراضي تكُمن في أن تُتَرجَم ثقافة الحِرمان العاطِفي و المُجتمعي في أن يبحث الشــباب ( والعَكس ليسَ دائِماً صحيح ) عن ضَحــايا لأغراض مُختلِفة و هذا يرجَع بِكُل تــأكيد للعوامل الســـايكولوجية و التربوية عِند الإنسان و إذا نَظرنا للتركيب الفيسيوسايكولوجي للإنسان الشَرقي نَجد بأنهُ يُعاني من القدرية العاطفية و الكَبت في آنٍ واحِد و هذا ليسَ بِتَصريح أو سَك غُفران لمَن أخطأوا فِكرياً حَول تجارِب الســايبر بصورة عــامة و إنما تحليل بسيط رُبما قد يقودنا إلى خُيوط الحُلول المُستقبلية بإذن الله حتى يتثنى للجميع العُلو بشأن مُنتديات أنا سوداني إن أرادوا بتغيير جُزء من أنظمة القناعات لديهِم بأنّ ساحة المُنتديات ليست ببراحات للهوى و اللَغو و إنما لبث الفائِدة و الإستفادة و لا بأس مِن التواصُل المًحدود و بَعض المَرح حتى يلتئم الجَسَد الكَبير إن شاء الله ...

أما عَن الأعضاء الذين يسَُجِلون بأسماء مُتعدِدة فلا أجِد لهُم عُزراً و كما لللإدارةِ أيضاً إذ أنها يَجِب أن تتدارك الأمر و إن إستدعى إيقاف التَسجيل و مُراقة أرقام ال ip التي عَن طريقها يُمكِن معرفة البَعض مِن أمثال هؤلاء رَغم صُعوبة الأمر و تعقيدات التيكنولوجيا إلا أنهُ مُمكِن ...

أخيراً و ليسَ آخِراً نسأل الله أن يوفِق الإدارة و الأعضاء في رَسم لوحة أنيقة و مُتفَرِدة لأجل مُنتدى راقي و مُتحَضِر ...
صورة العضو الرمزية
تائب
مشاركات: 954
اشترك في: الاثنين 2010.6.14 7:54 pm
مكان: فى ام طرق عراض

رد: رساله لجميع الأعضاء..

مشاركة بواسطة تائب »

إخوتى الأعزاء
كما أسلفت إن منتدى أنا سودانى ثقافى فكرى
إجتماعى .. ولنقل مؤسسه ربحيه .. ولكن هذا ليس
كل شئ ..فالأنديه non profit companies من المؤسسات
ذات العائد المحدود ..
نعم إجتماعى .. وهنا دوائر الفكر والعلم والثقافه تجمع الناس و
تقرب وجهات النظر .. تجمع القلوب والامزجه .. يتم التعارف وتتطور
العلاقات وتلك المرحله الأولى من مراحل الحب stage 1 وفى هذه المرحله
يمكن أن تتنهى العلاقه لأنها لم توثق ولم تبنى على المعرفه الكامله وقد يكون طرفا
العلاقه لم يشاهدا بعضهم الا من خلال الصور .. وفى هذه المرحله يكون الطرفين
عقولهم مع بعض وأذانهم مع الطارق .. مع القادم .. وهنا تحدث المشاكل .. وسؤ الفهم
أنا الذى أعطيت .. وهى تقول أنا التى ضحيت .. وفى النهايه يقولوا ميه نطه ولا واحد خابور ..

وهنا تبدأ مرحلة الحب الدائم stage 2 وتكون بعد تطابق كبير فى الأمزجه والميول و
الأهواء .. مع بعض التباين contrast ..الأختلاف الذى يكمل الأشياء .. كالذى يعانى من
الإهمال ويجد إنسانه دقيقه ومرتبه .. أو الرجل المسرف المتهور ويجد الزوجه الواعيه
المدبره التى تحسن إستقلال الموارد دون أن تسبب له الضيق .. وتلك هى العلاقه التى تبدأ
فى المكتب أو المنتدى وتنتهى عند المأذون ..
المسامح
مشاركات: 222
اشترك في: السبت 2007.6.23 9:16 pm
مكان: السودان

رد: رساله لجميع الأعضاء..

مشاركة بواسطة المسامح »

الحمد لله الزول لقى منتدى فيهو مشاكل عالقه وفيهو كمان ناس واعييييييييين بيناقشوا كويس يعنى حوار هادف وجرئ جدا لدى خبرة بالمنتديات طويله لكن نقاش زى دا ما لاقانى ابدا ...
حيـــاكم الله ....
أشكر الاخت الكريمه على طرح الموضوع وغيرتها على المنتدى الشامخ كما اشكر اصحاب الردود بدون قرز واحمد الكريم انى فى ها المنتدى العملاق لان فيهو نااااااس جد فاهمين شديد ... وهذا دافع لكى يقدم الانسان افضل ..
ولكم كل الشكر والتقدير ولا انسى القائمين على المنتدى لما يبذلوه من جهد لرقى المنتدى ...

تحياتى العطره لكم
أضف رد جديد

العودة إلى ”ملتقى الأصدقاء والأحبة“