في درب البنات

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

في درب البنات

مشاركة بواسطة ودعلبوب »

في درب البنات يا يمه
أنا إتشتنته وإتبهدلته وتغربته دابي
وأنا إتوكرته في بلدن
بناتها بلا المهور الجامحة
فوق الريح تشابي

وجوهن يمه
كان شفتي القمر لجلج
يضاحك في الروابي

عيونن يمه
زي بحر المحيط والموج يولول
والعرق لافحني فايت وا خرابي

سنيناتن يمه
بلا شخب الحليب الصافي
يرهج في الكبابي

وريقن يمه
زي خمر التمور
المن زمان
طامرنو في جوف الخوابي

ورقابن يمه
وين رقاب الريل ؟؟
علي الحدب البعيد شرفن
علي هوهيو كلابي

وعودن يمه
متل الخيزران
فدعوهو
لوجعي وعذابي !!
العرجون يصارع في السبيط
مندلي........فوق قلب الجريد
هتان ينقط في العسل
يا ريت شرابي

ولونن يمه
زي لون القمح
ضروهو وشوف ضراني كيف؟؟
الله بضاريك يا الضرضر صوابي!!

دريباتن ....
عقاب التيه
ومافي خبير بشق التيه
علي بلد الدوابي

مهرن غالي غالي وما بقدر عليهن
وحاتك انت ما بقدر عليهن
وكمان شوفو المصيبه
نفيستي فيهن
ومنو البقدر امد ايديهو
لكيس المرابي (( المرابي الذي يتعامل بالربا )

دحين يا يمه
أنا راجع لدريبك
وأنا الغرقان
وفي الموجات بشابي
أصارع في الهلاك يا يمه قاسي
وبعد قربته لقبف الشرق
تلفحني شيمي
كاسحه مغربابي

وأنا قعدته زي فاقدن
مزوزو أجرجر في التراب
ودر حجابي

مشاكل الدنيا
مما فته منك
وإلى هادا الوكت
وايضاً كذلك إلى ما بعدو
ضددي مبشتنابي
أنا لا مالاً لقيتو
عشان أجيكي
أقدل مع الجنيات
تجيكي العافي
بس فضل شبابي

وأن كان للقروش
أن شاالله طايري
أنا معّلم الله
ليّ حولين أسم فرطاقه
ما دخلت جرابي

والخبر المهم ما قلتو ليك
قبل ما أنسى
في اخر جوابي
دا شيتن أصلو مافكرته فيهو
وحاتك ضمه ما كان في حسابي
إرادة المولى
موخافي عليكم
وكان ديسته لابد يوم تجيكم

خبيري مع البنات
والليل يهود
أهز ضرعاتي وأرفع في حجابي
أنا بقيت غنّاي
آه غنّاي
بلعلع في البنادر
ميل ناس ود صليليح
طنبرابي
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: في درب البنات

مشاركة بواسطة بت أبوظبي »

كلامك صح .. منو اللي يفهم !!
مشكور ود علبوب
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: في درب البنات

مشاركة بواسطة ودعلبوب »

لكني لي أحســـاس يسوق خطواتي لأجمل عيون
باكر بتلقي خطاي معــاك تتمشى ما بين الغصون
ما تقولي لي وصلت كيف مــن دل قلبك يا حنون
أنا قلبي أصبح ليك مكان يا الناسية إني انا ليك كون
صورة العضو الرمزية
!اجوكر!
مشاركات: 3
اشترك في: السبت 2007.8.25 8:24 pm
مكان: السعودية

رد: في درب البنات

مشاركة بواسطة !اجوكر! »

كلامك حلو يا ودعلوب
أضف رد جديد

العودة إلى ”همس القصيد“