المضايقات اللى بتحصل فى المواصلات

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
sadness
مشاركات: 932
اشترك في: الثلاثاء 2007.4.17 1:38 pm
مكان: ليبيا

المضايقات اللى بتحصل فى المواصلات

مشاركة بواسطة sadness »

يا جماعة انا بس عايزة افهم حاجة لانها مجننانى الناس اللى بضايق البنات فى المواصلات العامة بيستفيدوا ايه بصراحة فى ناس بتجيب الجلطة يتلصقوا فى الزول تقول فى معرفة سابقة ولا اصلوا ناس السودان كده اجتماعيين شديد ولا الحاصل شنو؟ :Smiels3:
صورة العضو الرمزية
ود أزهري
مشاركات: 727
اشترك في: الخميس 2007.10.25 6:36 pm
مكان: أمدر...أمان..
اتصال:

رد: المضايقات اللى بتحصل فى المواصلات

مشاركة بواسطة ود أزهري »

العزيزة sadness...لك التحية...وبعد...,,,

شكرنZ كتير على طرح الموضوع المهم (والرايح) بين السطور..,,..!!

أولا ً أشترك معاك في الرأي إنو في ناس في المركبات والمواصلات العامة بتتعمد مضايقة

البنات ويحبوا يعملوا جوطة وشوشرة في الحافلة (مع العلم إنو الناس ديل ممكن يكونو أولاد أو بنات) ..,

والكلام ده إما يكون من باب لفت الإنتباه ليهم (يعني عاينو لي أنا زول مهم) وهنا بكون الشي نفسي..,

وإما من باب إنو يوري أصحابو إنو بقدر (يحنِّك مع) أي بت في أي زمان أي مكان يعني (شِفِت) ..!!!..,

وإما من باب (المشاغلة) (إذا كان الطرف التاني ولد يعني) عشان (يثبـِّت) ليهو (جكسوية) على الماشي..,

وطبعا ً طريقة كلامي دي زي طريقة كلام شباب اليومين ديل اللي كلنا عارفنها :004: ..,

أما بالنسبة لي إنو ناس السودان إجتماعيين شديد ولا شوية..,..فأحب أقول ليك إنو الشعب السوداني هو

الشعب الأول عالميا ً من حيث الإجتماعيات والعلاقات العامة بين الناس..,

ودي (دراسة عالمية حول الشعوب لعــــ 2006 ــــام) ..., لكن..!! ...,

ما ممكن نقول إنو الأمور البتحصل في المواصلات العامة دي من أشكال الحياة الإجتماعية في السودان..,

بس أنا شخصيا ً كده بشوف إنو الظاهرة دي (البقت زيادتها ملاحظة في الآونة الأخيرة)..,

بتعبر عن الشخص الفاعل سواء بت أو ولد وبتعكس مدى فهمه وأعتقد إنو من الحلول المقترحة

لحل المشكلة دي (عشان بنتنا sadness ما تجيها الجلطة :040: ) إنو يتم التعامل من الطرف الفاعل

(على قدر عقله) يعني لو جاك ولد يا حوَّا يا أختي مشيه وبعد شوية بنسى الموضوع.., لكن كل ما تعاندي

(وتعملي تقيلة) بزيد الفهم الفي راسو وبحاول يوصل للدايرو (زي التحدي يعني) وتكوني انتي ضحية

الضيق (ودي مش دعوة للخفَّة :smiels0: لكن عشان تريحي نفسك من وجع الراس) ..,

وانت يا أخوي آدم لو جاتك بت (خفيفة) برضو نفس الفهم أخذها على قدر عقلها ومشيها وبتنساك

لمن تلقاك (ما مالي مركزك) وتكون ريحت بالك...

ومعليش على الإطالة لكن حبيت أوضح وجهة نظري الشخصية في الموضوع وأتمنى إنو الناس تشارك

وتورينا أراءها ووجهات النظر والحلول المقترحة للتقليل من ظاهرة المضايقة في المركبات العامة...

وتقبلوا تحياتي.....ود أزهري.. :040:
صورة العضو الرمزية
sadness
مشاركات: 932
اشترك في: الثلاثاء 2007.4.17 1:38 pm
مكان: ليبيا

رد: المضايقات اللى بتحصل فى المواصلات

مشاركة بواسطة sadness »

لك التحية الاخ ازهرى على ردك الاكتر من الرائع ده واتمنى انو الظاهرة دى تزول ولا يكون فى اى تحدى ياجماعة ورفقا بينا.
صورة العضو الرمزية
bet-handasa
مشاركات: 1596
اشترك في: الأحد 2009.3.22 6:41 pm
مكان: الرياض

رد: المضايقات اللى بتحصل فى المواصلات

مشاركة بواسطة bet-handasa »

المشكله ده بقت كتيره شديد الزمن ده زمان كانت من الشباب وكانممكن تتكلمي معاهو يقوم يحترم نفسو ويعرف انو ما اي بت ممكن ترضى بي المشاغله ده اما الان والمشكله العظمى بقت انو رجال كبار قدر ابوك ولا عمك اها الحل يكون شنو في رايكم الا نخلي المواصلات
موضوعك يستاهل النقاش
لك ودي وتقديري
صورة العضو الرمزية
مرتضي السيد عبد الرحمن
مشاركات: 225
اشترك في: الأربعاء 2008.12.17 8:04 pm
مكان: uae

رد: المضايقات اللى بتحصل فى المواصلات

مشاركة بواسطة مرتضي السيد عبد الرحمن »

والله انا في راي انو الشخص اللي بيتحرش كان ولد ولا بنت ده شخص غير سوي مريض نفسي بيحتاج علاج لو هو او هي انسان عاقل ما بيسوي حاجه زي دي في مكان عام و قدام الناس فاكر ما حد شايفوه و لكن اذا لم تستحي فاصنع ما تشاء.لك جزيل الشكر اختي الكريمهSADNESS
صورة العضو الرمزية
سودانية وافتخر
مشاركات: 196
اشترك في: الخميس 2008.4.17 11:33 pm
مكان: قلب افريقيا

رد: المضايقات اللى بتحصل فى المواصلات

مشاركة بواسطة سودانية وافتخر »

الحقيقة انا ماعارفة لي الناس بيضايقوا ... قبل كدا كنت راكبة الحافلة وكان جمبي واحد بنغلاديشي وكل مرة بيتلصق فيني وانا بزح منو وبقي يكررها فجأة قمت عاينت ليو قام وقف الحافلة ونزل ....
في النهاية انا شايفة انو البنت تقول ليهو لو سمحت زح شوية ما بالشكل لانو لو ماقالت ح يفتكر انها راضية بالمضايقة ....
شكرا علي الموضوع
ضو البيت محمد النور
مشاركات: 1296
اشترك في: الأحد 2009.3.15 11:47 pm
مكان: السعودية
اتصال:

رد: المضايقات اللى بتحصل فى المواصلات

مشاركة بواسطة ضو البيت محمد النور »

هذا الموضوع له عدة زوايا و الكلام فيه يحتاج الي صفحات لكن المهم فيه انه مهم
اولاً هذا الحركة لا تصدر الا من انسان ليس له من التربية ذرة واذا كان عنده تربية كان تذكر ان البنت هذه ممكن تكون يوما في مكانها امه او اخته او زوجته او جارته او اح اقاربه يجب ان يتذكر ذلك .
ثانيا : من جانب البنت لابدة ان تكن فيها ثقرة دخل بها هذا المجنون . اذا كانت متحشمة وجدية في النظرات ومحترمة في الرد وما عندها نقص في الاشياء التي دائما تكن مدخل للشيطان يراها فيها هذا الشاب . لايستطيع الشاب وان كان عديم التربية و الثقة ان يتحرش ببنت وهي في كامل الحشمة و التوازن
لا يستطيع فعل اي شي من النظرة الاولي الي البنت الجادة
وثالثاً : العامل الاقتصادي هو سبب هذه المصيبة اذا كان كل المراكب مخصصة البنات و الرجال لكان اخف من الزحام و التزاحم
وعوامل كثيرة لكن نركز في الاول و الثاني ولعل نجد حل اذا شعر الولد بالمسؤولية ووضع البنت الراكبة معه مكان اخته . وتحشمت البنت والتزمت باللبس الشرعي لكان الامر اخف .
صورة العضو الرمزية
Mr.POGIz
مشاركات: 622
اشترك في: الجمعة 2008.11.14 1:41 pm
مكان: ₪∫ წ∫ USA ∫ წ ∫₪≝

رد: المضايقات اللى بتحصل فى المواصلات

مشاركة بواسطة Mr.POGIz »

والله يا " sadness " لو الموضوع بيدي او كنت مسؤل عن المواصلات

والله اعمل لي البنات ديل حافلات خاصة ومكييييييفة ولونها بمبي

شوفيتي كيف

لكن نقول شنو بس

الله في
صورة العضو الرمزية
احسان
مشاركات: 9771
اشترك في: الأربعاء 2007.3.7 1:01 pm
مكان: السودان/الفاشر

رد: المضايقات اللى بتحصل فى المواصلات

مشاركة بواسطة احسان »

sadness كتب:يا جماعة انا بس عايزة افهم حاجة لانها مجننانى الناس اللى بضايق البنات فى المواصلات العامة بيستفيدوا ايه بصراحة فى ناس بتجيب الجلطة يتلصقوا فى الزول تقول فى معرفة سابقة ولا اصلوا ناس السودان كده اجتماعيين شديد ولا الحاصل شنو؟ :Smiels3:


طبعا يا حلوووووووو المضايقات دي بقت بشكل غريب لمن الواحد بقي يكره يمشي حته بالمواصلات

بس دا حاجة ضرورة في السودان بشكل عام ومضايقات الشباب لي البنات وكمان هسي بقي العكس في

انا ما عارفة الحل يكون شنو بس بالجد حاجة بتزعل وبتزعل شديد كمــــــــــــــــان

يسلمووووووووووووو علي الموضوع يا عسسسسسسلي
صورة العضو الرمزية
عصافير الخريف
مشاركات: 1189
اشترك في: السبت 2009.2.28 7:48 am
مكان: الدوحة
اتصال:

رد: المضايقات اللى بتحصل فى المواصلات

مشاركة بواسطة عصافير الخريف »

موضوع جميل نعم مشكل حقيقية وانتي في وسط المضيقات دي ولكن في قصة عجيبه بنسبه لموضوع المضيقات
(الدبوس ) في الموصلات
مشكور ة علي الموضوع
صورة العضو الرمزية
ابو ايووودي
مشاركات: 6187
اشترك في: الجمعة 2009.2.6 6:02 am
مكان: جدة

رد: المضايقات اللى بتحصل فى المواصلات

مشاركة بواسطة ابو ايووودي »

فعلا العادة دي انتشرت بطريقة غريبة ، في اولاد ما يكونوا عندهم اي موضوع يمشوا يقيفوا محل المواصلات ويتابعوا الحافلات حافلة حافلة كان جات بت حلوة ركبت ويقوم جاري يمشي يقعد جمبها وشويه شويه يتلصق ومجرد ما يلقى تجاوب من البنت يطير من الفرح ويبدأ يعمل في حركات ما كويسة ، لكن لو البنت احرجته قدام الناس ما اظن يكون في اسلوب زي كدا بس للآسف البنات بكون ساكتين للمضايقة ما عارف خجل والا راضين .
لك كل الود والاحترام سادنيس
صورة العضو الرمزية
هامونيت
مشاركات: 118
اشترك في: الجمعة 2009.6.19 7:44 pm
مكان: المانيا

رد: المضايقات اللى بتحصل فى المواصلات

مشاركة بواسطة هامونيت »

sadness كتب:يا جماعة انا بس عايزة افهم حاجة لانها مجننانى الناس اللى بضايق البنات فى المواصلات العامة بيستفيدوا ايه بصراحة فى ناس بتجيب الجلطة يتلصقوا فى الزول تقول فى معرفة سابقة ولا اصلوا ناس السودان كده اجتماعيين شديد ولا الحاصل شنو؟ :Smiels3:

عشان بوستك جرئ ويلمس الشارع العام السوداني عجبني جدا وحبيت اشارك وارد عن راي بصراحه وعن التجارب التي مرت باي بت او امراه وهي لا سلمت من الموضوع ادناه من المعاكسات والمضياقات بالذات من الطرف الاخر وهو الذكر الهو مسيطر على كل شئ والبت لالسف هي المبتليه
الساكته دائما لانها من مصلحتها ماتتكلم او تدافع
الحياء اصبح معدوم الايام هش من دب تلقاه اتحشر لا بيراعي انوا مره كده ممكن امك تتضايق او اختك او خالتك اوبنات خالتك او عمتك او بنات عمكاتك او بنات عمك او بنات خالك...................
لا فاكرينا من باب الاستمتاع والمرجله الكذابه مع احترامي لكل لا اسئ لكن الحاجه دي من باب الذوق والادب الرفيع والتربيه
ما اقول ليك لكن في ناس فن الزوق وبالذات في المركبات العامه قمه الروعه تحسي انتي مطمئنه لكن اظهار الوازع الديني مافي واختلط الحابل بالنابل ربنا يعفف شباب اليومين الدول ويكون بس عندهم حياء
فقط على الاقل واللهم استر بنات اليومين دول كمان وشباب اليوم
ودمتب بعافيه
صورة العضو الرمزية
أبعاج
مشاركات: 919
اشترك في: الخميس 2008.4.10 5:23 pm
مكان: السعوديه

رد: المضايقات اللى بتحصل فى المواصلات

مشاركة بواسطة أبعاج »

[frame="7 80"]--------------------------------------------------------------------------------

يا جماعة انا بس عايزة افهم حاجة لانها مجننانى الناس اللى بضايق البنات فى المواصلات العامة بيستفيدوا ايه بصراحة فى ناس بتجيب الجلطة يتلصقوا فى الزول تقول فى معرفة سابقة ولا اصلوا ناس السودان كده اجتماعيين شديد ولا الحاصل شنو؟
[/frame]


هذا الموضوع يتطلب إلقاء الضوء عليه بشده لانه مهم جدا , ونرجو من كل الاعضاء التفاعل
صورة العضو الرمزية
عمرالنعيم عثمان
مشاركات: 642
اشترك في: الجمعة 2009.4.10 9:33 pm
مكان: السعودية الرياض

رد: المضايقات اللى بتحصل فى المواصلات

مشاركة بواسطة عمرالنعيم عثمان »

sadness كتب:يا جماعة انا بس عايزة افهم حاجة لانها مجننانى الناس اللى بضايق البنات فى المواصلات العامة بيستفيدوا ايه بصراحة فى ناس بتجيب الجلطة يتلصقوا فى الزول تقول فى معرفة سابقة ولا اصلوا ناس السودان كده اجتماعيين شديد ولا الحاصل شنو؟ :Smiels3:
اختى سادنس اشكرك كثيرا على موضوعك الرايع يااختى العزيزة مافى بت بضايقوها الا هى تدى فى نفسها فرصة اتحدى اى ولد اسال بت لى حالوا مهما يكون الامر لكن بعد البنات مع احترامى ليك اللبس الضيق وتلقيها تناظر للاولاد عشان كدة تدى فرصة لضعفاء النفوس امااذاكانت بت ناس ومربية تربية كويسة اتحدى اى ولد اتكلم معاها ومشكورة على الطرح الرايع ودمتى بخير
حبوبة
مشاركات: 1274
اشترك في: الثلاثاء 2008.5.13 11:03 am
مكان: Damscus

رد: المضايقات اللى بتحصل فى المواصلات

مشاركة بواسطة حبوبة »

يابتي دا اسم شنو ؟؟ الله يفرحك دنيا وآخرة

أنا واحدتن من الناس ان رفعت عيني ولقيت واحد بيبحلق .. يعلم الله عيني مابشيله علة يقبل هو ..1

شماعة دي طبعا استحالة .. لكن ان قاعدة بسوي كلام سودانية .. البت عاقلة 2

طبعا ودازهري مسك الموضوع وقلبوا زين ماخلى شي .. وكلاموفي محلو 3

لكن الولد عصافير الخريف ده طلع تحفة THUMBUP.gif أنا معاه مية %
العكليت
مشاركات: 49
اشترك في: الجمعة 2009.6.12 1:10 am
مكان: ksa - jeedah

رد: المضايقات اللى بتحصل فى المواصلات

مشاركة بواسطة العكليت »

دايماً آدم هو المُلام ..

البنات لابسات إظهام الرقم .. وأديني حقنه.. وفصل الدين عن الدولة

دي طبعاً مُسميات لبس خليع

المهم كل هذه المثيرات والبت ما عايزه الولد إتلصق ..

كان ما إتلصق يبقى ما ولد زاتو ..

والبتلبس كده وما عايزه مضايقات .. تكلم بابا يشتري ليها سيارة :D
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: المضايقات اللى بتحصل فى المواصلات

مشاركة بواسطة ودعازة »

ال
تحية ليك اولا..
شوفى ياستى طالما الخجل البليد العندنا موجود الظاهرة دى حتزيد، هذا المتحرش او المتحرشة طالما كانت ردة فعلنا على تصرفه الاهبل خجلة فقد انتصر علينا بكل المقاييس بل وبنكون شجعناه على الاستمرار، وفى حسنة عندنا ممكن نستغلها كويس للقضاء على هذه الظاهرة وهى المتحرش ايا كان جنسه او عمره بيكون زى الحرامى مقر بداخله بانو بيعمل غلط ودى فى حد نفسها ميزة لنا لنرد وبقسوة على هذا المستهتر حتى ينفضح، وبما انى من الجنس الخشن صدقينى انو القليل ادب عندنا فيو لسة باقى ادب بس نحرجو وحتشوفى النتيجة.
خلاصة الساكت عن الحق شيطان اخرس فعلينا مسح كرامة مثل هؤلاء الاوغاد حتى لا يحسو بمؤكد نجاتهم من افعاله الغبية.
صورة العضو الرمزية
الخال
مشاركات: 231
اشترك في: الجمعة 2007.6.8 7:00 pm
مكان: india

رد: المضايقات اللى بتحصل فى المواصلات

مشاركة بواسطة الخال »

دقيقه دقيقه دقيقه دقيقه دقيقه دقيقه .........

الحكايه شنو ياناس ؟؟؟؟؟

نتكلم بصراحه ؟

اولا : انا عندى واحد صاحبى لو ما لقى الكرسى القدام الجنب السواق فاضى .... مابركب .

( وده من مضايقات البنات ليه ) . القال ليكم منو المضايقات من الشباب بس ؟؟؟؟؟

ثانيا : التحرش الجنسى ظاهره مافى السودان بس . فى كل العالم منتشره .

ثالثا : رغبة التحرش عند السودانيين بالنسبه ده لانكم يالبنات مادايرات العرس وما كايسات ستر الحال

الواحده كان ما سدو ليها مالها مليار ما بتعرس . ودايراه دكتور وعنده عربيه وشغال فى ذين وراسه

فيه كم شيبه لذوم الوقار .... ولونه بمبى وشنو ماتعرف !!!!!!!!!!!!! ( طبعا ما كلهم ) .

رابعا : الواحده دايره تلبس ( ادينى حقنه وغظهار رقم وفصل الدين عن الدوله والسجم والرماد ) .

ودايره الناس فى المواصلات يقولوا ليها ( ....... أحسنتى ..... ) و (اقرب جامع وين !!!! ) .

إنتى قايله الراكبين فى المواصلات ديل مخنثين ؟؟؟؟؟ ما رجال ؟؟؟؟؟؟

عايذه تثيريهم وتثيرى كل الغرائذ الجنسيه فيهم وما يعملو حاجه ؟؟؟؟؟؟؟؟ ( ما اظنهم انبياء ) .

حاجه اخيره :

بركب المواصلات من ولدونى .... ماحصل شفت منقبه ضايقوها .

البسى محتشم .... ومحترم ..... وخليك ملتذمه .... والبضايقك ....نذليه اقرب مستشفى .... لانه عيان .

تنويه هام ( الخطاب هنا للبنت السودانيه ... وليس للذميله الراقيه الرائعه سادنس )
صورة العضو الرمزية
Limia
مشاركات: 342
اشترك في: الاثنين 2008.7.7 10:05 am
مكان: sudan

رد: المضايقات اللى بتحصل فى المواصلات

مشاركة بواسطة Limia »

بجد شباب بحيكم كلكم لطرح هذا الموضوع
والله حكايه غريبه فى ناس مابختشو البنت كان لابسه شوال ياخال
برضو بشاغلوها الناس اتغيرت والله الزول زاتو بقه مابميز الصالح من الطالح
اختلط الحابل بنابل زى مابقول عمو كبير تلقاهو فى المواصلات اول ماتقعد جنبو اجى اجى
يشاغل والله ماعارفه اقول شنو لكن الناس اتغيرت خالص البنت كان حصل ليها حاجه
فى الشارع مابتلقه من يعينا على الذئاب دى
والله انا قبل كده شفت موقف ياجماعه بنت بكامل سترته لابسه توب
ودايره تركب المواصلات المهم فى واحد قرصا عمل ليها شنو مامعروف
المهم بقت تكورك وتكور موقف صعب.. والاغرب سيد الاكشن ولاهمو وبكل وقاحه وقلت ادب
بكورك فيها والناس الفى المواصلات ولا حياة لمن تنادى مافى راجل
داير اتكلم . بس فالحين خلاس خلاس هدى يابتنا!!!! شوفو جنس ديل والله انا اتغظت غيظه
وتانى فى موقف
وده حصل معى صحبتى بت مهزبه ومحترمه والله وخجوله شديد المهم فى المواصلات
واحد قرصا قبلت عليهو وادتو ليك كف زى الكف الولد لمن اتهجم ماقايل حايصدر منها
الرد ده .
ونصيحه للبنات ماتسكتو عن المضايقه والله يحفظكم
والله يهدى
صورة العضو الرمزية
شوتال
مشاركات: 270
اشترك في: الثلاثاء 2009.3.31 6:45 pm
مكان: وسط بلدي الحبيبة

رد: المضايقات اللى بتحصل فى المواصلات

مشاركة بواسطة شوتال »

[font=Courier New]السلام عليكم
صراحة في بعض ( وليس كل ) من البنات لبسن شين ( يعني مفروض اكون في شرطة اسلامية )

الحاجة التانية الشباب ما متعفف ( مفلسين وبايرين)
وانا في نظري عدم الالتزام والتمسك بالمبادي الاسلامية
ياريت شبابنا وشابتنا اكونوا قدوة للامة الاسلامية
[/font]
أضف رد جديد

العودة إلى ”حوارات جادة“