مكتبة الشاعرالفاتح ابراهيم بشير

مرجع لفطاحلة الشعراء

المشرف: بانه

صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

الفاتح ابراهيم بشير

قبــــلة غُنـــاي


احترت كيفن اوصفك .. والله يا قبلة غناي
لو كان بحور الكون مداد بتجف قبل ما تنصفك

حاولت اكتب ليك واقول * واوصف ملامحك بالشعر
لكن حروفي تذوب عديل * قدام عيونك تنصهر
يا عايشة في دمي وغناي * يا ديدن الروح والفكر
خلدت اسمك بي حروف * قطرات دماي كانت حبر

يا غنوة في وتري الحزين * يا ضحكة في الزمن الصعب
يا واحة في عز الهجير * يا راحة من بعد التعب
يا نسمة هبت في الدغيش * عزفت علي وتر العصب
يا رحمة من رب العباد * مكبوبة فوق خلق الله كب

سافرت في عينيك سنين * زادي المعاي ابيات غنا
مكتوبة بي دمي الصبح * شلال من الهم والعنا
صورت احساسي الدفين * بي قافية ليك معنونة
بتقول بلا كلفة ورتوش * يا انتي يا الموت والفنا

احترت في وصفك انا * وحارت معاي كل الحروف
مرات بشوفك يا مناي * ياقوتة في قلبي الولوف
مرات بشوفك ضي امل * دبج خطاي رغم الظروف
مرات بشوفك جارية نيل * امواجو عانقت الجروف
nunoosa
مشاركات: 340
اشترك في: الأحد 2007.6.3 12:40 pm
مكان: بلد الخير

رد: مع الشعراء

مشاركة بواسطة nunoosa »

اخي عمران

سلمت يداك

ويديك العافية

وصح لسانك

اتحفتنا بروائع اهلنا الشايقية اصحاب الكلمة الحنينة والنغمة الطروب

لك كل الود

والي الامام

ننوسة
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

ننوسه كل التحايا والتقدير
ومشكوره علي مرورك الذي اضاف
رونقه علي اشعار اهلنا في الشمال
واي الامام اختي ننوسه
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

الفاتح ابراهيم بشير



أريتو الشوق

أريتو لو الشوق زى البريد بيطوف


أنا كنتا يا خلاي سويتو فى مظروف


سطرت بى دمي أجمل وأرق حروف


وعنوتو لى إنسان ملك السمع والشوف


زولاً بريدو شديد كان لى مسافة طوف


فى لجة الأحزان وكتين ملانا الخوف


بهواهو يا خلاي ودغدغ هواهو الجوف


ما استغلا هواى مع إنى بيهو شغوف


علمنى كيف الريد نبنيهو طوف فوق طوف


ونتحدي للآلآم ونتجاوز أي ظروف


أصلو البريد غير زولو ما بيشوف


لو جابو ليهو الحور قدامو ماشه صفوف


أريت وصالنا يدوم ما يبقى بينا عزوف


نوصل مراسى الريد بعد الشقى المردوف


أنا اصلى يا خلاي بين الخلوق معروف


زولا بريد الناس ودايماً قليبي شغوف


أنا نفسى أشيد دار بالريد دوام مسروف


لى كل زول مظلوم ردا الحبيب مكسوف


وأكتب على بابوا تعبير دوام مألوف


يا صاحبى لا تحزن فى الدنيا نحن ضيوف
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

الفاتح ابراهيم بشير

عشان خاطر عيونك


عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين واقوت مرتع صباي واهلي
اشيل الزاد غنيواتن اردد فيها من جهلي
كلامه يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرته عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغل قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

قبله غناى ( منقول
احتـرت كيفـن اوصفـك .. والله يـا قبلـة غـنـاي
لو كان بحور الكون مـداد بتجـف قبـل مـا تنصفـك

حاولت اكتب ليك واقول * واوصف ملامحـك بالشعـر
لكن حروفي تـذوب عديـل * قـدام عيونـك تنصهـر
يا عايشة في دمي وغناي * يا ديـدن الـروح والفكـر
خلدت اسمك بي حروف * قطرات دمـاي كانـت حبـر

يا غنوة في وتري الحزين * يا ضحكة في الزمن الصعب
يا واحة في عز الهجير * يا راحـة مـن بعـد التعـب
يا نسمة هبت في الدغيش * عزفت علي وتـر العصـب
يا رحمة من رب العباد * مكبوبة فـوق خلـق الله كـب

سافرت في عينيك سنين * زادي المعـاي ابيـات غنـا
مكتوبة بي دمي الصبـح * شـلال مـن الهـم والعنـا
صورت احساسي الدفيـن * بـي قافيـة ليـك معنونـة
بتقول بلا كلفة ورتوش * يا انتـي يـا المـوت والفنـا

احترت في وصفك انا * وحارت معاي كـل الحـروف
مرات بشوفك يا منـاي * ياقوتـة فـي قلبـي الولـوف
مرات بشوفك ضي امل * دبج خطاي رغـم الظـروف
مرات بشوفك جارية نيل * امواجـو عانقـت الجـروف
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مكتبة الشاعرالفاتح ابراهيم بشير

مشاركة بواسطة عمران عوض »

ليه كل الدروب
يا قلبي الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مكتبة الشاعرالفاتح ابراهيم بشير

مشاركة بواسطة عمران عوض »

يانسمة مين غيرك


يانسمه مين غيرك يكسر حواجز البين
يتحفني بي اخبار مريودي نور العين
طولته مستني يكتبلي لو سطرين
يحكيلي كيف حالو وان شاء الله هو زين
مفروض يكاتبني مهما اكون انا وين
حسب اتفاقنا الكان يوم كنا متفارقين
رسلته مكتوبين ما جاتني أي ردود
ان شاء الله مانعو هو خير لا يبقى صد وجحود
يا حليلي انا الممكون وصابر على ناري
وكل ما ادس حزني تفضحني اشعاري
وكل العلي والبي اسبابو من جاري
ويومي الاقصر انا ما بيقبل اعزاري
يا نسمه قوليلو الحال وراك مايل
والليل بلاك ليلين وديمه الدمع سايل
قوليلو يومك داك يومي البقيت راحل
ماقلت لي الرد ما تشيلو هم واصل
يا نسمه عارفاني مكتول ضناني الشوق
للبلد من جم صلحاب كري والسوق
عمرابنا والقوزين ليهن سلام مطبوق
خاصه المحطه تحت وقز ام شديرة الفوق
شوق البلد جواي يا نسمه ازاني عديل
خلاني ابكي وانوح كل ما اشوف النيل
اطرى الجروف والناس تنزل دموعي تسيل
يمارى لي منظر منقه و قرين ونخيل
يا نسمه شفتي البي وتابعتي بالتفصيل
ارجوكي سافري خلاص واوعك من التاجيل
برجاكي فوق نارين حزني وظلام الليل
وبصبر لي يوم يومين فيها الله بيه كفيل
صورة العضو الرمزية
samraa alsudan
مشاركات: 635
اشترك في: الأربعاء 2008.8.13 8:17 am
مكان: السودان-Ph

رد: مكتبة الشاعرالفاتح ابراهيم بشير

مشاركة بواسطة samraa alsudan »

اخي الغالي جدا عمران عوض حقيقة
اعجبت واتحفت وانا اتنقل بين مكتبة
الفاتح ابراهيم بشير وما اخترته من
كتابات متميزة لهذا الشاعر الرائع
ومزيد من الابداع والتالق

ودمت في حفظ الله ورعايته
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مكتبة الشاعرالفاتح ابراهيم بشير

مشاركة بواسطة عمران عوض »

الغاليه دوما سمراء
سررت كثيرا بمرورك الذي اضاف الكثير
علي اشعار الرائع الفاتح ادامك الله علينا
وكل الشكر علي المرور
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: مكتبة الشاعرالفاتح ابراهيم بشير

مشاركة بواسطة السودانى الاصيل »

الفاتح ابراهيم بشير
سالت القمرا يوم بالليل تشرح لى شنو العجبا
قالت لى براك فسر يا اس بطل الغلبا
قت ليها عاجبك الليل وصمتو الطوق العقبا
قالت لا
قت ليها عاجبنك الزراع ما ديل نفوسم غضه كالعنبا
قالت لا
قت ليها امكن الصناع ما ديل للدوله عصبا
قالت لا
قلت ليها امن الساسه ما ديل بالم طوييييل تقول سلبا
قالت لا
قت ليها امكن العسكر ما ديل بياكلوا الجمره بى لهبا
قالت لا
قت ليها نان شنو العاجبك اااا القمرا
قالت لى من قبيييييل تفسر وساولك جلبا
وماك عارفنى انا القمره بموووووووووت
فى
فى
فى
فى
فى
فى
ريدة











الطلبه
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مكتبة الشاعرالفاتح ابراهيم بشير

مشاركة بواسطة عمران عوض »

اخي السوداني
مشكور كتير علي الاضافه الجميله
وسلمت يداك وفي انتظار الجديد
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: مكتبة الشاعرالفاتح ابراهيم بشير

مشاركة بواسطة ام صبا »

حقيقه الفاتح ابراهيم بشير شاعر مرهف عبر بحروفه الجميله عن دؤاخلنا بمفرده بسيطه ودائما الشايقيه ناس حنان
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مكتبة الشاعرالفاتح ابراهيم بشير

مشاركة بواسطة عمران عوض »

يديك العافيه ام صبا
ومشكوره كتير علي المرور والتعقيب
وشعر الشايقيه فيه طيبة واصالة اهل الشمال
بصفه عامه دمتي في حفظ الله ورعايته
سلامه
مشاركات: 3
اشترك في: الخميس 2009.3.5 10:17 am
مكان: الخرطوم

رد: مكتبة الشاعرالفاتح ابراهيم بشير

مشاركة بواسطة سلامه »

لكم التحيه بقدر امتداد هذا الوطن الرائع والتحيه للشاعر القامه الفاتح ابراهيم بشير ....................لو امكن ادونا قصائد عابره
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: مكتبة الشاعرالفاتح ابراهيم بشير

مشاركة بواسطة ام صبا »

يديك العافيه عمران عوض الواحد بفتخر انه من قبيلة الحنان
صورة العضو الرمزية
فتى الأحلام
مشاركات: 105
اشترك في: الجمعة 2009.4.24 10:34 am
مكان: فرنسا - باريس

رد: مكتبة الشاعرالفاتح ابراهيم بشير

مشاركة بواسطة فتى الأحلام »

أريتو الشوق

أريتو لو الشوق زى البريد بيطوف


أنا كنتا يا خلاي سويتو فى مظروف


سطرت بى دمي أجمل وأرق حروف


وعنوتو لى إنسان ملك السمع والشوف


زولاً بريدو شديد كان لى مسافة طوف


فى لجة الأحزان وكتين ملانا الخوف


بهواهو يا خلاي ودغدغ هواهو الجوف

هههههههههه والله موتني ضحك
السوداني الخطر
مشاركات: 160
اشترك في: الثلاثاء 2008.8.19 12:20 pm
مكان: K.SA

قصيدة ود حمد أحمد كلمات الفاتح غناء جعفر السقيد

مشاركة بواسطة السوداني الخطر »

عليكم الله يا احباب اتلموا وابقوا قراب
خلونا النعيش ايامنا الموت يا داخلنا الباب
الدنيا العبوس غدارة زى راية الفكى الكضاب
تضحك لك تقول جيدلى تتكئ تغرس النشاب
الموت يا صحاب بالجمله اصبح ما بدورلو اسباب
والعاقل يعيش اياموا ما دام من تراب لتراب
هسى ان ماتو مننا عشرة تلقاهم تمنيه شباب
والتاسع يكون وسطانى والعاشر يكون يا داب
اخدوا الحمكة من تربالنا اتوكل رمى التيراب
وعارف ربو من ينساهو والصابر دعاهو مجاب
علمنى الزمن يا خلا درسا ما قريتلو كتاب
انو الدنيا مهما تبقي كلها فى سؤال وجواب
اللقى يارفاق من الله زيو كذلك الإنجاب
والحظ ما بتجيبوا القوة والشقى ما بزيلو عذاب
والبكا ما بجيب الرايحه لو جرت الدموع صباب
والافراح تدور يمشولا والاحزان تجيك فى الباب
الدايرة السعادة يكوسها وبينا وبين حزنا حجاب
اولا فى رنين الضحكه قمتا فى لقى الاحباب
يا اخوانا التفاؤل نعمه ديمه يريح الاعصاب
والزول اليكون متشائم العصفور يشوفو غراب

*************************************
************************************
زولا فى وضوحو بلا الشمس ود حمداحمد يا رفاق
من شب قام درفون صغير سوالو جوه الناس عرش
يا هو الركيزه الفى الفريق زول حوبه شقيش ما يمش
تلقاهو قدام الرجال حا شاهو كلمتوا ما بتطش
من شب قام زولا قنوع ما زك يوم درب القرش
وما شالو حق زول بالغلط وما بيرضى سمعتو تنهبش
فى ليله كان راقد حزين وسارح فى الزمن الوحش
كيفن بعد كان حالو زين والسوق مفرهد ومنتعش
مـرت عـلـيـهـو سـنـيـن عـجـاف ضـمـايـر الـنــاس تطش
بس فجأة سمع البـاب يدق يالله خير واطرافو كلها ترتعش
فـــتـــح الــبــوابـة بـــلا نـفــس وقــدامـــو كــان ود الفتح
قـــال لــيــهـــو ادخــل قــالــو لا انـا حـالـى ماداير شرح
قـــال لــيــهـــو جـيــت والـعـشـم سايقنى يا اب رايا سمح
وقــفــت قــصــاد بـيـتى الـظـروف حـلـفـت يمين ما تزح
البيت معاهو المدرسه خلنى بى ايدي ازح
والنخله هادى قدر تشيل ياخدوهو قبال يصطبح
قال ليهو بس نقع البنوك سلفيه والحال ينصلح
قلبة وقلبتين ويا رفيق وبعدين نشيل نحن الربح
يا امة نقع الفتل ما الدنيا اصلو فرندقس
يوم انت طاير فى السماء ويوم تحبو فى جمر الفلس
بس قوى قلبك يا رفيق ونضمك يكون عجوة محس
من بدو كان درت النجوم تلقاها فى شهقة نفس
قبال كمان تصحى الشمس مشى للخزين ود العوض
قال ليهو إلا تمشى معاى اولادى ديك اكلو القرض
اتماسكوا الاتنين سوا ودحمداحمد داير يطير
مرات يجك ومرات يخب ومرات تحسبو زى عزير
بس فجاءة فى لمح البصر لقى نفسو قدام المدير
نزلهم كل الشروط فيهم شرط قاسى وعسير
كان الشرط ايه الضمان ما البنك منهجو برمكى
صاحبنا قام رهن الأرض الشاربه من دمو الزكى
مداهو معنى الإنتماء والضحكة فى الزمن البكى
ذرات ترابه تقولو لا والدنيا غرقت فى البكى
وين تانى تلقالك حضن ياويك وكتين تشتكى
مين السواي البفهمك يا حمداحمد غير حكى
انا يانى امك يا جناي من قمت زي تمر الفكى
يومو اليشيل فوقك تعب لابد فوق انا تتكى
لابد نرجع لى صاد لو حتى فى آخر العمر
ربيت اعمامك وابوك وما احتاجو لاعند القبر
يا ابنى لا ترهنى هوى يا ابنى عضى الصبر
ودحمداحمد بى حصار خلط البيصلح بالبضر
ماهمو ايه باكر يكون ما طالا حقق للغرض
شال القريشات وفى جيبو شيك سمو السند
مبسوط ويضحك منتشى وصاحبك يفوجج فى البلد
اولادو دايرين يابا جيب صاحبنا يدي بلا عدد
البت تجيهو المدرسة صاحبنا يدي بلا عدد
الحاجة همها توب سمح صاحبنا يدي بلا عدد
لامن شهور الجن مضن لقى نفسو مخنوق بالمسد
الشيكا باقى وقيتا جا اقصاهو لا يوم الاحد
ودحمداحمد انضرب بقى يجري زى القنقرد
مرات يفوتك فى السلام مرات يسوى بكى وحرد
بس فجأة صاحبك اختفى همل عقابتو وشرد
ما راعى احساس الورا وما راعى احساس البت والولد
ولى زوجتو الممكن تضيع فى زحمة الزمن النكد
السوداني الخطر
مشاركات: 160
اشترك في: الثلاثاء 2008.8.19 12:20 pm
مكان: K.SA

عم الزين- كلمات الفاتح -غناء جعفر السقيد

مشاركة بواسطة السوداني الخطر »

[frame="7 80"][align=center]عم الزين

يوم الناس قالولك لا لا
واترجوك ماتفوت الدار
ضرب بي كلامن عرض الحائط
وشلت شنيطك بي اصرار
قلت بسافر يعني بسافر
كل الناس بتقوم وتسافر
فعلا قمت ومشيت رايك
واتصرفت بدون ماتشاور
جيت البندر بي امالك
الا لقيت الوضع مغاير
خاب الامل الجيت عشانو
وقمت تلوم في الزمن الجاير
===========
كنت هناك بالجد متريح
فوق واطتك طالع ونازل
تاكل وتشرب من نخلاتك
وتصرف وتنفق من غير طايل
آخر اليوم لي بيتك ترجع
لا في مدافره لافي مشاكل
لابتقيف في بص شماعه
دمك فاير وعرقك سايل
لانشال ينشل ماهيتك
لاكمساري معالك متثاقل
لابتأشر للملاكي
سوقني معاك ياعم ان واصل
تحرج نفسك انت بتعرف
انو الطيبه انصارا قلايل
==========
انو تعوم عكس التيار
انت براك البدري اخترت
ليه ياقلبي تنوح تتبكى
وتندب حظك ليل ونهار
===========
لمن قمت وجيت البندر
كنت بظن الحال اتصلح
كنت بتحلم بي مستقبل
فيهو ابواب الخير تتفتح
الا لقيت الواقع امرّ
وزينا ناس تعبانه وتكدح
ناسا عايشه معيشة راقيه
بي تلفونا بتخسر وتربح
وناسا عايشه علي الماهيه
من يوم خمسه الجيب اتقمح
وناسا عايشه على خلق الله
يوما شحده ويوما تلفح
غايتو الحاله معادله صعبه
كأنو الناس قاعدين في مسرح
===========
عتدي سؤال بالجد حيرني
ونشف ريقي وراهو نشاف
ليل ونهار شاغل تفكيري
لما بقيت انا منو اخاف
حال الزول القالو موظف
وراتبو الشهري شوية الاف
لو عديت مصروفو الشهري
اكيد تلقاهو اضعاف اضعاف
===========
حلو معاي المسأله دي
وساعدوا معاي العم الزين
زول محمول وعندو اطفال
عشان ماياكلو يجيب من وين
يسرق ينهب يشحد
ولا كمان يغرق في الدين
عندو محمد واحمد وساره
وخمسه اطفال فوقم تومين
لازم يقرو وياكلو كويس
لازمن يلبسو لبسا زين
قولو معاي يسوي شنو
عشان مايعيشو يجيب من وين
===========
عم الزين يعلمبو الباري
ديمه عليهو الجوف محروق
كان في الماضي ركازة الحله
وياهو البربط للمطلوق
هسه وين ياحليلو التايه
ودر واصبح جنو كلام
يصرف عربي مبالغ فيهو
وناس الحي سمو النضام
مرات يضحك لمن تشفق
ومرات يبكي بكا الايتام
عندو عباره تملي يقولا
اوعك تحسبا بالارقام
تتعب نفسك في تضريبا
وآخر حاجه تجيك اوهام
===========
بعد الشفتو براك ياقلبي
اخير لك ترجع منك وليك
خلي وظيفة المكتب طايره
لا لا قسم مالايقه عليك
عود من تاني وازرع ارضك
دي مابتخدر الابايديك
عزة نفسك في واطتك
جنب نخلاتك وبين والديك[/align][/size]
[/frame]
السوداني الخطر
مشاركات: 160
اشترك في: الثلاثاء 2008.8.19 12:20 pm
مكان: K.SA

عفواً-كلمات الفاتح ابراهيم -غناء جعفر السقيد

مشاركة بواسطة السوداني الخطر »

[frame="9 80"][align=center]انا قلبى عشان ينساك دايرلو تانى زمن

عفوا حبيب قلبى ما انت لى وطن
***********
انا قلبى ذنبه شنو عودته انت عليك

علمته يبكى ينوح يوم ما يشوف عينيك

وكتين ملكته خلاص فريتها لجنحيك

خاطبته باستبداد قلت ليه اختار ليك
**********

هو الصبار المسكين راجى اليالى تروق

لا كل لا مل لا عاتب المعشوق

كل القدر قاله ياناس كتلنى الشوق

والضقته فى دنياى ما ضاقه قط مخلوق
********
انا يا خلائق اه ضقت العذاب اصناف

شلت الليالى سقد تشهد تبارك وقاف

جربت صبر ايوب كانت نهايته جفاف

والصابنى يالمريود بالعين محال ينشاف
*************
لو دار تعرف البى ارجوك مرة تعال

اقعد وعاين بس ما تسال اى سؤال

انا يا حليلى انا اصبح يمنى شمال

جوايا عشرة اشياء خلت حياتى محال

حظى التعيس الشوم الغيرة والعزال

ليل الضياع والخوف والحيرة والاهمال

انك تملى معاى و بيناتنا كم اميال

احساسى انى بسيط واحلامى واقفه جبال

صبر اً صبرتو عليك ذكرنى سيدنا بلال

حتى ان سكت انا تتكلم الاطلال

وآخر المطاف بالليل سافرت باستعجال

لا طلت بلح الشام ولا ضقت راحة البال

*******
برضك تقول لى اصبر اتحمل المكتوب

واتعوض الله خلاص انسانى يالمحبوب

خلتنى ذى عصفور هبت عليه هبوب

فنتله عشه شمال شالت صغاره جنوب[/align][/size]
[/frame]
أضف رد جديد

العودة إلى ”وثائق و شعراء“