بــــــــاعوضـــــة ........ رحيــــــــــل

يحتوي على كل أنواع القصص والأحداث الواقعية الشخصية .

المشرف: بانه

أضف رد جديد
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

بــــــــاعوضـــــة ........ رحيــــــــــل

مشاركة بواسطة لحــ غروب ـظة »

الجزء الأول منقول يا شباب ...

أما البقية فهو على لساني

وهو قصة مستوحاة من شخص بعرفو شدييييييييييييييييييد ...

وتقريباً هي حاصلة ....


الباعوض والحرامية من فصيلة واحدة اسمها ( القلق ) ...

بشتغلو فى شركة لديها اكبر طاقة من الامكانيات الممكنة وغير ممكنة ... وممكونة بالطاقة الشايلاها فى

عيونا ونخرتها ... الباعوضاية عندها حاسة شم تشمك من نوع دمك .. اذا كان بتاع اناناس بالفراولة او اناناس

بالقدوقدو او ملاح المرس او حتى ملاح الزبادى كما يقول اخوتنا الحناكيش ( للروب ) . اول ملاح لونه ابيض ..

متحالف مع الدايات ... وشغال فى مجموعة الازمات الدولية .

قدوما طويل طول زى الاباتشى – عفوا – زى ابو حليمة كما يسميه الاجانب بالثعلب المكار .. تخترق كل

اجهزة الرادار فى لحظة صدق وتجيب كثافتك وترديك كما تردى السيول حيشان البيوت .. والناس فى البيوت

ما تقيسا بى بيبانا .. وما تغرك دشوشهم والزمم خربانة حييييي .. جابو الدش عديل ربطوه اعلى مكانة ..

خلوا الناس تحت برواديهم الخسرانة زننننننن ...

زنننن دى تزن ليك جوة اضانك حتى لو خاتى فيها سماعة هيدفون او ام بى3 ومغمض عيونك وعامل فيها

مطنش .. باعوضة عاملة تحالف مع الليل ... لدينا جماعة كدا بدققو الناموسية نص النهار خوفا من قوات

التحالف وهجمات الجنجويد الباعوضية .. وحات الطاحونة هذه القوات لا تعترف بمجلس امن ولا مدرعات ناتو

ولا جنيفر لوبيز كلهم تعضيهم فى لحظة هنية ولا ابو مازن وتديهم مضاد الكلوركين المشحتف للجسم ..

الجميل جدا انو المضاد بخليك ترتخى وتنطط عيونك زى البصل فى ملاح الروب وتكب عصارة الفلين اللونو اصفر ..

ذات لحظة وكنا جلوسا .. اذ سمعنا صوتا يزن من بعيد .. فسألنا : ما هذا يا ابا الحسن ؟ .. اجابنا بكل قوة و

رباطة جأش ان الاصدقاء الجدد قادمون لمهاجمتنا ويجب علينا اخذ الحذر الشديد تحوطا لما سيبدر عن

الفعلة .. ودخلنا الناموسية جميعا .. عنقريب كبير زى القاعد فى متحف خليفة المهدى بأمدرمان وتحكرنا وتمينا الجلسة .

باعوضة رحيل من اكبر البواعيض التى رأيناها فى حياتنا قصيرة الامد زى الكاتيوشا ... باعوضة تحمل فى

رقبتها كل الاوسمة والنياشين والميداليات التى نالتها فى المهرجان الباعوضى بخور ابى عنجة .. كانت رحيل

تجلس خارج الشبكة العنكبوتية تحاور بعض الافراد عن طريق المسنجر اللايف ولفيف من الناس كانوا بداخله

ما عارف شالهم كيفن .. قادر الله على التكنولوجيا الخلتنا نشوف الزول زى ما هو ... لا تشوبه اى شائبة ولا حتى جلكينة ...

فجاة ... لو سمحت يا المخرج .. اكشن ... زننننننن من بعيد جانى طيفك زار خيالى وقطع حبالى وخلانى

طاشى شبكة السمك وشبكة الكهرباء وشبكة العرس والشابكنا غير الله يجى يفرتقنا ... ان شاء الله حيفرتكم ...

دخلت تلكم الباعوضة الاراضى الرحيلية وقامت رحيل جارية تقول الروب وتنده كل الراقدين فى الواطة بأن

يلحقوها ويفزعوها ويفكو اسرها من تلك الجيوش القادمة بلا هوادة ... رحيل تصرخ والباعوضة تحذر عبر

مكبرات الصوت بأن تستسلم واى مقاومة سوف تكون وخيمة العواقب .. هنا قفزت رحيل لداخل الناموسية

حتى ان رجل السرير إلتوت من شدة القفز بالزانة وقوة الاندفاع والخوف من المجهول .. وما سوف يحدث ..

طبعا الباعوض وانفلونزا الجداد وجهان لعملة واحدة زى العملة اللسة ما عملوها دى ... كدا بقو الباعوض

والحرامية والانفلونزا ونحن لينا الله وعيشة السوق ... كل دفاعاتنا الارضية ما نفعت .. تقول بعطلوها بى سر

الليل ويا حى يا قيوم ... وصلت الباعوضة لحدود دولة رحيل وبقت تعاين بخرم يبدو انه رحيل خرمتو وهى ناطة

من فوق للداخل .. الباعوضة هنا لديها كل ادوات الاختراق .. احضرت مستلزمات الشغل .. اول حاجة لبست

بنطلون جينز من ماركة كونز وبدلة رياضية وخوذة زى قوات الطوارئ الدولية وفى يدها الشمال مع الاسف

كانت تحمل بطارية تعمل بالليزر لزوم الشم ... يعنى باعوضة مدججة دججة بطالة .. رحيل كانت تفتكر ان

الباعوضة مفروض تلبس بلوزة وردية مطرزة من الاطراف وخاتا روج حسب لون البلوزة .. لكن الباعوضاية كانت

حريفة فى التزييف ... ودخلت جوة الناموسية ... وبدات المطاردة من زاوية لاخرى ورحيل تصرخ

الحقونيييييييييييييي ووووووب عليا يا بنات امى ... باعوضاية شنو السجم دى .. يا ابو مروّة ...

اخيرا وصلت الباعوضة الى اطراف قميص رحيل الذى حاولت بشتى السبل الدفاع عنه بقوة يحسدها عليها

دفاع برشلونة ... وعضت رحيل ... وخرجت بنفس الخرم الاول من الناموسية وصفقت جيوش الباعوض فى

الخارج وكرمّوا تلكم المناضلة واهدوها شهادة جديدة من الاختراق للبشر الذين رقدو سلطة ... وطلعت

الباعوضة لسانها وشتتت
.

:016: :016:
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: بــــــــاعوضـــــة ........ رحيــــــــــل

مشاركة بواسطة لحــ غروب ـظة »

وفي يوم آخر لرحيل مع الباعوضة....

وجدت رحيل أن الناموسية ما جايبة همها ...

وقررت رحيل إنها تتغطى بالبطانية ليييييييييييييي سبيبة راسها (كتمة النفس ولااااااااااا قرصة باعوضة)

وبقت تفكر وتفكر
وتفكر وتفكر

في الباعوضة

وإذا بها سرحانة مع الباعوضة وتشيلها ليك نومة وفي تلك الغمضة الصغيروووووووووونة

تهجمها مع الباعوض أحلامها


وكان حلم رحيل

بأنها تلبس خوذة وتحمل سيف ودرع ولابسة (البتاع بتاع الجنازير البلبسوه ناس زمااااااااااااااان ديك البجيبوهم في المسلسلات الدينية)


وتسألها أمها

أم رحيل: يا بتي مالك

رحيل : ماشة الحرب:

لأم رحيل: سجمي حرب شنو؟؟؟

رحيل : حرب الباعوض

وإذا بأم رحيل تسككككككككككككل:

ورورووووووووووووووووووووووووووك

رحيل : مالك يمة؟

أم رحيل تسكلب وتجقلب :

وووووب علي وووووووووووووب علي وب علي البت الحيلة جنت .

وعلى نغمة السكلبة والجقلبة تسمع رحيل صوتاً آآآآآخر يصحيها من الكابوس

وماهو الصوت

إنه زنننننننننننننننننننننننننننننننننننننننن .... ...... زننننننننننننننننننننننننننننننننننننن


تحاول أن تطنش وتقول أخير لي الكابوس
ولكن ماف سكة لازم تصحي


زنننننننننننننننننننننننننننن .... زنننننننننننننننننننننننننننننننننن

ولكن باعوضة لايوقة

وحاة الطاحونة الباعوض دا عندو تكتيك أنسى بس


ولاااااااااااااا أرف حريف ما يفكر زيو

تمد رحيل راسها وتخبط ليك الباعوضة وتغطي وشها تاني

لكن كان ليك يا رحيل في باعوضة تانية دخلت تحت البطانية اثناء المعركة الزننننننننننن* زننننننننننية

وإذا بها رحيل لا تسلم من قرص الباعوض

وكدا عرفت رحيل إنو الباعوض اساااااااااااااااااااااسا انتحاري.....

القارص منو مفقود الزننننننننننننننننننننننننننننننننننان منو موعود


وأساسا يعني بتكون الفكرة بتاعة الباعوض انو البتمشي ما تجي راجعة عشان ما توري باقي الباعوضات


انو الناس ديل بيعدو العدة ليهم ويفكرو دايما في هجوم

يعني لا تراجع بعد اليوم


ومن هنا ولي قدام ما حاتغطى حاكل القرصة في حناني وأحكها وأرقد أنوم


وأشوف لي حقن كتييييييييييرة وأختها في البيت ....

ولو لميت لي في باعوضة والله إلا أزن ليها في اضانها


وزننننننننننننننننننننننننننننننننننننننننن.............. زننننننننننننننننننننننننننننننننننننننننننننن


وتاني زننننننننننننننننننننننننننننننننننننننننننننننننننننننننن ....


وأحيييييييييييي من الباعوض....


وقبل ما أزنننننننننننننننن ليها أعضيها في راسها بعدين أزننننننننننن ليها في أضانا


*حاشية

الزنننننننننننننننن دي الموسيقى التصويرية والسلاح الفتاك بتاع الباعوضة البتخليك ترفعي الغطى

تخش ليك باعوضة تانية
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: بــــــــاعوضـــــة ........ رحيــــــــــل

مشاركة بواسطة لحــ غروب ـظة »

تخريمة باعوضية ............

قاليك عمنا شغال لافي في الحلة دوا البااااؤووود دوا الباؤووود

واحد اشترى منو و اتمسح ليك بالبتاع و نام الباعوضة قطعت لحمو

تاني يوم سمع ليك عمنا من الصباح في الشارع دوا الباؤوووود

مشا ليهو قال ليه ياخ انت كضاب ولا شنو دواك دة ما عمل لي اي شي

قال ليه يكون الاستئمال غلط.. انت تفتح خشم الباؤودة وا تكب الدوا في خشمو الباؤودة يموت

الراجل قال ليه انا كان قدرت اقبضها طيب ما اكتلها و خلاص

عمك قال ليه: و الله بردو فكرة
أضف رد جديد

العودة إلى ”سيناريو وأحـداث“