جامعة الجزيرة (بالمملكة العربية السعودية)

**ابراهيم الجيو** · #1 02-02-2008, 10:02

مقدمــــــــة:
تعتبر جامعة الجزيرة إحدى الجامعات الكبرى في السودان وهي تضم في الوقت الحالي 20 كلية و9 مراكز بحثية و5 معاهد متخصصة بها أكثر من من 50 تخصصا علمياً, ويبلغ عدد الطلاب في العام الدراسي الماضي في مرحلة البكالريوس (20.198) طابا وطالبة , وفي مرحلة الدراسات العليا 1175 طالبا وطالبة, ويبلغ عدد الأساتذة أعضاء هيئة التدريس 550 استاذ بالإضافة إلى 50 مساعد تدريس.

وتعمل جامعة الجزيرة على مد خدماتها العلمية والتعليمية ليستفيد منه أبناء السودان والوطن العربي وعلى توثيق علاقات التعاون في مجالات العلوم والثقافة والفنون بين السودان وأبناء الأمة العربية وذلك في إطار القوانين واللوائح المنضمة لذلك في السودان وفي الدول الأخرى.

اعتماد الجامعة: جامعة الجزيرة السودانية معتمدة ومعترفة بها رسمياً لدى اتحاد الجامعات العربية واتحاد الجامعات الدولية وشهادتها الصادرة عنها ليست بحاجة إلى معادلة.

الشروط:
1/ يقبل في الجامعة حملة الثانوية العامة أو مايعادلها لطلبة البكالوريوس.
2/ تقدم كافة الوثائق المطلوبة مع طلب الإلتحاق بالجامعة.
3/ دفع الرسوم المقررة.
4/ يتعهد الطالب بالإلتزام بأنظمة وتعليمات ولوائح الجامعة.

الوثائق المطلوبة:
1/ استمارة طلب الإلتحاق (القبول) مع استيفاء كافة المعلومات وفق شروط الجامعة ووزارة التربية والتعليم العالي في السودان.
2/ الأصل من شهادة التخرج للثانوية العامة أو مايعادلها.
3/ سند قبض للرسوم المقررة.
4/صورة البطاقة الشخصية أو العائلية.
5/عدد ثلاث صور شخصية.
6/ صورة من جواز السفر.

أقسام البكالوريوس:
1/ كلية الاقتصاد والتنمية الريفية (قسم إدارة الأعمال, المحاسبة والتمويل, والاقتصاد).

2/ كلية العلوم الرياضية والحاسوب تخصص (علوم حاسوب) وتضم (علوم الحاسوب, هندسة الحاسوب)

3/ كلية الأداب والتربية وتضم (اللغة العربية, والدراسات الإسلامية، المكتبات والمعلومات، اللغة الإنجليزية)

الماجتســـــــر:1/ كلية الاقتصاد والتنمية الريفية ( قسم إدارة الأعمال, المحاسبة والتمويل, اللغة الإنجليزية)
2/ كلية العلوم الرياضية والحاسوب (قسم علوم الحاسوب, الإحصاء, الرياضيات)
3 كلية العلوم الطبية ( قسم التمريض, المختبرات الطبيـــــــة).
4/ كلية الأداب والتربية ( قسم أطول التربي, علم النفس التربوي, المناهج وطرائق التدريس, اللغة العربية, الداراسة الإسلامية في التخصصات التالية( فقه مقارن - أصول فقه - سيرة نبوية - تفسير وعلوم القرأن - الحديث وعلومه - العقيدة الإسلامية) واللغلة الإنجليزية))

بالإضافة إلى درجة الدكتوره فيما ذكر أعلاه،،،،،

المعلوم أن أبناء الجالية السودانية بدوأ بالإلتحاق بالجامعات التي تتيح لهم فرصة البقاء بجانب أهاليهم دون الحاجة إلى السفر إلى السودان أمثال جامعة عين شمس المصرية, وجامعة سبأ اليمنية,, بالإضافة إلى الجامعات التي تتيح نظام التعليم عن بُعد ((الغير معترف به رسميا)) مع كلُ من بريطانيا وأمريكا وهولندا وكندا،،،،،

بالتوفيق للجميع،،،

**emadbaan6** · #2 04-02-2008, 07:04

الاخ ابراهيم شكراٍ ليك كتير . طيب ما تورينا معلومات عن طرق الاتصال و عن الرسوم للبكلاريوس و للماجستير و كدة

**ابراهيم الجيو** · #3 04-02-2008, 07:11

اقتباس:

المشاركة الأصلية كتبت بواسطة emadbaan6

الاخ ابراهيم شكراٍ ليك كتير . طيب ما تورينا معلومات عن طرق الاتصال و عن الرسوم للبكلاريوس و للماجستير و كدة

الأخ emadbaan6

وزعنا عدد قليل من البروشورات عن الجامعة في أماكن تجمع السودانين بالرياض،،

الرسوم مختلفة باختلاف التخصصات ووعلى حسب الرغبات،،

عموماً إذا حبيت أي معلومة،، ممكن تراسلنا ع الخاص أنا أو ود الدرديري،،،

**روقة** · #4 06-05-2008, 05:56

يا أستاذذذذذذ مش كلام غريب انا إذا عايز معلومة عن جامعة يجب ان اراسلك على الخاص ؟؟؟؟؟؟
كلام والله دي جامعة ولا حاجة تانية ؟؟؟

**ود المسالمة** · #5 06-05-2008, 06:21

مطلوب معلومات اكثر للتقديم ونوع الدراسة منتظمة والامتحانات في السودان ولا في مكان تاني
يعني ذي السفارة وهل التقديم لناس الرياض فقط ومشكورين علي المعلومات دي واعتقد بان هذا
موضوع الساعة الان الاسبوع الماض كان عندنا ندوة بخصوص التقديم للجامعات ومناقشة
المقترح المقدم باعتماد 70% من النظام التراكمي و30% من امتحان التحصيل في مراكز القياس
اكرري شكري وتقديري

**احسان** · #6 06-05-2008, 08:51

**انا والليل** · #7 08-05-2008, 17:00

يا اخي ابراهيم
مشكور علي المعلومه الحلوة عن جامعة الجزيره
ممكن طلب يامشرفنا العزيز ؟
انحنا عايزين معلومات عن
فرع جامعة الجزيرة في السعودية وشروط القبول فيه
و قيمة السنه في كل كليه
يعنى معلومات كامله لو امكن نكون شاكرين لك ومقدرين
تحياتى
انا والليل

**خالد الشنقيطي** · #8 31-05-2008, 18:28

اخي ابراهيم تشكر علي هذه المعلومات الثرة عن جامعة الجزيرة لكن لدي استفسار يخص طريقة الاتصال خاصة هنا في جدة هل لهم مكتب إتصال هنا ام لا؟ اكون سعيد جدا جدا لو وافيتنا عما سالنا وفي كيلا الحالتين انا سعيد.

**اميرة بكلمتي** · #9 06-06-2008, 00:24

مساكم الله بالخير
تخريمه : قريت اسئلتكم وحبيت افيدكم ...
.سوري صحيح السؤال ما موجه لي بس حبيت افيد بالبعرفو ....
عن جامعة الجزيره بجده هي في عمارت الشعله وانا عندي ارقامهم بس ما بعرف
شايفاهم بيقول الخاص فاذا سمحو لي انا ممكن اكتبها ليكم .....
او اخدوها من الدليل
905
والعرفــتو ان حيفتحو فرع جديدفي حي المطار القديم (الفيحاء ) او السلمانيه مامتاكده .....
تقبلو مروري ....

**النورس** · #10 06-06-2008, 09:42

اتمنا وضع معلومات كافيه لكي يستفيد الجميع

**daiforaver2** · #11 26-06-2008, 19:37

هل يمكن التقديم لتكملة الماجستير لخريجي الاقتصاد فرع تجارة و بنوك

**flower** · #12 26-06-2008, 21:54

رجاءاً أفيدونا طالما عندنا في المنتدى زول بيعرفها واحنا نثق في كلامو.

**أبو عمر** · #13 06-07-2008, 10:53

يا الأخ إبراهيم الجيو ..
أولاً سلااااااااااااااااااام وكيف حالك عساك بخير ..
يا خوي جامعة الجزيرة بجدة ... قروشها كتيييييييييييييييييييييييييييي يييييييييييييييييييرة ليه ما عارف.
أنا قريت في السودان دبلوم علوم كمبيوتر في فرع الخرطوم العمارات شارع (61) عام 1998م الدفعة الرابعة ودراستي كلها حتى خلصت كلفتني 270.000 جنية بس في ذلك الوقت ..
وجيت السعودية هنا وجلسنا هنا فترة طويلة .. ولما سمعنا بقدوم فرع في جدة للجامعة .. قلنا فرصة حلوة خلينا نكمل البكالوريوس .. ولما جينا للتقديم لإكمال السنة الباقية للبكالوريوس قالوا السنة بــ 10.000 ريال) .
والله حرام ياخي قولوا عاوزين ألف أو ألفين مثلاً .. لكن 10.000 ريال للسنة ما معقول جداً ودا نصب واحتيال واضح جداً.
يعني لو في واحد عنده 3 أولاد أو بنتين يقريهم 30.000 ريال في السنة يعني على بال ما يتخرجوا يكونوا دفعوا 100.000ريال والله حرام ..
ياجماعة القروش دي نجيبها ليكم من وين ؟؟؟ إنتوا فاكرين المغتربين ديل زي زمان .
والله وفي ناس ما قادرين يدفعوا حق الإيجار .. وفي ناس ما قادرة تسافر السودان على ما لاقيه حق التذاكر.
ياخي حرام والله حراااااااااااااااااااااااااااا اااااااااااااااااااااااااااااا اااااااااااااااااااام..

**فجر** · #14 06-07-2008, 11:19

الاخ ابو عمر عشرة الف مزعلاك

طيب اسمع الطامه الكبرى انت عارف لوداير تعمل الماجستير تبع جامعه الجزيره هنا فى السعوديه الرسوم كام تخيل

خط رقم

المفروض تدفع 6000 الف دولار

والغريبه السنه اللى فاتت كانت خمسه السنه دى بقت سته والحكمه شنوة من الزياده ما معروف

وهم دكاتره ما عندهم ومكان ذاتوا للدراسه للناس اللى باى كورسس ما فى

واول حاجه بيسالوك منها القروش قبل الشهادات وقبال اسمك ذاتو:D
الموضوع موضوع استثمارى بحت مش اكتر ولا اقل

**رهام الحضري** · #15 14-07-2008, 19:29

ياجماعة هم بطلبو قروش كتيرة كدة ليييييه حرام عايزين بيها شنو ولافاكرين المغتربين قروشم مدفقة ماعارفين يودوها وين

**شايله جروحي بروحي** · #16 24-07-2008, 14:19

السلام عليكم
ممكن معلومات اوفي يعني الاختصاصات فيها مقتصره علي المكتوب مافي اشعه
وهندسات معمار وديكور

**ibrahim abdelbagi** · #17 04-08-2008, 14:17

الأخ إبراهيم... شكر الله لك
بلغني مؤخراً ان هنالك مشاكل تواجه جامعة الجزيرة بالسعودية وهي بصدد أن تتوقف .. فهل هذا الخبر صحيح؟
أرجو تفضلكم بالإفادة لما له من أهمية نظراً لظهور نتائج الثانوية ورغبة الجميع في إلحاق أبنائهم بالجامعات؟
ولكم الشكر مرة أخري.

**flower** · #18 09-08-2008, 22:15

انا دي رجعت ليكم بعد طلبي ليكم وجبت ليكم خبر حلو وانا متأكدة وواثقة من الجاب لي الخبر. جامعة الجزيرة ال بيقولوا عليها تابعة للجزيرة في السودان متلبسة الاسم وعايزين ياخدوا من صيتها ومستواها بس وما خافو ربنا في القروش الاخدوها من ناس تعبانين ومحتاجين لي قروشهم ،المهم طلع اسمها جامعة المشرق وناس كتير سحبو منها و مارجعت ليهم قروشهم وما معتمدة ولا حاجة، فبطلب من اخوانا السودانين يصححواالمفهوم دا وما يرضو على جامعة الجزيرة ال في السودان ،عايزين يدخلوا اولادهم ليها يدخلوهم لكين ما يقولوا انها تابعة للسودان...
شكراً

**ibrahim abdelbagi** · #19 13-08-2008, 14:26

الأخ ابو الزهور (Flower) : شكر الله لك صنيعك ونفع بك ..
وأفيدك بأنه و بالإتصال بالمكتب الممثل لجامعةالجزيرة بجدة أفادوا بأن جامعة الجزيرة أستكفت هذا العام؟ وهم بصدد قبول الطلبات لجامعتي: أمدرمان الإسلامية و جامعة السودان في منتصف الشهر الحالي..

**سنيورة** · #20 15-08-2008, 00:31

دحين انا جيت منهم قالوا التسجيل اتوقف