مذكرات مسافر...............للسودان

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

مذكرات مسافر...............للسودان

مشاركة بواسطة احمد يس »

طرأت فكرة السفر فى هذا الوقت على غير العادة..............حيث اننى دائما السفر الى السودان فى نهاية العام الدراسى....... يعنى بين شهرى يوليو واغسطس........... ولكن الفكرة لاحت لى فجأة من خلال تحمسى على المنتدى وبعض المواضيع التى تحدثت عن السودان وصور معروضة عن الخرطوم......
جاءت هذه الفكرة كذلك لتلبية.........طلبات ملحة من خطيب ابنتى واهله لاتمام مراسم عقد القران.....

من بدأت رحلات السفر فى حياتى لم اكن مثل باقية الناس.......... ما حصل انى جهزت شنطة السفر قبل يوم او يومين من السفر.................دائما اضع اخر قطعة من اغراضى وانا اقفل باب شقتى او منزلى فى طريقى الى محطة السفر............

وهناك ناس لا يحلوا لهم طلب شىء الا وانت فى اخر ساعات قبل السفر وتحصى وتنظم كل دقيقة حتى تقوم بانهاء اعمالك على اكمل وجه. الطلبات تتراوح بين ادوية تساعد على الحياة وبين اشياء تافهه ممكن شراءها من السودان......................

كانت مشكلتى الاولى الحجز حيث موسم مركب اعياد الكريسماس وراس السنة وعيد الاضحى واجازات مدارس ودوائر حكومية تمتد لاسبوعين هنا بالمملكة.................
خاصة وانا مقاطع بعض شركات الطيران............. التى لا تحترم حقوق الراكب...............
حصلت على مقعد على شركة طيران الخليج بعد محاولات مضنية.................وانا من النوع الذى لا يعتريه اليأس سريعا.................والرحلة عن طريق مطار البحرين واخترت السفر للبحرين عن طريق جسر الملك فهد الذى يربط بين مدينتى الخبر والمنامة عبر الخليج العربى لمسافة 30 كيلومتر

للحديث بقية
صورة العضو الرمزية
الدكتوره
مشاركات: 799
اشترك في: الثلاثاء 2006.12.26 3:56 pm
مكان: الامارات

رد: مذكرات مسافر...............للسودان

مشاركة بواسطة الدكتوره »

الله يديك العافيه يا احمد
ومبروك لى بنت وعقبال ماتشوف عياله
ومتنظرين البقيه
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

شكرا يا دكتورة وعقبالك
سوف اواصل سرد مذكرات السفر كلما لاح لى بصيص من الوقت............ رجعت من السفر وجدت مكتبى مكتظ بالاوراق ............... ويمكن دخولى للمنتدى هذه الايام متدنى كثيرا .....
أامل ان اعود للفورمة فى اقرب وقت ممكن................ حتى الشاى ما بقيت اجد متعة فى ارتشافه شفطة شفطة.......... بقيت اشربه بالشاليمو................ ولنا عودة
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

الاخ صهيب
شكرا على المرور.......................
سوف تكون مذكرات بالتفصيل الممل انشالله بكل ما فيها من حلو ومر.............
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: مذكرات مسافر...............للسودان

مشاركة بواسطة بت أبوظبي »

متشوقين لمعرفة اخبار السودان .. وكيف حاله الأيام دي !
لتهيئه النفس ,, عشان زيارتنا قربت للسودان الحبيب ..
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

بت ابوظبى
شكرا للمرور وسوف اوافيكم بتفاصيل رحلتى...................... وانشالله توصلى بالسلامة
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

كنت فى مكتبى ليلة السفر حتى وقت متأخر من الليل .......... ليس بصفة مستمرة ..... كانت تتخلله تسلللات عنترية الى السوق القريب من مكتبى كلما تذكرت شىء لم اشتريه..............ذاكرة كاميرا ديجيتال.........شريط ممغنط لكاميرا تصوير فيديو................البدلة تذكرتها والمحل يكاد يغلق ابوابه فقد اشتريتها قبل اسبوع وبعد قياسات متكررة قرر المختص المتواجد بالمحل ضرورة ظبط بعض الجوانب فيها وتحسرت ايام ما كان بيير كاردان يستعين بى كموديل مثالى لتصميماته..........................
مكالمة تليفونية وانا فى السوق من العروس بابا لو ممكن كريم فاونديشن من فورايفر رقم 118
راسى شغال فى كل الاتجهات......... صداع يدق الابواب ومنه تذكرت قهوتى وقطعت الاشارة المرورية كى الحق بمحلى المعتاد والذى اشترى منه البن التركى منذ ما يزيد عن 15 سنه يحمص البن امامى ويضيف عليه الهيل وجوزة الطيب يعنى بن محوج............. البائع يعرف طلبى دون ان اتكلم.............اتفضل يا استاذ احمد........ مالك الليلة مستعجل..............معليش اصلى مسافر.........طيب ليه ما قلت انك مسافر عشان اضغط ليك القهوة هواء واقفل لك الكيس عشان تحتفظ بنضارتها وتكون طازة..............
تليفون من ابنتى الاخرى بابا ماتنسى اللاب توب.........................حاضر
شعرت انى لاعب سيرك اتمرجح بين احبال السيرك وانا فى هندام البلياتشو
ولنا عودة
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

وصلت البيت منتصف الليل................. الشنطة خاوية الا من اقفالها........قعدت افكر ابدأ من وين...... الشنطة الكبيرة ....... شنطة الاوراق الخاصة.........والا كدا اتفرج على نشرة الاخبار
وقررت فى النهاية....... ان اشرب فنجان قهوة....حيث كانت رائحتها الطازجة تحوم حولى من جميع الجهات................
قررت ان ابدأ بشنطة الاوراق.......... الكتاب رفيق السفر هو اول ما اتذكره عند السفر...... وكان رفيقى هذه المره........كتاب عن دراسة الجدوى الاقتصادية للمشاريع الصغيرة.......
الاقلام........ علبة السجائر ..... جواز السفر ... التذكرة....... ايصالات المغتربين من مساهمات وضرائب وزكاة وضريبة دفاع وبطاقة المغتربين.................
شعرت انو الانسان هو عبارة عن مجموعة اوراق متحركة.......................
من رف الدولاب بديت احضر الشنطة الكبيرة دون تمييز......................
ياترى اامن مفاتيح الكهرباء..............والمياه والا اخليها................
نسيت اخت ثوب السهرة اللى اشتريتو للمدام عشان ترضى عنى............حركات عواجيز
الفجر اذن.............. مواعيد تحرك الباص الى البحرين السادسة صباحا.......
نزل الشنط فى العربية....................حمام دافىء....... الاتصال بسواق الشركة لاستلام سيارتى من محطة الباص..............................
كرسى جنب الشباك عشان اتأمل مياه الخليج وانا على الجسر.................
لنا عودة
صورة العضو الرمزية
وليد بابكر
مشاركات: 15
اشترك في: الاثنين 2007.1.8 2:53 pm
مكان: الدوحة

رد: مذكرات مسافر...............للسودان

مشاركة بواسطة وليد بابكر »

تصل بالف سلامة ياحبيبنا..... وسلم على كل السودان وماتنسى (الشمارات)
مع الف سلامة
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: مذكرات مسافر...............للسودان

مشاركة بواسطة بت أبوظبي »

ياااااااااااااا وليد الراجل سافر ورجع بالسلامه .. نحمد الله !!

كدي خليه يكمل !!
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: مذكرات مسافر...............للسودان

مشاركة بواسطة Still I Need U »

[align=center]غايتو جنس مقاطعة عليك يا ود وليد ،،
الراجل لي هسي ما خت الشنط دي في العوضة ،،
خلي دايرين نشوف الحاصل شنو ،،
لي معاك كلام كتير بس بعد ما تخلص ،،[/align]
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

سواق الباص .........اخرتنا يا استاذ .....انت اخر راكب ......يالله شباب نقول بسم الله
انهرت على الكرسى ......لم انم منذ الامس.........مراجعة اخيرة .....هل انجزت كل الطلبات........
نسيت حاجة ....اشتريها بعدين من السوق الحرة فى البحرين.......؟ مخزون نوعى المفضل من السجائر
...... جميلة مياه الخليج ..... صافية زرقاء بلون عيون.....ممثلة لبنانية ما عارف اسمها شنو........
كدا هى رحلة الانسان جرى وركض وفى نهايتها برضو نسى يعمل حاجات كتيرة........
يالا شباب .... الجسر انتهى ...نقطة الجوازات السعودية...........على بعد 50 متر نقطة جوازات البحرين
..... جميل جدا ان تسافر........شعور لا يحس به سوى المسافر......نوع من الحرية ..... التخلص من القيود........... وجوه فى الباص مختلفة التعابير..............داير ادخل فى دماغ كل مسافر .......
اكيد كل واحد عنده سبب للسفر.................
دخلنا البحرين...............تشعر انك سافرت من قارة الى اخرى.............. اخر ما شاهدته فى الاراضى السعودية..........سيارات وباصات وسواقين عرب واسياويين .....فى الصباح الباكر والوجوه مكفهرة...
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

عندما تدخل البحرين تشعر بالراحة...............مافى قيود...... حسناوات يقدن سيارتهن .....
وجوه مبتسمة...... بائعات فى المحلات العادية............طبعا شىء غريب بالنسبة لقاطنى السعودية
وصلنا مطار البحرين الذى لا يبعد اكثر من 20 كيلو من الجسر.............. تسارعت الخطى للوصول الى كاونتر الخليجية........الموظف ....المسافرين للخرطوم استريحوا شوية ....... ما عارف ليه.........
مكالمة على الجوال من صديق سافر بالامس على نفس الرحلة الى الخرطوم..............
حمدالله على السلامة بابكر.......انشالله الرحلة كانت مريحة..............ههههههههههههه. رحلة شنو يازول انا بكلمك من الدور التانى فى مطار البحرين..... السفرية اجلوها امس واضطرينا للمبيت فى احد فنادق البحرين.......... عرفت السبب ليه المسافرين للخرطوم يستريحوا.......... بابكر انا فى مطار البحرين الدور التحت........ههههههههههه ........ ربنا معاك يمكن تبيت فى البحرين.....
ياترى طيران الخليج عليهو الدور عشان اضموا لقائمة شركات الطيران التى اقاطعها........ اصبر كدا يا احمد يمكن خير................. المسافرين الى الخرطوم لو سمحتم اجمعوا التذاكر هنا على الكاونتر.......
موظفى الخطوط اصبحوا يتعاملون مع الركاب تعامل موظفى الحكومة مع المراجعين........ نهر وشخط
ابيت اقدم تذكرتى ....... حردت ........ والا يمكن استهوتنى فكرة المبيت فى البحرين .....
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

يازول انت ما مسافر .................. راكب يجلس بجانبى فى المطار
مسافر لكن قرفان من معاملة موظفى الخليجية للركاب ....... طيب سلمهم تذكرتك عشان مايروح عليك الدور
........ ياريت يروح على الدور وينزلونى فى فندق ارتاح من عدم النوم والملم افكارى المتناثرة من تعب الايام الفاتت.......... والتغيرات الدراماتيكية فى موضوع عقد القران.................

بدات اغوص فى كرسى المطار وشددت قبضتى على شنطتى الشخصية........ كل ما املك بداخلها .... اموال ..... جواز سفرى ...... ايصالات الضرائب ..... سجائرى...... كتابى.....
كنت مثل من اعطيت له ابرة بنج ولم يعمل تأثيرها بعد الراس رايح جاى ..........ارى موظف الخليجية يمر امامى ....... الناس تحتضنى فى مطار الخرطوم.............. الشيخ ردد وراى زوجتك ابنتى على سنة الله ورسوله.............. صوت راكب يرتفع يخرجنى من غيبوبتى............ مابدفع والا كيلو واحد ماكفاية البهدلة اللى نحنا فيها...................... اراجع قوانين الاياتا استعدادا لشكلة كبيرة مع موظفى الخليجية................. سرير الفندق يلوح فى الافق....... ياترى حا اسهر وين فى ليل المنامة....
يا استاذ تذكرتك الطائرة حا تقفل يالله بسرعة................... راح الفندق وراحت السهرة.......
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

كعادتى دائما بكون اخر راكب على سلم الطائرة......... مابحب المدافرات والزحمة والعجلة ...... خاصة وانا ما بشيل معى الا شنطتى الشخصية....... يعنى ما بحتاج مكان فى الرفوف العليا للطائرة........
الطائرة ايرباص صغيرة........ 3 مقاعد جهة جلوسى............. المقعد المخصص لى على الشباك......
عاينت ....... اها بدينا.............. اكسكيوز مى اى ليك تو ست ان ويندو سايد........... سيدة صينية فى مقتبل العمر................ رديت عليها تشونج بانج ماو......طبعا هيا فهمت انو مافى مشكلة........... وانا كنت قاصد اقول ليها هو انتم كمان بتحبوا اشياء الغير زينا نحنا العرب.............. جلست على كرسى الممر وبيننا حدود فاصلة كرسى بدون راكب ............. طيب ناس الخليجية ديل مالهم ...... مافى حجز مافى حجز الدنيا موسم موسم..................سبحان الله...............كتف قانونى من المضيفة وهى تقفل باب الرف الفوق منى!!!!!!!! معليش فوتوها هو ما كتف كتف .... لكن انا شعرت انو كتف.................. بس انا روحى رياضية شديد...........
الله لا اله الا هو الحى القيوم لا تأخذة سنة ولا نوم ....................... الى اخر اية الكرسى...........
ارددها دائما عند الاقلاع والهبوط................................ تن تن مافى حزام ممكن نتمشى وناخد راحتنا
اخذت اطالع فى رفيقى الكتاب.................. دراسة جدوى عن المشاريع الصغيرة .... اتذكرت..... البيزنس حق شاربة توت وقلت ياترى هى عملت جدوى اقتصادية للمشروع ......... رائحة الوجبة....
لحم والا دجاج................ ما داير ولو ممكن قهوة .... طيب ممكن بس نخلص الغداء والقهوة بتجيك....
للاسف ممنوع التدخين................ شربت قهوتى ...... واخر حاجة اتذكرها قائمة الدخل للمشروع...
نرجوا ربط الاحزمة استعداد للهبوط فى مطار الخرطوم الدولى......................

ار يو تايرد...................... لا انا احمد يس ......................ده كان سؤال الصينية

ولنا عودة
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

نهبط على سلم الطائرة....... موظفى المطار وبعض موظفى الامن اللذين ما زالوا يحاولون التخفى فى ازياء مختلفة........... ولكن على راى الموسيقار عبدالوهاب ......( ولو داريت عنك حبى تفضحنى عينى فى هوايا)............. اجراءا ت سهلة فى شباك الجوازات على غير العادة..............

الجميع فى انتظار وصول الشنط على السير المتحرك................... بشائر غير مشجعة ........ ركاب طائرة الامس يتجمهرون حول موظفى الخليجية ........ والله الشنط لو ما وصلت الليلة انا لى كلام تانى معاكم ..... دا واحد من ركاب الامس..................
اول حاجة كنت افكر فيها هو اى ركن سوف اختار كى ادخن سيجارتى فى هدوء...............
تحرك سير الشنط ...... اراقبها عن كثب .. دى شنطتى الكبيرة .......لا ماهى .......طيب بس هدومى يا جماعة ..... البدلة ...... اكثر من ساعة وفى النهاية حصل ما توقعته.............. لم تصل حقائبنا........
هجوم على موظفى الخليجية................ ناس عندها سفر الى الاقاليم ما عارفين يمشوا وين............
زول ظريف قال انا لى 3 سنوات من السودان والمره منتظره الهدايا والله الليلة بوسة ما تدينى خليك من داك............
وللحديث بقية
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

الهروب من المسئولية هى الشىء السهل فى حياتنا العربية............... ما ممكن تقابل مسئول يوضح لك اسباب عدم وصول شنطك................هناك دائما موظفين صغار يتحملون اخطاء مسئوليهم ويتعرضون لبهدلة الجمهور......................
الناس فى ثورة وعندهم حق .......... الدنيا عيد وشنطهم تحمل فرحة اطفالهم.................
فى ناس مسافرة خارج الخرطوم........................
فى ناس ما عندهم اى ملابس او شىء ممكن يستخدموه فى الفندق لانهم من خارج الخرطوم ومواصلين السفر.................
موظف وموظفة من الخطوط الخليجية............ يا اخونا كدا املاءو الفورمات دى عشان تراجعونا مع كل رحلة للخليجية................ اجلس فى هدوء فى ركن من المطار حتى تنتهى الزحمة امام موظفى الخليجية... اكثر من 70 مسافر لم تصل شنطهم..................
سرحت فى سبب رحلتى والتغيرات الدراماتيكية فى موضوع عقد القران التى لم اذكرها لكم......
ويمكن كان عندى موضوع على المنتدى عن فستان الزفاف ولم يفطن احد لسؤالى ...............
التغيرات حصلت ....... لان المهر دفع والعروس تخرجت والعريس ما عنده مشكلة بيته جاهز وام العروس الله يديها الصحة والعافية قامت بالواجب فى التجهيزات من شيلة وارياح سودانية وخلافه وانا كنت مجرد سواق من سوق لسوق ومن موول لموول واشترى وبدل ورجع ...... فلما لا نجعلها عقد وزفاف................. والله فكرة.................
ياترى فى شنو تانى منتظرنى فى الخرطوم...................
يا استاذ عندك شنط ما وصلت................. اى اى ادينى الفورمات...............
مريت على السوق الحرة فى مطار الخرطوم اخد فكرة............... منتاجات محدودة عبارة عن البان وزيوت وحلوى العيد ......................
صرافة لتحويل العملة ودى جديدة اول مره اشوفها........................
خرجت من المطار ....... كمية كبيرة من المستقبلين لم اعرف منهم احد الا ابنى الذى حضر لاستقبالى....
ولفحة هواء بارد لم اعهدها فى السودان.........................
الدنيا عيد والشوارع مزدحمة بالسيارات................................
ظاهرة جديدة .......شباب زى الورد فى اشارات المرور يبيعون منتاجات لها علاقة بالعيد ورود
ومزهريات وحتى اطقم سكاكين لزوم الضحية (الخروف).............بقدر ما حزنت لهم لانهم وعلى ما اعتقد خريجين جامعات بقدر ما فرحت من قلبى لهمتهم ونشاطهم وعدم انتظارهم لوظيفة فى علم الغيب
ولنا عودة
صورة العضو الرمزية
نورا
مشاركات: 117
اشترك في: الأحد 2006.12.24 10:23 am

رد: مذكرات مسافر...............للسودان

مشاركة بواسطة نورا »

[glow1=FFCC00]
سبحان الله ليه السودان حاله متدهور بهذا الشكل !!
هل من اجابه !
شكرا
[/glow1]
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مذكرات مسافر...............للسودان

مشاركة بواسطة احمد يس »

وصلت الى منزلى المتواضع بضاحية شمبات الاراضى....... من جهة شارع الانقاذ....... استقبال بالاحضان من ام العيال والعيال ................... العيون بتتكلم وبتقول حاجات كتيرة.................
مثلا عيون حرمنا المصون بتقول شكلك تعبان بس المنتظرك اكتر...............
عيون البنات بتقول انشالله ما نسيت حاجة من طلبتنا اللى طلبناها
عيونى انا بتقول وين اقرب سرير عشان ارتاح.........
جارى حسن ........ حمدالله بالسلامة يا احمد ..... شنو الجاية الغريبة دى فى نص السنة...... المهم حمدالله على سلامتك...............
اعلان باجتماع مغلق مع المدام .............. لوضع خطوات العمل للتحويل المفاجىء لمشروع
عقد القران الى مشروع زفاف عديل...........
طبعا قد يتصور البعض انو موضوع ساهل ........ بس بينى وبينكم ما كان ساهل بكل المقاييس
يازولة كدى قولى بسم الله وربنا يتمم بخير...........
اجندة الاجتماع...............
- اولا تحديد مواعيد العقد وحفلة العرس
- ثانيا تحديد التزاماتنا نحن ( فريق العروس )
- ثالثا تحديد نوعية الدعوات المقدمة للناس كحد ادنى واعلى ( لما يترتب عليها من التزامات)
- رابعا تقسيم العمل بيننا كا اسرة صغيرة مع امكانية طلب المساعدة المعنوية من الاسرة الكبيرة
- خامسا تحديد مدى ارتباطنا بدوائر حكومية مثل الجمارك لتخليص اشياء خاصة بالعروس تم شحنها من الخارج
- سادسا مرتبط بالبند السابق وهو خاص بام العروس لتفقد منزل الزوجية لوضع اللمسات الاخيرة.
- تحديد مرافق للعروس فى كل تنقلاتها............ طلبات كتيرة
- التنسيق فى جميع الخطوات مع فريق العريس مع تعيين ظابط ارتباط بين الفريقين.........
- البند الاهم فى الموضوع بنود الصرف تقريبيا وتحديد مصادر التمويل.........

ولنا عودة ا
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: مذكرات مسافر...............للسودان

مشاركة بواسطة Still I Need U »

شأسكتي ساي ،،
إجابة بس البسيطة دي
تعالي السودان وأنت تشوفي بأم عينيك ،،
جنس تدهور وبهدلة ،،
أضف رد جديد

العودة إلى ”حوارات جادة“