فتوى تبيح القبلات بين غير المتزوجين

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
كابو
مشاركات: 3612
اشترك في: الخميس 2008.1.17 6:20 pm
مكان: نيل بلادي

فتوى تبيح القبلات بين غير المتزوجين

مشاركة بواسطة كابو »

أثارت فتوى جديدة أطلقها المفكر الاسلامى جمال البنا ( الاخ الاصغر للعلامة حسن البنا ) باباحة القبلات بين الشباب والفتيات فى الأماكن العامة جدلا واسعا فى الاوساط الدينية والعلمية في مصر. اتهمه بعض علماء الأزهر بنشر الفاحشة عن طريق هذه الفتوى وطالبوه بالتراجع عنها علنا.

وكان البنا قد أفتى في برنامج بقناة "الساعة" الفضائية بجواز تقبيل الشباب للفتيات معتبرا أن القبلات بين غير المتزوجين من الشباب والفتيات " من الضعف البشري وتدخل ضمن اللمم فى الاسلام، أى الذنوب الصغيرة التى تمحوها الحسنات".

وتمسك البنا بفتواه وقال ـ(لاحدي القنوات العربية الاخبارية): علينا أن نعترف بالواقع الذى لا يمكن تجاهله فى هذا العصر وهو عدم قدرة كثيرين من الشباب والفتيات على الزواج في ظل المعروض من المؤثرات الخارجية التى تؤثر على الغريزة الجنسية التي غرسها الله في الانسان".

وأضاف: لا يجب أن نهون من هذه المشكلة، فلا يكلف الله نفسا الا وسعها، وهذا ليس معناه الدعوة الى الفساد. وتابع "للأسف الشديد دائما يتم تأويل ما أقوله والقاعدة عندى انه ليس كل محرم من ضرورى أن لا يفعله الانسان".

واستطرد البنا "أن تأخر سن الزواج وارتفاع تكاليفه وانتشار البطالة هو الذى يؤدى الى هذه الذنوب الصغيرة كالقبلات".
وقد رد علية الشيخ جمال قطب من كبار علماء الازهر ورئيس لجنة الفتوى السابق حمل بشدة على جمال البنا وقال إن هذا الكلام يؤدى الى نشر الفاحشة والانفلات المجتمعى.
علما بان هذا الشيخ يبلغ من العمر ثمانين عاما وغير متزوج وكمان أمرد
شيوخ آخر زمن
صورة العضو الرمزية
حزن السنين
مشاركات: 4294
اشترك في: الأحد 2006.12.3 11:05 am
مكان: ~ معبد الاحزان ~
اتصال:

رد: فتوى تبيح القبلات بين غير المتزوجين

مشاركة بواسطة حزن السنين »

لا حول و لا قوة الا بالله العلي العظيم
هذه من علامات الساعة تفشي الفاحشة
و الدعوة اليها حتي من علماء المسلمين

ندعوا من الله ان يهدي الجميع ،،،،
سوسو52
مشاركات: 13
اشترك في: الثلاثاء 2007.10.2 11:39 am
مكان: ام در ياربوع سودانا يحييك

رد: فتوى تبيح القبلات بين غير المتزوجين

مشاركة بواسطة سوسو52 »

كان مفروض تسحب كلمة العلامة ولا شنو ؟؟؟؟؟؟؟؟؟؟؟؟؟
لانو يدعو الي الفساااااااااااااااااااااد
محمد صالح محمد جبارة
مشاركات: 23
اشترك في: السبت 2008.3.8 9:26 pm
مكان: ليبيا

رد: فتوى تبيح القبلات بين غير المتزوجين

مشاركة بواسطة محمد صالح محمد جبارة »

هو لو كان اتزوج وجاب ليهو اولاد كان غير كلامه
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: فتوى تبيح القبلات بين غير المتزوجين

مشاركة بواسطة ودالدرديري »



كابتن كابو

نهارك سعيد


إباحة القبلات بين غير المتزوجين تعتبر دعوى صريحة للفجور والمعصية

نفس الشيخ دا ومعاهـ شيوخ تانيين من نفس المدرسة أباحو قبل فترة رضاعة الكبير

تفتكر لو هو متزوج وعندو بنات حيرضى يتبادلن القبلات مع زملائهن في الجامعة مثلاً ؟؟

طيب بعد القبلات في شنو تاني والناس ديل ماشين لي وين ؟

وعايزين يصلو لي شنو ؟؟

الله يستر

يديك العافية

وليييييييييييييي قدااااااااااااااام









و................الباقي على الله





صورة العضو الرمزية
بنت الجود
مشاركات: 1871
اشترك في: الخميس 2008.1.24 7:52 pm
مكان: سعوديـksaــه

رد: فتوى تبيح القبلات بين غير المتزوجين

مشاركة بواسطة بنت الجود »

لاحول ولاقوة الابالله انا لله وانا اليه راجعووووووووون يعني مافكررررررر انا يؤدي الا (الزنا)والعياذ بالله ,,,
تقبل مرور وتعقيبي تحياااااااتي بنت الجود,,,
صورة العضو الرمزية
كابو
مشاركات: 3612
اشترك في: الخميس 2008.1.17 6:20 pm
مكان: نيل بلادي

رد: فتوى تبيح القبلات بين غير المتزوجين

مشاركة بواسطة كابو »

انا معاكم انو الزول دا ظاهر عليهو الخرف لانو الكلام البيقول فيهو ما كلام زول عاقل انا لو في زول قال كلام زي دا ماصدق لكني شاهدته البارحة بتكلم في قناة العربية يعني سمع وشوف .
تشكري اختي بنت الجود
يا ود الدرديري الحكاية تبدأ بالقبلات وبتنتهي في دار رعاية الايتام ربنا يهديهو.
اخي محمد صالح يبدو انو الزول دا معرس ليهو واحدة من الجن شفاه الله
اختي سوسو والله لو كان علي اوديهو المشنقة مش اقول عليهو علامة لكن حقو العلمي نعمل شنو في القانون بقولوا الفقية جان جاك روسو تفتكري الزول دا فقية؟
اخي حزن السنين كلام صاح واذا قرأنا حديث الرسول (ص) عن اشراط الساعة نجد معظمها قد تحقق وتبقي فقط خروج الدابة التي تكلم الناس.
نسأل الله له ولنا الهداية والمغفرة.
صورة العضو الرمزية
ابن الخطاب
مشاركات: 494
اشترك في: الثلاثاء 2007.7.3 8:45 pm
مكان: وطن الجدود وبالتحديد المعمورة

رد: فتوى تبيح القبلات بين غير المتزوجين

مشاركة بواسطة ابن الخطاب »

يا جماعة انا في واحد مجنني وداير اقتلوا , شوفوا لي واحد من علماء قدر ظروفك يعمل لي فتوى تبيح القتل

كنت بهظر

لكن دة الواقع الناس (وليسوا علماء) ديل دايرين يحللوا أي شي

مهزلة يجب ايقافها ودة خطر على المجتمع المسلم
صورة العضو الرمزية
دلع
مشاركات: 1419
اشترك في: الثلاثاء 2007.9.11 12:39 pm
مكان: قلــب طــفله ..
اتصال:

رد: فتوى تبيح القبلات بين غير المتزوجين

مشاركة بواسطة دلع »

دي علامة من علامات اقتراب الساعة ..

قال عليه الصلاة والسلام : "وكثر خطباء منابركم، وركن علماوَكم إلى ولاتكم فأحلّوا لهم الحرام وحرَّموا

عليهم الحلال، وأفتوهم بما يشتهون" ...

غفرانك ربي !

اللهم اهدي ابنائنا وبناتنا وثبت تقوانا وايماننا يا ارحم الراحمين..
صورة العضو الرمزية
عازف الأمل المفقود
مشاركات: 1426
اشترك في: الثلاثاء 2007.9.4 11:50 pm
مكان: السعـــــــــــــوديه
اتصال:

رد: فتوى تبيح القبلات بين غير المتزوجين

مشاركة بواسطة عازف الأمل المفقود »

لا حول و لا قوة الا بالله
صورة العضو الرمزية
عاشقة محمود عبد العزيز
مشاركات: 669
اشترك في: الجمعة 2007.3.2 12:17 pm
مكان: الامــــارت

رد: فتوى تبيح القبلات بين غير المتزوجين

مشاركة بواسطة عاشقة محمود عبد العزيز »



لا حول ولا قوة الابالله


والله المصريين عاوزين يفتنوا الأمه في دينها كل يوم فتوى شكل


وتحليل وتحريم بمزاجهم اللهم يامثبت العقول ثبت عقولنا


صورة العضو الرمزية
كابو
مشاركات: 3612
اشترك في: الخميس 2008.1.17 6:20 pm
مكان: نيل بلادي

رد: فتوى تبيح القبلات بين غير المتزوجين

مشاركة بواسطة كابو »

أختي العاشقة
يجب ان لا نؤاخذ كل المصريين بما يفعلة السفهاء منهم.
فمنهم علماء اجلاء اثروا الساحة الاسلامية بكتاباتهم ومحاضراتهم وفكرهم
فما ينفع الناس يبقي اما الزبد فيذهب جفاءا
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

رد: فتوى تبيح القبلات بين غير المتزوجين

مشاركة بواسطة ابوبكر »

لو انت بتعرف عن حسن البنا وطريقة تربيته لتاكدت من ان هذا ليس اخاه والمعروف عن اخوان حسن البنا من الأخوان المسلمين الإلتزام الأخلاقي والديني فكيف تكون هذه اخلاق من تربى بينهم .
كان عليك التأكد اكثر قبل كتابة هذا الكلام .
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: فتوى تبيح القبلات بين غير المتزوجين

مشاركة بواسطة sunni »

الأخ كابو،،، معك الف حق،، والحلقة دي أنا حضرتها بعد ما إتصل بي صديق وقال لي افتح القناة وشوف الحاصل.

العيب ما فيه، العيب في سهولة الوصول للإعلام،، والعيب في سعي الإعلام لكل ما هو ملفت،، حتى وإن كان فتنة. العيب في من يضع أمام اللحميرمكبرات الصوت ليسمعنا نعيقها ويصم بها آذاننا ويسمم بها الأفكار الرخوة.
فمن شهد الحلقة لن يلتفت إلى كلمة مما يقول،، ولكن من يحكي له (خلاصة من قاله)،، فإنه سيندهش كما أصابتكم النتم الدهشة هنا. هذا الرجل أستغرب على كل من قال عنه (عالم) او (فقيه) او أي صفة أو لقب يعلي من شأنه. فقد حضرت من الحلقة 17 دقيقة فقط وقع فيها في 3 أخطاء لا يقع فيها طالب العلم المجتهد،، ناهيك عن العالم
1. أخطأ في نص آية كريمة،، فصححه خصمه في النقاش،، فكان رده (المهم قصدي مفهوم)
2. ذكر نص حديث،، فصححه خصمه بأن هذه (مقولة) وليست حديث شريف،، فبهت،، وما عرف يرد
3. حاول أن يستشهد بأيه،، فقال (الأية البتقو في معناها .... ) وكانه يحكي عن بيت شعر،، فلم يفلح في إعطاء أي مرجع للآية،، ولا من أي سورة، ولا رقمها، ولا نصها...... فتبسم خصمه في النقاش.

لا تعليق،، وفي ثنايا حديثه كان هناك العديد من المغالطات،، وهناك الكثير من المفهوم الخاطيء للعديد من الآيات،،، فما أشبهه بأعمى يحاول أن يرسم جمال السماء في ليلة مقمرة،، أو أصم يقلد تغريد البلابل

حسبنا الله ونعم الوكيل في مثل هؤلاء، وكل من ينشر الفتن
صورة العضو الرمزية
كابو
مشاركات: 3612
اشترك في: الخميس 2008.1.17 6:20 pm
مكان: نيل بلادي

رد: فتوى تبيح القبلات بين غير المتزوجين

مشاركة بواسطة كابو »

أخي ابوبكر
اني اعرف الشيخ حسن البنا جيدا وهو المؤسس لجماعة الاخوان المسلمين في مصر وأثر ذلك تكونت جماعة الاخوان المسلمين في السودان ولايخفي عليك دورهم السياسي والاجتماعي في القطرين.
وليس معني ان هذا المهرطق ابن البنا ننفي نسبة لترهات تفوة بها فابو لهب لايمكننا ان ننكر نسبة لرسول الله (ص) لانة كافر وعلي هذا فقس.
والمثل السوداني بقول النار بتلد الرماد
صورة العضو الرمزية
كابو
مشاركات: 3612
اشترك في: الخميس 2008.1.17 6:20 pm
مكان: نيل بلادي

رد: فتوى تبيح القبلات بين غير المتزوجين

مشاركة بواسطة كابو »

أخي السني لم تنطق الا حقا
لا أسكت الله لك حسا
صورة العضو الرمزية
مغترب
مشاركات: 84
اشترك في: الخميس 2007.5.24 8:43 pm
مكان: السعودية

رد: فتوى تبيح القبلات بين غير المتزوجين

مشاركة بواسطة مغترب »

بسم الله

شكرا للاخ كبو على الخبر الجميل ..
بس لو يسمح لي عندي تعليق بسيط ( افتكر انو العقل البشري اللذي صيغ بواسطة المنهجية الاسلامية
الطاهرة وعلى التفكير القويم والسليم بكل تأكيد حيكون رافض لكلام او فتوى لو اعتبرناها انها فتوى
ولو حتى انها صادرة من مفتي لان العقل الانساني عقل يمكنه التميز بين الصواب والخطأ والفتوى اللي
صدرت من الانسان ده اكيد انها فتوة خاطئة مهما ذكر من مبررات لأن حتى نحنا لو قبلنا الفتوى دي
بعيدا عن الوازع الديني اكيد القلب العربي الغيور حيرفضه بشدة مستحيل طبعا اي انسان يتقبل فكرة انو
واحد غريب ممكن يقبل اخواتو او قريبة ليهو).
وشكرا لك.
صورة العضو الرمزية
ابن الخطاب
مشاركات: 494
اشترك في: الثلاثاء 2007.7.3 8:45 pm
مكان: وطن الجدود وبالتحديد المعمورة

رد: فتوى تبيح القبلات بين غير المتزوجين

مشاركة بواسطة ابن الخطاب »

يا جماعة ديل بقوا أخطر من الغزو الثقافي الغربي
دة غزو من داخل المجتمع
يجب ان نقرع ناقوس الخطر
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: فتوى تبيح القبلات بين غير المتزوجين

مشاركة بواسطة sunni »

مغترب كتب:
بسم الله

شكرا للاخ كبو على الخبر الجميل ..
بس لو يسمح لي عندي تعليق بسيط ( افتكر انو العقل البشري اللذي صيغ بواسطة المنهجية الاسلامية
الطاهرة وعلى التفكير القويم والسليم بكل تأكيد حيكون رافض لكلام او فتوى لو اعتبرناها انها فتوى
ولو حتى انها صادرة من مفتي لان العقل الانساني عقل يمكنه التميز بين الصواب والخطأ والفتوى اللي
صدرت من الانسان ده اكيد انها فتوة خاطئة مهما ذكر من مبررات لأن حتى نحنا لو قبلنا الفتوى دي
بعيدا عن الوازع الديني اكيد القلب العربي الغيور حيرفضه بشدة مستحيل طبعا اي انسان يتقبل فكرة انو
واحد غريب ممكن يقبل اخواتو او قريبة ليهو).
وشكرا لك.
عزيزي المغترب،،

أسمح لي في الإختلاف معك،، فخطر مثل هذه الزندقة لا تنحصر في شخصك وشخص من يقرأ هذا الرد أو من كتبه،،، ولكنه يمثل منبر لكل من يريد أن ينعق في طهارة الفكر الإسلامي، ويمثل مرجعية في المستقبل لإبناء المسلمين فيضلو. عزيزي، في عصرنا الحالي هناك كثير من الغارمين في الغرب، ومن يبحث عن كيف هي الطقوس والتعاليم الدينية،، فهل هذا مثال نقدمه لهم؟ الا ترى بأنه قد يضل به كثير من لا يعلمون على الإسلام شيء؟ الا ترى انه قد يكون مغالطات في رؤوس أجيال قادمة؟
صورة العضو الرمزية
كابو
مشاركات: 3612
اشترك في: الخميس 2008.1.17 6:20 pm
مكان: نيل بلادي

رد: فتوى تبيح القبلات بين غير المتزوجين

مشاركة بواسطة كابو »

أخي المغترب اضافة لحديث استاذنا السني
الآن هناك مجموعات كثيرة تتحدث بأس الاسلام وتصدر الفتاوي وهي في الحقيقة أبعد ما تكون عنه ولعلك سمعت عن جماعة القرآنيين في أمريكا زالذين يزيد عددهم عن المائة الف ويعقدون هذة الايام مؤتمرهم السنوي وهذة الجماعة لا تعترف بالسنة المحمدية وتأخذ القرآن فقط . وهناك البهائية ( احمد غلام ميرزا) ولها اتباع في معظم دول العالم بل لها قنوات فضائية واحداها تبث علي النايلسات .وغيرها وغيرها من الفرق الضالة وهذة كلها فتن وابتلاءات تحدث للمسلمين وقد تحدث الرسول ( ص ) عنها :ـ
حدثنا يحيى بن بكير حدثنا يعقوب بن عبد الرحمن عن أبي حازم قال سمعت سهل بن سعد يقول سمعت النبي صلى الله عليه وسلم يقول أنا فرطكم على الحوض من ورده شرب منه ومن شرب منه لم يظمأ بعده أبدا ليردن علي أقوام أعرفهم ويعرفونني ثم يحال بيني وبينهم قال أبو حازم فسمعني النعمان بن أبي عياش وأنا أحدثهم هذا فقال هكذا سمعت سهلا فقلت نعم قال وأنا أشهد على أبي سعيد الخدري لسمعته يزيد فيه قال إنهم مني فيقال إنك لا تدري ما بدلوا بعدك فأقول سحقا سحقا لمن بدل بعدي .( صحيح البخاري المجلد الثاني , كتاب الفتن)
نسأل الله الهداية لنا ولجميع المسلمين.
أضف رد جديد

العودة إلى ”حوارات جادة“