ما هي فرص العمل في السودان بالنسبة لينا ؟

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
صورة العضو الرمزية
spanisheyes
مشاركات: 2127
اشترك في: الأحد 2007.10.21 10:50 pm
مكان: بلدي التاني (ليبيا)

ما هي فرص العمل في السودان بالنسبة لينا ؟

مشاركة بواسطة spanisheyes »

السلام عليكم ورحمة الله وبركاته

اخواني الاعضاء انا بدرس طبعا في جامعة ليبية وان شاء الله ناوية ارجع السودان عايزة اشتغل
هناك عايزة منكم توروني شنو فرص العمل هل في فرص ولا زي ما قالو لينا انو طلبة السودان ما
لاقين شغل انتو تشتغلو !!!!
هل فعلا الوضع هناك بالصعوبة دي انا بعرف شخص مشي السودان وجا قال لينا الطلبة الشايلين
شهادات جامعية شغالين بيسوقو ركشات لانو مالقو شغل !!!!!!
هل هذا الكلام صحيح؟؟
السبب شنو قلة الوظائف او انو الشغل عايز اكتر من شهادة جامعية
بصراحة الكلام خوفنا شديد يعني خلانا نقول انو دراستنا دي علي الفاضي !!!!!

انا هسع حاليا بدرس اقتصاد عام لسة ما عارفة اتخصص شنو طبعا التخصصات هنا عندنا بالنسبة للاقتصاد
1- محاسبة
2-ادارة
3- اقتصاد
4-علوم سياسية
اي التخصصات دي فرص العمل فيها كبيرة في السودان ؟ :004:
صورة العضو الرمزية
السيف القاطع
مشاركات: 83
اشترك في: الثلاثاء 2007.7.3 11:30 am
مكان: usa
اتصال:

رد: ما هي فرص العمل في السودان بالنسبة لينا ؟

مشاركة بواسطة السيف القاطع »

اولا انصحك تخصص محاسبة لانها تسمح لك بالعمل فى جميع المجالات شركات / بنوك / تامين / حكومى/قطاع خاص / قطاع عام . امابالنسبة للشغل معروف انو الشغل بال وأ س ط ة وعلى كل حال فكر فى انك تكون اعمال الخاصة برااااااااااك او ففلا فى خريجين شغالين فى ركشات وكماسرة وفى مجال البناء واشغال هامشية ما مكن تتخليها ابدا
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: ما هي فرص العمل في السودان بالنسبة لينا ؟

مشاركة بواسطة ابراهيم الجيو »

أنصحك أول حاجة وأهم حاجة وقبل كل حاجة،،

تعملي ليك ظهر بهنااااك،، لأنه الواسطة دي أهم نقطة،، وبقت ف أي مكان ف العالم شغل الواسطة دون النظر للمؤهلات،،

السودان،، حالياً ف طفرة اقتصادية وبتنمو بسرعة شديدة جداً،،، وحتى لو انعدمت الفرص بسبب كثرة الخريجين واقبالهم على التعليم ف دي نقطة جميلة جداً وبتحسب ليناإنه العاطلين أو السائقين برضوا متعلمين،،

وربنا يسهلها عليك وعليهم،،،
صورة العضو الرمزية
ضـــوء القـــمــر
مشاركات: 489
اشترك في: الجمعة 2007.6.15 4:57 pm
مكان: اخاف ان تمطر الدنيا ونحن لسنا معا
اتصال:

رد: ما هي فرص العمل في السودان بالنسبة لينا ؟

مشاركة بواسطة ضـــوء القـــمــر »

مساء الخير
والله هي القصة ماقصة فرص على قدر قصة انك تكون مؤهل يعني هنا الخريج يادوب بيكون بيتكلم لغة واحده بالجلاله
يعني لو انت عندك موهلات اكيد في فرص يعني لو بتتكلم ثلاث لغات انا باذن الله اضمن ليك شغل
وبعدين الشركات مابتدفع مرتبات على وقتك لكين على قيمة وقتك تكون انسان مبدع ومتطور ومواكب
وبعدين قصة انو الناس عندهم شهادات وشغالين سواقين دى لانو نحن الواحد بيفتكر انو ماخد شهاده من اكس فورد وحايلقى شغل طوالى.......................
صورة العضو الرمزية
ضـــوء القـــمــر
مشاركات: 489
اشترك في: الجمعة 2007.6.15 4:57 pm
مكان: اخاف ان تمطر الدنيا ونحن لسنا معا
اتصال:

رد: ما هي فرص العمل في السودان بالنسبة لينا ؟

مشاركة بواسطة ضـــوء القـــمــر »

[quote="إبراهيم الجيو"]أنصحك أول حاجة وأهم حاجة وقبل كل حاجة،،

تعملي ليك ظهر بهنااااك،، لأنه الواسطة دي أهم نقطة،، وبقت ف أي مكان ف العالم شغل الواسطة دون النظر للمؤهلات،،

السودان،، حالياً ف طفرة اقتصادية وبتنمو بسرعة شديدة جداً،،، وحتى لو انعدمت الفرص بسبب كثرة الخريجين واقبالهم على التعليم ف دي نقطة جميلة جداً وبتحسب ليناإنه العاطلين أو السائقين برضوا متعلمين،،

وربنا يسهلها عليك وعليهم،،،
[/quote]

الاخ ابراهيم اختلف معك مضمونا واتفق معنا
يعني انا لو ماعندي مؤهلات مافي شركة حاتقبلني لانو مافي شركة تقبل على نفسها الخساره وذى ماقلت الناس بتدفع قروش للناس عشان قيمة وقتها مش عشان وقتها...
والواسطة دى هي خطوة عشان تيسر ليك او دعاية وفي اوربا بيسموها التذكية يعني استاذك يذكيك ويقول فلان ده ممتاز في كده.........
صورة العضو الرمزية
spanisheyes
مشاركات: 2127
اشترك في: الأحد 2007.10.21 10:50 pm
مكان: بلدي التاني (ليبيا)

رد: ما هي فرص العمل في السودان بالنسبة لينا ؟

مشاركة بواسطة spanisheyes »


مشكورين جميعاا
,sas
كتير قالو لي المحاسبة احسن تخصص
ابراهيم الجيو
والله نتمني انو الاوضاع تتحسن
ضوء القمر
فعلا الشغل بقي مشكلة كبيرة و مرات حتي شهادة اكس فورد ما تعمل
ليك حاجة في الزمن
وشايفة انكم جميعا متفقين علي الواسطة انا كنتا فاكرة انها عندنا هنا بس
والله حكاية الواسطات دي هي المخربة الدنيا
صورة العضو الرمزية
مزيج النيل
مشاركات: 158
اشترك في: الاثنين 2008.3.17 9:11 am
مكان: السعودية - الباحة

رد: ما هي فرص العمل في السودان بالنسبة لينا ؟

مشاركة بواسطة مزيج النيل »

بسم الله الرحمن الرحيم

السلام عليكم ورحمة الله وبركاته
وبعد

اولا احب اعرف نفسى الى كل عضو او زائر:-

اخوكم مزيج النيل / من ابناء المحس بشمال السودان اقيم بالمملكة العربية السعودية/ الباحة انضممت حديث
اود الخوض معكم بخصوص الطالب الذى يدرس بليبيا ويرغب فى العودةالى السودان والبحث عن عمل

من راى المتواضع جدا جدا : عودا حميدا الى ديارك واقامة طيبة بين اهلك وعشيرتك
الوضع ليس كما يتصوره الكثيرين من من غلبتهم الانكسار والضعف فى العزائم ان بلدك ملىء بالخيرات
وفرص العمل متوفرة لمن سعى وجاهد ونحن فى الركب قادمون بعد تصفية حساباتنا 0
كنت قبل ستة اشهر هناك ووجدت ان من يعملون هم اصحاب النخوة والمسؤؤلية ومن تقاعس عن العمل بحجة انعدام فرص العمل هم المدللون واصحاب الطراوة والهواء الجميل بين متنزهات الخرطوم جرى وراء الكاسيات العاريات ليس لهم هم سوء المغازلة والاطعمة بنظام الاحتيال او اكل ماء الفول بالخبز الجاف او الكرته ( فضلات الكادحين من الافزاز )
فاقدم ولن ترى سوى الاريحية والاستقرار
مزيج النيل
صورة العضو الرمزية
spanisheyes
مشاركات: 2127
اشترك في: الأحد 2007.10.21 10:50 pm
مكان: بلدي التاني (ليبيا)

رد: ما هي فرص العمل في السودان بالنسبة لينا ؟

مشاركة بواسطة spanisheyes »

مزيج النيل شكرا لمداخلتك الجميلة
ونصيحتك وان شاء الله ربنا يوفق
الجميع
صورة العضو الرمزية
@al baroon@
مشاركات: 78
اشترك في: السبت 2008.6.28 10:38 am
مكان: الامارات

رد: ما هي فرص العمل في السودان بالنسبة لينا ؟

مشاركة بواسطة @al baroon@ »

لك التحية ..
انا بتقف مع الاخوان في انك تتخصص في المحاسبه
وهو مجال متعدد الوظائف .. وحاول انك تجد وظيفة في اي مكان تاني احسن ليك
بالنسبة لي انا خريج من السودان لي 2 سنه قاعد بدون شغل ولله ولله اشتغلت سواق في ركشة وفي الامجاد
وماخليت اي شغل ما اشتغلتو ...
والحمدلله الان انا شغال بره بلدي بس نسوي شنو ...والمسالة عامة في العالم
صورة العضو الرمزية
spanisheyes
مشاركات: 2127
اشترك في: الأحد 2007.10.21 10:50 pm
مكان: بلدي التاني (ليبيا)

رد: ما هي فرص العمل في السودان بالنسبة لينا ؟

مشاركة بواسطة spanisheyes »

البارون شكرا لمداخلتك الجميلة وتعقيبك زدتني خوف زيادة
بس انا هسي اتخصصت محاسبة وان شاءالله حتخرج بعد سنتين
وربنا يهون علينا جميعا
صورة العضو الرمزية
جراح
مشاركات: 613
اشترك في: الثلاثاء 2008.11.11 7:55 pm
مكان: المملكه العربيه السعوديه

رد: ما هي فرص العمل في السودان بالنسبة لينا ؟

مشاركة بواسطة جراح »

بصراحه السودان بجد ماشى للاحسن بس ربنا اكفيا شر المشاكل

كون الواحد ادرس واتخرج دى براها نعمة من نعم الله علينا

بعدين الشغل بيد الله وكل واحد ربنا مقدر ليهو نصيبو بس نتوكل على الله ونواصل طريقنا

بالنسبه للتخصص كان اتذكر انوواحد من اصحابى فى الجامعه كان متردد بين قسم البنوك والتصدير ولا المحاسبه فمشينا لدكتور كبير فى الجامعه عشان نستشرو فى الموضوع قبل مانكمل كلامنا قال لصحبى

امشى واتخصص محاسبه

والمحاسبه مجاله واسع شويه اى موسسه لها نظام محاسبى بغض النظر عن نشاطها وتخضع لزكاة و..... لا زم تجهز حسابتها من مكتب مراجعه لتقيم الرسوم المفروضه عليها

انا من راى انك تخصصى محاسبه وما التوفيق الا من الله
أضف رد جديد

العودة إلى ”ملتقى المغتربين بالخارج“