مركز تصليح وتعديل وإعادة تأهيل اللغة العربية

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

مركز تصحيح الاخطاء الكتابية والاملائية

مشاركة بواسطة لحــ غروب ـظة »

الأعزاء دواما في منتدى أنا سوداني ....

وانا اصول وأجول في أروقة المنتدى العامرة ...

وجدت أن الكثيرين جدا لديهم مشاكل مستعصية في كتابة اللغة العربية ...

واتذكرت الراجل دا دا الاسمو ابو الحروف بتاع مسلسل الاطفال ...

أقوى من الشدّة ...أطول من المدّة ...

ومن هذا البنبر والمنطلق والذي منو ...

ققررت فتح هذا المركز ...

حتى يستفيد كل من لديه مشكلة في الحروف الملخبتة ...



لا أدرى ( لمازا ) ( تزكرتو ) فتح بوست ( كهزا )

كدى النعدل لسانى :




وقد لاحظت كغيرى الاهمال الحاصل فى تجويد اللغة العربية فى المنتديات و الاستمراء فى الخطأ الاملائى ..قد يكون البعض معذورا ( لاسباب كثيرة ) و لكن يجب علينا جميعا ( أن يشيل أعمانا مكسرنا ) فى محاولة للاصلاح و التنبيه فقط من أجل الحفاظ على لغتنا العربية من الانقراض .....قد يستخدم البعض (لغة دارجية فى الكتابة و هذا لا غبار عليه ) و( قد نتقبل الاخطاء النحوية و تصريف الجمل ) لكن أن يخطى المرء فى كتابة الحرف المطلوب فهذه لعمرى أم المشاكل و التى يجب تقويمها :

حروف مجنى عليها :

( ز ) ( ذ )
(س ) ( ث)
(غ ) ( ق )
(ض) (ظ)


و بث


اعزائي سأنطلق في هذا البوست وأرجو منكم المساعدة

وسيكون كمصحح للأخطاء التي تقابلني في البوستات الاخرى ..

يعني لو لقيت كلمة غلط بجيبا هنا وأصححا ...

يعني زي الإملاء ...


نص منقول من مكان آخر:

خلال بحثى عن نماذج الاخطاء الشائعة فى الكتابة الكمبيوترية و تعميما للفائدة قرأت بوستا للكاتب الروائى السودانى محسن خالد فى سودانيز اون لاين عن الاخطاء الشائعة فى الكتابة فى الانترنيت سوف احاول تلخيص ابرزها


(قاعدة كسر همزة إنّ) :


بعد أي قول أو (قوالات) نكسر همزة إنّ،..
يقول إن الحركة،..
يقول إنهم سرقوا كتابه،...
تقول الأميرة إن الفارس الفلاني،..
قال إن،..
باختصار، أي قول ، أو متى ما وجدت قال، يقول، تقول، يقولون، يقلن،.. نكسر همزة إن.
وأيضاً نكسرها بعد الرابط (حتّى) أي نقول: حتى إنه لم يخبرني بالأمر، حتى إنها سافرت ولم تودعني،.. يعني وين ما شفت حتى بعدها تكسر همزة إن..
وأيضاً بعد (ما) الصلة،..
فالخطأ الشائع في البورد، ما أن رفعت رأسي إلا وكيت كيت،...
والصحيح/ ما إن رفعت رأسي،..
ما إن اتضح الأمر إلا وووو...
وكذلك يجب كسر همزة (إن) بعد القَسَم:
فخطأ قولك أُقسم أنني سأفعل كذا وكذا،..
الصحيح أُقسم إنني سأفعل كذا...
أُقسم إنه لكاذب
أقسم إنها لكيت وكيت


كيت و كيت
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

مركز تصحيح الاخطاء الكتابية والاملائية

مشاركة بواسطة لحــ غروب ـظة »

خطأ قولك: نحن مقتعنين بحالنا،...

خطأ قولك: نحن العارفون لم نثق بك،...

بمجرد أن ترى (نحن) تبحث في الكلمة التالية لها، أتبدأ بالألف واللام، أم بالتنكير، والقاعدة بدون الخوض في الإعراب سهلة جداً،...

الصحيح: نحن مقتنعون بحالنا،.... ليه؟؟ لأنو مافي ألف ولام.... لو كانت فيها ألف ولام لأصبحت، نحن المقتنعين بحالنا،... بس أمسك في الألف واللام دي شديد،.. ما بتجيك عوجة، لقيتها تنصب، ما لقيتها ترفع،...
نحن العارفين لم نثق بك،..
نحن سودانيون،...
نحن السودانيين،...
ولمن شاء الإعراب،...
نحن سودانيون .... نحن مبتدأ، وسودانيون: خبر المبتدأ،...
نحن السودانيين،... نحن مبتدأ، والسودانيين، اسم منصوب على الاختصاص،...
والانتباهة ماذا لو تلت السودانيين كلمة أخرى تعرضنا لخيار النصب والرفع،،،،
يعني الصحيح: نحن السودانيين باسلون،...
أم....
نحن السودانيين باسلين،...

الصحيح هو: نحن السودانيين باسلون،...
لتعرب كالآتي:
نحن: مبتدأ،...
السودانيين: اسم منصوب على الاختصاص،...
باسلون: تلقائياً تصبح خبراً للمبتدأ،...

وإذا نفذنا نفْس الخيار على الجملة الأخرى،...
نحن سودانيون باسلون،...
أم...
نحن سودانيون باسلين،...

الصحيح: نحن سودانيون باسلون،...
نحن: مبتدأ،...
سودانيون: خبره،..
باسلون: نعت،... نعت للسودانيين، والنعت يتبع المنعوت،...

تعليق :

و الله لقيت ليك نفسنا شغالين معط فى الكلام


حروف الجزم معروفة، ولكن هناك ملاحظة تغيب عن واحدٍ منها وعن تأثيره على الفعل المضارع،...
(لا) الناهية، التي تنهى عن فعل معين،...

الناس تكتب: لا تنعي أخاك،.... خطأ،..
وأيضاً: لا تنهى عن خلقٍ وتأتي بمثله،.. خطأ
لا تنسى ذكر الله،.... خطأ

الصواب هو أنّ (لا) هنا ناهية وليست نافية، إذن يجب جزم الفعل المضارع، والذي سيتجلى في حذف حرف العلّة في مثل هذه الحالات الثلاث،..

فالصحيح: لا تنعَ أخاك،...
لا تنهَ عن خلق،...
لا تنسَ ذكر الله،...

والفتح عند آخر الفعل هو واجب (في هذه الحالات) وإشباع للصوت المحذوق لعلّيته،..

وإلا كان الفعل هكذا،.. (بدون فتح) في حا لات ثانية،..

لا يغتبْ بعضكم بعضاً،..
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

مركز تصحيح الاخطاء الكتابية والاملائية

مشاركة بواسطة لحــ غروب ـظة »

و الكلام لا زال لمحسن خالد


_______

كتابة الهمزة



1- إذا كانت (الهمزة) "ساكنة" وما قبلها "مفتوحاً"،... تُكتب على (ألف)،.... (فَـأْل)

2- إذا كانت (الهمزة) "مفتوحة" وما قبلها "مفتوحاً"،... تُكتب على (ألف)،.... (قَرَأَ، صَبَأَ)


3- إذا كانت (الهمزة) "مفتوحة" وما قبلها "ساكناً"،... تُكتب على (ألف)،.... (جُرْأَة)

4- إذا كان ما قبلها "ألفاً" أو "واواً"، وهي مفتوحة تُكتب على السطر:
(مسَاءَه،..................... ضوءه،.....)،...

5- إذا كان ما قبلها "ألف" أو "واو" وهي مفتوحة تُكتب على السطر:
مساءَه،... رداءَه،... ضوءَه،... مروءَة،........

6- إذا كانت مضمومة وما قبلها ألف، أو أي حرف ساكن،... تُكتب على واو:
يجرؤ،.............. دِفؤها،.....

7- وإذا كان ما قبلها مكسور،.... تُكتب على ياء:
يُنْشِئ.......... يُنشئها................ يُبوِئها............. يُجزئها.................

7- إذا سبق الهمزة المتطرفة أي حرف مد،... آآ........... (هذه القاعدة مهمة) تُكتب مفردة، على السطر.... بمعنى متحكّرة علي رقبتها بدون كرسي،...
مساء،................ ضوء،.............. مجيء.................

طيّب إذا قبلها كسر، طوالي بتكون محتاجة لكرسي، والكرسي هو (فقط رسم الياء، بدون نقط، يعني الحرف الفي مفتاح الـz في الكي بورد، والحرف دا مش ياء)، (ومن هنا بتلم فيكم اللخبطة والتردي).............

شَاطِئ...................... الطاء مكسورة، الكرسي مفتاح الـz في الكي بورد،...
بادِئ.......................... الدال مكسورة، الكرسي مفتاح الـz في الكي بورد،...

وللتوضيح أكتر، ركّز علي الخلاصة الجاية:


الياء هي دليلٌ على الكسر،...
الواو دليل على الرفع،...
الألف دليل على النصب،...
(هذا لتبسيط الموضوع)

إذن كيف نكتب الهمزة بعد الياء؟؟؟؟؟؟؟؟
(التركيز على الياء لكثرة الإشكالات مع حروف العلّة عادة)

الهمزة بعد الياء من الطبيعي أن تكون على نبرة لتوافقها:

ليُضيـ{ئ}ـوا..... الياء سابقة، فالهمزة هنا تكتب على النبرة: ليُضيئوا،..

1- طيّب لو كانت الياء نفسها مفتوحة: (تهيَأ)................ تُكتب (الهمزة) على الألف: (أ)،..


2- طيّب لو كانت الياء مرفوعة: (تَهَيُؤ)................ تُكتب (الهمزة) على الواو لأنّه هو الذي يناسب الرفع: (ؤ)،..


3- وأيضاً نفس الحالة أعلاه إذا كان الحرف الذي يسبق (الهمزة) مرفوعاً، حتّى ولو كان غير الياء:
(يَجْرُؤ) أيضاً تُكتب على الواو لأنّ الحرف السابق لها مرفوع،..


4- طيّب إذا كانت الياء مكسورة: (يُهَيِئ)........ وهنا تُكتب على النبرة القاصية، غير المشبعة، أو التي بهذه الصورة الموضّحة: (ئ)،..

5- طيّب إذا سبق (الهمزة) حرف ساكن: (دِفْء).............. وهنا تُكتب على السطر (ء)،..


6- مع ملاحظة أنّ الخوض في البنية الدلالية- النحو أيضاً يقودنا لطرق كتابة الهمزة، يعني الإعراب برضو بدّيك القاعدة:
جاءني دِفْؤها، على الواو لأنّه يناسب الرفع،..
ظللتني بدفئها، على النبرة لمناسبة الجر،..
تلقيتُ دِفْأها،...
وهنا تحديداً (تلقيتُ دِفْأها) ملاحظة، فالقاعدة كما هو واضح يجب أن تنتهي إلى كتابة الهمزة بهذه الصورة (أ) في حالة النصب، كما تقدّم أعلاه، ولكن الاصطلاح جرى على أن تُكتب هكذا: دفئها، أي بدون فرق عن حالة الجر، وأنا شخصياً أمتلك الشجاعة لأكتب كما يقودني المنطق والبنية الداخلية للغة دون خوف.


قيل ايضا ( ناقل ) العلم ( ليس ) بعالم

شباب من هنا سنبدأ وسأجول وجولو معي ....

وكل من يجد خطأ في مكان ما من أروقة المنتدى عليه بها وليأتي بها هنا لكي نصححها ...

ويستفيد من أخطأ ومن ليس له علم ...

حتى وإن كانت زلة بورد ...

معاً لتصحيح وتعديل وإعادة التأهيل ...


،،،
صورة العضو الرمزية
M.Hadad
مشاركات: 2564
اشترك في: الجمعة 2007.10.26 11:41 pm
مكان: في عمق اللاشئ

رد: مركز تصليح وتعديل وإعادة تأهيل اللغة العربية

مشاركة بواسطة M.Hadad »

اهاااااااااااا يا عبدالله الطيب

خلاص بقي عندنا المصحح اللغوي؟؟؟؟؟؟؟؟؟؟؟؟


والله عوجه تب

لكن كدي سوعال
هسي انتي مقتنعه بالجمله الكتبتيها ده؟؟؟
فالخطأ الشائع في البورد

هسي كلمه البورد دي عربيه ؟

وما بث تاني في سوعال

هسي بدل الجوطه دي كلها مش كان نبدا بتصحيح الاخطا البسيطه؟
ولاحظي انا كتبت كلمه اخطا بدون همزه يبقي ده ما موضوع

يعني الاخطا الكبير زي مثلا زوله عاوزه تقول اختي كتبتها ؤختي
زول عاوز يقول استقيل كتب استغيل

ابدي حبه حبه يا بتنا مافي داعي للبرنامج البيلخبت الكاتباو في الاول ده
كده ماحتلقي مداخلات

وبعدين يا بتنا شوفي اسم الموضوع
مركز تصليح وتعديل وإعادة تأهيل اللغة العربية

والصاح انو مركز تصحيح الاخطاء الكتابيه

ولا نحن حنعدل اللغه العربيه ونغيرها؟؟؟؟؟؟؟؟؟؟؟؟؟؟
صورة العضو الرمزية
دعاش كردفان
مشاركات: 414
اشترك في: الخميس 2008.3.27 4:47 pm
مكان: ابوظبى

رد: مركز تصليح وتعديل وإعادة تأهيل اللغة العربية

مشاركة بواسطة دعاش كردفان »

شكرا لمبادرتك الجميلة في مساعدتنا مع
ت
ح
ي
ا
ت
ي
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصليح وتعديل وإعادة تأهيل اللغة العربية

مشاركة بواسطة لحــ غروب ـظة »

[quote]المرئة ما نصف المجتمع فقط فالمرئة هيه ركيزة الاصلاح والتقويم لاى مجتمع لأن الأسرة تبني علي عاتقها و تعتمد عليها في أهم رسالة وهي تربية النشء و رعايته وإذا صلح أمرها صلح المجتمع لذا كانت وما زالت الام مدرسة ان اعدت اعد شعباً طيب الاعراق [/quote]


المرئة = المرأة

هيه = هي
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصليح وتعديل وإعادة تأهيل اللغة العربية

مشاركة بواسطة لحــ غروب ـظة »

timbrilly.com كتب:
اهاااااااااااا يا عبدالله الطيب

خلاص بقي عندنا المصحح اللغوي؟؟؟؟؟؟؟؟؟؟؟؟


والله عوجه تب

لكن كدي سوعال
هسي انتي مقتنعه بالجمله الكتبتيها ده؟؟؟
فالخطأ الشائع في البورد

هسي كلمه البورد دي عربيه ؟

وما بث تاني في سوعال

هسي بدل الجوطه دي كلها مش كان نبدا بتصحيح الاخطا البسيطه؟
ولاحظي انا كتبت كلمه اخطا بدون همزه يبقي ده ما موضوع

يعني الاخطا الكبير زي مثلا زوله عاوزه تقول اختي كتبتها ؤختي
زول عاوز يقول استقيل كتب استغيل

ابدي حبه حبه يا بتنا مافي داعي للبرنامج البيلخبت الكاتباو في الاول ده
كده ماحتلقي مداخلات

وبعدين يا بتنا شوفي اسم الموضوع
مركز تصليح وتعديل وإعادة تأهيل اللغة العربية

والصاح انو مركز تصحيح الاخطاء الكتابيه

ولا نحن حنعدل اللغه العربيه ونغيرها؟؟؟؟؟؟؟؟؟؟؟؟؟؟

تمبر يا وجع ....

دا الأنا قاصداهو احتمال اكون طولت الكلام ....

وإحتمال أكون ما عرفت أعبر صاح ....

وزي ما انت بتقول لي دائماً اني بقول كلام ما مفهوم ...

بس انا قصدت انو في كلمات بتتكتب غلط ...

وانا عاوزة أعدلها ....

ويا مشرفنا ليك فعلا الاسم ممكن يكون غريب ...

وليك الحق فيهو ...

وبتمنى انك تعدلو ....

وتشيل كلمة اللغة العربية عشان تبقى الاخطاء الكتابية ......

وانا ما قلت اني الطيب صالح ...

بس بحاول اغير البقدر عليه ...


ولو قريت كلامي الأخير ....
[quote]قيل ايضا ( ناقل ) العلم ( ليس ) بعالم

شباب من هنا سنبدأ وسأجول وجولو معي ....

وكل من يجد خطأ في مكان ما من أروقة المنتدى عليه بها وليأتي بها هنا لكي نصححها ...

ويستفيد من أخطأ ومن ليس له علم ...

حتى وإن كانت زلة بورد ...

معاً لتصحيح وتعديل وإعادة التأهيل ...


،،، [/quote]
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصليح وتعديل وإعادة تأهيل اللغة العربية

مشاركة بواسطة لحــ غروب ـظة »

الشباب الحلوين في البورد بتمنى ما يحصل ضيق ....

وأكيد كلنا خطائين وأنا ما معصومة ...

وأكيد لو لقيت لي غلطة حاجيبا ....

وانتو برضو لو لقيتو غلطة جيبوها...

ولو فاتت علي حاجة نبهوني...
ادروب كايرو
مشاركات: 125
اشترك في: الأربعاء 2008.3.19 2:39 pm
مكان: egypt

رد: مركز تصليح وتعديل وإعادة تأهيل اللغة العربية

مشاركة بواسطة ادروب كايرو »

شكرا لمبادرتك الجميلة فى مساعدتناا :001:

بوست وبنبر رئع وبتنثرى منه درر :005:

والله يستر علينا
وباللهى يا شباب اليشوف ليها شى غلط يجيبه وبديه قروش

بس الاخطاء الاملائية دى غريبة صراحة :040:
تسلمى وما نتحرم منك ومن مجهودك الراقى
النصيحة فى العلن فضيحة :001:
اخوك ادروب
صورة العضو الرمزية
mohamedomer
مشاركات: 73
اشترك في: السبت 2007.12.22 1:09 pm
مكان: السودان/الخرطوم

رد: مركز تصليح وتعديل وإعادة تأهيل اللغة العربية

مشاركة بواسطة mohamedomer »

لـحـ غروب ـظ
اسمك زاتو الواحد عاوز ليهو موتر قريدر عشان يقدر يكتنه
المهم كيف انتى عاملة والتحايا الغوالى
الاخطاء المطبعية هى اظن بيقعوا فيها الاخوة وليس الاملائية على ما اظن لان الواحد مستعجل فى الكتابة وبدل ما يضغط على المفتاح مثلا بتاع العين يلقى نفسه ضغط مفتاع الغين وهكذا الخ
والتصحيح المفروض يحدث من منك فى الرد على الكاتب فى البوست الذى يكون قد تم فتحه يعنى فى نفس البوست
اما تصحيص اللغة فهذا امر اخر وموضعه شىء اخر ولك التقدير والمحبة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مركز تصليح وتعديل وإعادة تأهيل اللغة العربية

مشاركة بواسطة waya »

تشكرات , لحظة غروبنا
بعض الناس درج في استعمال مفردات ليس تقليل من شأن اللغة العربية وإنما كنوع من التميز في المنتدى
وأنا شخصيا برتبك في حرفي (ز) وال(ذ)
وأظن تعود الاسلوب الكتابي في الإملاء يأتي من التشبه في طبيعة اللسان ( كالألجن )
صورة العضو الرمزية
M.Hadad
مشاركات: 2564
اشترك في: الجمعة 2007.10.26 11:41 pm
مكان: في عمق اللاشئ

رد: مركز تصحيح الاخطاء الكتابية والاملائية

مشاركة بواسطة M.Hadad »

لحــ غروب ـظة كتب:قيل ايضا ( ناقل ) العلم ( ليس ) بعالم

شباب من هنا سنبدأ وسأجول وجولو معي ....

وكل من يجد خطأ في مكان ما من أروقة المنتدى عليه بها وليأتي بها هنا لكي نصححها ...

ويستفيد من أخطأ ومن ليس له علم ...

حتى وإن كانت زلة بورد ...

معاً لتصحيح وتعديل وإعادة التأهيل ...


،،،
ليس من الصحيح قول سأجول وجولو معي ولكن الصحيح ان يقال سأتجول فتجولوا معي
كتابة لكي هنا صحيحه ولكن الاصح أن تقولي كي بدون اللام
حتي وان كانت زلة لسان وليس بورد وندري اننا هنا نكتب ويمكنك القول زلة قلم أو خطاء طباعي

معاً للتصحيح والتعديل وإعادة التأهيل


بتنا لو سكتيها كده بتكوني صعبتيها عديل
وفوق كل ذي علم عليم
عشان كده انا معاك في فكرتك وهي جميله جدا واتناقشنا فيها قبل كده لكن ما بالطريقه الغير مفهومه دي

يعني نحن بنستعمل حروف مكان التانيه زي مثلا
الغين والقاف
الزين والظاء
والحاجه دي عندنا كتيره مثلا بيقول ليك الزول ده غياز خلاص وقايتو انا ما بتكيف ليو زاتو
وهنا في الجمله دي كميه من الاخطاء

المهم لو ابتدينا بي الكلام الكتير الفوق ده الهمزه في الالف والشده في حرف الولف وكوالالمبور دي ما حنعمل حاجه

نبدا من الاول ببساطه ونحن معاك

اها قلتي لي هثي موضوع المرئه ده مالو يا ؤختي :D

نقطه تانيه ارجو عدم ذكر اسم الشخص او اسم الموضوع تفاديا للحرج وكل زول بيعرف كلامو
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: مركز تصليح وتعديل وإعادة تأهيل اللغة العربية

مشاركة بواسطة sunni »

العزيزة لحظة،،،

يديك العافية،، وده تغير موضوعي في لحظة نفسها أكثر من إنه تغير في توجه الكتابة في المنتدى نفسه (في بوست قديييييييييييييييييييم،، أجيب ليك قلتي فيه شنو في الموضوع ده؟؟ :008:
انا ما عاوز اثبط همتك،، بالعكس، انا بشجعك على الفكرة،، بس خلينا ما نعقدها ونجيب قوانين نحوية غميقة،، عناك زي ما قال ليك الأخ محمد عمر بعض الأخطاء الكتابية،، ودي ما نقيف فيها،، بس الأخطاء النحوية والإملائية القاتلة هي ما علينا الإهتمام به.

الكلمة التانية المهمة،، أعملي إعتبار لتعليق تمبريللي في عدم ذكر الأسماء منعا للحرج.
يلا سمي ربك،، وأبدي من وضع حجر الأساس قبل ما تفكري في ضرب البوهية،، ولا شنو رأيك؟؟
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصليح وتعديل وإعادة تأهيل اللغة العربية

مشاركة بواسطة لحــ غروب ـظة »

طبعا انا درسة فى ليبا وكانو كلهم ليبيات الدرستا معاهم وكنت كل ما تضايقنى واحدة بقوم ماشة وراها وبظربها وتلتفت مكشرة كدى بقول ليها اه او انا اسفة كنت متخيلاكى صحبتى ومسكينة بتاخد الموضوع على اساس انى مفتكراها صحبتى وبتمشى لمن مرة وقعتى فى واحدة شريرة قالت لى مرة تانية اتاكدى من صحبتك قبل ما تضربى :017: بس كانت معاها حق لانى عليت الفولت وكانت ظربتى صعبة شديد
بظربها = بضربها (الضادا البتنقلب ظاء دي بتفرسني)

وقعتى = وقعت (هنا بتكون في فتحة على التاء بس ما بنكتب الف مقصورة)

ظربتي = ضربتي
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصليح وتعديل وإعادة تأهيل اللغة العربية

مشاركة بواسطة لحــ غروب ـظة »

ادروب كايرو كتب:شكرا لمبادرتك الجميلة فى مساعدتناا :001:

بوست وبنبر رئع وبتنثرى منه درر :005:

والله يستر علينا
وباللهى يا شباب اليشوف ليها شى غلط يجيبه وبديه قروش

بس الاخطاء الاملائية دى غريبة صراحة :040:
تسلمى وما نتحرم منك ومن مجهودك الراقى
النصيحة فى العلن فضيحة :001:
اخوك ادروب


تسلم اخوي ادروب ....

لك العتبى حتى ترضى ...

باللهي = بالله (الهاء مكسورة يا فردة)...

السترة والفضيحة متباريات...

أختك لحظة ...
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصليح وتعديل وإعادة تأهيل اللغة العربية

مشاركة بواسطة لحــ غروب ـظة »

mohamedomer كتب:
لـحـ غروب ـظ
اسمك زاتو الواحد عاوز ليهو موتر قريدر عشان يقدر يكتنه
المهم كيف انتى عاملة والتحايا الغوالى
الاخطاء المطبعية هى اظن بيقعوا فيها الاخوة وليس الاملائية على ما اظن لان الواحد مستعجل فى الكتابة وبدل ما يضغط على المفتاح مثلا بتاع العين يلقى نفسه ضغط مفتاع الغين وهكذا الخ
والتصحيح المفروض يحدث من منك فى الرد على الكاتب فى البوست الذى يكون قد تم فتحه يعنى فى نفس البوست
اما تصحيص اللغة فهذا امر اخر وموضعه شىء اخر ولك التقدير والمحبة
محمد عمر كل التحايا .....

اسمي دا ناقص تاء مربوطة وقعت منك وين ؟؟؟

المطبعية يا محمد ما مشكلة والبتكون ظاهرة من موقع الحروف على الكي بورد ...

اما الإملائية زي الذال والزين موقعم في الكيبورد زي الماشي من امدرمان للخرطوم بحلفاية الملوك ..

بعدين لو قعدنا نصحح في نفس البوست الفيه الغلط اكيد حنغير مجرى البوست ...

وحنخربو على سيدو ...

كل الود عزيزي....
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: مركز تصحيح الاخطاء الكتابية والاملائية

مشاركة بواسطة لحــ غروب ـظة »

timbrilly.com كتب:
ليس من الصحيح قول سأجول وجولو معي ولكن الصحيح ان يقال سأتجول فتجولوا معي
كتابة لكي هنا صحيحه ولكن الاصح أن تقولي كي بدون اللام
حتي وان كانت زلة لسان وليس بورد وندري اننا هنا نكتب ويمكنك القول زلة قلم أو خطاء طباعي

معاً للتصحيح والتعديل وإعادة التأهيل


بتنا لو سكتيها كده بتكوني صعبتيها عديل
وفوق كل ذي علم عليم
عشان كده انا معاك في فكرتك وهي جميله جدا واتناقشنا فيها قبل كده لكن ما بالطريقه الغير مفهومه دي

يعني نحن بنستعمل حروف مكان التانيه زي مثلا
الغين والقاف
الزين والظاء
والحاجه دي عندنا كتيره مثلا بيقول ليك الزول ده غياز خلاص وقايتو انا ما بتكيف ليو زاتو
وهنا في الجمله دي كميه من الاخطاء

المهم لو ابتدينا بي الكلام الكتير الفوق ده الهمزه في الالف والشده في حرف الولف وكوالالمبور دي ما حنعمل حاجه

نبدا من الاول ببساطه ونحن معاك

اها قلتي لي هثي موضوع المرئه ده مالو يا ؤختي :D

نقطه تانيه ارجو عدم ذكر اسم الشخص او اسم الموضوع تفاديا للحرج وكل زول بيعرف كلامو

العزيز جدا تمبر ...

انا ما ساكة حاجة ...

ولا قصدت اصعب حاجة ...

والحصة الفوق دي عجبتني ولقيت فيها فايدة ....

والانت كتبتو هو الانا قاصداهو وما قاصدة شي غيرو ....

اما بالنسبة للإسم فقلت ليك انك ممكن تغيرو لما تراهو (تراه) مناسب ...:079:

بالنسبة للأسماء وأسماء البوستات علم وجاري التنفيذ ....

كن معي صديقي ...

بالمناسبة انا قاصدة ذلة بورد :008: ما لسان ... :smiels0:
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: مركز تصليح وتعديل وإعادة تأهيل اللغة العربية

مشاركة بواسطة sunni »

لحــ غروب ـظة كتب:بظربها = بضربها (الضادا البتنقلب ظاء دي بتفرسني)

وقعتى = وقعت (هنا بتكون في فتحة على التاء بس ما بنكتب الف مقصورة)

ظربتي = ضربتي

درسة = درست
كانو = كانوا
الدرستا = الدرست (مجازاً)
وقعتى = وقعت
صورة العضو الرمزية
المياسة
مشاركات: 917
اشترك في: الاثنين 2007.10.8 10:57 am
مكان: لبنان

رد: مركز تصليح وتعديل وإعادة تأهيل اللغة العربية

مشاركة بواسطة المياسة »

اللذيذة لحـــــــــــــــظة مساء الخير
ازيك ؟؟؟
لو قعدت اكتب ليك و احط الهمزة على الالف و الشدة و الضمة ما ح نخلص
اشكرك لعنايتك باللغة بس صدقيني الموضوع عندي ح يكون ممل . بس لو كان الموضوع عن الاخطاء الاملائية فالكثير يكتب بحسب الكلام العامي 0
وشكراً ............

اذا في كلامي اخطاء قولي لي خلاص
صورة العضو الرمزية
M.Hadad
مشاركات: 2564
اشترك في: الجمعة 2007.10.26 11:41 pm
مكان: في عمق اللاشئ

رد: مركز تصحيح الاخطاء الكتابية والاملائية

مشاركة بواسطة M.Hadad »

لحــ غروب ـظة كتب:

والانت كتبتو هو الانا قاصداهو وما قاصدة شي غيرو ....

بالمناسبة انا قاصدة ذلة بورد :008: ما لسان ... :smiels0:
لحزة قروب

والله جنس حاله

انا قصدي كالاتي

انتي مثلا كتبتي
كتبتو = كتبته

وانا قصدي زي دي ما علينا منها في الاول دي بعدين لما الاخطاء الاكبر ننتهي منها والاخطاء الاكبر زي شنو؟

زي دي
ذلة لسان = زلة لسان

المقصود هنا زلّ بمعني انزلق وليس ذلّ
والاخطاء الصغيره زي الهاء او التاء المربوطه دي نتجاوزها

اها وقع ليك ولا نعيدو ليك

وهييييييييييييييي ييككككااااااااااااااااا
أضف رد جديد

العودة إلى ”حوارات جادة“