سوداني اسم بس

يهتم هذا القسم بكل المعلومات عن وطننا الحبيب .

المشرف: بانه

هل تعتقد ان التحدث بلهجتك العاميه وتعريف الناس بها يساعد علي نشر ثقافتك

نعم
27
61%
لا
4
9%
هي محاوله ولا اعتقد نجاحها بصوره ملموسه
1
2%
لا ولكن يجب ان نتحدث بلغتنا العاميه وعدم تحويرها
2
5%
قد تحتاج لفتره طويله لكن اعتقد بنجاحها بصوره ملموسه بعد ردح من الزمن
10
23%
 
إجمالي الأصوات: 44

صورة العضو الرمزية
M.Hadad
مشاركات: 2564
اشترك في: الجمعة 2007.10.26 11:41 pm
مكان: في عمق اللاشئ

سوداني اسم بس

مشاركة بواسطة M.Hadad »

السلام عليكم ورحمه الله تعالي وبركاته

لفت نظري موضوع صغير شكلاً كبير جدا في حقيقته

منتدانا الغالي انا سوداني

ما قالو انا لبناني ولا انا مصري

كتير بدخل في المنتديات والقي كلمات وتعابير صادره من عضو سوداني ولكن التعبير خليجي او لبناني؟
وبالذات في منتدي الفكاهه. ليه يا جماعه حتي لو جاتنا النكته بلهجه تانيه مانغير فيها لي تعابيير سودانيه؟

يا زلمه، شوفير، طفايله، هيك، طفشان ، دشوا
والله انا مرات بفتكر نفسي دخلت منتدي غلط

يعني ممكن نفهم الحاجه دي في منتدي الشعر او في التوقيع اذا كان بيت شعر او في الاغاني

لكن شنو شابكيننا خطير مره. ليه بتطمسوا الهويه السودانيه؟؟؟؟؟؟؟؟؟؟

دي مشكله في نظري كبيره جدا ومن ملاحظتي في عضو ما شاف الخليج بي عينو ومعانا هنا في المنتدي واستعمل لي كلمتين بلهجه خليجيه؟؟؟؟؟؟؟؟؟

شنو يعني قشره؟ خلاااااااااااااااااااااااااص يعني ده التطور؟؟؟؟
ولا خلاص اللسان اتعوج ؟

قال قال شنو والله الحاجه دي غير يعني غالبكم تقولو الحاجه دي مختلفه؟؟؟

اللسان يا جماعه لساننا السوداني واتذكر ان رحمه الله عليه البروفسير عبدالله الطيب ذكر ان العاميه السوانيه من اقرب اللهجات الي اللغه العربيه الفصحي

والاعتزاز بسودانيتنا ما بيكون باننا نعوج لساننا ونتكلم بلهجه ناس تانيين
وشوفو معظم رواد المنتدي قاطنين خارج السودان وكلامهم زي الطلقه بالعاميه السودانيه
يبقي ليه بنستعمل لهجات تانيه؟
السودان وطن الجدود مصدر فخرنا ادوهو حقو ياناس ولسه الكلام كتيييييير لكن بجي ليو راجع
صورة العضو الرمزية
فجر
مشاركات: 3632
اشترك في: الأربعاء 2008.2.13 9:33 am
مكان: فى العياده النفسيه

رد: سوداني اسم بس

مشاركة بواسطة فجر »

اااااااااااااااااى يازوووووووووووووول كلام زى الورد
تب مافى عوجه اللى انت دايروا انحنا بنعملوا بس انت ماتزعل :075: :075:
صورة العضو الرمزية
دعاش كردفان
مشاركات: 414
اشترك في: الخميس 2008.3.27 4:47 pm
مكان: ابوظبى

رد: سوداني اسم بس

مشاركة بواسطة دعاش كردفان »

والله كلامك كلو صح واحنا ولدنا وعشنا في الخليج وغالبا اللهجات دي بنتكلم بيها لما نكون في المدارس
عشان يفهمو كلامنا --- لكن بمجرد ما نرجع البيت بنتكلم بلهجتناوحتى لما نرجع السودان ما بنتكلم بغيرها--وجزاك الله خير على التنبيه
صورة العضو الرمزية
mohamedomer
مشاركات: 73
اشترك في: السبت 2007.12.22 1:09 pm
مكان: السودان/الخرطوم

رد: سوداني اسم بس

مشاركة بواسطة mohamedomer »

كلام زى الرصاص مافيهو اى كلمة غلط
ودا الصاح والمفروض اى زول يقول كلام ما سودانى يعنى لهجة عامية بتاعت بلد غير السودان تحذف المشاركة بتاعتو طوالى ودا اختراحى ارجو التثنيه عليه
صورة العضو الرمزية
دلع
مشاركات: 1419
اشترك في: الثلاثاء 2007.9.11 12:39 pm
مكان: قلــب طــفله ..
اتصال:

رد: سوداني اسم بس

مشاركة بواسطة دلع »

timbrilly.com



~


انا معاااااااك يافردة ,,

بس مراااات كدا بتفلت مننا الكلماااات يعني من غييير قصد ,,

وانا سودانية وبفتخر بلهجتي شدييييييد ,,

انا شخصياا في المدرسة بتكلم سودااني مع كل الجنسيااات وبلجد بحس لساااني معووج لما اتكلم لهجة

تانية :064:

وزي ماقالو الجمااعة الفوق ماقصرتاااا تب ,,

وطلباااتك اوااامر
صورة العضو الرمزية
بنت الجود
مشاركات: 1871
اشترك في: الخميس 2008.1.24 7:52 pm
مكان: سعوديـksaــه

رد: سوداني اسم بس

مشاركة بواسطة بنت الجود »

mohamedomer كتب:كلام زى الرصاص مافيهو اى كلمة غلط
ودا الصاح والمفروض اى زول يقول كلام ما سودانى يعنى لهجة عامية بتاعت بلد غير السودان تحذف المشاركة بتاعتو طوالى ودا اختراحى ارجو التثنيه عليه
اخوي انت تقول تحذف مشاركته لا واعذرا على المخالفه ياخوي زي انا سعوديه واما اعرف اتكلم سوداني واحاول قد الامكان اتكلم سوداني واعترض على هذا الشي,,
بنت الجود,,,
صورة العضو الرمزية
ابن الخطاب
مشاركات: 494
اشترك في: الثلاثاء 2007.7.3 8:45 pm
مكان: وطن الجدود وبالتحديد المعمورة

رد: سوداني اسم بس

مشاركة بواسطة ابن الخطاب »



ياتمبر
الله يرحم شبابنا
مفتكرين إنو الواحد لمن يتكلم لهجة تانية معناها هو متحضر
دة إسمو تخلف وتقليد




صورة العضو الرمزية
وكيل عريف
مشاركات: 169
اشترك في: الأحد 2007.9.16 11:13 am
مكان: الخرطوم

رد: سوداني اسم بس

مشاركة بواسطة وكيل عريف »

الاخوه المتداخلين سلاااااااااااام

بالنسبه للسودانيين العايشين فى السودان وبيتكلمو اللهجات دى فما عندها عذر

اما بالنسبه للسودانيين العايشين بره السودان فعندهم عذر نسبة للبيئه العايشين فيها
وزى ما قالت الاخت دلع بعض مرات بتفلت منهم كلمات

بنت الجود انا كنت مفتكرك سودانيه واكيد تمبرلى والاخوه قاصدين السودانيين فقط
فلكى الف سلام وتحية وانتى مننا وفينا
صورة العضو الرمزية
بنت الجود
مشاركات: 1871
اشترك في: الخميس 2008.1.24 7:52 pm
مكان: سعوديـksaــه

رد: سوداني اسم بس

مشاركة بواسطة بنت الجود »

يسلمووووووو اخوي وكيل عريف’’’
بنت الجود,,
صورة العضو الرمزية
دعاش كردفان
مشاركات: 414
اشترك في: الخميس 2008.3.27 4:47 pm
مكان: ابوظبى

رد: سوداني اسم بس

مشاركة بواسطة دعاش كردفان »

اختى بنت الجود انا والله العظيم من ما اشتركت فى المنتدى ابدا ماحسيت انك ما سودانيه وده دليل على انك فعلا مننا وفينا زى ما قال الاخ وكيل عريف 000الموضوع ده مقصود بيهو السودانيين اللى بيتنكرو للهجه واكرر احنا لما بنتكلم بيها احيانا فى المدرسه لانو فى كتير من الجنسيات التانيهمعانا فى المدرسه مابفهمونا عشان كده مضطرين نتكلم مهاهم بلهجتهم عشان يفهمونا
صورة العضو الرمزية
بنت الجود
مشاركات: 1871
اشترك في: الخميس 2008.1.24 7:52 pm
مكان: سعوديـksaــه

رد: سوداني اسم بس

مشاركة بواسطة بنت الجود »

يسلمك ربي اخوي دعاش كردفان,,
اختكـ
بنت الجود,,
صورة العضو الرمزية
حموودى
مشاركات: 1836
اشترك في: الجمعة 2007.6.29 1:49 pm
مكان: السودان الخرطوم
اتصال:

رد: سوداني اسم بس

مشاركة بواسطة حموودى »

المشكله ياشباب انو حتي العاميه السودانيه بقي فيها مصطلحات كميات كده
يعني لغتنا السودانيه تقوقعت امام المصطلحات التي بدأت تحل محل العاميه البسيطه الجميله
يعني كلمة زول حل محلها يامان / معلم / يافرده / .....
والبنات / الجكس / الحسس / الحاجات / ...........
وغيره

وكل هذا بسبب تأثير القنوات الفضائية

يعني ما بنقدر نلوم شبابنا لم يدخلو كلام غريب علي لغتنا المحليه الدارجيه
بل نلوم ثقافتنا التي خرجت ولم تعد وحل محلها تقافات دخيله
ووزارة الثقافه وتلفزيوننا القومي قاعدين فراجه


ومن هنا ينطرح السؤال:

ماهو الحل؟
صورة العضو الرمزية
عازف الأمل المفقود
مشاركات: 1426
اشترك في: الثلاثاء 2007.9.4 11:50 pm
مكان: السعـــــــــــــوديه
اتصال:

رد: سوداني اسم بس

مشاركة بواسطة عازف الأمل المفقود »

[align=center]timbrilly.com

حس وطني جميل

كما ذكر البروفسير عبدالله الطيب رحمه الله ان العاميه السوانيه من اقرب اللهجات الي الغه العربيه الفصحي ان بفهم وبتكلم سوداني وانا سعودي بس زي ماقال اخي الكريم وكيل عريف السودانيين العايشين بره السودان وكما ذكر اخي حمودي في مصطلحات دخيله على بعض الدول ماشرط السوادن
طبعآ وانا مؤيد للموضوع

يداك العافيه على المجهود الرائع[/align]
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: سوداني اسم بس

مشاركة بواسطة ودالدرديري »




تمبريللي

الموضوع فعلاً حساس ومزعج شديد خالص

وبالذات لما يصدر من اخوتنا صغار السن الذين عاشوا خارج السودان
لأن المشكلة في الحالة دي بتكون من الأهل اللي ماعودوا أو ما إنتبهوا لحكاية تعليمهم اللهجة السودانية

حقيقي أنا أحيي وأشيد بشدة بالأخ عازف الأمل المفقود والأخت بنت الجود
فهم سعوديين ولكنهم إستطاعوا الاندماج تحت لواء أنا سوداني بطريقة مدهشة جداً
لهم التحية مثنى وثلاث ورباع والى ما لانهاية

تخريمة:
بنت الجود
إعتراضك مقبول ومنطقي ولن يتم حذف أي شيء

عازف
يديك العافية بمعنى يعطيك العافية ( بتشديد الدال وكسرها )

يديكم العافية جميعاً

وليييييييييييييييييي قدااااااااااااااااااام









و................الباقي على الله




صورة العضو الرمزية
اسامه خضر محمد على
مشاركات: 4610
اشترك في: الأحد 2007.8.19 5:21 pm
مكان: الدوحه قطر
اتصال:

رد: سوداني اسم بس

مشاركة بواسطة اسامه خضر محمد على »

كلامك دا ريحنى راحه عجيبه لانو فى ناس بتفتخر لمن تتكلم غير لهجتنا ومره مصرى ومره لبنانى ومره خليجى ونسوا كلامنا ولغتنا مشكور جدا على الموضوع وتسلم
صورة العضو الرمزية
دعاش كردفان
مشاركات: 414
اشترك في: الخميس 2008.3.27 4:47 pm
مكان: ابوظبى

رد: سوداني اسم بس

مشاركة بواسطة دعاش كردفان »

اخي ود الدرديري
السلام عليكم من قال انو اهلنا ما عودونا نتكلم باللهجة السودانية بالعكس كانو حريصين عليها جدا
لكن انا حاولت اوضح كزا مرة اننا احنا بنتكلم بيها في المدرسة بس لاننا بنتعامل مع جنسيات مختلفة
واحيانا ما بفهمونا فمضطرين نتكلم معاهم بلهجتهم اختصارا للوقت بدل ما نقعد نترجم ليهم
0يعنى حاجه غصب عننا000والله العظيم كلامكم حرقنى خالص 00عقدتونا عدييييييييييييييل كده
مع تحيات اختك دعاش
صورة العضو الرمزية
بنت الجود
مشاركات: 1871
اشترك في: الخميس 2008.1.24 7:52 pm
مكان: سعوديـksaــه

رد: سوداني اسم بس

مشاركة بواسطة بنت الجود »

يسلمك ربي ويخليك ياود الدرديري ولاهنت,,
اختكـ,,
بنت الجود,,
صورة العضو الرمزية
سمرة وحلوة
مشاركات: 68
اشترك في: الجمعة 2008.3.21 1:24 pm
مكان: باكستان

رد: سوداني اسم بس

مشاركة بواسطة سمرة وحلوة »

السلام عليكم الكلام المكتوب ميه في الميه بس مثلا ناس ماعاشوا في السودان الا شوية واصدقائهم مثلا من دول تانية وعايشين في دول غير عربية كيف حيكون العربي او السوداني حقهم ؟ مثلا انا عندي الجنسية والجواز السوداني بس مااعرف اي حاجة عن ثقافتنا واتكلم اللهجة الخليجية حتى في البيت مع الاهل كدا احنا متعودين انو نتكلم خليجي حتى في لبسنا واي حاجة
ويسلمو ع الموضوع الرائع
صورة العضو الرمزية
سودانية صريحة
مشاركات: 643
اشترك في: الأربعاء 2007.5.30 1:40 pm
مكان: الإمارات

رد: سوداني اسم بس

مشاركة بواسطة سودانية صريحة »

نحن متعودين نتكلم في البيت سوداني ، حتى أهلنا في السودان لمن نتكلم معاهم في التلفون بيسألونا لي ما بتتكلموا خليجي ما بتعرفوا, بالعكس نحن بنعرف لكن ما متعودين.
صورة العضو الرمزية
M.Hadad
مشاركات: 2564
اشترك في: الجمعة 2007.10.26 11:41 pm
مكان: في عمق اللاشئ

رد: سوداني اسم بس

مشاركة بواسطة M.Hadad »

دعاش كردفان كتب:والله كلامك كلو صح واحنا ولدنا وعشنا في الخليج وغالبا اللهجات دي بنتكلم بيها لما نكون في المدارس
عشان يفهمو كلامنا --- لكن بمجرد ما نرجع البيت بنتكلم بلهجتناوحتى لما نرجع السودان ما بنتكلم بغيرها--وجزاك الله خير على التنبيه
اختي دعاش كردفان
ليه حتي في المدارس ما تحاولو تتكلمو باللهجه السودانيه واذا زول ما فهم اشرحو ليو معني الكلمه
المصريين واللبنانيين وكافه الاجناس بيتكلمو بي لهجاتهم ليه نحن بس نكون بنتكلم مثلا مع خليجي بي لهجه مصريه؟؟؟؟؟؟؟؟
والغريبه اني امس القريب ده سمعت بس خليجيه من طول ما اتعاملت مع سودانيين وهم ثابتين علي لهجتهم بقت ومن دون وعي بتقول كلمات سودانيه بحته
يبقي لهجتنا ما صعبه علي زول مش كده؟؟؟
أضف رد جديد

العودة إلى ”منتدى السودان العام“