~
الصراحه شفت موقف ليلة امس وحبيت اعرف رايكم
وخاصة ان الحكايه انتشرت بطريقه مخيفه مع انها ظاهره جديده ماكانت متواجده في متجمعنا من قبل ..!!
~
كنا مارينا بالسياره جنب صاله كان فيها حفله والشارع ملياان شباب ,,
وبالصدفه جات وحدة داخلة الصالة { الله يستر عليها } لابسه ومالابسه ,,
إسكيرت قصير وبلوزة ع الجسم والشعر غير شكل والمكياج صابغه بيو الوش ,,
وفوق دا كلوو [ توب ] شفاف ..!!!!! والطــامه الكبرى ماشه مع زوجها ,,
ماعارفه هو ماشافها وهي طالعه من البيت بالشكل ده , وإلا شافها وعاجبوا اللي لابساه
ولاعشان يقولوا والله زوجة فلان حلوووه وقاااشره ولا عشااان يقولوا عنها احلى وحدة في الحفلة ,,
رايكم شنو ..!!
في الزوج اللي يسمح لي زوجته تطلع من البيت بالشكل دا ..
هل هو ضعف شخصيه ؟؟ ام حريه للمرأه ؟؟ وإلا عايز يقشر بيها ؟؟
وماهي نظرتكم لهذا النوع من الرجال؟؟
وهل انت بتسمح لزوجتك تخرج بالشكل دا ؟؟