مكتبة الشاعر إسحق الحلنقي

مرجع لفطاحلة الشعراء

المشرف: بانه

صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

مكتبة الشاعر إسحق الحلنقي

مشاركة بواسطة waya »

اسحق الحلنقي درة كسلا الفريدة ... هو سمرة من جبالها وخضرة من مروجها وبسمة في عيون أهلها ... عبر الحلنقي عن كوامن دواخله وأبرز كيف التواشح مع الجمال والتسامح والتناسخ مع المواقف فجاء شعره الغنائي متسم ببساطة الصدق وحرارة العاطفة ويسر الكلمات والمقاطع فأصبح علي الألسنة ترديداً وهتافاً فكسلا الوطن الصغير الملاذ الذي احتمي به الحلنقي عصماً من دواخله الضياع فجادت قريحته بالكثير الممتع ...
أخذ من قوس قزح المتدني فوق جبل التاكا الأشم الذي يسترضع القمر ويتدلي علي دائرة الظل علي هامش نبع توتيل السلسبيل وركائم السحائب تشق طريقها لتنسم حبات الندي المتساقط صبحاً

والحلنقي صاحب رصيد غنائي ضخم ، وهناك بعض الأغنيات التي صعدت بفنانين الى القمة مثل أغنية «أديني رضاك» لاسماعيل حسب الدائم ، و«ياعسل» لعبد العزيز المبارك وأغنيات البلابل ، وغير ذلك من الأغنيات الذائعة الصيت ,,

[grade="00008B FF6347 008000 4B0082"]حبيت عشانك كسلا
ظلم الزمان الخاني يا ريتو لو كان خـــــــــانك
ليه جرت واتنكرتي ليه لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
كلمني قوليها فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

عيش معاي الحب
[grade="00008B FF6347 008000 4B0082"]
عيش معاي الحب عيش معاي حناني
خليني أنسى سنين عشتهم وحداني

إيه يضرك تسأل يوم علي يا غالي
وإنت وحدك عارف همي عارف حالي

كيف أواصل صبري في الطريق الخالي
كيف بدونك تصبح اليالي ليالي

أنا كنت دايما ًبصبر مهما البعاد أضناني
في قلبي إنت بتكبر تكبر معاك معاني

برجى الأيام وستنى أمالي بين نيراني
والهجر مهما يألم يرجع حنانك تاني

لو كان جفيتني خليتني وحدي برايا
مع ليلي الوحدة والشوق حنينو معايا

ما بسيبو غرامك رضيان معاك بشقايا
وقت الطريقك يوصل أعرف نهايتة خطايا
[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

قطر الندى
[grade="00008B FF6347 008000 4B0082"]
الريد جوه قلبي بحبك بدا
يا طيبة حياتي يا قطر الندي
ما كان في خيالي تتنكر كدا
أيامنا الجميلة ليه بتنكدا

جربت هواهم .....قليبي انكوى
تاريهم جاروا .....وماصانو الهوى

حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا

جربت هواهم ... قليبي انكوى
تاريهم جارو ....وماصانو الهوى

الكلمة الحنينة مشتاق اسمعا
روحي خلاص جفيتا والشوق لوعا
الدمعات ....عيوني كيفن تمنعا
وانا شايف سنيني جورك ضيعا

جربت هواهم ....قليبي انكوى
تاريهم جاروا ....وماصانو الهوى

يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا

جربت هواهم .....قليبي انكوى
تاريهم جاروا .....وماصانو الهوى[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

اسمعنا مرة
[grade="00008B FF6347 008000 4B0082"]
اسمعنا مره وحاتنا عندك اسمعنا مره
الدنيا تبقى مافيها مره
والكون يلالي بهجه ومسره
حن في عمرنا كايسنو مره
وان قلت لا لا هم واستمره

ان درنا نشكي وين نشكي ليكا
وين نلقى دنيا تجمعنا بيكا
كنت بتجينا ياحليل مجيكا
وان ضاع عمرنا محسوب عليكا

انت البتنهي وانت البتأمر
ان قلت نشقى نشقى وان قلت نصبر
زي الفراشه في سمانا تخطر
نادر وجودك في الدنيا يندر

نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيب[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

الكروان
[grade="00008B FF6347 008000 4B0082"]
ليه يا كروان خليت عشك
باريت الغربة البتغشك
فارقت البلد البتريدك
بالصندل كانت بترشك
ليه يا كروان سبت ديارك
ومشيت خليتهم سمارك
دي الغربة الحتت نوارك
ما تسيبها تقلل مقدارك
دا البعد الحاصل كان منك
ليه نرمي اللوم على اقدارك
ليه يا كروان خليت ناسك
ومشيت للناس الماناسك
انت المعروف بين جلاسك
معروف بي رقة احساسك
ليه تنسى عيون النيل والليل
والريد الحابس انفاسك
ليه يا كروان بعدك طول
وما عاد تغريدك زي أول
انا عارفو حنينك ما تحول
عشق الأوطان ما بتاول
اصلو الانسان ما بكون انسان
لو بنسى قديم زمنو الاول[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

أصلو ما ممكن
[grade="00008B FF6347 008000 4B0082"]
ممكن وللا ما ممكن
أسيبك اصلو ما ممكن
اسيبك كيف بعد ريدك
صبح من روحي متمكن

ممكن تختفي الأبراج
ويبقى النيل بدون أمواج
يغيب الكوكب الوهاج
وتبقى الزهرة من غير تاج
عارف شوقي ما بهدن
واسيبك أصلو ما ممكن

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
إلا الأصلو ما ممكن
نعيش انا وانت مفترقين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن
غلاوتك عندي مرة تهون[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

مــــلوك الــــــــــــعز
[grade="00008B FF6347 008000 4B0082"]
ليك حق باللون الفيك تعتز ليك حق باللون الفيك تعتز...
وتهز الناس بعيونك هز... وتهز الناس بعيونك هز
لو شايف روحك هي العاجباك .. لو شايف روحك هي العاجباك وحياتك أنحنا ملوك العز
الحسن الآثر بكرة بروح صدقني جمال الناس في الروح
الروح هي الوردة الما بتجف ... في أي عمر تلقها تفوح
اتنازل عن طبعك مرة وما تنسى الناس كدا بالمرة
تسرح في عيونك تتغزل ... تسرح في عيونك تتغزل
يوم تصحا يكون عمرك مرة
اتلما تعال على أحبابك ... خلي النوار يعرش بابك
أبسم لي الدنيا بتبسم ليك قبال ما يضيع لون عنابك [/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

هجرة عصافير الخريف
[grade="00008B FF6347 008000 4B0082"]
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
...
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
....
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

انت مافي

[grade="00008B FF6347 008000 4B0082"] اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

وسط الدايرة
[grade="00008B FF6347 008000 4B0082"]
وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا [/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

كنوز الدنيا

[grade="00008B FF6347 008000 4B0082"]
كُلُّ ما أحاول أذاكرْ
بلقى روحي وماني شاعِرْ
إني لعينيك فاكِرْ
ألقاك في نص السطور
بس تقول عنوان وظاهِرْ
وافضل أعيد في كلامِك وابتسامك
وأقضي ليلي في ذكراك مساهِر
***
كتير بفكّر أسيبو قربِكْ
وامشي كورس بعيد أهاجر
لكني بلقى صدود وجفوة
وصوت شديد في طبعو قاهر
يمنعني في هجْرِك أفكّر
أو يمُر بعقلي خاطر
***
ويوم ما كنتي عن الكورس غايبة
كان الضجر في عيوني ظاهر
وماني عارف كيف حأعمل
لمّ يكمل كورس الرابطة باكر
***
وفي كل لحظة بشوف عيونك
وفي المنام يا حلوة طيفك يجيني عابر
بأيه تفسري كل ديّه؟؟؟
تراني في تفسيرو حاير!!!
***
لو قلت ليك إحساسي حب
حأبقى زول كذاب وفاجر
بس بقول لو ممكن أبقى
صديق قريب ليكِ ومجاور
أصلو من عاداتي ديمّة
بعتـز بالأصحاب وافاخر
ولو بيقولوا معرفة الرجال كنوز
أنا بصداقتك راح أكون
لكل كنوز الدنيا حاكِر[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

المشكلة
[grade="00008B FF6347 008000 4B0082"]
الروح تروح ما مشكلة وتزيد جروحي علي جروح مامشكلة
المشكلة ريدتك بقت هي المشكلة وأديني حل للمشكلة

ينسي الفراش عطر الربيع ما مشكلة
وينسي الوديع زولو الوديع ما مشكلة

الشاري لو فكر يبيع لو ضاعت الأعمار تضيع ما مشكلة
المشكلة ريدتك بقت هي المشكلة وأديني حل للمشكلة

لا تبين شمس لا يهل قمر ما مشكلة
يبقي السحاب من غير مطر ما مشكلة

يرموني في نص البحر لا يجيبو لي الناس خبر مامشكلة
المشكلة ريدتك بقت هي المشكلة وأديني حل للمشكلة

لو هز صمت الليل برق ما مشكلة
والقاش رحل خلاّ الشرق ما مشكلة

لو عمري بالشوق يحترق ولو رحت ماجبت الفرق ما مشكلة
المشكلة ريدتك بقت هي المشكلة وأديني حل للمشكلة

الدنيا تبقي بدون جليس ما مشكلة
وتبقي الليالي بدون ونيس ما مشكلة

لو تنسي ليلي حبيبها قيس تنسي العروس اسم العريس ما مشكلة
المشكلة ريدتك بقت هي المشكلة وأديني حل للمشكلة [/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

اقابلك
[grade="00008B FF6347 008000 4B0082"]
أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

وقفة على قبر تاجوج
[grade="00008B FF6347 008000 4B0082"]
اليوم عدت اليك يا كســـــــــــلا
وبمقلتى تعاسة المتــــــغــــرب
فى كل شبر ضجة وتأســــــــــف
أنكرت بعدى جفوتى وتغربى
أنا ان رجعت الى غد لاتأســـفى
فالمجد بعض من فضائل مذهبى
هذى الجبال عبادتى فى صمـتها
شمخت كمحبوب عزيز المطلب
وبقبر تاجوج اصطحبت عبادتى
صليت فى قبر جريح متعــــب
والقاش ممتـد بعينى هــــــائم
بسط الذراع يلم لون المـــغرب[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

فايت مروح وين ما لسه الزمن بدرى
[grade="00008B FF6347 008000 4B0082"]
فايت مروح وين وين ما لسه الزمن بدرى
خليك شوية معاى عشان جنبك يطول عمرى
دار الفرح والريد تلقانى من اهلا
لى الما بيعرف طيبة شباب كسلا
بين الضفائر بان وجه القمر طلا
وكيف قلبى يتصبر صبرنى يا الله
فايت مروح وين
يا اجمل الحلوين يا احلى ياسمينا
ما لينا غيرك اهل انت الاهل لينا
لمتين مراكبنا ترسى وترسينا
على وادى اسمو القاش والغيم حوالينا
على نسمتك يا قاش بالريد تعدينا
فايت مروح وين
باقى الجميل تموا اصلو العمر مرّ
وانا كم صبرتا معاك فى الحلوة والمرة
اطرح جبينك لى خليهو ينفرّ
وانت البيدور ضرك انشاء الله ينضرّ
فايت مروح وين
يلاك بعيد نرحل على دنيا حنية
نعيش لوحدينا والسيرة منسية
واوسدك قلبى وارعاك بعينيا
واسقيك مياه توتيل عشان تعود ليا
فايت مروح وين سايبنى رايح وين
لسه الوكت بدرى
خليك شوية عشان جنبك يطول عمرى
عارف الولف كتال وانا قلتا عزرى
وارحم بخاطرى انا ارحم تعب قلبى[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

امرك ياقدر
[grade="00008B FF6347 008000 4B0082"]
مشي امرك ياقدر انت احكامك مطاعه
لوحصل نحن افترقنا والليالي الهم اضاعا
همسة الذكرى المعاي تبقى زاد روحي ومتاعا

الزمن كان مبتسم والليالي جميله حالمه
كانت الايام بتمضي حلوه ريانه ومسالمه
لا اشتكينا من الزمن لا لا التقينا في لحظه ظالمه
بي حنانا الدنيا كانت ياحبيب العمر عالمه

فجأه من غير نحن نشعر يافراق طليت علينا
واصبحت كل الليالي الطيبه والايام حزينه
وارتيم ظل في جبين ايامنا ظل آهات سجينه
كان طريق مكتوب نسيرو نحن سرناهو ومشينا

عدت من بعدك رجعت عشت متغرب وحيد
وابتديت اشعر بزهر العمر يتساقط بعيد
ياحليلك انت والايام ربيع اخضر سعيد
كنت ببكي عليك بعمري والدموع بس ما بتفيد [/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

يلا وتعال يلا
[grade="00008B FF6347 008000 4B0082"]
نهاجر في بلاد الله
ننسى الناس ينسونا
والله ننسى الناس ينسونا
وفوقنا الطيبة تتدلا
نعيش زي الطيور ماتعيش
وتفرد لجناها الريش
تضمنا عشة الريدة
ويفوت فوقنا الغمام تعريش
نفوت من سكة رواحة
ونتوه من واحة لواحة
شتيلة ريدنا يا حنين
يضون بهجة في الساحة
حلاوة الدنيا تلقاها
تجينا سحابة شايلاها
دروبنا تلم وريدنا يتم
وانت تقولي يا آهة
ونرتاح من كلام قالو
ومن عينو دمعتين سالو
آثار الهم نطويهو
نخلي الفرح بدالو
يلا وتعال يلا
نهاجر في بلاد الله
ننسى الناس ينسونا
والله ننسى الناس ينسونا
وفوقنا الطيبة تتدلا[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: مكتبة الشاعر إسحق الحلنقي

مشاركة بواسطة waya »

توعدنا
[grade="00008B FF6347 008000 4B0082"]
توعدنا وتبخل بالصورة
يا غنوتنا
يا بهجتنا
ويا مسا عيونا المبهورة
ما نحن بطبعنا ناس طيبين
غلطاتك عندنا مغفورة

يا نسمة في عز الصيف هبت
يا روح الروح
يا آمالا
إن جيت تطلبنا بضي العين
مابنقدر نحن نقول
لا لا

العين مابتعلا على الحاجب
وعزيز الروح مابتعالا
لو نحن بكينا على الصورة
سامح دمعتنا المعذورة
ما نحن بطبعنا ناس طيبين
غلطاتك عندنا مغفورة
الكلمة الحلوة الفي قلبك
وحياتك ماتعاند قولا
خلينا نصابح بيها العيد
نرحل لعوالم مجهولة
لو نحن مقامك ماقدرو
أعذارك عندنا مقبولة
روعة سحر الأسطورة
يا سمحتنا الما بنطولة
لو نحن مقامك ماقدرو
أعذارك عندنا مقبولة

بنحبك نحن وما قادرين
أبدا عن حبك نتخلا
نتخلا عن الوجه البشبه
ضي القمرة الناعس طلا
كل الآمال الله يخليك
ويحرسك من عين الناس الله[/grade]
صورة العضو الرمزية
سفيو
مشاركات: 128
اشترك في: الأربعاء 2008.9.24 10:15 pm
مكان: السودان
اتصال:

رد: مكتبة الشاعر إسحق الحلنقي

مشاركة بواسطة سفيو »

يا اعز الناس
يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان

كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح

نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب
صورة العضو الرمزية
the magic
مشاركات: 1020
اشترك في: الجمعة 2008.9.12 8:37 pm
مكان: في قلوب احبابي
اتصال:

رد: مكتبة الشاعر إسحق الحلنقي

مشاركة بواسطة the magic »

الوداع الاخير
مهما الزمن .. طلع قمر
وغيب قمر ما بجيب قمر يشبه عمر
كان مس بي ايده التراب يصبح درر
وكان حدثك ترحل بعيد لى دنيا ما دنيا بشر
شفتوهو كيف فى المؤتمر حرك شجون
القلبه منسوج من حجر الاعمي يوم داك ما نظر
والحسه ما بشعر شعر آه يا قدر امرك صدر
ماترشى ارضنا يا مطر وما تهدى موجك يا بحر
طال ما عمر تحت التراب الحلوة كان ضقناها مر
والسمحة كان جات ما بتسر وفرحنا بعد قصي عمر
كان وش سمح بي لمسته يداوى الجرح
كان طيبة فى الاعماق تلح كان حاله زين ما بدور شرح
تلقاهو دايما منشرح عقد الندي نفحة عبير عطر الطلح
للسمحه بسرع فى الخطا وفى القاسية ثابت ما بزح
كان الرجى وكان للحيارى المرتجى المستجد
كان بفتح ابواب النجا كان شعله بالحب الكبير متأججه
فى نظرته فى عزته ما بحجوا بيهو الناس حجا
الكلمة ما كان بيكونها وبيلونها وبحننها ويبجيبها ليك
تحلف عروسه متوجهة ... اخو فى القسي
والليلة خالد ياحليله يقول ابوى
وما بلقي غير صمت الاسى العزة ما كان حارسها
والسمحة ما كان فارسها كان مدرسة لى كل عظيم
التاكل يبكي عليك دموع تاجوج تنوح
شجر الاراك زابل فروع ومحلق اللابس الدروع
غرقان دموع والقمرة ما دايره الطلوع
الناس تئن حس النحاس يبكي ويرن
ومحمد الحافظ على العهد القديم صلى فى خشوع
لى الله يرحم جيتك فى آخرتك تكسب ثواب
ما كان بطل فى العز قدل كان المحارب فى كرن
وكان المناضل فى حروب ليبيا ومعارك كل زمن
كان حبه فى الدنيا الوطن من راحته من عافيته
كم دفع الثمن وياما الزمن ليهو اتمحن لكنو اجتاز المحن
ورايات معزته بالمفاخر هفهفن اخدر نحيف شامخ جبينه
كأنه سيف اعماقه حس فنان رهيف وكل دينه مصحف شريف
ماسد باب دقاهو ضيف فى الدنيا كم درج شقى وفرح ضعيف
الليلة عاينو الدنيا كيف حزنانه كيف
لابسه السواد شايله الرماد الليلة ما انكسر الجواد
يا حليل عيونه الصافيه كلها اعتداد
الناس يوصوا علي الصبر ويقولوا غايتو كلام معاد
كيف الصبر يا اخوانى عاد والكان بعلمنا الصبر خلانا فات
من غير ميعاد .
أضف رد جديد

العودة إلى ”وثائق و شعراء“