شرطة المرور وتعاملها مع المواطنين

يهتم هذا القسم بكل المعلومات عن وطننا الحبيب .

المشرف: بانه

صورة العضو الرمزية
أبو أحمد
مشاركات: 1287
اشترك في: الجمعة 2008.5.9 8:35 pm
مكان: الخرطوم_السودان

شرطة المرور وتعاملها مع المواطنين

مشاركة بواسطة أبو أحمد »

الأخوة بالمنتدى الأعزاء /
شرطى المرور هل من المفترض به أن يكون موظف جباية فقط؟ وهل
هى وظيفته الأساسية؟ وهل تنظيم المرور و إنسياب حركته وإرشاد
سائقى المركبات جميعها(الملاكى كانت أم التجارية) هى وظيفته
الفرعية؟
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: شرطة المرور وتعاملها مع المواطنين

مشاركة بواسطة sunni »

كدي يا أبو أحمد،، قبل ما تسألنا،، انا عاوز أسألك،،،
هل شرطي المرور هو موظف جباية لصالح الدولة؟؟ ولا لصالح جيبة؟؟

والله إحترنا
صورة العضو الرمزية
أبو أحمد
مشاركات: 1287
اشترك في: الجمعة 2008.5.9 8:35 pm
مكان: الخرطوم_السودان

رد: شرطة المرور وتعاملها مع المواطنين

مشاركة بواسطة أبو أحمد »

الأخ سونى/
المفروض رجل شرطة المرور تكون جبايتو
لصالح الحكومة .. لكن كدى أسأل واحد من
أهلك القاعدين هنا فى السودان عن بتاع المرور
و عن البعملو مع المواطنين المساكين و لما يوقف
ليهو زول بيكون مبسوط (24) قيراط كيف؟ زى
الكأنو قبض ليهو واحد إرهابى .. يسألو عن رخصتو
وطفاية الحريق وين؟ولابس شبشب ليه؟وما رابط
الحزام مالك؟والشق الفى القزاز دة شنو؟والخطر
دة ما مولع ليه؟غايتو أسئلة يعنى أسئلة ... عليك
الله أسأل و رد ورينى .
الواصل
مشاركات: 33
اشترك في: السبت 2008.5.31 11:14 pm
مكان: السعوديه

رد: شرطة المرور وتعاملها مع المواطنين

مشاركة بواسطة الواصل »

يا خى ما فرقت لجيبه او لصا لح الدولة المهم مين البيدفع وربنا يكون فى عون المواطن الضعيف وربى يسلط على كل رجل مرور يا كل من المواطن التعبان



@ الواصل البطحانى @
الواصل
مشاركات: 33
اشترك في: السبت 2008.5.31 11:14 pm
مكان: السعوديه

رد: شرطة المرور وتعاملها مع المواطنين

مشاركة بواسطة الواصل »

اعوذ باالله من ناس المرور ياخى ديل قالو شغالونا برانا بنعيش
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: شرطة المرور وتعاملها مع المواطنين

مشاركة بواسطة ودالدرديري »



ياجماعة طبعا انا ماشفت السودان من زمان
يعني ممكن اكون مامواكب حاجات كتيرة جداً
المهم عندي اخواني كانو بيتكلمو طوالي عن الحتة دي
بالذات عن شرطية اسمها سارة أظنها ملازم وتتواجد في امدرمان
ويلقبوها بــ سارة الضارة
بيحكو حاجات عجيبة وكأنو شرطة المرور بقت للضرائب الإجبارية على المواطنين
لو دا حقيقي يبقى منو العوض وعليهو العوض

لك الله ياسودانا الحبيب


ولييييييييييييييييييي قدااااااااااااااااااام












و................الباقي على الله




صورة العضو الرمزية
مهند ابراهيم
مشاركات: 107
اشترك في: الاثنين 2008.6.30 11:35 pm
مكان: السعودية-تبوك

رد: شرطة المرور وتعاملها مع المواطنين

مشاركة بواسطة مهند ابراهيم »

مع احترامي للمراة المفروض عملى البيت مش الشرطة المراة ممكن ماتكون عندها وسيلة دفاع يعني ممكن ازى واحد اتعرض ليها ممكن ماتقاومو وبتالي البيت اريح ليهههههههههههههههههههههههههههها
mohe7

رد: شرطة المرور وتعاملها مع المواطنين

مشاركة بواسطة mohe7 »

البلد دى ما فوضه القوى بياكل الضعيف يا تكون مع القوى يا ياكلوك مع الضعفه المساكين (الشعب)
المهم ادفع وانته ساكت سالى يا مان محل ما تمشى ده ما شغلك ......
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

رد: شرطة المرور وتعاملها مع المواطنين

مشاركة بواسطة mubark59 »

صراحة ورغم اننى ضابط شرطة سابق ولاارضى فى اى حديث يمس الشرطة الا ان (جبايات) شرطة المرور والله تكسف وتهدم كل ايجابيات الشرطة وهى ظالمة ولاعدل فيها اتمنى ان تراجع الدولة الامر
صورة العضو الرمزية
الامير
مشاركات: 268
اشترك في: الأحد 2008.11.30 4:14 pm
مكان: دبى

رد: شرطة المرور وتعاملها مع المواطنين

مشاركة بواسطة الامير »

[تحدث الناس كثيرآ عن جبايات المرور ــ ولا حياة لمن تنادى ...؟؟ وأرهق المواطن المغلوب ع أمره فيما يسمى بتسويات املرور ... حتى ظن المواطن بأن الجباية هى سياسة الدولة..!! بمعنى أن الجباية تؤخذ عنوة ــ والويل لمن أبى ــ والعصا لمن عصا !!! ويفترض فى رجل شرطة المرور ان يكون شرطى مثالى تتوافر فيه كل معانى الانسانية والسلوكيات الحميدة والاخلاق ... ولكن شتان ما بين هذا وذاك !! والمسؤلية يتحملها القادة والقائمين ع هذا الأمر ...و الشكية لغير الله مذ لة ]
صورة العضو الرمزية
أبعاج
مشاركات: 919
اشترك في: الخميس 2008.4.10 5:23 pm
مكان: السعوديه

رد: شرطة المرور وتعاملها مع المواطنين

مشاركة بواسطة أبعاج »

mubark59 كتب:
صراحة ورغم اننى ضابط شرطة سابق ولاارضى فى اى حديث يمس الشرطة الا ان (جبايات) شرطة المرور والله تكسف وتهدم كل ايجابيات الشرطة وهى ظالمة ولاعدل فيها اتمنى ان تراجع الدولة الامر

لو كان أمثالك فى الخدمه لتحسن الحال يا مبارك
:022:
ابوالدهب
مشاركات: 152
اشترك في: الثلاثاء 2008.12.16 1:22 pm
مكان: السعوديه - الرياض

رد: شرطة المرور وتعاملها مع المواطنين

مشاركة بواسطة ابوالدهب »

هلا مبارك
كل سنه وانت والجميع بالف خير
انا من الناس الزين يشنون هجوما كاسحا علي كثير من المؤسسات وكثير من الممارسات بالسودان وقصدي هو التحسين في الاداء والتطوير في الخدمات ومعالجة المساوؤ والازدياد في المحاسن وتعميمها علي اكبر شريحه من المواطنين وبما انك كنت ضابط بالمرور فارجو منك طرح كل المشاكل التي تواجه المواطن وبالمقابل رجل الشرطه ورفع ذلك الي الجهات المختصه لتحسين الاداء وياحبزا لو تعاونت مع اكبر مجموعه من معارفك وبمشاركة الجهات الرسميه والشعبيه لمعالجة الاوضاع ولكن رايتك تزكر شيء وتنسي عشره مثلا الايصالات المروريه+الرشوه + الوساطه + ممارسة رجل الشرطه لضرب المواطن الضعيف (اعرف انها لم تمر عليك ولكنها منتشره وبالاخص في الاقاليم) واخيرا وليس آخرا العلاقات الشخصيه وتصفية الحسابات الشخصيه بزي الشرطه والمناصب الاخري والمحسوبيات
صورة العضو الرمزية
ريناد
مشاركات: 442
اشترك في: الجمعة 2008.9.12 4:00 am
مكان: السعودية

رد: شرطة المرور وتعاملها مع المواطنين

مشاركة بواسطة ريناد »

بصراحه ناس المرور ديل ناس نصابين درجه أولى ياخ احنا مرة ماشين في الخرطوم وقفنا ونزل ليك أسئلة اخر حاجه لمى زهج ومالقى ليهو حاجه قال للسواق لابس (شبط من غير رباط ليه (الله يكرمكم) وطبعا دفعنا 30 الف وبالنسبة لي سارة الضارة دي قالو شالوها لانو لقوها نصابة او بتمول جهه ضد الحكومة والله اعلم


لكن ان شاء الله انتظرو الفرج بس انا ابقى ضابطه مرور ان شاء الله حأعمل خصم خاص لي ناس منتدى انا سوداني
صورة العضو الرمزية
صوفيا لورين
مشاركات: 2403
اشترك في: الجمعة 2008.10.17 12:44 pm
مكان: الخرطوم

رد: شرطة المرور وتعاملها مع المواطنين

مشاركة بواسطة صوفيا لورين »

[color=#32CD32]انتي شفتي حاجه ديل م خلو شارع م قفلوه ولا كوبري م قفلوه قربوا يقفلوا الناس ف بيوتهم ساره شنو البتسرق كلهم لصوص ف يوم احنا طلعنا بالعربيه من بحري للخرطوم ف شارع الحريه بتاع الحركه وقف العربيه لانها راكننها غلط سبحان الله بس م في ثانيه بتاع الحركه قال للسواق ادينا حق الفطور بنخليك عليك الله ديل ناس ديل سرقوا الحكومه البتسرق زاتها سبحان الله[/color]
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

رد: شرطة المرور وتعاملها مع المواطنين

مشاركة بواسطة mubark59 »

الاخوه اعضاء المنتدى تحيه طيبه نرجو باسم كل أعضاء المنتدى أن نرسل رساله (سوف اقوم بنشرها
فى موقع رئاسه الشرطة السودانيه) محتوى الرساله اعيدوا النظر فى مخالفات المرور وركزوا فى المخالفه وعلاجها وليس الجبايه وخراجها وكذلك سلوك افراد شرطه المرور وأحترامهم للمواطن خاصه
الحالات التى تحتاج الى الحكمه والتصرف المناسب
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

رد: شرطة المرور وتعاملها مع المواطنين

مشاركة بواسطة mubark59 »

هذه القصيدة في العيلفون عن الفترة من أبريل 1988 حتى مايو 1990 عندما كنت رئيسا لقسم شرطة العيلفون وأم ضوا بان إلى القصيدة

وأنا كنت نقيب وعريس جديد *** نقلوني ليك ياالعيلفـون
سكنت بي جوار القسـم *** في حي جميل هادئ وسكـون
جيراني كانو آل سوار *** هم ناس دهب هم ناس متـون
وأحفادوا أرباب العقائد *** نسوني أحسب للسنون
كانت أيام في الخواطر *** كانت سنين بالجد شجون
رئيسنا فيصل كان عـــقيد *** نعم الرئيس حيث ما يكون
اديهو من بون التحيــة *** وللشرطة أكتب رغمو بــون
الطيب النص في الكرم *** حاتم معاهو يمين يهــون
أفضالو طالت للجمــيع *** حتى الصغير والنــسوة نون
أفضالو ماشة بلا إنقطـاع *** المولى يكفيهو العيون
الكورة كانت قمة جـــد *** إبداع أصيل وكمان فنـون
التح ترح دي المـوردة *** مريخ عنيد كالشوك غصون
سوبا شرق أروع شبــاب *** أهلي وهلال وفاق مصــون
في الأندية إجتمع الشـباب *** مع الكبار في أحلى لـون
العيلفون يا روعتك يا أجملك *** من بعيد أنا ليك حنون
يا ربي أرجع بالزمان *** قبال يحين يوم المنون
صديق (عميد) اديهو مـن *** بون السلام وكمان تحية
لي كل من يسأل علي *** تكون هي رد وتكون وصية
وأطلب العفو من جميـــع *** مني إتظلم بي حسن نيـة
وأطلب العفو من جميـــع *** مني إتظلم ما شاف هديـة

رأيت ان أكتب هذه القصيده والتى لو التزم بها اى شرطى لانصلح الحال خصه الثلاثه أبيات الاخيره
النرجسة
مشاركات: 4
اشترك في: الأحد 2009.1.4 3:44 pm
مكان: السودان

رد: شرطة المرور وتعاملها مع المواطنين

مشاركة بواسطة النرجسة »

السلام عليكم و رحمه الله و بركاته...
التحيه لهذا المنتدى الرائع الهادف البناءو الذي لم تسعفني الظروف لآكون من المداومين التنقل بين مواضيعه الشيقه المفيده ..
في اول جوله لي في مساحاته استوقفني موضوع شرطه المرور و تعاملها مع المواطنين...
ولاحظت مدى الانزعاج من الجبايات الغير مقننه و العشوائيه و القابله للمساومه حتى تصل في بعض الآحيان الى حد (حق الفطور) و هذا واقع يومي معاش لا يخفى على احد.
و لكن ...... دعونا ننظر للجانب الحقيقي للمشكله
نجد ان كل من يتعرض للمسائله من رجال المرور لآي سبب كان... نجد انه كان بامكانه تفادي هذه المسائله لان جميع مخالفات المرور منصوص عليها في قانون المرور و جميعها يمكن تفاديها بدليل اني اقود سيارةعلى مدى اربعه سنوات متواصله لم اتعرض خلالها لايصال من ايصالات المرور رغم كثافه الحملات و الكشات التي ينصبونها في جميع الشوارع لسبب بسيط جدا.... احترام القانون
فنحن شعب لا يحترم القانون و يؤمن بالتجاوزات و استغلال السلطه .. الا من رحم ربي
ولا نمتلك الثقافه المروريه الكافية في استخدامنا للطريق....
و اسمحوا لي في الختام ان اشير الى حقيقه يتجاهلها البعض عنوة وهي ان شرطه المرور بالرغم من كل ما تفضلتم به من تظلم و تشكي وكله يدخل تحت بند السلوك الشخصي.... نجد ان شرطه المرور تقوم بمجهود اقل ما يقال عنه انه جيد في حدود الامكانيات المتاحه على مستوى الاداره و التخطيط و التتنسيق مع الجهات التشريعيه و التنفيذيه المختلفه...
ختاما احبتي الكرام .... عفوا للاطاله و اختلاف الرأي لا يفسد للود قضيه....
و ان اخطأت فلكم العتبى حتى الرضا.......
و لكن تذكروا قولي...... كل المخالفات يمكن تفاديها دون الحاجه الى ترجي من لا يستحق الرجاء
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

رد: شرطة المرور وتعاملها مع المواطنين

مشاركة بواسطة mubark59 »

الاخت النرجسه تحيه طيبه وشكراً عاى المشاركه وأرى أنها رائعه وأنصفت الشرطه وأنا فى الحقيقه أعلم
أن هناك كثيراً من الايجابيات والحمد لله ان وجدت من خارج أهل الشرطه من يعكس ذلك
صورة العضو الرمزية
Emo Girl
مشاركات: 19
اشترك في: الجمعة 2008.11.21 6:07 pm
مكان: مكاااااااااااان وخلاص

رد: شرطة المرور وتعاملها مع المواطنين

مشاركة بواسطة Emo Girl »

مشكورة لطرح الموضوع

برايي ماكل الشرطين جبابية لكن دا نادرا ماينطبق على الشرطي السوداني

السودان الله يصلحو بس ناسو بحسم كدا مصلحة وبس
TARIQNASS
مشاركات: 49
اشترك في: الاثنين 2007.9.17 1:26 pm
مكان: KHARTOUN

رد: شرطة المرور وتعاملها مع المواطنين

مشاركة بواسطة TARIQNASS »

شيء عجيب..
ان تدفع وتواصل مخالفتك بقية اليوم،،
ان يكون الترخيص السنوي للمركبات ذو سعر مرتفع جدا يعجز عن دفعه ذوي الدخل المحدود..
ان تكون الغرامات المفروضة يوميا علي المركبات غير المرخصة تساوي اكثر من سعر بعض المركبات سنويا..
ان يسحب شرطي المرور رخصتك ويحتفظ بها..فكيف تقود السيارة من غير الرخصة بالرغم من ان قيادات شرطة المرور تؤكد بأن سحب الرخصة ليس من صلاحيات رجل المرور..
لت يسحب رجل المرور احدي لوحتي المركبة..
يعني سحب الرخصة وسحب اللوحة بتكون من الناس المفلسين..رهينة تنتظر الدفع..مابرضو السير بدون رخصة وبدون لوحة مخالفة..
ورسالتي..هي اسحبوا جبايات الولاية والمالية من سعر الترخيص السنوي..حتي تكون هنالك معقولية في السعر..حتي لاتكون هنالك جبايات مترتبة كما يحدث الآن..
أضف رد جديد

العودة إلى ”منتدى السودان العام“