مع شعر الحقيبه مع ود النيل

مرجع لفطاحلة الشعراء

المشرف: بانه

أضف رد جديد
صورة العضو الرمزية
ود النيل
مشاركات: 104
اشترك في: الجمعة 2008.6.13 1:44 pm
مكان: الإمارات

مع شعر الحقيبه مع ود النيل

مشاركة بواسطة ود النيل »

:Sudan: اغانى الحقيبة تمثل 90% من الاغانى الى
تتداول هذه الايام بواسطة المغنيين الجدد
وسميت بهذا نسبة لانها كانت تسجل على
الاسطوانات الغير ليزرية القديمة
والتى كانت تشغل بواسطة مشغلات توجد داخل حقيبة ومن هنا اتت التسمية
وهناك شعراء للحقيبة امثال
ابوصلاح - الجاغريو - العبادي - بطران - خليل فرح -
عبد الرحمن الريح - سيد عبد العزيز - عبيد عبد الرحمن
عتيق - عمر البنا - محمد علي الأُمِّي محمد ود الرضي
وساحاول فى هذه المساحة ان اعرض بعض كلمات اغانى الحقيبة المنسية
فى هذا المنتدى
ارجو ان ينال الموضوع التقييم المناسب لاغانى الحقيبة
وشكرا.............

انـت حـكمة انـت آيـة و لاّ انـسـان انت صاحي ولاّنايم ولاّ طرفك من طبعو نعسان
انـت راحي انـت روحـي انـت انسان عـيـنـي يـا صــاحي وانـت احـسـان
انـت نـادي انـت هـادي انت ميسان انـت ظـافـر انت ضـافر اسـود وفـرسان
انـت شـادن انـت لادن انـت فـتّـان انـت ضـامر انـت سـامر انـت هـتّـان
انـت نـادر انـت نـاضر انـت بستان انـت صـافي انـت نـافي زور و بـهـتان
ياحـيـاتي يامـمـاتي هـاك سـطران الصـبـابة ومـر عـذابا و قـلبـي اقـران
انـت سـاهي انـت لاهـي انـت بطران فـي دلالك فـي جـلالك ياسـامي وكـران
ياصـفـايـا يا وفـايا هـاك بـرهـان عـن غـرامي و طول هيامي السابني ولهان
عـزّ قـربك امـا بـعدك مـالو لي هان قـلبـي خـافق هل توافـق قـدري ينـهان
يا حـبيـبي كـون طـبيبي امري حيران طـول نهـاري ثم ليـلي سـاهي سـهران
طـال عـذابي صاح غرابي جوّي عكران دمعـي هـامي شوقي نامي و فرشي نيران
انـت حـالي انـت عـالي انـت سلطان انـت سـاطـع و انـا ساجع بي غناك طان
طـال انيـني فـاق حنيني الحان لأوطان والـيلـومـني فـي هـواك ياسيدي غلطان

الشادن الكاتلني ريدو هلك النفوس و الناس تريدو
مـالو لو يـرحم مـريـدو
في الكون وحيد والكون وحيدو فـيـه لا يـوجـد طـريدو
نـظم القلوب في سلك ريدو لبسـن قـلايد في وريـدو
الجيل قديمو علي جديدو بيه اعـترف مـعدوم نديدو
فاق السلاح وفضح حديدو نـقرابي فـي صفحة خديدو
يصعب علي وصف فصيدو صـعبان علي انظـم نشيدو
دا غزال وسارح بين صيدو يازيد مـحال شركك يصيدو
انسان كحيل ناعس هجيد جيد الغـزالة كـأنو جـيدو
مهما اقول والقول اجيدو انا وصفو كـيف اقدر اجيدو
كلما اقول الحظ يعيدو نحس الزمان يشرح سعيدو
القطر دانيهو وبعيدو هو هلال صيامو ويوم عيدو

يـانـجوم الليل اشهدي عـلـي لوعتي وتسهُّدي
عـلـي بُـكاي و تنهُّدي
من ليه حُسن الكون هُدي النـافر الجـافي الهَدي
يـا عـيني يوم تشاهديْ اقريْ السلام و استشهدي
يـا عـيني دمـعك بنِّدي قـول الـعـوازل فنِّدي
انـا لـي غرام يامعاندي في زهـرة الخـد الندي
قـمـراً حـماني تهجُّدي وتركـني فـاقد منجدي
آه مـن صفارو العسجدي وعينو المِتِل عين الجدي
ياعـيني ابـقي اترصدي عسي توجدي ما تقصدي
مهـما جَرح قلبي الصدي هو برضو غاية مقصدي
يامـن خـرقت عـوايدي ونظـمـت فيه قصايدي
لو عـمري شيئاً في يدي لوهـبتـو ليك ياسيدي


دمعة الشوق كبي حـكـم حـبـي ارعـي نـجم الليل
نسمة الاسحار ليلي طال هبي انـا مـسـاهـر ونـومـي متخبي
انتحل جسمي والمحال طبي مـصدرو الزهرة الفي نواحي سهيل
انشغال فكري وانعدام لبي وشـحـوب لـونـي كـلو من حبي
انشغل بالي انتزع قلبي امـا امـالـي طـوحـت بالمـيـل
صدري مزماري والدموع شربي انطـرب كـلما ذكـرو يخـطر بـي
مالو جافي نفور مابدور قربي وانـا مـالي دوام لـي خـيالو اميل
حين قوامو يميس للغصون يسبي وازدهـار محـيو للبـدور يـخـبي
في جمالو تشوف حكمة الرب زي سـواد حظي جوز دواعجو كحيل
يابديع الزي وازهر اللون ياخفـيف الـروح يا سـما الصـون
خلقك مولاك زينة للكون حـبـب الارواح فـي هـواك اجميل
عهدي بيك ياجميل دأبك الحلم اري هـجـرك لـي نـير الظـلـم
انت عارف نوع حبي ليك سلمي شوقي مهما ازداد برضي شايفو قليل


بـــرضي لـيكَ المولي الموالي وفـيـكَ لازم الصـبـر الجـميل
لـو تـحول دون قـصدي العوالي برضي اخوض في بحوري واوالي
لـيـك اخـراج درري الـغـوالي وانـشـي شعري وزجلي وموالي
اشـدو واحـدي واهـدي الحوالي في ثـنـاك قـليـل يا جـمـيل
يـاسـمـا الغـايات يـامـلاكـا ومـن تـطـاول لـي نيل علاكا
عــشــت دُمْ ياحـلية حـلاكا يا حـياة انفـسـنا وهــلاكـا
لـو صـليت فـي النـار ماسلاكا قـلبـي راضـي و هـاك الدليل
إنُّـو صـابـر و حـامـل بـلاكا مـرّة ارحـم يـكـفي القـلـيل
جـدَّ وجــدي وآن انـفـقـادي ديـما هـايـم رايـح وغـادي
بحـري دمـعي وفي النار رقادي يطـفي نـاري الماء في اعتقادي
مـالـو زادا وزاد فـي انتـقادي عـاذلـي فـيـكَ وعُدِم الخـليل
خـلـي نصـحك يا خـالي غادي عـن صـراط الحـب مابـمـيل
كـيـف افيق و اسمع نصح هادي ياالـغرامـك اوجـب سُـهـادي
اعـيا جـدي واعـيا اجـتـهادي ايـه يفيـد يـاليـل فيك جهادي
جـمـري قـايد وانا روحي هادي لـي خـروجـا فـضـل القليل
يالـفراقـك لي كـيانـي هـادّي مِـنِّـي لـيك الشـكر الجـزيل
تشـكـي كـتر النـوح العَيـالك ديـما تـطـرا ايـام زاهـيالك
مـرة تـهدي تقـول الحـيـالك كالنـسـيـم اليـتّـم عِـيالك
قـاسـي فـاتـك هـاتك و يالك مـن مُـرائـي وصـدقك قـليل
انـت عـاشـق وبـالجـد خيالك مِـنُّـو سـاكن ظـلاً ظـلـيل
يا مـنـايـا ظـروفـي العصيبة حـايـلة دونك ومـاليّ صـيبة
قـالي هـاك اقـوالاً مـصـيـبة كـل نـفـساً تـوجد نـصـيبا
واليـصـيبا المـولي اليـصـيبا بالـقـدر كـم عـزَّ الـذلـيل
كـم ربـوعـاً اجـدب خـصـيبا ومـافـي فجـراً مـا عقبو ليل
المـكـارم خـلقـي الجـمـيله والمـحـامـد ســالك سـبيلا
وديـمـا شـارب مـن سلسبيلا مـن اخـاير اخـيـر قـبيـلة
و مـن اعـالي العـايـلة النبيلة كـل صـميـماً لصـمـيم بديل
واللــيالـي حـيـنا و قـبـيلا للجـلـل مـعـدود الجـلـيـل


ياجـوهـر صـدر المـحافـل روحـي معـاك اتلـطفـيـلا
* * *
مالـنور الـفي حـليـهو رافل في حُـق نـهدو قـلوبنا قافل
كالظـبي الفـي مـقـيلو غافل تـارة يميـل والتـانية جـافل
وجـهو يــنور والبـدر آفـل فـوق للـبدر يزيــد نفـيلا
* * *
يــالنـور خـدك لاح مـقابل للـشعر الـطال لـيلو سـابل
سـهـم الحـاظك ليـنا نـابل بـي كل شي دون هجري قابل
ينسـب نـوحي عـلي البلابل وانــت القــمرا بتنـسبيلا
* * *
ليك جوز عين نعسـان وكاحل خصراً يمـيّل وصـدرو راحـل
لـي وجـداً لي جسـمي ناحل بـحر الشــوق مـاليه ساحل
بيـني وبـين الـنوم مـراحل ويـن للطيــف انا القي حيلة
* * *
الـفـرع الـبـتـّنـي راتـل طيرو ينوح في غصـونو حاتل
وهـو نـديم لي فكـري شاتل الاسـد الـفي القيــد ينـاتل
يـتـأكد مـاليـهـو كـاتـل غـير مكـحـول ظبـي النتيلة
* * *
ضاوي سـناك لي بريقو راسل لاح بـين عـنابتين عـواسـل
صدرك يـرجح وكـتفو خـاتل رنـا طرفـك للسـيف يمـاثل
بـيه يجــنـدل كل بـاسـل ساحـبة دغـس وخدود اسيلة
* * *
يالـمـرنوع الـكـتفو هـادل في دروعو ولمـعـاصمو جادل
انـا سـاهر والـليـل سـادل شـرط الـحاكم يبــقي عادل
لا اقــبل بـهـواك مـبـادل كيف اعشـق وارضـي البديلا
* * *
امـنـع طيفـك لي يـقـاتـل داخـل قلبي انا لــيك مـنازل
يالائــم لاتـبـقـي عـاذل انا في الحـب لي روحـي باذل
العـاشـق يـسـمع لي عاقل خلـّي نصيــحـتك عني زيلا
* * *
فوق الجـمـر و دمـعي باهل كيف نار تشــعل في مـناهل
ضاق بي الكـون مع انو ماهل نومي تصعّب ووجـدي سـاهل
لو بي حـالة دهـري جـاهل في الانجـم اســأل سـهـيلا
* * *
لـي طيـفك مالقــيت وسائل غير بسط النســمات رسـائل
اغـرب شـي واعـجب مسائل حلـم الصاحـي ودمـعو سائل
لو شـكيـت في امـري سائل الـبدريـن كـونـك مـثـيـلا
* * *
زايـد شـوقي ودمـعي هـامل جمر الحب لي جـسمي شـامل
حتـي الطـيف لـي لا يـجامل مـع كـلاً مــا كــنت آمـل
دمــي تحـننـي بيـه الانامل هل يرضـيك كـدا ياجـمـيـل

المجموعة تقريبا متوفرة ولكنها كمية هائلة
لذلك من يرغب فى اى اغنية فقط يطلب وانشالله نوفلرها له
وشكرا

--------------------------------------------------------------------------------
صورة العضو الرمزية
حنضله
مشاركات: 970
اشترك في: الثلاثاء 2007.3.27 4:00 pm
مكان: السودان دارفور الفاشر
اتصال:

رد: مع شعر الحقيبه مع ود النيل

مشاركة بواسطة حنضله »

ش
لـي طيـفك مالقــيت وسائل غير بسط النســمات رسـائل
اغـرب شـي واعـجب مسائل حلـم الصاحـي ودمـعو سائل
لو شـكيـت في امـري سائل الـبدريـن كـونـك مـثـيـلا



مشكور على هذا المجهود الجبار وياريت الكزيد من دون طلبات
صورة العضو الرمزية
أبو أحمد
مشاركات: 1287
اشترك في: الجمعة 2008.5.9 8:35 pm
مكان: الخرطوم_السودان

رد: مع شعر الحقيبه مع ود النيل

مشاركة بواسطة أبو أحمد »

الأخ ود النيل :
البحر ما بيابى الزيادة ... أغانى الحقيبة دى معقول فى زول
ما بدورها ... ة زى ما قال ليك أخونا (حنضلة) أسكت كب
البحرى
مشاركات: 127
اشترك في: الأربعاء 2008.4.9 2:22 pm
مكان: سوريا

رد: مع شعر الحقيبه مع ود النيل

مشاركة بواسطة البحرى »

نشكرك على هذا السيل من ابداع الحقيبة
واضم صوتى لصوت اخوتى اكتب كل ما لديك من كنوز الحقيبة
والشكر لك من قبل وبعد
صورة العضو الرمزية
أبو أحمد
مشاركات: 1287
اشترك في: الجمعة 2008.5.9 8:35 pm
مكان: الخرطوم_السودان

رد: مع شعر الحقيبه مع ود النيل

مشاركة بواسطة أبو أحمد »

الأخ ود النيل/
السلام عليكم ورحمة الله تعالى وبركاته ..
أنحنا فى إنتظار الحقيبة على أحر من الجمر
صورة العضو الرمزية
اسامه خضر محمد على
مشاركات: 4610
اشترك في: الأحد 2007.8.19 5:21 pm
مكان: الدوحه قطر
اتصال:

رد: مع شعر الحقيبه مع ود النيل

مشاركة بواسطة اسامه خضر محمد على »

اخى الكريم

[align=justify]الحقيبه روعه وانت اروع لانك اطربتنا بها ولك الشكر اجزله ولو سمحته لى توضيح بسيط لاسم الحقيبه وطبعا هى عباره عن اسطوانات كانت بتسجل فى مصر وتحمل بالحقيبه الى السودان وهكذا اتى الاسم والله اعلم مع شكرى الجزيل لك[/align][/size]
صورة العضو الرمزية
ود النيل
مشاركات: 104
اشترك في: الجمعة 2008.6.13 1:44 pm
مكان: الإمارات

مشكورين

مشاركة بواسطة ود النيل »

مشكورين على مروركم الرائع :022: :022: :022: :022:
صورة العضو الرمزية
الفراش الحائر
مشاركات: 484
اشترك في: الاثنين 2008.9.8 1:19 am
مكان: السعوديه

رد: مع شعر الحقيبه مع ود النيل

مشاركة بواسطة الفراش الحائر »

يسلم زوقك يا ود النيل والله عجبتنى شديد اخوك طبعا مدمن حقيبه عشان كده لاوزم نحيك بى حاجه صغيرونه كده للشاعر العتيق محمد بشير عتيق هااااااااااااك دى :-
جسمى المنحول

جسمى المنحول براهو جفاك يامليح الزى
كيف حبى يحول وفؤادى معاك يازينه الحى
حلمك ياجميل انا دانى رحــــــــــــــــــــول
تركنى هواك بين ميت و حـــــــــــــــــى
***********
كيف ليك وصــــــــــــــــــــــــــــول
وسكونك فوق لى ســـــــــهيل وثرى
النوم من عينى دوام مفـصــــــــــــول
دموعى تلاقــــــــــــــى وتذرف رى
************
الساحره عقول دى بروق فى غيم
وله در فــــــــى لمـــــــــــــــــى
دى خدودك ام ازهار فى حقول
سقانى غرامك صـــافى حـمــــى
************
انا دمعـــــــــى هطــــــــــــــول
لاحن لى هواك وقاسى عـــلى
ايصح فى هواك تعذيبى يطول
يا البين اترابك لاهى خلــــــى
*********
ده الرمشو كســــــــــــــــــــول
بى خدو وجيدو بيسقى ظبـــــى
بى الشوق يا نسيم ابقالى رسول
لو يعطف ثانيه يزيل البــــــى
zoola
مشاركات: 36
اشترك في: الأربعاء 2008.8.13 11:23 pm
مكان: usa

رد: مع شعر الحقيبه مع ود النيل

مشاركة بواسطة zoola »

ود النيل شكرا علي إتحافنا بدرر المعاني
صورة العضو الرمزية
ود النيل
مشاركات: 104
اشترك في: الجمعة 2008.6.13 1:44 pm
مكان: الإمارات

رد: ود النيل

مشاركة بواسطة ود النيل »

تسلموا على المرور الرائع والجميل ولكم تحياتي
:0040: :0040: :0040: :0040: :0040: :0040: :0040:
صورة العضو الرمزية
عابده مرغنى عبدالله
مشاركات: 743
اشترك في: الثلاثاء 2008.12.9 2:36 pm
مكان: الامارات العربيه المتحده

رد: مع شعر الحقيبه مع ود النيل

مشاركة بواسطة عابده مرغنى عبدالله »

مشكووور الله يعطيك العافيه
علي الشعر الحلو شدييييييييييييييييييد
صورة العضو الرمزية
ودالدسـوقي
مشاركات: 1236
اشترك في: الثلاثاء 2008.4.15 12:24 am
مكان: ارض الله واسعـه

رد: مع شعر الحقيبه مع ود النيل

مشاركة بواسطة ودالدسـوقي »

.
صورة
أضف رد جديد

العودة إلى ”وثائق و شعراء“