الكرسي الساخن
المشرف: بانه
- ibn batoota
- مشاركات: 1429
- اشترك في: الاثنين 2007.2.5 1:02 am
- مكان: on sea
الكرسي الساخن
سلام يا أهنا..
في فكره شفتها في منتدي وعايزين نطبقها...... الموضوع كالأتي كل إسبوع نختار واحد من الاعضاء ونختو في كرسي ساخن، يحكي لينا عن حياتو واي زول عندي سؤال يوجهو ليه، انا عارف إنو في ناس في المنتدي تربطهم علاقات حميمه مع بعض ومامحتاجين شأن يعرفو بعض أكتر، لكن دي فرصه شأن إخوانا وإخواتنا الجدد يكونو عايشين معانا في الجو الأسري ده.
أها ياجماعه انا قلتها العندي، أدونا رأيكم...
في فكره شفتها في منتدي وعايزين نطبقها...... الموضوع كالأتي كل إسبوع نختار واحد من الاعضاء ونختو في كرسي ساخن، يحكي لينا عن حياتو واي زول عندي سؤال يوجهو ليه، انا عارف إنو في ناس في المنتدي تربطهم علاقات حميمه مع بعض ومامحتاجين شأن يعرفو بعض أكتر، لكن دي فرصه شأن إخوانا وإخواتنا الجدد يكونو عايشين معانا في الجو الأسري ده.
أها ياجماعه انا قلتها العندي، أدونا رأيكم...
- ابراهيم الجيو
- مشاركات: 1428
- اشترك في: الاثنين 2006.12.4 9:06 am
- مكان: السعودية
رد: الكرسي الساخن
يا سلام عليك, والله فكرة جميلة جداً, أنا عندي أسئلة, كدي بس انتوا حددوا العضو.
- حزن السنين
- مشاركات: 4294
- اشترك في: الأحد 2006.12.3 11:05 am
- مكان: ~ معبد الاحزان ~
- اتصال:
رد: الكرسي الساخن
فكرة جميلة و الله .!!!
رد: الكرسي الساخن
شنو ياجماعة شغل التحريات دا؟؟؟
انا غايتو مابحب السخانة والزرزرة.
انا غايتو مابحب السخانة والزرزرة.
رد: الكرسي الساخن
نبدا بيك يا بطوط !!!
- مهند عبد الرحمن
- مشاركات: 377
- اشترك في: الثلاثاء 2006.12.12 1:36 pm
- مكان: السعودية جدة
رد: الكرسي الساخن
ورونا الأسئلة حا تكون علي ياتو شكل
- نسرينا بت بورتسودان
- مشاركات: 139
- اشترك في: الأحد 2007.2.4 8:34 am
- مكان: السودان
رد: الكرسي الساخن
أحلى فكرة
صدق فكرت دة حاتسخن المنتدى وانا من الليلة ح اجهذ الاسئلة
صدق فكرت دة حاتسخن المنتدى وانا من الليلة ح اجهذ الاسئلة
-
- مشاركات: 29
- اشترك في: الأربعاء 2007.2.14 7:51 pm
- مكان: ابوظبي
رد: الكرسي الساخن
طيب ما عرفنه نوع الاسئلة شنو يا بطوطه ..
- صلاح يحيى سليمان
- مشاركات: 3213
- اشترك في: الاثنين 2006.10.23 11:47 pm
- مكان: المانيا
- اتصال:
رد: الكرسي الساخن
ابن بطوطه....فى انتظار الاسئلة....!!!!!
الكرسى سخن تمام....!!!!
مع تحياتى
الكرسى سخن تمام....!!!!
مع تحياتى
رد: الكرسي الساخن
انا مع الجماعه حلوه الفكره
وانت اول واحد حتقعد على الرسى
نبدا الاسئله
وانت اول واحد حتقعد على الرسى
نبدا الاسئله
رد: الكرسي الساخن
نار يا حبيبى نار
- ibn batoota
- مشاركات: 1429
- اشترك في: الاثنين 2007.2.5 1:02 am
- مكان: on sea
رد: الكرسي الساخن
شكرا جزيلا ياشباب علي قبول الفكره، بالنسبه للأسئله هي مامحدده يعني أي سؤال يخطر علي بال العضو ممكن يسألو، بمعني تاني إعتبر الشخصية إنك بتتكلم معاها وش لو وش.
اما بالنسبة لإختيار الشخصية انا بقترح نبدأ بي مشرفنا العام الله يديه الصحة والعافية الاستاز صلاح.
وانا بوجه ليهو أول سؤال
ليه إنت عايش في ألمانيا وليه إخترت ألمانيا بالذات؟
اما بالنسبة لإختيار الشخصية انا بقترح نبدأ بي مشرفنا العام الله يديه الصحة والعافية الاستاز صلاح.
وانا بوجه ليهو أول سؤال
ليه إنت عايش في ألمانيا وليه إخترت ألمانيا بالذات؟
رد: الكرسي الساخن
لغايه ما يجي دور المشرف العام في الإجابه على سؤال ابن بطوطه ..
عايزه الكرسي يسخن مع ابن بطوطه !!
سؤال ..
لما تخت املك او شعور طيب في إنسان .. وفجأه تنصدم أو شفته منه شئ ما كان على بالك ..
موقفك بكون شنو ؟
عايزه الكرسي يسخن مع ابن بطوطه !!
سؤال ..
لما تخت املك او شعور طيب في إنسان .. وفجأه تنصدم أو شفته منه شئ ما كان على بالك ..
موقفك بكون شنو ؟
- ibn batoota
- مشاركات: 1429
- اشترك في: الاثنين 2007.2.5 1:02 am
- مكان: on sea
رد: الكرسي الساخن
بت ابوظبي إنت مصره تسخني بي انا الاول...
عموما ياستي، بالنسبه لي سؤالك انا صعب الإنسان يدخل حياتي بالساهل، الا إذا اثبت لي فعلا هو يستحق الدخول في حياتي إثبات بي مواقف موش كلام، ولما يدخل حياتي واخت فيهو بعض أمالي أكيد ماحااتنازل عنو بسهوله، ولو شفت منو حاجه ماعجبتني او ماكنت متوقعه منو اكيد حااقعد معاهو واحاول افهمو واغير فيهو للاحسن. يعني بديهو العزر بقدر الإمكان ولغاية آخر لحظة.
عموما ياستي، بالنسبه لي سؤالك انا صعب الإنسان يدخل حياتي بالساهل، الا إذا اثبت لي فعلا هو يستحق الدخول في حياتي إثبات بي مواقف موش كلام، ولما يدخل حياتي واخت فيهو بعض أمالي أكيد ماحااتنازل عنو بسهوله، ولو شفت منو حاجه ماعجبتني او ماكنت متوقعه منو اكيد حااقعد معاهو واحاول افهمو واغير فيهو للاحسن. يعني بديهو العزر بقدر الإمكان ولغاية آخر لحظة.
- ابراهيم الجيو
- مشاركات: 1428
- اشترك في: الاثنين 2006.12.4 9:06 am
- مكان: السعودية
رد: الكرسي الساخن
سؤال يطرح نفسه يا إبن بطوطة:
وأنت في وسط المياه والأمواج المتلاطمة, بماذا تحس وأنت وحيد, وماهو أسلوب ترفيهكم؟
وأنت في وسط المياه والأمواج المتلاطمة, بماذا تحس وأنت وحيد, وماهو أسلوب ترفيهكم؟
- ibn batoota
- مشاركات: 1429
- اشترك في: الاثنين 2007.2.5 1:02 am
- مكان: on sea
رد: الكرسي الساخن
والله يا الجيو البحر بالرغم من آمواجو الهايجه لكن بعلمك حاجات كتيره اولا الصبر، وتاني حاجة بخليك قريب من ربنا وتبدأ تفكر وتراجع شريط حياتك من الاول.
بالنسبه لي وسائل الترفيه عندنا صالات ألعاب إضافة لي T.V لكن بالنسبه لي انا مهوس بالعزف عودي معي في أأأأأأأي باخره قبل الجواز، ومرات كمان نفسك تخشليها في سمك نشمي نصطاد، لكن برضو الواحد مرات تجيهو قرفة شديده من البحر خاصة لو كانت الرحلة طويله ومملة ذي الهسي انا فيها دي. قرف ذي القرف وزهج بالطريقه الصحيحه.
بالنسبه لي وسائل الترفيه عندنا صالات ألعاب إضافة لي T.V لكن بالنسبه لي انا مهوس بالعزف عودي معي في أأأأأأأي باخره قبل الجواز، ومرات كمان نفسك تخشليها في سمك نشمي نصطاد، لكن برضو الواحد مرات تجيهو قرفة شديده من البحر خاصة لو كانت الرحلة طويله ومملة ذي الهسي انا فيها دي. قرف ذي القرف وزهج بالطريقه الصحيحه.
رد: الكرسي الساخن
عشان انا ما بحب الزرزرة بديك سؤال ساهل:
ماهو أجمل ميناء بحري قابلك؟؟ وماذا يحتاج ميناء بورتسودان ليصل الى تلك المرحلة؟؟
ماهو أجمل ميناء بحري قابلك؟؟ وماذا يحتاج ميناء بورتسودان ليصل الى تلك المرحلة؟؟
رد: الكرسي الساخن
ياسر
هل انت راضى عن نفسك ؟
هل انت راضى عن نفسك ؟
- ibn batoota
- مشاركات: 1429
- اشترك في: الاثنين 2007.2.5 1:02 am
- مكان: on sea
رد: الكرسي الساخن
الاخ اسامة اشكرك علي المرور، ميناء الأحمدي في الكويت بالرغم من إنو صغير الا إنو فيه إمكانيات هايله ماشفتها حتي في المؤاني الاجنبيه.
اما بالنسبه لبورسودان طبعا هو ميناء كبير لكن يفتقر الي الإمكانيات، واكترشئ مؤلم إنوعندنا تجاهل لي إجراءات الامن والسلامه في الميناء.
اما بالنسبه لبورسودان طبعا هو ميناء كبير لكن يفتقر الي الإمكانيات، واكترشئ مؤلم إنوعندنا تجاهل لي إجراءات الامن والسلامه في الميناء.
- ibn batoota
- مشاركات: 1429
- اشترك في: الاثنين 2007.2.5 1:02 am
- مكان: on sea
رد: الكرسي الساخن
دكتورتنا انا بكون راضي عن نفسي لما أحس الناس البحبوني راضيين علي، وكتير بحاسب نفسي قبل ما انوم عن اي حاجة عملتها خلال يومي، ودي حاجة ممكن تخليني مضايق من نفسي شوية وماراضي عنها خصوصا إذا حسيت إنو في إنسان ماخد في خاطرو مني.