يشمل القصائد الشعريه , الشعر الشعبى , الحلمنتيش , والدوبيت .
المشرف: بانه
ibn batoota
مشاركات: 1429 اشترك في: الاثنين 2007.2.5 1:02 am
مكان: on sea
مشاركة
بواسطة ibn batoota » السبت 2007.2.10 3:35 pm
رقه وظرافة ووشوشه.....وسهم عيونك موت عديل
..الحلاتها مطششا
صاب قلبي .........و الروح طفشا
آه يا----آه يا يا بحر.......يا دروشه
عايز اشرح ليك حكايتي .....البقت لي هترشا
عيوني يا ست الجمال..ميتة في عيونك.. الحلاتها معمشه
ومن البكي شايفة الصباح ....ذي العشاء
وشفايفي رافضة الإبتسام لو ما شفايفك تهبشه
واضاني ذاته بقت معاهم...عايزه الاضان للوشوشه
وقلبي إتفكفك رحل......قفل شراينو ومشي
والكراع حلفت قسم...لا تمشي خطوه ولا قدم.... لو ما كراعك تطقشا
والغريب حتي الشبط.....رايد جزيمتك الحلاتها مورنشه
ومن الزعل عامل حداد.......وسخان و حالته مغبشه
والعجيبه كمان قميصي......رايد بلوزتك الحلاتها مزركشه
ومن البكي شوفيهو كيف....اكماموا بايظة مكرمشة
حتي البطن عملت صيام رافضة الطعام..منتظرة بطنك بالعشي
كمان المنام..عامل خصام.....مستني طيفك ليه...ماغشا
جيت للعقل إنت الكبير...خليك كبير..إتخيلي...سابني ومشي
قاصد دياركم تب عديييييل ...قائد المسيرة وهارشا
أها يا حبيبتي ادينا رأي؟ إما تحبينا ونعيش....وحياتنا بالورد نفرشا
إما تخلينا ونفوووووت وايامنا تصبح مؤحشة
وانا ذاتي يا حبي الوحيد..يازهره حياتي ونرجسه
إما تحبيني وأعيش....وحياتي معاك أقدسا
إما تفارقيني..وتكون ايامي بعدك دبرسه
إما إتجنن عدييييييييل....وتبقي السبب في الهلوسه
إما إتهور واموت ...وذكراي تصبح مدرسه
يتعلموا فيها الصغار..إنو الوفاء انبل احاسيس و أقدسا
يتعلموا فيها الصغار..إنو الوفاء انبل احاسيس و أقدسا
بت أبوظبي
مشاركات: 983 اشترك في: الجمعة 2006.11.3 3:32 pm
مكان: مدينة الأبراج
مشاركة
بواسطة بت أبوظبي » الأحد 2007.2.11 12:27 am
اختيارك لونك مميز ..
تكرم دائما
ibn batoota
مشاركات: 1429 اشترك في: الاثنين 2007.2.5 1:02 am
مكان: on sea
مشاركة
بواسطة ibn batoota » الأحد 2007.2.11 2:11 am
تسلمي يابت ابوظبي وشكرا علي المرور
منير
مشاركات: 180 اشترك في: الأحد 2007.1.28 2:06 pm
مكان: السعودية - الرياض
مشاركة
بواسطة منير » الأحد 2007.2.11 7:42 am
يا ابن بطوطة :
الوفاء ده هو الخلانا أي حاجة نطرشقا!!!!!!!!
ونذهب بعيد من الناس ونخلي الدنيا وزركشا
ونحلف يمين أن الحب داير جامعة ومدرسة
فيها المدير والغفير وناظر ومشرفة!!!
الدكتوره
مشاركات: 799 اشترك في: الثلاثاء 2006.12.26 3:56 pm
مكان: الامارات
مشاركة
بواسطة الدكتوره » الأحد 2007.2.11 8:09 am
سيدى
عجزت حروفى مجارات روعت كلماتك
فقررت ان اسجل اعجابى بك واخرج
دمت بود
احمد يس
مشاركات: 2931 اشترك في: الأحد 2006.10.29 9:34 am
مكان: المملكة العربية السعودية
مشاركة
بواسطة احمد يس » الأحد 2007.2.11 8:18 am
ابن بطوطة
الشعر عندما يكون خارج من القلب له طعم ومذاق مختلف........
لكن الحكاية شنو ...............الناس كلها تعبانه من الحب ......الله يجازيه
ibn batoota
مشاركات: 1429 اشترك في: الاثنين 2007.2.5 1:02 am
مكان: on sea
مشاركة
بواسطة ibn batoota » الأحد 2007.2.11 3:30 pm
يا منير الظاهر عليك عليك إنك ممكون وصابر ذي كده ياسيدي ربنا يجمع قلوبنا بالحب دائما وشكرا علي الكلمات الرقيقه
ibn batoota
مشاركات: 1429 اشترك في: الاثنين 2007.2.5 1:02 am
مكان: on sea
مشاركة
بواسطة ibn batoota » الأحد 2007.2.11 3:55 pm
يادكتوره اشكرك من صميم القلب علي المرور الدائم وعلي تعليقك الراقي ودمتي طبيبه المنتدي التي تشفينا من جميع آلامنا
ibn batoota
مشاركات: 1429 اشترك في: الاثنين 2007.2.5 1:02 am
مكان: on sea
مشاركة
بواسطة ibn batoota » الأحد 2007.2.11 4:02 pm
مشرفنا الرائع احمد يس ربنا يديك الصحه والعافيه وحقيقه انا سعيد جدا لمن اشوف مرورك علي مواضيعي. ودمت لنا.
منير
مشاركات: 180 اشترك في: الأحد 2007.1.28 2:06 pm
مكان: السعودية - الرياض
مشاركة
بواسطة منير » الاثنين 2007.2.12 11:21 am
ibn batoota كتب: يا منير الظاهر عليك عليك إنك ممكون وصابر ذي كده ياسيدي ربنا يجمع قلوبنا بالحب دائما وشكرا علي الكلمات الرقيقه
والله يا ابن بطوطة ممكون مكنة شديدة خلاص ولكن خلاص الصبر قرب يكمل وبنيات المنتدى ما اشتغلن بطلبي الشغلة لكن ما في يأس قريب بنفرح يا أخوي!!
ibn batoota
مشاركات: 1429 اشترك في: الاثنين 2007.2.5 1:02 am
مكان: on sea
مشاركة
بواسطة ibn batoota » الاثنين 2007.2.12 3:17 pm
الله يعينك ومافي زول يانير حاسي بيك زي لانو نحن في الهواء سواء