نهيدات الجـــــــــــــــدى عبد الله محمد خير

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

نهيدات الجـــــــــــــــدى عبد الله محمد خير

مشاركة بواسطة ودعلبوب »

مالكن على
وليه يا نهيدات الجدى
سويتا العجب العجيب
فى قلبى بهدلتنو لى
نوسرتن الجرح القديم
الكان مسهد لى عينى
ومــــــن شفتكـــــــن
ما شفتن الحاصل على
ما شفتن القرن القبيل كت قايلو مات
تاريهــــــــــو حـــــــــى
تاريهو زى ما كان زمان
ينبض ... شباب ... وشجون ... وغى
ليه يا نهيدات الجدى
يا برتكانات استون
فوق عودن اللدن الطرى
مضمور محل .... متبور محل
نجضان ونى
لين هنا ... ونديان هناك
وسط ............قوى
بس عندو سيد مرات عنيد
مرات ............... هدى
ليه يا نهيدات الجدى
واقفات بلا قببا
فقيرن ديمه شالع فوقو ضى
ينشاف قريب ... وينشاف بعيد
بتق فى احساس جديد
ينتر شديد
لا عرفتو ريد
لا عرفتو جن دايرلو قيد
وقفت حدود معرفتى فوق حلما صبى
يرجف ..... يغازل النسمه كان هبهب هوى
مالك على
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: نهيدات الجـــــــــــــــدى عبد الله محمد خير

مشاركة بواسطة waya »

ود علبوب ,,

جمييييييييييييييييييييل ,,

صدقني أنا من أشد المعجبين بهذا النمط من الشعر

ومنتظر جديدك ,,

تشكراتي
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: نهيدات الجـــــــــــــــدى عبد الله محمد خير

مشاركة بواسطة ودعلبوب »

الاستاذ عبد الله محمد خير شاعر هذه الكلمات الرائعة الممزوجة بالحب والعشق والحنين دوما يحتاج لدعواتكم فكما افرحكم بكلماته الراعة دوما هو فى اشد الاحاجة لدعواتكم وامانيكم فى هذه الايام الطيبات
وعيد سعيـــــــــــــــــــــــــــد
أضف رد جديد

العودة إلى ”همس القصيد“