قصتي

يحتوي على كل أنواع القصص والأحداث الواقعية الشخصية .

المشرف: بانه

أضف رد جديد
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

قصتي

مشاركة بواسطة ابوبكر »

في البداية خلونا نتفق أنو مهما كونتوا من فكرة عني
في النهاية انا اخوكم وبما بحمليكم الا الود والحب
انا عارف انو قد يعني اختلف مع الكثير منكم
لكني ارجو انه يكون لخير
المهم الموضوع أنو داير احكي ليكم عن رجالة السودانين وقت الحارة
ودي قصة واقعية عايشت احداثها بنفسي بل حصلت لي شخصياً
عشان تعرفوا انوا اخوانكم وابواتكم جد رجال ما في زيهم في العالم
لا في الشرق ولا في الغرب.
بداية الحكاية كانت في شهر نوفمبر 1995م في الوقت داك كنت في شرق الإستوائية في اقصى بقاع الجنوب الحبيب وكانت المعارك مدورة وشديدة مع الحركة ومع اليوغندين وكانت حالة الاستنفار معلنة والجيوش تتحرك متجهة لمناطق العمليات والجو مسخن وكل يوم شهيد وكلو يوم جريح وجريحين .
المهم كنت في متحرك اسمه عزة السودان ما بتاع الخدمة الوطنية ده ، المتحرك ده كان قبل ما يقرروا يعمموا الخدمة الوطنية ومنه استمدوا الأسم .
اتحركنا من جوبا حوالي الساعة 2 صباحاً ومرقنا علي السوق راكبين ال Zy وشايلين معانا زخيرتنا وسلاحنا وتشوينا جينا بالسوق ومن هناك دقشنا كبري جوبا عديل قطعنا الكبري وشينا في طريق الردمية داك مسافة كبيرة (جري جيش بالعربات) بعد داك ظهر لينا جبل الرجاف الشرقي وكنت أول مره اشوفه منظره رهيب وكضاب لو قلت في الساعة ديك انا ما اترهبت ومنظر الجبل العملاق وهو جاري علينا ونحنا تحته في الزد واي زي النمل لا تقول لي جبل اولياء ولا جبال كرري الجبل راسه فوق في السحاب ونصه صخرة واحدة كتلة كبيرة حمراء والعجيب انو فيها شجر في الكتلة ديك شجر والغابة تحت الجبل شاقيها طريق الردمية زي الثعبان أو زي النيل لما يدقش الشمالية ، المنظر من يمينك وشمالك متشابه يعني لو زغت كده وله كده منه العوض وعليه العوض والرض واسعة وكبيرة وظواهر عجيبة جداً تظهر للناس بدايةً من الحشرات البتولع نور ديك لعند الواطة الي بتتحول بالليل من شدة الرطوبة لطين تتمتخ فوقه عديل .
ونواصل مرة تانية
إنشاء الله ،،،،
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: قصتي

مشاركة بواسطة بت أبوظبي »

الصديق ابو بكر
سردك جميل ..
مواصلين معاك .
صورة العضو الرمزية
حزن السنين
مشاركات: 4294
اشترك في: الأحد 2006.12.3 11:05 am
مكان: ~ معبد الاحزان ~
اتصال:

رد: قصتي

مشاركة بواسطة حزن السنين »

تسلم يا ابوبكر علي السرد لارائع
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

رد: قصتي

مشاركة بواسطة ابوبكر »

نعود من جدديد احبابنا واخوانا ونكمل ما بدأناه في المداخلة السابقة
ونحنا ماشين في شارع الردمية والمكان ذي ما وصفناه غابة ما بتعرف اخره من اوله في مكان والله ما حصل يوم شفنه فيه طيره طايره في السماء او حيوان بالغلط عديل كده وكان عددنا حوالي (150) فرد كلهم شباب ومهاهم بعض الشيوخ لكنهم كانوا قلة مختارة ولمن اقول مختارة دي معناها مختارة بكل المقاييس الموجود في الدنيا ذوق واخلاق وخلق رفيع وغيثار ومحبة وتدين وتقوى ورع وشجاعة وجسارة في الأسود مافي بطولة ما بعدها بطولة ورجالة ما بعهدها رجالة والله العظيم لو الواحد عاش معاهم لأستذكر غزوات بدر وأحد في المواقع دي برغم اختلاف الزمان والمكان لكنهم كانوا صحابة يمشون على الأرض ، قد يحسب البعض أنني اغالي في الوصف لكن ليس من رأى وعايش كمن سمع .
كانت اماني كل واحد مننا أنه يقابل الله طاهر النفس والسريرة
لنا عودة إنشاء الله ..........
منير
مشاركات: 180
اشترك في: الأحد 2007.1.28 2:06 pm
مكان: السعودية - الرياض

رد: قصتي

مشاركة بواسطة منير »

شنو يا أبو بكر نحنا منتظرين وينك
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

رد: قصتي

مشاركة بواسطة ابوبكر »

صحبتي لهذا الجمع من الشباب والشيوخ جعلتني ايقن تماماً ان في هذا البلد رجال اهل مبادئ واهل قيم تهون ارواحهم في سبيل تحقيق كلمة الله على الارض وفي سبيل تمكين الاسلام ، لازلت اذكر ذات مرةص كنا جلوس في حلقة تزكر ومزاكرة والشهيد/ خطاب الجعلي يخطب فينا ويقول بالمعنى المفهوم :( يا أخوانا نحنا ما جينا البلد دي ولا المواقع دي عشان نحقق كسب زائف او مجد دنيوي ، ما جينا عشان يقول الناس ياهم ديلك الرجالة ، يا اخوانا نحنا جينا عشان ندعو لله تعالي قبل كل شئ وعشان نمكن للسلام ما جينا حباً في القتال ولا صبينة وفتونة زايدة وحقو ده يكون فهمنا ونحنا بنقاتل .
ولنا عودة إنشاء الله ،،،،
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: قصتي

مشاركة بواسطة صلاح يحيى سليمان »


الاخ العزيز ابوبكر...!

قصص الجهاد فى ايام الحرب فى جنوبنا الحبيب كثيرة
منها ماهو مبالغ فيه....ومنها ماهو هادف وواقع عاشه
كثير من المقاتلين....!
فرصة لنا فى المنتدى ان نجد فى شخصك عضو يحكى
لنا ما عاشه شخصيا وعن انطباعاته عن تلك الايام
المحزنة....نتمنى ان لاتعود مرة اخرى.
اشكرك اخى العزيز على سردنا لك ما شاهدته بعينيك.

مع تحياتى
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

رد: قصتي

مشاركة بواسطة ابوبكر »

اتفق معاك اخونا المشرف على انو الكثير مبالغ فيها بل ان بعضها ما حقيقي
لكني عاهدت نفسي أني انقل ليكم الحاجة الشفتها بعيني ما قالوها لي وما سمعتها ، بل حقيقة عايشتها لحظة بلحظة ونفس بنفس .
منذ ان ركبنا الطائرة من مطار الخرطوم وحتى حطت بنا الطائرة في مطار جوبا واستحضر في هذه اللحظة صورة واحد من اولادنا الملازمين الجداد ديله وهو مستقبلنا في المدرج وقفنا في الطابور وصفا وانتباه ويمين دور وشمال دور وهب ركبنا الزد واي متوجيهين لمباني جامعة جوبا حيث كان هناك معسكرنا
صورة العضو الرمزية
mohammad
مشاركات: 1671
اشترك في: الجمعة 2009.2.27 5:16 pm
مكان: المملكه العربيه السعوديه (الرياض)

رد: قصتي

مشاركة بواسطة mohammad »

شكراااا على قصتك الرائعة

تقبل مروري
أضف رد جديد

العودة إلى ”سيناريو وأحـداث“