قناة زووووول ..

**أبو عمر** · #1 11-10-2008, 12:14

السلام عليكم ورحمة الله وبركاته
كل عام وأنتم بخيروالتحية لكل السودانيين عامة والرائعين ناس أنا سوداني بصفة خاصة.

ياجماعة القناة السودانية الإسمها زوووول رايكم فيها شنو ..
انا شايفها قناة غريبة شوية عن قنوات السودان الرئيسية ولاتشبة قناة الشروق ولا هارموني .
البنات المزيعات أو مقدمات البرامج الموجودات في قناة زول ليس لديهم حياء ولا خجل وعادي كاشفات رؤوسهن من غير طرحة ولا توب ولا حياء .. كأنهم ما سودانيات .
وجايبين لينا كمية من الحبش يغنوا لينا ويرقصوا ولا عاجبننا ونحن مافاهمين بقولوا شنو بالضبط ..
انا ما عارف القناة دي ما اسلامية .. ولا الناس المسئولين منها ديل يهود ولا شنو ما عارف ..
القناة ماخده اسم زول .. ولكن للأسف ليس لديها اي صلة بالزول السوداني .. لا العادات ولا التقاليد ولا حتى البرامج لها علاقة بالزول ..
المفروض طالما أن اسمها (زول) المفروض تكون قناة سودانية تعكس كل عادات الإنسان السوداني وطبائعه واختلاف بيئاته ومواقعهم وتتمسك بالعادات السودانية وتكون هي التي تنشر أو تعرف العالم الخارجي بالإنسان السوداني وما هيته وهويته .. ولكن للأسف الشيء البقدموه دا لا فيهو معنى للزول السوداني ولا السودان ولا شيء ..
وانا بصراحة مزعلاني الحكاية دي .. وسمعت ناس كتير معانا في السعودية هنا بسبوا في القناة دي وبقول عليها قناة صايعة ولا محترمة و لا تمس الإنسان السوداني بصلة .. وما عارف من وين لقطوها .. بل تدعوا لنظام جديد في السودان ولمزيد من الإنحلال أخلاقي .. ونحن برانا الفينا مكفينا .. الله يحفظنا منها .
كدي أدونا رايكم يا أخواني .

**هنو** · #2 11-10-2008, 15:28

والله هي قناة سودانية وبجد مواضيعة مميزة وفي فريق تمام وكلهم مزيعين لامعين نتمني ليهم التوفيق

**قمر ام درمان** · #3 11-10-2008, 19:02

والله ياابو عمر انا اشاركك نفس الراي ..
واتمنى من كل السودانيين الشرفاء الحادبين على سمعة السودان
والمرأة السودانية بالذات ان يقفوا ضد هذه القناة القبيحة التي في معظم
برامجها لا تعكس صورة السوداني الاصيل الغيور على وطنه .. ومعظم
المذيعات من اصول غير سودانية لكنهم تربوا في السودان .. حملوا لنا
معهم الوجه الاثيوبي .. والمصيبة انها اسمها زول .. وكلمة زول في مكان
تعني السوداني .. والله فضحونا بالكلبيات القبيحة والتي تخدش الحيا..
كلبيات الغناء الماجنة المستهترة والرقص الخليع الذي نهرب منه في القنوات
غير الملتزمة تجده في قناة تمثل السودان والزول السوداني المعروف في
بلاد الغربه بالادب والاخلاق ..
هذه القناة القبيحة التي تدعو الى الفسوق والانحلال اتمنى من الناس الشرفاء
الوقوف ضدها .. لانها تسيء للسودان ولكل سوداني..

**السودانى الاصيل** · #4 11-10-2008, 21:02

اقتباس:

المشاركة الأصلية كتبت بواسطة ام العشرة

والله ياابو عمر انا اشاركك نفس الراي ..
واتمنى من كل السودانيين الشرفاء الحادبين على سمعة السودان
والمرأة السودانية بالذات ان يقفوا ضد هذه القناة القبيحة التي في معظم
برامجها لا تعكس صورة السوداني الاصيل الغيور على وطنه .. ومعظم
المذيعات من اصول غير سودانية لكنهم تربوا في السودان .. حملوا لنا
معهم الوجه الاثيوبي .. والمصيبة انها اسمها زول .. وكلمة زول في مكان
تعني السوداني .. والله فضحونا بالكلبيات القبيحة والتي تخدش الحيا..
كلبيات الغناء الماجنة المستهترة والرقص الخليع الذي نهرب منه في القنوات
غير الملتزمة تجده في قناة تمثل السودان والزول السوداني المعروف في
بلاد الغربه بالادب والاخلاق ..
هذه القناة القبيحة التي تدعو الى الفسوق والانحلال اتمنى من الناس الشرفاء
الوقوف ضدها .. لانها تسيء للسودان ولكل سوداني..

اتفق معاااااك تماما قناة اساااااءة سمعة السودان

**حلفاويه عسل** · #5 11-10-2008, 22:46

بالعكس مافيها اي اساءه
بس كانو يخففو من الحبش شويا
والباقي كلو تمام التمام

**قمر ام درمان** · #6 11-10-2008, 23:30

ياحلفاوية الظاهر عليك من مشاهدي قناة زول .. اسألك ماذا
استفدتي من برامجها .. ؟؟؟؟؟؟؟؟؟؟؟؟

**حلفاويه عسل** · #7 12-10-2008, 03:26

اكيد عاجباني
واستفتا منهم كثيييييييييييييير
انا مابعرف عن السودان حاجات كثيره زول بتوري التراث

بعدين ناسهم نضاااااااااااااف
وقناه حامله اسمنا

سم الزول السوداني
يعني كل الناسس لمن تشوف القناه دي حتقول ديل هم السودانننيييين
السمحين حتتغير نضرتم علي السوداني
مش قناه السودان القوميه العيانه
وهارموني برضو سمحه لكن زول غطت عليهم
ام العشر شكرا ليك

**الفرح المهاجر** · #8 12-10-2008, 06:19

السيد ابو عمر لك الشكر وانت تطرح مثل هذة القضايا
فى زمنآ جردت منة العفة والحياء الكلام عن الحقيقة
(فان لم تستحى فاصنع ماشيتآ)
انا عن راى الشخصى قناة زول قناة جميلة وليها مكانة
لكنها غير سودانية 100 المئة لانها كلها حبش وكلبات
مامعروفة من وين فراى الشخصى انو يقللو من الحبش
وبعض الاشياء التى تمس من عاداتنا وتقاليدنا السمحة
البنات بقولوا عنها كويس عشان داير يجارو الشعوب المتحررة
فى اللبس الشاذ والانفتاح العام والتحرر من العادت والتقاليد لانهم يشوفوها تخلف
وهى فى الحقيقة ماخوذه من النهج الاسلامى والدين مثل لبس الحجاب وعدم التبرج
والاختلاط بالرجال والجلوس فى الاماكن العامة مثل الحفلات والاندية وهذ كلهوووووووووو
سياسات غربية حتى يضللونا عن الدين الاسلامى كما حصل فى بعض الدوا العربية المسلمة

**modi_07** · #9 12-10-2008, 09:44

ابو عمر مشكور لطرحك مثل هذا الموضوع

انا شايف انو كل الحكاية محاولة للانجراف وراء تيار الفضائيات سواء العربية منها او العالمية عشان الناس ما تعتبرهم متخلفين شوية وعلى قولتنا بالعامية الناس عايزا كده ، وبالمناسبة بالنسبة للموضوع لازم تخت في اعتبارك الفروق بين الأجيال ده بحدد ليك نوع الرد الممكن كل عضو يرد بيهو على الموضوع
وأخيرا بالنسبة لي القناة دي مية مية معاي

**أبو عمر** · #10 12-10-2008, 10:07

اقتباس:

المشاركة الأصلية كتبت بواسطة هنو

والله هي قناة سودانية وبجد مواضيعة مميزة وفي فريق تمام وكلهم مزيعين لامعين نتمني ليهم التوفيق

لك التحية هنو على رأيك الخاص بك ..
ولو دايرة الصراحة لا سودانية ولا متميزة ولا حاجة زيها وزي كل القنوات التي لا رقيب عليها ولا حسيب ولا خجل ولا حياء فيها ..
ولو انتي بتتمني التوفيق لهم .. يعني بتتمني لهم مزيداً من التعري والانحلال الخلقي والتخلف والردائة والرجوع للوراء .. والبعد عن الدين رويداً رويدا .
الله يهديك وينور بصيرتك ويثبت قلوبنا جميعاً على الدين .

**أبو عمر** · #11 12-10-2008, 10:17

اقتباس:

المشاركة الأصلية كتبت بواسطة modi_07

ابو عمر مشكور لطرحك مثل هذا الموضوع

انا شايف انو كل الحكاية محاولة للانجراف وراء تيار الفضائيات سواء العربية منها او العالمية عشان الناس ما تعتبرهم متخلفين شوية وعلى قولتنا بالعامية الناس عايزا كده ، وبالمناسبة بالنسبة للموضوع لازم تخت في اعتبارك الفروق بين الأجيال ده بحدد ليك نوع الرد الممكن كل عضو يرد بيهو على الموضوع
وأخيرا بالنسبة لي القناة دي مية مية معاي

جزاك الله خيراً على مشاركتك ..
وطالما انك علمتي انها محاولة للإنجراف وراء تيار الفضائيات الهاملة كيف تكون معاك مية بالمية ..
وعاوز أسألك سؤال .. لو الناس حافظت على عاداتها وتقاليدها السمحة وحافظت على منهج الاسلام في السترة والعفاف والبعد عن الرذيلة والانحلال الخلقي هل هذا يسمى تخلف في رأيك ؟ ... يا استاذة التخلف هو الذي نراه بأعيننا في اتباع الموضات الجديد المخالفة للدين وفي اتباع الغرب الذي يدعو الناس إلى دخول جهنم ..
الدين الاسلامي ومنهجه القويم ..منهج رباني وضعه الله سبحانه وتعالى لعباده ولا يمكن يكون فيه تخلف لأن الله سبحانه وتعالى يريد ذلك.
وشكراً على مروركم .

**أبو عمر** · #12 12-10-2008, 10:31

اقتباس:

المشاركة الأصلية كتبت بواسطة حلفاويه عسل

بالعكس مافيها اي اساءه
بس كانو يخففو من الحبش شويا
والباقي كلو تمام التمام

الله يهديك يا الحلفاوية ..
شكلك ما تربيتي في السودان ولا عارفة سماحة السودانيين في عاداتهم وتقاليدهم ولا عندك فكرة حرارة قلوب السودانيين .. ولا عارفة كيف الفتاة السودانية بتظهر بجمالها الحقيقي وهي محجبة مزينة بالحياء والخجل والعفاف ..
انت لا تعرفين جمال المرأة السودانيين الأصيلة بنت البلد .
ليك الحق تقولي ما فيها حاجة إذا كان توقيعك ذاتو ما فيه حياء ولا خجل .
على كل حال جزاك الله خير على مرورك.
وانتمنى من الله أن يهدينا جميعاً لما يحبه ويرضى.

**أبو عمر** · #13 12-10-2008, 10:36

الأخوة المحترمين /
أم العشرة والسوداني الأصيل و ميشو القطرية ..
لكم مني عظيم التحايا والتقدير .. وأقولكم إنني أفتخر بكم كسودانيين أبناء بلد .. وأبناء البلد دائماً دمائهم حارة و أصيلة وحامية .. أتمنى من الله أن يكثر من أمثالكم .
وفقكم الله في الدارين وثبت قلوبكم على دينه وجعلكم درعاً منيعاً للسودان ..
وتفضلوا بقبول فائق تحياتي وتقديري ،،
أخوكم / أبوعمر

**الشامخ** · #14 12-10-2008, 15:39

لك التحية يابو عمر ونحن معاك فى الرائ فعلا قناة زول متحرره شوي وخاصه المغنية الاثوبية المتبرجه العارية والله فضحتنا وكل الناس فاكرنها سودانية. وبقول للاخت حلفاوية الله يهديك قناة السودان عيانه ؟!!!!!!!! الله يسامحك ماشفتي الحشمة كيف والادب والتمسك فى العادات والتقاليد ومن هنا بشيد بالمزيعة الرائعة ايناس محمد احمد والله اكثر شي يعجبني فيها حشمتها..... الله يحفظك ياايناس والي الامام .

**قمر ام درمان** · #15 12-10-2008, 17:12

كل من مدح هذه القناة لايستحق ان يتكلم عن التقاليد والاعراف
وحتى الادب .. وكل سوداني اصيل ود رجال أو واحدة بنت
رجال تربت على الاخلاق السودانية السمحة وفي بيئة اسلامية
محافظة لايمكن ان ترضى بهذه القناة كمثل للسودانيين المحترمين
ولكل من مدحها انا اعتبره مراهق .. مراهق ..
وكل زول حر في اختيار مايراه مناسب لذوقه وميوله ..
والله يكفينا شر الجاي مع الانفتاح ومع السماء التي تعج بالفضائيات

**حلفاويه عسل** · #16 13-10-2008, 02:08

المشكله انو في ناس مابتقول الحقيقه بتحب تتفلسف
انا متاكده انهم غير ققناه زول ماشوفو شي

**nizar** · #17 13-10-2008, 08:12

اقتباس:

المشاركة الأصلية كتبت بواسطة حلفاويه عسل

اكيد عاجباني
واستفتا منهم كثيييييييييييييير
انا مابعرف عن السودان حاجات كثيره زول بتوري التراث

بعدين ناسهم نضاااااااااااااف
وقناه حامله اسمنا

سم الزول السوداني
يعني كل الناسس لمن تشوف القناه دي حتقول ديل هم السودانننيييين
السمحين حتتغير نضرتم علي السوداني
مش قناه السودان القوميه العيانه
وهارموني برضو سمحه لكن زول غطت عليهم
ام العشر شكرا ليك

يا حلفاوية ده كلام شنو الناس الفي السودان وسخانين ؟

نحنا نضافنا يا حلفاوية مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشرة ولكن للخصيم طاعون.

ولوا اختلاف الاراء لبارت القنوات .. وكل زول حر فى زوقو !!! بس هنالك ثوابت الناس من المفترض عدم تجاوزها ..وهنالك تجاوزات كثيرة فى قناة زول لا تمثل الزول او الزولة .

**ملكه الاحساس** · #18 14-10-2008, 18:33

قناه زول انا بعتبرها مثلتلسودان في احسن صووووووره

بغضالنظر عن الحاجات التانثيه

ود راي جميييييييييييييييع السودانين واولهم ابو عمر

**ابن الخطاب** · #19 15-10-2008, 09:48

إسمحوا لي بالمداخلة في الموضوع الحساس دة

الجماعة القالوا إنها قناة كويسة ما عارف هم حكموا عليها من ياتو ناحية
نحن بنتكلم عن قناة إسمها يعبر عن الشخصية السودانية والتراث السوداني
يعني الناس الماسودانيين لمن يفتحوها حيقولوا دي قناة سودانية 100 ال100
وحيفتكروا إنو البيحصل فيها من كلام فارغ دة هو عاداتنا وتقاليدنا
أنا ما بتكلم عن وجهة نظر دينية حرام وما حرام (دي حاجة بينهم وبين ربهم)
ولا بقول إنو نحن أحسن من الحبش ولا هم ما بينفعوا معانا
لكن لو إنت عايز تنزل أغانيهم سمي القناة أي إسم تاني وما تسميها بي إسم الهوية السودانية

وأما المذيعين فمافي داعي أتكلم عنهم ,, خلوها مستورة يا ناس تسابيح

ملحوظة:
لم أشاهد حتى الأن سوداني متابع لهذه القناة
لكن كلما أدخل صالون حلاقة حبشي بلقاهم فاتحينها

**اكون** · #20 15-10-2008, 10:19

انا بعتبر قناة زووووووووووول قناة ثقافية
مامشكلة انا المذيعة تكون فكه شعرها
تقبلي مروووووووووووووووري