لو فوجئت بأن زوجتك لا تحبك

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

لو فوجئت بأن زوجتك لا تحبك

مشاركة بواسطة مهند عبد الرحمن »

لو فوجئت يوم انو زوجتك قالت ليك انا ما بحبك واهلي زوجوني ليك غصبا عني ماذا يكون رد الفعل بالنسبة ليك 0 هل تحاول بذل المزيد من الجهد حتى تقنع زوجتك بأنها لازم تحبك ؟ هل تتودد لها ضاربا بكلامها عرض الحائط وتقل لها ان الايام كفيلة بعلاج الموقف ؟ ام تضع حدا فاصلا للعلاقة ؟
منير
مشاركات: 180
اشترك في: الأحد 2007.1.28 2:06 pm
مكان: السعودية - الرياض

رد: لو فوجئت بأن زوجتك لا تحبك

مشاركة بواسطة منير »

طبعاً ممكن يحصل ده لكن أنا ما مقتع في الزمن ده أن في اهل بقدروا يغصبوا بتهم على عريس ده كان زمان وانتهى خلاص ......... والبنوت بقن ارجل من الرجال!!!!!!
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: لو فوجئت بأن زوجتك لا تحبك

مشاركة بواسطة احمد يس »

والله يا مهند لو حصل ده فى الف طريقة وطريقة تحل بيها المشكلة دى .......
لكن المشكلة الاكبر لو فوجئت بيها بتقولك انا بحبك..........ههههههه( مداعبة )
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: لو فوجئت بأن زوجتك لا تحبك

مشاركة بواسطة مهند عبد الرحمن »

ههههههههههه تسلم اخي احمد وشكرا علي المداعبة
والشكر كذلك للاخ منير علي المرور
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: لو فوجئت بأن زوجتك لا تحبك

مشاركة بواسطة سودانية نار »

اخي العزيز مهند هاقول ليك ماذا افضل ان تكون رد فعل هذا الزوج لو كنت انا تلك الزوجة يعني من وجهة نظرنا نحن بنات حواء مع اني اتفق مع الاخ منير بانه الزمن دا صعب تغصب واحدة علي ان تتزوج لكن لازالت هناك بعض المناطق وبعض القبائل في السودان تسلك هذا السلوك .
كنت سافضل ان يسالني زوجي طيب وماذا تريدنيي ان افعل الان وان يتقبل رائ بهدؤ وان ينقاشني بحنية ،افالفتاة التي تضع نفسها في مثل هذا الظرف تكون ياسة جدا لانها من جهة لاتقبل ان تعيش مع رجل غريب عنها شكلا ومضمونا ومن جهة اخري تخاف من اسرتها جدا وتفضل ان تواجه هذا الغريب علي ان تواجهم
وان اضمن لك بنسبة 80 % بانني ساندهش من هذه ا الشهامةو سيبداء الاعجاب ياخذ طريقه الي قلبي وبالتالي ساقبل ان استمر معه ( 20% البقيةردة الفعل ستكون خاضعة لظروف مختلفة مثل ان اكون بحب راجل تاني وغيره )
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: لو فوجئت بأن زوجتك لا تحبك

مشاركة بواسطة ودالدرديري »

مهند

لكن لقيتك بتاع تشريك

طبعا ياجماعة مفروض نعترف بانو الحاجة دي موجودة وحتى لو كانت نادرة لكن برضو موجودة وشخصيا في موقف زي دا اول حاجة ارمي عليها يمين الطلاق فورا واخليها موجودة في البيت معاي الى كمال عدتها الشرعية ثم اسألها عن حبيبها الاساسي واجيبو واجيب معاهو المأذون عندي في البيت ويعقد ليهم واشيل حاجاتها ومحتاجاتها كلها اسلمها للأخ روميو واقول ليهم الله معاكم

اها... دي كيف معاك؟؟
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: لو فوجئت بأن زوجتك لا تحبك

مشاركة بواسطة احمد يس »

يا الدرديرى
شنو يا زول البوست ده للازواج الحاصلين على شهادة اكمال الفترة المحددة قانونا........... سنة

الاخت سودانية نار...............تصورها عقلانى شديد وهو نابع اما عن خبرة او اطلاع ادبى شديد ....
لكن ما عارف جابت النسب دى من وين.................
الرجل الشرقى عموما كما ظهر فى ردة فعل الدرديرى غالبة............العقل بيروح بعيد جدا.......
وفى حقيقة الامر البنت بتكون لا بتحبه ولا بتكرهو .........لكين مستوحشة للحياة الجديدة تماما عليها خاصة صغار السن من النساء...................
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: لو فوجئت بأن زوجتك لا تحبك

مشاركة بواسطة صلاح يحيى سليمان »


ليس هنالك اجمل وابهى من الحب بعد الزواج .
ليه يا ود الدرديرى ما تجتهد معاها وتبدوا فى علاقة
حب وتفاهم...!

تشكرى اخت سودانية نار على ردك....يدل على وعى
وذكاء....نتمنى ان نجده فى شبابنا اليوم.

مع تحياتى
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: لو فوجئت بأن زوجتك لا تحبك

مشاركة بواسطة ودالدرديري »

المشرف العام كتب:
ليس هنالك اجمل وابهى من الحب بعد الزواج .
ليه يا ود الدرديرى ما تجتهد معاها وتبدوا فى علاقة
حب وتفاهم...!

تشكرى اخت سودانية نار على ردك....يدل على وعى
وذكاء....نتمنى ان نجده فى شبابنا اليوم.

مع تحياتى


مشرفنا العزيز
اكيد الحب بعد الزواج اجمل وابهى أو كما قلت
لكن الحب الذي يتوج بالزواج يمتد الى ابعد ممانتصور واسأل مجرب
لكن الزواج الزي دا وحسب موضوع البوست تم عن غير حب وهي لن تتجرأ على مصارحته بعدم حبها له اطلاقا الا في حالة ان تكون على علاقة حب قوية بشخص آخر وهي غير ملامة في هذا وان فرضنا ان الاهل او الظروف هي التي اجبرتها على الزواج من هذا الشخص فلن يجدي الزوج التفاهم ومحاولة بناء علاقة حب جديدة معها لأن القلب مشغول بغيره لذلك اعتقد ان اقتراحي هو عين العقل والرجولة وقد حدثت مثل هذه القصة بالسودان منذ سنين عديدة وكانت معروفة لدرجة نشرها في احدى الصحف اليومية (تقريبا الدار والله اعلم) وابطالها متزوجون وموجودين الى الآن بامدرمان وتحديدا امبدة الجميعاب اما الذي قام بتطبيق هذا التصرف وهو الزوج الاول فقد كان من مغتربي سلطنة عمان وقد طلقها يوم الدخلة بالفندق ولم يمسها وزوجها لحبيبها وتزوج هو اختها بعد سنة من تلك الحادثة.
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: لو فوجئت بأن زوجتك لا تحبك

مشاركة بواسطة سودانية نار »

الاخ العزيز احمد يس اكييد راي ما من خبرة لانني لم اتزوج بعد ( في مرحلة التدقيق في العريس وليس التفتيش عن عريس عشان مايظن البعض ان هذه دعوة للعرسان خاصة عن طريق النت فهذا مرفوض تماما بتاتا نهائيا )

وليس عن طريق الاطلاع بل من صميم الواقع النساء عالم غريب لكنه ليس بهذا التعقيد مفتاحه الحنان والعطف عاوز تكسب مرتك اكسر عنادها او راسها زي ما بتقولوا بالحنية فالرجل بلنسبة للمرأة الا
الامان فقط اديها احساس بالامان حتي لو ما كانت بتحبك وهاتشوف براك ياما وياما سمعنا حكاوي من مهاتنا وخالاتنا وعماتنا وياما وياما شفنا صحباتنا وزميلاتنا والحكاوي عندنا نحن النساء بتختلف طريقة سردها عنكم انتم الرجال والما بيتعلم من حكاوي غيره بيتعلم من حكاوي نفسه لكن بعد الفاس ما تقع في الراس .

االعريس العزيز ود الدرديري طريقتك في حل الموضوع فريدة غايتو ما سمعتها في الحكاوي اعلاه
هل ياتري في راجل شرقي يعمل كده ا الاحتمال وارد اي شئ في الدنيا ممكن
مشرفنا العزيز مشكور والله شهادتك تاج علي الراس

الاخ العزيز مهند موضوعك رائع والدليل انو سخن المنتدي مبروك
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: لو فوجئت بأن زوجتك لا تحبك

مشاركة بواسطة ودالدرديري »

اختي العزيزة نار
اتمنى ليك اتخاز القرار بعد التدقيق ( بس ماتدققي شديد)
اما الحكاية الفوق دي مامن تأليفي دي قصة حقيقية حدثت حسب ماشرحتها فوق وعجبني جدا تصرف الزول دا لدرجة اني سعيت عشان اقابلو واتعرف بيهو عشان اعرف الزول دا شنو وبفكر كيف لأني كنت مستغرب زييك من تصرفو ولو حصلت لي انا كنت حأتصرف كدا برضو اقلو اشوف اتنين بحبو بعض يتزوجو بعض وأكون انا السبب في زواجهم لانو الشواكيش ماخلت للاحباب حاجة.

ولا كيف؟؟
محمد الحافظ كمال
مشاركات: 1
اشترك في: الأحد 2007.2.25 2:16 pm

رد: لو فوجئت بأن زوجتك لا تحبك

مشاركة بواسطة محمد الحافظ كمال »

كنت معاك سعيد..أعتقد إنو حتكون بين المطرقة والسندان. وزي مابقولوا الجاية من السما تحمله الواطة
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: لو فوجئت بأن زوجتك لا تحبك

مشاركة بواسطة احمد يس »

سودانية نار كتب:الاخ العزيز احمد يس اكييد راي ما من خبرة لانني لم اتزوج بعد ( في مرحلة التدقيق في العريس وليس التفتيش عن عريس عشان مايظن البعض ان هذه دعوة للعرسان خاصة عن طريق النت فهذا مرفوض تماما بتاتا نهائيا )

وليس عن طريق الاطلاع بل من صميم الواقع النساء عالم غريب لكنه ليس بهذا التعقيد مفتاحه الحنان والعطف عاوز تكسب مرتك اكسر عنادها او راسها زي ما بتقولوا بالحنية فالرجل بلنسبة للمرأة الا
الامان فقط اديها احساس بالامان حتي لو ما كانت بتحبك وهاتشوف براك ياما وياما سمعنا حكاوي من مهاتنا وخالاتنا وعماتنا وياما وياما شفنا صحباتنا وزميلاتنا والحكاوي عندنا نحن النساء بتختلف طريقة سردها عنكم انتم الرجال والما بيتعلم من حكاوي غيره بيتعلم من حكاوي نفسه لكن بعد الفاس ما تقع في الراس .
الاخت سودانية نار
احترم رأيك جدا فى موضوع الزواج عن طريق النت.............. ومبروك مقدما اذا كنتى فى مرحلة التدقيق..........وهى من اهم مراحل الاختيار..............ارجوا التوفيق انشالله...
مع خبرة السنين ممكن اقول لكل المتزوجين حديثا ان المفصل المهم فى الحياة الزوجية هى السنة الاولى .. حيث يجد كل طرف من الاطراف نفسه فى حياة مختلفة تماما عن حياته السابقة...... فأذا استطاعا ان يمروا من هذه المرحلة بسلام .........بعد ده مافى مشكلة.....
كسب المرأة له طرق كثيرة.....ومتعددة لا مجال للحديث عنها هنا ولكن كسر الرأس يجب ان نلغيه من قاموسنا نحنا الرجال ........ فا امساك بمعروف او تسريح بأحسان.............
أضف رد جديد

العودة إلى ”حوارات جادة“