رساله لى امدرمان

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
ابو مصطفى
مشاركات: 28
اشترك في: الخميس 2008.9.18 9:08 pm
مكان: الخرطوم

رساله لى امدرمان

مشاركة بواسطة ابو مصطفى »

بسم الله الرحمن الرحيم
رساله لى امدرمان
كلمات\ ودالنفع

امدرمان العريقه الخونــه جهـــلو مقامـــك
وسقطوا فى التاريخ ما عرفــوا ماضى ايامـك
والله رب الكـــــــون الشــــق النهر قدامــــــك
ماذى دبى وخليل الرجال البمسكو زمامــــــك
يا لابسه توب النيل سبحانه لى رسامـــــــــــك
ياجابره فينى الحيل واصلنى ديمه سلامــــــك
تاريخ جدودى قبيل حافظاهو فى اعلامـــــــك
ماانت جبل الشيل تاج النصر هندامـــــــــــــك
ورب العز والجبروت نهين البمس اهرامــــك
فداك نحن نموت للحاره نبقـــــــى سهامـــــك
ويم داك نخت البوت فى وش العميل اللامـــك
نضيفو لى غردون بالعزه نبـــــــــى احلامــــك
دا عميل ماجور اتناسى قيمـــــــــة اسلامـــــك
مدعوم من الطابور اللتربى من اكرامـــــــــــك
فاكر بيلقى عبور شان يبقى من حكامـــــــــــك
والزى خليل يابدور اضعف من يكون خدامـــك
غير البشير يا امدر منو البيبقى همامـــــــــــك
فارس البحار والبر اشجيهو بى انغامـــــــــــك
بى اشاره منو تكون كل الجيوش قدامـــــــــــك
ان جاكى جيش الروم بنختو تحت اقدامـــــــــك
صورة العضو الرمزية
مريخابي
مشاركات: 38
اشترك في: الثلاثاء 2008.11.25 2:18 pm
مكان: المملكة العربيه السعوديه

رد: رساله لى امدرمان

مشاركة بواسطة مريخابي »

كلامك صاح يابو مصطفى
تسلم
أضف رد جديد

العودة إلى ”همس القصيد“